DSWD MIMAROPA Region

05/08/2026

Join the dedicated and passionate public servants of DSWD MIMAROPA!

Please see images for reference. The Online Application Form may be accessed through the link below:

https://fo4b.dswd.gov.ph/career-opportunities/

Make sure you are logged in to your Gmail account to be able to access the link.

Deadline of submission of application is on or before 15 AUGUST 2026.

Kindly present the following documents needed for your application:
1. Application Letter addressed to:
Benchie B. Gonzales
Regional Director
DSWD Field Office MIMAROPA
1680 F.T. Benitez corner Malvar St. Malate, Manila
2. Accomplished and notarized Personal Data Sheet (PDS) with recent passport size picture and thumbmark; and Work Experience Sheet which can be downloaded at www.csc.gov.ph;
3. Comprehensive/Functional resume or Curriculum Vitae;
4. Copy of Certificate of Eligibility/Rating/License (if applicable);
5. Copy of Transcript of Records; and
6. Copy of certificate of relevant trainings /seminars attended.

05/08/2026

𝐃𝐒𝐖𝐃 𝐊𝐀𝐋𝐀𝐇𝐈-𝐂𝐈𝐃𝐒𝐒, 𝐏𝐢𝐧𝐚𝐥𝐚𝐥𝐚𝐤𝐚𝐬 𝐚𝐧𝐠 𝐐𝐮𝐚𝐥𝐢𝐭𝐲 𝐌𝐨𝐧𝐢𝐭𝐨𝐫𝐢𝐧𝐠 𝐧𝐠 𝐒𝐢𝐥𝐢𝐝-𝐀𝐫𝐚𝐥𝐚𝐧 𝐬𝐚 𝐒𝐚𝐧𝐭𝐚 𝐅𝐞, 𝐑𝐨𝐦𝐛𝐥𝐨𝐧

𝐓𝐈𝐍𝐆𝐍𝐀𝐍 | Bilang bahagi ng patuloy na pagtiyak sa dekalidad na pagpapatupad ng mga community infrastructure projects, nagsagawa ng joint inspection ang DSWD MIMAROPA katuwang ang Municipal Local Government Unit (MLGU) ng Santa Fe at mga kinatawan ng paaralan, para sa Construction of One (1) Unit Two-Classroom High School Building sa ilalim ng KALAHI-CIDSS Kapangyarihan at Kaunlaran sa Barangay–Community-Driven Development (KKB-CDD) sa Barangay Mat-I noong Hulyo 10, 2026.

Sa pangunguna ng Municipal Engineer, sinuri ng inspection team ang kalidad at progreso ng konstruksyon, na kasalukuyang may 54% physical accomplishment, upang matiyak ang pagsunod sa mga teknikal na pamantayan at iskedyul ng implementasyon.

Sa pamamagitan ng Community-Driven Development (CDD) Approach, patuloy na pinagtitibay ng DSWD KALAHI-CIDSS ang pakikipagtulungan sa mga lokal na pamahalaan, mga community volunteers, at iba pang katuwang upang matiyak ang maayos, napapanahon, at dekalidad na pagpapatupad ng mga proyektong tumutugon sa pangangailangan ng komunidad.

❤️

05/08/2026

𝐏𝐮𝐠𝐚𝐲 𝐓𝐚𝐠𝐮𝐦𝐩𝐚𝐲, 𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐁𝐚𝐠𝐨𝐧𝐠 𝐘𝐮𝐠𝐭𝐨 𝐧𝐠 𝐁𝐮𝐡𝐚𝐲 𝐩𝐚𝐫𝐚 𝐬𝐚 𝐦𝐠𝐚 𝟒𝐏𝐬 𝐆𝐫𝐚𝐝𝐮𝐚𝐭𝐞𝐬 𝐬𝐚 𝐏𝐚𝐥𝐚𝐰𝐚𝐧 𝐚𝐭 𝐌𝐚𝐫𝐢𝐧𝐝𝐮𝐪𝐮𝐞

Isang makabuluhang pagdiriwang ng tagumpay, pag-asa, at panibagong simula ang naging Pugay Tagumpay Graduation Ceremonies na isinagawa sa Sofronio Española, Palawan at Santa Cruz, Marinduque, bilang pagkilala sa mga pamilyang matagumpay na nagtapos sa Pantawid Pamilyang Pilipino Program (4Ps).

