What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/660167843842218/

DA - SCRC ANNEX, Maguirig, Solana (2026)

01/05/2026

𝐌𝐀𝐘𝐎 𝟎𝟏, 𝟐𝟎𝟐𝟔 | 𝐀𝐑𝐀𝐖 𝐍𝐆 𝐏𝐀𝐆𝐆𝐀𝐖𝐀

Ngayong Araw ng Paggawa, binibigyang-pugay natin ang lahat ng manggagawang Pilipino na patuloy na nagsisikap para sa kaunlaran ng ating bansa. Sa bawat sektor, ang inyong sipag, tiyaga, at dedikasyon ang nagsisilbing pundasyon ng ating pag-unlad.
Sa araw na ito, higit nating kinikilala ang ating mga magsasaka—ang tunay na haligi ng seguridad sa pagkain. Sa ilalim ng init ng araw at hirap ng paggawa, kayo ang nagsisig**o na may pagkain sa bawat hapag ng pamilyang Pilipino.

Ipinagmamalaki ng DA SCRC Annex ang ating mga magsasaka—ang haligi ng ating agrikultura. Ang inyong ambag ay mahalaga at patuloy na nagbibigay daan tungo sa mas matatag at masaganang kinabukasan. 🌾💚

Maraming salamat sa inyong tapat at walang kapantay na paglilingkod. Maligayang Araw ng Paggawa!

23/04/2026

LIBRENG TOLL FEE PARA SA AGRI-TRUCKS 🚛🌾

Simula Abril 20, libre na ang toll fee para sa mga truck na nagdadala ng produktong agrikultural—isang hakbang upang mabawasan ang gastos at mapanatiling tuloy-tuloy ang daloy ng pagkain.

Siguruhing accredited sa DA ang inyong mga truck upang makasama sa programa.

Sa gitna ng patuloy na krisis sa enerhiya at tumataas na gastos sa transportasyon, pinapagaan nito ang kasalukuyang hamon sa sektor ng agrikultura.

16/04/2026

To our dedicated and inspiring, Sir Joshua—Happy Birthday! 🎉

Maraming salamat sa iyong matatag na pamumuno, dedikasyon, at patuloy na paggabay sa ating mga programa at proyekto. Dahil sa iyong liderato, mas nagiging makabuluhan at matagumpay ang ating paglilingkod sa sektor ng agrikultura. Nawa’y patuloy kang pagpalain ng lakas, karunungan, at higit pang tagumpay sa iyong mga adhikain.

From your DA SCRC Annex Family,

𝘞𝘦 𝘤𝘦𝘭𝘦𝘣𝘳𝘢𝘵𝘦 𝘢𝘯𝘥 𝘢𝘱𝘱𝘳𝘦𝘤𝘪𝘢𝘵𝘦 𝘺𝘰𝘶 𝘢𝘭𝘸𝘢𝘺𝘴! 🎂✨

31/03/2026

Sa espesyal na araw, taos-puso po naming ipinapaabot ang aming pasasalamat sa inyong dedikasyon, malasakit, at mahusay na pamumuno. Nawa’y maging makulay, masaya, at puno ng tagumpay ang darating na taon ng inyong buhay, at patuloy kayong pagpalain ng kalusugan, karunungan, at inspirasyon.

Nawa’y patuloy ninyong madama ang pagmamahal, suporta, at paghanga mula sa mga taong nakapaligid sa inyo. Sa bawat hakbang na inyong tinatahak, nawa’y magpatuloy kayong maging ilaw at gabay sa marami, at ang bawat araw ng inyong buhay ay maging puno ng kasiyahan, tagumpay, at inspirasyon.

MALIGAYANG KAARAWAN, DOC. BRYAN SIBAYAN!
Mula sa iyong SCRC Family

31/03/2026

𝙈𝙪𝙣𝙩𝙞𝙣𝙜 𝙃𝙖𝙠𝙗𝙖𝙣𝙜, 𝙈𝙖𝙡𝙖𝙠𝙞𝙣𝙜 𝘼𝙧𝙖𝙡: 𝙆𝙖𝙗𝙖𝙩𝙖𝙖𝙣 𝙨𝙖 𝙈𝙪𝙣𝙙𝙤 𝙣𝙜 𝘼𝙜𝙧𝙞𝙠𝙪𝙡𝙩𝙪𝙧𝙖

Kabuuang 200 mag-aaral mula pre-elementary hanggang Grade 6 ng My First Step Whole Child Development Center, San Gabriel, Tuguegarao City, kasama ang kanilang mga g**o at magulang, ang nakinabang sa makabuluhan at kapaki-pakinabang na Farm Tour at Immersion Activity na isinagawa ng DA–Southern Cagayan Research Center (SCRC) Annex noong Pebrero 19–20 at Marso 27, 2026.

