Volda folkebibliotek

30/05/2026

Torsdag fekk vi oppleve konsert med Volda kulturskule på Smia 🤩 Tusen takk til både elevar og lærarar for ei flott stund med breidde i både instrument og sjangrar!

19/05/2026

I dag fekk 4. - 7. trinn på Hornindal skule besøk av Øystein Runde som hadde teikneshow og formidling av bøkene Stamceller og Antibiotika. Tusen takk til Øystein for kjempekjekk økt, og takk til Litteraturhus i Møre og Romsdal som legg til rette for slike forfattarbesøk 🤩

16/05/2026

No er det ikkje lenge til Sommarles byrjar! www.sommerles.no opnar for registrering måndag 1. juni!

Alle born som går i 1. - 7. klasse kan vere med på Sommarles i sommar☀️ Dette inkluderer dei som skal byrje i 1. klasse i august, og dei som fullfører 7. klasse til sommarferien.

Sommarles er ein nasjonal lesekampanje som gjer lesing ekstra kjekt i sommarferien. På sommarles.no kan barna lage ein profil saman med ein vaksen og registrere lesing gjennom sommaren. Dersom ein har vore med tidlegare skal ein logge inn med den same brukaren som ein nytta i fjor.

Nytt av året er at borna samlar poeng etter kor mykje tid dei brukar på lesing! Når dei går opp i nivå, kan dei hente premiar på biblioteket 🏆

Borna får poeng når dei:
📖 les sjølv
👨‍👩‍👧 les saman med andre
🎧 lyttar til lydbok eller høgtlesing

12/05/2026

Skriv nynorsk på 12. mai!

07/05/2026

Ang. fjernlån og bestillingar via bibsok.no: No skal det vere opna opp att for lånariniterte bestillingar på bibsok.no. Vi har også opna opp att for fjernlån. Den nye transportøren har starta opp att med faste leveransar, men det kan framleis vere etterslep og ta litt tid før vi er ajour med alle bestillingar. Ta kontakt med oss dersom du lurer på noko knytt til fjernlånsbestillingar.

07/05/2026

Bruk nynorsk i nynorskveka 6. - 12. mai! På biblioteket har vi laga ei utstilling med nynorske bøker

29/04/2026

Stengte dagar som følgje av høgtider i mai på Volda folkebibliotek:

Torsdag 14. mai (kristi himmelfartsdag)
Laurdag 23. mai (pinseaftan)
Måndag 25. mai (2. pinsedag)

27/04/2026

Det har kome på plass ny leverandør for transport mellom biblioteka som hadde avtale med NBT. Når transporten er i gang, og flyten mellom biblioteka er oppe og gå igjen, vil vi også opne opp att for fjernlånsbestillingar

Transportselskapet Nor-log har kjøpt opp Norsk Bibliotektransport og planlegg å vera i gang med full drift alt frå onsdag 29. april. Dette kjem fram i ein intern e-post frå fylkesbiblioteksjef Tone Nyseter i Innlandet som blei send ut til fylkesbiblioteksjefane onsdag.

23/04/2026

Takk til Alf Kjetil Walgermo for levande og engasjerande forfattarmøte om Litteratur i Andeby i går! Takk til alle som kom, og til Litteraturhus i Møre og Romsdal som legg til rette for slike kjekke arrangement 🤩