Sa Sofronio Española, kinilala ang graduate households na kabilang sa mga pamilyang nakamit ang Level 3 o Self-Sufficient Household status at mga Natural Attrition Households. Samantala, sa Santa Cruz, Marinduque, pinarangalan din ang mga pamilyang matagumpay na nalampasan ang iba't ibang hamon at ngayon ay handa nang tahakin ang panibagong yugto ng kanilang buhay.

Dumalo sa mga seremonya ang mga opisyal ng lokal na pamahalaan, partner agencies, development partners, at iba pang stakeholders na nagpahayag ng kanilang suporta at pagbati sa mga graduates. Sa kanilang mga mensahe, binigyang-diin na ang pagtatapos sa 4Ps ay hindi katapusan ng pagtanggap ng tulong, kundi simula ng mas malawak na pagkakataon upang maitaguyod ang sariling pamilya at maging inspirasyon sa iba.

Higit pa sa isang seremonya, ang Pugay Tagumpay ay sumasalamin sa layunin ng 4Ps na makapaghatid ng pangmatagalang pagbabago sa buhay ng mga pamilyang Pilipino. Patunay ito na sa pagtutulungan ng pamahalaan, mga lokal na katuwang, at ng mga benepisyaryo mismo, ang pangarap na maging mas matatag, may dignidad, at may pag-asang kinabukasan ay tunay na maisasakatuparan.

❤️

05/08/2026

𝐃𝐒𝐖𝐃 𝐌𝐈𝐌𝐀𝐑𝐎𝐏𝐀, 𝐋𝐢𝐯𝐞𝐥𝐢𝐡𝐨𝐨𝐝 𝐀𝐬𝐬𝐢𝐬𝐭𝐚𝐧𝐜𝐞, 𝐍𝐚𝐠𝐛𝐮𝐧𝐠𝐚 𝐧𝐠 𝐒𝐮𝐬𝐭𝐚𝐢𝐧𝐚𝐛𝐥𝐞 𝐂𝐨𝐦𝐦𝐮𝐧𝐢𝐭𝐲 𝐄𝐧𝐭𝐞𝐫𝐩𝐫𝐢𝐬𝐞 𝐬𝐚 𝐑𝐨𝐦𝐛𝐥𝐨𝐧

𝐓𝐈𝐍𝐆𝐍𝐀𝐍 | Pormal nang inilunsad ng Uswag Panique Sustainable Livelihood Program Association (SLPA) ang kanilang Portable Gas Station noong Hunyo 30, 2026 sa Barangay Panique, Odiongan, Romblon matapos makatanggap ng ₱600,000.00 na livelihood assistance mula sa Department of Social Welfare and Development (DSWD) Field Office MIMAROPA sa ilalim ng Sustainable Livelihood Program (SLP).

Ang pagbubukas ng enterprise ay patunay na ang livelihood assistance ng DSWD ay nagiging kongkretong oportunidad para sa pangmatagalang kabuhayan. Bukod sa inaasahang mapalago ang kita ng asosasyon, makatutulong din ang proyekto sa pagbibigay ng mas madaling access sa fuel products para sa mga residente ng komunidad.

Patuloy na isinusulong ng DSWD MIMAROPA ang mga programang nagbibigay ng oportunidad sa mga komunidad na maging mas self-reliant, produktibo, at may kakayahang pamahalaan ang sarili nilang mga pangkabuhayang proyekto.

❤️

🌱

05/08/2026

𝐖𝐄𝐀𝐓𝐇𝐄𝐑 𝐀𝐃𝐕𝐈𝐒𝐎𝐑𝐘 | 𝐓𝐫𝐨𝐩𝐢𝐜𝐚𝐥 𝐂𝐲𝐜𝐥𝐨𝐧𝐞 𝐌𝐚𝐲𝐦𝐚𝐲 𝐚𝐧𝐝 𝐒𝐨𝐮𝐭𝐡𝐰𝐞𝐬𝐭 𝐌𝐨𝐧𝐬𝐨𝐨𝐧

Naging ganap na bagyo na ang binabantayang Low Pressure Area na pinangalanang Tropical Cyclone Maymay na patuloy na magdadala ng malalakas na ulan sa Occidental Mindoro. Pinaiigting din nito ang Habagat (Southwest Monsoon) base sa Weather Advisory No. 14 ng DOST-PAGASA na inilabas ngayong ika-5 ng Agusto 2026, alas-5:00 ng umaga.