Ang nasabing aktibidad ay naisakatuparan sa pakikipag-ugnayan kay Ms. Melisande J. Liquigan, punong-g**o ng My First Step Whole Child Development Center. Sa isinagawang farm immersion, naranasan ng mga mag-aaral ang mga sumusunod:

• Demonstration ng pagpapakain at pangongolekta ng itlog ng DADOS Chicken
• Hands-on na pagtatanim ng upo (bottle gourd) at ube
• Pagbisita at maikling talakayan ukol sa cattle production
• Pagtingin at pagpapakain sa mga kambing

Sa pamamagitan ng mga gawaing ito, mas naunawaan ng mga bata ang kahalagahan ng agrikultura bilang pinanggagalingan ng ating pagkain at bahagi ng pang-araw-araw na pamumuhay. Mas napalalim din nito ang kanilang pagpapahalaga sa kalikasan at responsableng pangangalaga sa hayop.

𝘚𝘢 𝘮𝘶𝘳𝘢𝘯𝘨 𝘦𝘥𝘢𝘥, 𝘪𝘵𝘪𝘯𝘢𝘵𝘢𝘯𝘪𝘮 𝘢𝘯𝘨 𝘬𝘢𝘢𝘭𝘢𝘮𝘢𝘯—𝘢𝘢𝘯𝘪 𝘯𝘨 𝘱𝘢𝘨-𝘢𝘴𝘢 𝘱𝘢𝘳𝘢 𝘴𝘢 𝘬𝘪𝘯𝘢𝘣𝘶𝘬𝘢𝙨𝙖𝙣 𝘯𝙜 𝘢𝙜𝙧𝙞𝙠𝙪𝙡𝙩𝙪𝙧𝙖.

Istorya ni: Ms. Chlaryssa Grace G. Vergara
Kuhang litrato nina: Mr. John Paul B. Malicdem, Mr. Emjay B. Libunao, at Mr. Joshua L. Mabborang

27/03/2026

𝐓𝐈𝐍𝐆𝐍𝐀𝐍 | 𝐏𝐀𝐆𝐋𝐀𝐋𝐀𝐊𝐁𝐀𝐘-𝐀𝐑𝐀𝐋 𝐒𝐀 𝐃𝐀-𝐒𝐂𝐑𝐂 𝐀𝐍𝐍𝐄𝐗 🐐

Matagumpay na isinagawa ang Field Tour sa DA–Southern Cagayan Research Center Annex noong ika-12 ng Marso 2026, bilang bahagi ng Farmers Livestock School (FLS) – Goat Enterprise Management para sa 25 individual goat raisers mula sa limang (5) barangay ng Enrile, Cagayan -- Divisoria, Lemu, Inga, Maracuru, Batu, at Magalalag.

Layunin ng aktibidad na ito na maipakita sa mga kalahok ang aktuwal na mga teknolohiya at tamang pamamaraan sa pamamahala ng kambing—mula sa wastong pagpapakain, pagpaparami, hanggang sa forage production and management—na kanilang magagamit sa kani-kanilang sakahan.

Bilang dagdag suporta, ang mga kalahok ay nakatanggap din ng mga forage and fodder trees planting materials tulad ng Mulberry, Madre de Agua, Mani- mani, Napier grass at iba pa bilang suporta sa pagkakasakatuparan ng kanilang forage production at mapanatili ang sapat at tuloy-tuloy na suplay ng pakain para sa kanilang mga alagang kambing.

Ang nasabing field tour ay isinagawa sa pakikipagtulungan ng Provincial Veterinary Office sa pangunguna nina Ms. Maricel Verbo, Provincial Coordinator ng FLS, at Ms. Vilma B. Alupani, kasama ang mga kinatawan mula sa LGU Enrile na sina Mr. Pablo Bunagan at Dr. Eunice Anne Tungcul.

Ang Farmers Livestock School (FLS) ay isang anim (6) na buwang season-long training na naglalayong palakasin ang kaalaman at kakayahan ng mga magsasaka sa wastong pag-aalaga ng kambing, tungo sa mas mataas na produksyon at mas matatag na kabuhayan.

𝘔𝘶𝘭𝘢 𝘬𝘢𝘢𝘭𝘢𝘮𝘢𝘯, 𝘵𝘶𝘯𝘨𝘰 𝘴𝘢 𝘢𝘬𝘴𝘺𝘰𝘯—𝘱𝘢𝘳𝘢 𝘴𝘢 𝘮𝘢𝘴 𝘮𝘢𝘶𝘯𝘭𝘢𝘥 𝘢𝘵 𝘮𝘢𝘴𝘢𝘨𝘢𝘯𝘢𝘯𝘨 𝘪𝘯𝘥𝘶𝘴𝘵𝘳𝘪𝘺𝘢 𝘯𝘨 𝘬𝘢𝘮𝘣𝘪𝘯𝘨𝘢𝘯 𝘴𝘢 𝘊𝘢𝘨𝘢𝘺𝘢𝘯!

