MSWDO - Cabiao

09/10/2026

DSWD UPLIFT PAYOUT . 2nd tranche 📣📣📣📣
Cabiao Webb Hall - 9:00 AM

08/10/2026

Happy Elderly Filipino Week 2026! 👵👴 💚💛

08/10/2026

Happy Elderly Filipino Week 2026! 👵👴 💚💛

“𝗡𝗮𝗸𝗮𝘁𝗮𝘁𝗮𝗻𝗱𝗮𝗻𝗴 𝗣𝗶𝗹𝗶𝗽𝗶𝗻𝗼: 𝗠𝗮𝘆 𝗛𝗮𝗹𝗮𝗴𝗮 𝗮𝘁 𝗞𝗮𝗿𝗮𝗽𝗮𝘁𝗮𝗻, 𝗠𝗮𝘆 𝗕𝗼𝘀𝗲𝘀 𝗮𝘁 𝗔𝗺𝗯𝗮𝗴 𝘀𝗮 𝗕𝗮𝘆𝗮𝗻.”

Sa pagdiriwang na ito, ating kilalanin, igalang at pahalagahan ang ating mga nakatatanda. Sila ay may mahalagang boses, karapatan, karanasan at patuloy na ambag sa pamilya at komunidad.

Mahalaga kayo. Naririnig namin kayo. Kasama namin kayo. ❤️

01/10/2026

30/09/2026

PABATID❗❗❗

BLOOD LETTING ACTIVITY🩸

Sa pakikipagtulungan ng Regional Voluntary Blood Service Program at ng Rural Healh Unit ng Lokal na Pamahalaan ng Cabiao, kami ay buong pusong nag-aanyaya sa inyo na makiisa sa ating blood letting activity!

📅 Kailan: OKTUBRE 5, 2026(LUNES)
🕗 Oras: 8:00 AM hanggang 3:00 PM
📍 Saan: Sen. Freddie Webb Hall, Municipal Compound.

Ang inyong donasyon ay maaaring magligtas ng buhay! Samasama tayong magbigay ng pag-asa at tumulong sa ating mga kababayan.

Mga Benepisyo ng Pagdodonate ng Dugo:

👉 Nagliligtas ng Buhay: Ang bawat donasyon ay maaaring makatulong sa mga pasyenteng nangangailangan ng dugo dahil sa operasyon, sakit at iba pa.

👉 Libreng Medical Screening: Bago magdonate, susuriin ang inyong Blood Pressure, pulso, temperatura, at hemoglobin. Ito ay isang libreng paraan upang malaman ang estado iyong kalusugan.

👉Nababawasan ang Panganib sa Sakit: Ang regular na pagdodonate ng dugo ay maaaring makatulong na mabawasan ang panganib ng sakit sa puso at atay dahil nakakatulong ito na kontrolin ang iron levels sa katawan.

👉 Pagkakataong Tumulong: Ang pagdodonate ng dugo ay isang simpleng paraan upang makapagbigay ng malaking tulong sa komunidad.

Ang makabuluhang aktibidad na ito ay bahagi ng adbokasiya ni Mayor Rav Kevin M. Rivera at Vice-Mayor Ramil B. Rivera para mas mapabuti ang kalagayang pangkalusugan ng Cabiao.

Ang mga dugo ng makakalap sa ating aktibidad ay idedeposito sa Dr.PJGMRMC(provincial hospital/PJG) sa Cabanutan kung saan ang mga kababayan natin na macoconfine sa naturang ospital ay ang mga magiging benipisyaryo ng mga dugo.

Maraming Salamat Po.

30/09/2026

29/09/2026

𝐒𝐄𝐏𝐓𝐄𝐌𝐁𝐄𝐑 𝟐𝟗, 𝟐𝟎𝟐𝟔

Sa pangunguna ng ating PUP Cabiao Campus, matagumpay na isinagawa ang “Seminar on Empowering Students for a Safer and Healthier Future” na may temang “Kalinga at Proteksyon”, na naglalayong bigyang-kaalaman, gabay, at proteksyon ang mga estudyante upang mas maging ligtas, malusog, at handa sa iba’t ibang hamon na maaari nilang harapin.