𝐇𝐞𝐚𝐯𝐲 𝐑𝐚𝐢𝐧𝐟𝐚𝐥𝐥 𝐎𝐮𝐭𝐥𝐨𝐨𝐤
𝐍𝐠𝐚𝐲𝐨𝐧𝐠 𝐚𝐫𝐚𝐰 (𝟓 𝐀𝐠𝐮𝐬𝐭𝐨 𝟐𝟎𝟐𝟔)
𝐌𝐨𝐝𝐞𝐫𝐚𝐭𝐞 𝐭𝐨 𝐇𝐞𝐚𝐯𝐲 (𝟓𝟎–𝟏𝟎𝟎 𝐦𝐦)
• Occidental Mindoro

𝐁𝐮𝐤𝐚𝐬 (𝟔 𝐀𝐠𝐮𝐬𝐭𝐨 𝟐𝟎𝟐𝟔)
Heavy to Intense (100-200 mm):
Occidental Mindoro

𝐁𝐢𝐲𝐞𝐫𝐧𝐞𝐬 (𝟕 𝐀𝐠𝐮𝐬𝐭𝐨 𝟐𝟎𝟐𝟔)
𝐌𝐨𝐝𝐞𝐫𝐚𝐭𝐞 𝐭𝐨 𝐇𝐞𝐚𝐯𝐲 (𝟓𝟎–𝟏𝟎𝟎 𝐦𝐦)
• Occidental Mindoro

Ayon sa DOST-PAGASA, maaaring mas mataas ang dami ng ulan sa mga bulubundukin at matataas na lugar. Posible ring lumala ang epekto ng pag-ulan sa ilang lugar dahil sa naunang mga pag-ulan.
Pinapayuhan ang publiko na manatiling alerto at patuloy na subaybayan ang mga opisyal na abiso mula sa PAGASA at sa mga lokal na pamahalaan. Hinihikayat ang lahat na magsagawa ng mga kinakailangang pag-iingat upang mapanatiling ligtas ang buhay at ari-arian.

Patuloy na nakikipag-ugnayan ang DSWD Field Office MIMAROPA sa mga lokal na pamahalaan at iba pang katuwang na ahensya upang matiyak ang kahandaan sa pagtugon sa anumang maaaring idulot ng sama ng panahon.

Kaugnay na Post: https://www.facebook.com/share/p/1FP3K2QeCP/

❤️

05/08/2026

DSWD PRESS RELEASE: Over 978k low-income SSS members receive UPLIFT assistance from DSWD

More than 978,000 low-income members of the Social Security System (SSS) has already received the Php2,000 Unified Package for Livelihoods, Industry, Food, and Transport (UPLIFT) Assistance to help the sector amid the energy emergency, the Department of Social Welfare and Development (DSWD) reported on Monday (August 3).

Asst. Secretary Irene Dumlao, the DSWD spokesperson, said in an interview with PTV4's Bagong Pilipinas Ngayon that the 978,000 households belong to Group 3 UPLIFT Assistance beneficiaries. (KI)

See comments section for full story.

❤️

DSWD PRESS RELEASE: Over 978k low-income SSS members receive UPLIFT assistance from DSWD

More than 978,000 low-income members of the Social Security System (SSS) has already received the Php2,000 Unified Package for Livelihoods, Industry, Food, and Transport (UPLIFT) Assistance to help the sector amid the energy emergency, the Department of Social Welfare and Development (DSWD) reported on Monday (August 3).

Asst. Secretary Irene Dumlao, the DSWD spokesperson, said in an interview with PTV4's Bagong Pilipinas Ngayon that the 978,000 households belong to Group 3 UPLIFT Assistance beneficiaries. (KI)

See comments section for full story.

❤️

04/08/2026

𝐃𝐒𝐖𝐃 𝐌𝐈𝐌𝐀𝐑𝐎𝐏𝐀, 𝐍𝐚𝐠𝐬𝐚𝐠𝐚𝐰𝐚 𝐧𝐠 "𝐙𝐞𝐫𝐨-𝐖𝐚𝐬𝐭𝐞 𝐂𝐨𝐨𝐤𝐢𝐧𝐠 𝐂𝐡𝐚𝐥𝐥𝐞𝐧𝐠𝐞" 𝐛𝐢𝐥𝐚𝐧𝐠 𝐏𝐚𝐧𝐠𝐰𝐚𝐤𝐚𝐬 𝐧𝐚 𝐀𝐤𝐭𝐢𝐛𝐢𝐝𝐚𝐝 𝐧𝐠 𝐁𝐮𝐰𝐚𝐧 𝐧𝐠 𝐍𝐮𝐭𝐫𝐢𝐬𝐲𝐨𝐧 𝟐𝟎𝟐𝟔

