26/08/2026
रसुवा, नुवाकोट तथा भोटेकोशी र त्रिशुली नदी तटीय क्षेत्रमा रहनुभएका सम्पूर्णमा , बाढी पूर्वानुमान महाशाखाका अनुसार चीनतर्फ नदी थुनिएको स्थानमा ताल अझै पूरा नखोलिएकाले यस क्षेत्रमा बाढीको उच्च जोखिम कायमै छ। त्यसैले अर्को आधिकारिक सूचना नआउञ्जेल कृपया नदी आसपासका क्षेत्रमा नजाऔं र सुरक्षित स्थानमा बसौं। यतिबेला बाढी प्रभावित क्षेत्रमा रहेका आफ्ना मान्छेहरूको अवस्थालाई लिएर घरपरिवारका सदस्यहरू निकै चिन्तित हुनुहुन्छ; त्यसैले यदि तपाईं प्रभावित क्षेत्रमा हुनुहुन्छ भने तुरुन्त आफ्नो परिवारलाई आफू सुरक्षित रहेको जानकारी गराउनुहोला र कसैले चिनेजानेका व्यक्तिलाई देख्नुभएको छ भने उहाँहरूका आफन्तलाई पनि स्थितिबारे खबर गरिदिनुहोला।
यस अप्ठ्यारो परिस्थितिमा फोन वा इन्टरनेट नभएकाहरूलाई सूचना पुर्याउन, बालबालिका, गर्भवती र ज्येष्ठ नागरिकलाई प्राथमिकताका साथ सहयोग गर्न, प्रभावितहरूलाई ओत र खानेकुरामा सहजीकरण गर्न तथा अनावश्यक अफवाह नफैलाई एक-अर्काको साथ दिऔं। आफू पनि बचौं, अरूलाई पनि बचाऔं!