Bahagi ng seminar ang mga talakayan tungkol sa mental health, Violence Against Women and Children (VAWC), at legal na batayan at proseso sa pagresponde sa mga insidente ng karahasan at iba pang kaugnay na usapin.

Ang naging unang ay si Dr. Diosdado N. Falguisana, Guidance Counselor III ng
Juan R. Liwag Memorial High School. Tinalakay ni Dr. Falguisana ang kahalagahan ng pangangalaga sa mental health ng mga kabataan. Binigyang-diin ang pagkilala sa mga senyales ng stress, anxiety, emotional struggles, at iba pang hamon sa kalusugang pangkaisipan, gayundin ang kahalagahan ng pagkakaroon ng support system at paghingi ng tulong sa mga taong mapagkakatiwalaan at mga propesyonal kung kinakailangan.

Kasunod nito, ang ating VAWC Officer na si Ma’am Dyna M. Dayao ng MSWDO Cabiao ay nagbahagi naman ng mahahalagang kaalaman tungkol sa Violence Against Women and Children (VAWC), kabilang ang iba’t ibang uri ng pang-aabuso, mga karapatan ng mga biktima, at mga paraan kung paano makakakuha ng tulong at proteksyon. Layunin ng talakayang ito na mas maging mulat ang mga estudyante sa kanilang mga karapatan at sa kahalagahan ng agarang paghingi ng tulong sa oras ng pangangailangan.

At sa pang huli, Tinalakay naman ng ating ni Police Executive Master Sergeant Famela Pajarillaga ng PNP Cabiao ang mga legal na batayan at proseso na may kaugnayan sa mga insidente ng karahasan, pang-aabuso, at iba pang usaping maaaring harapin ng mga kabataan. Ipinaliwanag din ang kahalagahan ng pag-alam sa kanilang mga karapatan, tamang proseso ng pag-uulat, at mga nararapat na hakbang upang matiyak ang kanilang kaligtasan at proteksyon.

Sa pamamagitan ng seminar na ito, patuloy na isinusulong ang kahalagahan ng kaalaman, kamalayan, at pagkakaisa sa pagbuo ng isang ligtas at malusog na kapaligiran para sa bawat estudyante.
Sapagkat sa isang paaralang may kalinga at proteksyon, bawat kabataan ay mas nagiging handa, may kumpiyansa, at may kaalaman upang pangalagaan ang sarili at ang kapwa.

29/09/2026

𝐂𝐀𝐁𝐈𝐀𝐎, 𝐈𝐒𝐀 𝐒𝐀 𝐌𝐆𝐀 𝐋𝐆𝐔 𝐍𝐀 𝐌𝐀𝐘 𝐈𝐃𝐄𝐀𝐋 𝐅𝐔𝐍𝐂𝐓𝐈𝐎𝐍𝐀𝐋𝐈𝐓𝐘 𝐒𝐀 𝐅𝐘 2026 𝐋𝐂𝐏𝐂 𝐅𝐔𝐍𝐂𝐓𝐈𝐎𝐍𝐀𝐋𝐈𝐓𝐘 𝐀𝐒𝐒𝐄𝐒𝐒𝐌𝐄𝐍𝐓 💚💛

Isang malaking karangalan para sa ating lahat na kabyawenyo at sa Pamahalaang Lokal ng Cabiao na mapabilang sa mga local government units sa Region III na nagtamo ng Ideal Functionality sa isinagawang FY 2026 Local Council for the Protection of Children (LCPC) Functionality Assessment ng DILG.

Ang pagkilalang ito ay patunay ng patuloy na pagsisikap ng ating lokal na pamahalaan na tiyakin ang kapakanan, proteksyon, at maayos na kinabukasan ng bawat batang Kabyawenyo sa pamamagitan ng mas pinalakas na mga programa, polisiya, at serbisyong nakatuon sa kanilang karapatan at kapakanan.