𝐓𝐈𝐍𝐆𝐍𝐀𝐍 | Bilang pakikiisa sa pagdiriwang ng Buwan ng Nutrisyon 2026, matagumpay na isinagawa ng Department of Social Welfare and Development (DSWD) Field Office MIMAROPA ang "Zero-Waste Cooking Challenge" noong Hulyo 29, 2026. Nilahukan ito ng tatlong (3) grupo na nagpakitang-gilas sa paghahanda ng masustansya, abot-kaya, at makakalikasang mga putahe.

Layunin ng patimpalak na isulong ang wastong nutrisyon, pagbabawas ng food waste, at responsableng paggamit ng mga sangkap sa kusina sa pamamagitan ng paglikha ng mga pagkain mula sa ligtas at maaari pang pakinabangang bahagi ng mga sangkap na karaniwang itinatapon.

Sinuri ang mga kalahok batay sa zero-waste cooking concept at resourcefulness, nutritional value and balance, taste and palatability, affordability and accessibility of ingredients, creativity and presentation, at food safety, cleanliness, at workstation management.

Itinanghal na Champion ang Coo-king with Coo-Queens na binubuo nina Ernesto O. Manalang, Ma. Eleonora C. Lumaban, at Mae Sandra B. Basio. Nakuha naman ng Scraps to Savory nina April O. Calimag, Reynalyn D. Polo, at Alyssa Isabel C. Raga ang 1st Place, habang nasungkit ng Tipid to the Bones nina Christopher F. Reatirazo, Elaine S. Pordesino, at Marieneth L. Malubag ang 2nd Place.

Sa pamamagitan ng mga gawaing tulad nito, patuloy na hinihikayat ng DSWD MIMAROPA ang pagsusulong ng malusog na pamumuhay, responsableng pagkonsumo ng pagkain, at pangangalaga sa kalikasan bilang mahalagang bahagi ng pagbuo ng mas malusog at mas matatag na mga komunidad.

❤️

04/08/2026

𝐃𝐒𝐖𝐃 𝐌𝐈𝐌𝐀𝐑𝐎𝐏𝐀, 𝐏𝐢𝐧𝐚𝐥𝐚𝐤𝐚𝐬 𝐚𝐧𝐠 𝐊𝐚𝐤𝐚𝐲𝐚𝐡𝐚𝐧 𝐧𝐠 𝐌𝐠𝐚 𝐏𝐀𝐌𝐀𝐍𝐀 𝐏𝐚𝐫𝐭𝐧𝐞𝐫𝐬 𝐬𝐚 𝐏𝐫𝐨𝐜𝐮𝐫𝐞𝐦𝐞𝐧𝐭

Nagsagawa ang Department of Social Welfare and Development (DSWD) Field Office MIMAROPA, sa pamamagitan ng Peace and Development Buong Bansa Mapayapa (PD-BBM) Program sa ilalim ng PAMANA Community-Driven Peace and Development, ng Procurement Technical Session on Republic Act No. 12009 o ang New Government Procurement Act (NGPA) mula Hulyo 28 hanggang 30, 2026 sa Bongabong, Oriental Mindoro. Dinaluhan ito ng 55 kalahok na binubuo ng mga Area at Municipal Coordinating Teams, Bids and Awards Committee (BAC) representatives, mga community volunteers, at mga kinatawan ng Local Government Unit ng Bongabong.

Tinalakay sa tatlong araw na technical session ang mga pangunahing probisyon ng RA 12009 at ng 2025 Implementing Rules and Regulations (IRR), kabilang ang procurement planning, bidding procedures, paghahanda ng mga bidding documents, at ang mga tungkulin ng mga community volunteers at iba pang stakeholders sa pagpapatupad ng mga proyekto. Naging pagkakataon din ito para sa mga kalahok na magbahagi ng mga mabubuting praktis at karanasan mula sa mga naunang implementasyon ng PAMANA.