Patuloy nating pagtitibayin ang mga hakbang tungo sa isang ligtas, maayos, at child-friendly na komunidad para sa lahat.

Sama-sama nating itaguyod ang karapatan at kinabukasan ng bawat batang Kabyawenyo. 💚💛

https://www.facebook.com/photo/?fbid=1445501067604658&set=pcb.1445502060937892

29/09/2026

💚💛 𝐋𝐎𝐂𝐀𝐋 𝐏𝐄𝐍𝐒𝐈𝐎𝐍 𝐏𝐀𝐘𝐎𝐔𝐓 | 𝐓𝐔𝐋𝐎𝐍𝐆 𝐏𝐀𝐑𝐀 𝐒𝐀 𝐀𝐓𝐈𝐍𝐆 𝐈𝐍𝐁𝐎𝐑𝐍 𝐏𝐖𝐃

Isinagawa ngayong araw ang Local Pension Payout para sa ating mga INBORN PWD beneficiaries, mga Kabyawenyo na may kapansanan mula pagkasilang.

Layunin ng programang ito na makapagbigay ng karagdagang tulong pinansyal para sa kanilang pang-araw-araw na pangangailangan, bilang bahagi ng patuloy na malasakit at suporta ng Lokal na Pamahalaan sa ating mga PWD. 💚💛

Tulong na may malasakit, serbisyong para sa bawat Kabyawenyo!

29/09/2026

𝐀𝐔𝐆𝐔𝐒𝐓 𝟏𝟑, 𝟐𝟎𝟐𝟔

Sa kabila ng maulang panahon, tuloy-tuloy pa rin ang paghahatid ng serbisyo ng ating Lokal na Pamahalaan para sa bawat Kabyawenyo. Hindi hadlang ang panahon upang maipatupad ang mga programang nakatuon sa kapakanan, kalusugan at kabuhayan ng ating mga mamamayan.

Ngayong araw, isinagawa ang Local Pension Payout para sa ating mga inborn PWD beneficiaries. Layunin nitong magbigay ng karagdagang tulong pinansyal sa mga Kabyawenyong may kapansanan mula pagkasilang, upang makatulong sa kanilang pang-araw-araw na pangangailangan.

Kasabay nito, isinagawa rin ang payout para sa mga benepisyaryo ng TUPAD o Tulong Panghanapbuhay sa Ating Disadvantaged/Displaced Workers. Sa pamamagitan nito, nabibigyan ng pansamantalang pagkakakitaan ang mga kwalipikadong benepisyaryo habang nakatutulong din sila sa mga gawaing pangkomunidad.

Nagpatuloy naman ang MRSIA – Vitamin A Supplementation sa ilalim ng Ligtas Tigdas 2026. Layunin ng programang ito na matulungan ang mga bata na magkaroon ng sapat na Vitamin A na mahalaga para sa kanilang paglaki, paningin at pangkalahatang kalusugan, kasabay ng mga hakbang para sa proteksyon laban sa tigdas.

Samantala, isinagawa rin ang ika-anim na araw ng Information and Education Campaign o IEC, kasabay ng Barangay Environmental Compliance Audit o BECA ng MENRO sa mga barangay ng Bagong Silang, Polilio at San Gregorio.
Sa pamamagitan ng IEC, patuloy na ipinapaalam sa ating mga kabarangay ang mga tamang gawain sa pangangalaga ng kapaligiran, partikular na ang wastong pamamahala ng basura at pagsunod sa mga batas pangkalikasan.

Samantala, ang BECA ay isinasagawa upang masuri ang pagpapatupad ng mga environmental programs ng bawat barangay at matukoy kung ano pa ang mga maaaring pagbutihin pagdating sa kalinisan, waste management at pangangalaga sa kapaligiran.

Iba-iba man ang serbisyong hatid, iisa ang layunin, ang patuloy na paglingkuran, suportahan at pangalagaan ang bawat Kabyawenyo.