Sa pamamagitan ng mga capacity-building initiatives na ito, patuloy na pinatitibay ng DSWD MIMAROPA ang kakayahan ng mga partner communities upang matiyak ang transparent, maayos, at accountable na pagpapatupad ng mga proyekto sa ilalim ng PAMANA Community-Driven Peace and Development, bilang paghahanda sa ikatlong cycle ng implementasyon ng mga sub-project sa mga conflict-vulnerable communities sa MIMAROPA.

❤️

04/08/2026

𝐊𝐖𝐄𝐍𝐓𝐎 𝐍𝐆 𝐆𝐈𝐏: 𝐇𝐀𝐊𝐁𝐀𝐍𝐆 𝐓𝐔𝐍𝐆𝐎 𝐒𝐀 𝐏𝐀𝐆𝐁𝐀𝐁𝐀𝐆𝐎

Sa pamamagitan ng Government Internship Program (GIP), ibinahagi ng mga Government Interns ng Department of Social Welfare and Development (DSWD) Field Office MIMAROPA ang kanilang mga kuwento ng pagkatuto, paglago, at pagbabagong personal at propesyonal.

Sa kanilang panunungkulan sa iba't ibang tanggapan at Provincial Operations Offices ng DSWD MIMAROPA, nagkaroon sila ng pagkakataong makilahok sa aktuwal na paghahatid ng mga serbisyong panlipunan habang nahuhubog ang kanilang kaalaman, kasanayan, disiplina, at propesyonalismo.

Higit pa sa pagbibigay ng pansamantalang trabaho, nagsisilbing mahalagang plataporma ang Government Internship Program upang ihanda ang mga kabataan sa mundo ng paggawa at mahikayat silang maging responsable, mahusay, at may malasakit na lingkod-bayan. Ang kanilang mga karanasan ay patunay na ang programa ay nagbubukas ng mas maraming oportunidad para sa pag-unlad ng kabataan at sa paghubog ng susunod na henerasyon ng mga propesyonal na handang maglingkod sa sambayanan.

❤️

04/08/2026

𝐃𝐒𝐖𝐃 𝐌𝐈𝐌𝐀𝐑𝐎𝐏𝐀, 𝐈𝐧𝐢𝐡𝐚𝐧𝐝𝐚 𝐚𝐧𝐠 𝐦𝐠𝐚 𝐒𝐋𝐏𝐀 𝐩𝐚𝐫𝐚 𝐬𝐚 𝐌𝐚𝐬 𝐌𝐚𝐥𝐚𝐰𝐚𝐤 𝐧𝐚 𝐎𝐩𝐨𝐫𝐭𝐮𝐧𝐢𝐝𝐚𝐝

𝐓𝐈𝐍𝐆𝐍𝐀𝐍: Isang mahalagang hakbang tungo sa mas organisado at napapanatiling pamamahala ng mga proyektong pangkabuhayan ang isinagawa ng Department of Social Welfare and Development (DSWD) Field Office MIMAROPA, sa pamamagitan ng Sustainable Livelihood Program (SLP), matapos nitong magsagawa ng Training Orientation on Strengthening SLP Associations through BIR Registration, CSO Accreditation, CDA Registration, and Business Expansion Strategies noong Hulyo 2, 2026 sa ABC Hall, DILG Building, Zone III, Pinamalayan, Oriental Mindoro.

Dinaluhan ang aktibidad ng pitumpu't limang (75) miyembro at opisyal mula sa labindalawang (12) Sustainable Livelihood Program Associations (SLPAs) na tumanggap ng Project Development and Advancement Grant (PDAG). Sa tulong ng mga kinatawan mula sa Bureau of Internal Revenue (BIR), Office of the Sangguniang Bayan ng Pinamalayan, Municipal Cooperative Development Office (MCDO), at Department of Trade and Industry (DTI), tinalakay ang mga proseso sa BIR Registration, CSO Accreditation, CDA Registration, at mga estratehiya sa pagpapalawak ng negosyo upang maging mas handa ang mga asosasyon sa pagpapalago ng kanilang mga livelihood enterprises.

Sa pamamagitan ng inisyatibang ito, patuloy na isinusulong ng DSWD Field Office MIMAROPA ang pagpapaunlad ng kakayahan ng mga organisasyong pangkabuhayan sa pamamagitan ng pagbibigay ng mga kaalaman at teknikal na gabay na magbibigay-daan sa mas maayos na pamamahala, mas malawak na oportunidad, at mas matatag na kabuhayan para sa kanilang mga miyembro at komunidad.

❤️

🌱