Istorya ni: Ms. Chlaryssa Grace G. Vergara
Kuhang litrato ni: Mr. Joshua L. Mabborang

# # #

25/03/2026

𝙋𝙖𝙜-𝙖𝙨𝙖 𝙣𝙜 𝘼𝙜𝙧𝙞𝙠𝙪𝙡𝙩𝙪𝙧𝙖: 𝙈𝙜𝙖 𝙆𝙖𝙗𝙖𝙩𝙖𝙖𝙣𝙜 𝙃𝙞𝙣𝙪𝙗𝙤𝙜 𝙣𝙜 𝙆𝙖𝙖𝙡𝙖𝙢𝙖𝙣 𝙖𝙩 𝙆𝙖𝙧𝙖𝙣𝙖𝙨𝙖𝙣

Matagumpay na isinagawa ng Department of Agriculture – Southern Cagayan Research Center (DA-SCRC) Annex ang pagtatapos ng kabuuang isang daan at labing-apat (114) na mag-aaral ng Senior Highschool mula sa tatlong (3) paaralan na lumahok sa Work Immersion Program.

Kabilang dito ang tatlumpung (30) mag-aaral mula sa Sampaguita National High School na nakatapos ng 240 oras ng work immersion, gayundin ang limampu’t dalawa (52) mula sa San Vicente Institute - Solana at tatlumpu’t dalawa (32) mula sa Andarayan National High School na kapwa nakatapos ng 80 oras ng work immersion.

Sa kanilang pananatili sa DA-SCRC Annex, ang mga mag-aaral ay nabigyan ng kaalaman at praktikal na karanasan sa iba’t ibang banner programs at research for development (R4D) initiatives, kabilang ang Livestock Goat Production, DADOS Chicken Production, Biotechnology (Semen Collection and Processing), Organic Agriculture, High-Value Crops, Rice, at Corn Production.

Layunin ng programang ito na palakasin ang kaalaman at kasanayan ng mga kabataan sa larangan ng agrikultura at ihanda sila bilang mga susunod na katuwang sa pagpapaunlad ng sektor.

Patuloy na pinagtitibay ng DA-SCRC Annex ang pakikipagtulungan sa mga institusyong pang-edukasyon upang malinang ang kaalaman, kasanayan, at pagpapahalaga ng kabataan sa agrikultura—bilang susi sa paghubog ng susunod na henerasyon ng mga magsasaka at tagapagtaguyod ng kaunlaran.

Istorya ni: Ms. Chlaryssa Grace G. Vergara
Kuhang Litrato ni: Mr. John Paul B. Malicdem at Mr. Emjay B. Libunao
# # #

24/03/2026

𝘼𝙠𝙩𝙬𝙖𝙡 𝙣𝙖 𝘿𝙚𝙢𝙤𝙣𝙨𝙩𝙧𝙖𝙨𝙮𝙤𝙣 𝙖𝙩 𝙃𝙖𝙣𝙙𝙨-𝙤𝙣 𝙏𝙧𝙖𝙞𝙣𝙞𝙣𝙜 𝙨𝙖 𝙎𝙞𝙡𝙖𝙜𝙚 𝙈𝙖𝙠𝙞𝙣𝙜

Matagumpay na isinagawa noong Marso 17, 2026 sa Iraga Brgy. Hall, Iraga, Solana, Cagayan ang actual demonstration at hands-on training sa silage making para sa mga magsasaka ng Solana, sa pangunguna ng Southern Cagayan Research Center – Annex (SCRC Annex) katuwang ang Municipal Agriculture Office ng Solana.

Bilang tugon sa pinsalang dulot ng tagtuyot na nakaapekto sa humigit-kumulang 3,445 ektarya ng maisan at 2,527 magsasaka sa bayan ng Solana, isinagawa ang aktibidad upang mabigyan ng agarang teknikal na gabay ang mga apektadong magsasaka.

Sa aktibidad, aktwal na isinagawa ng mga kalahok ang bawat hakbang sa silage making—mula sa pagproseso ng mga naapektuhang mais, tamang pag-compact, hanggang sa maayos na pag-iimbak—upang masig**o ang de-kalidad at masustansyang pakain sa mga alagang hayop.

Ipinakita rin sa mga magsasaka kung paano gawing oportunidad ang krisis sa agrikultura sa pamamagitan ng silage production—hindi lamang bilang alternatibong pakain, kundi bilang isang potensyal na mapagkakakitaang agribusiness.

Sa pamamagitan ng sama-samang pagkilos ng lokal na pamahalaan at mga ahensya ng agrikultura, patuloy nating pinapalakas ang kakayahan ng ating mga magsasaka upang maging mas matatag at resiliente sa harap ng mga hamon sa sektor ng agrikultura.

Sa tamang kaalaman at teknolohiya, ang bawat hamon ay nagiging pagkakataon—tungo sa mas matatag, masagana, at sustenableng agrikultura. 🌾

Ulat at kuhang litrato ni: Ms. Chlaryssa Grace G. Vergara

# # # #

13/03/2026

Mula sa Tagtuyot, Ginawang Oportunidad!

Nagsagawa ng pagsasanay sa Silage Preparation, Silage Making, at Market Linkaging para sa mga magsasaka ng Solana, Cagayan ang Southern Cagayan Research Center – Annex (SCRC Annex) katuwang ang Municipal Agriculture Office ng Solana.

Isinagawa ang aktibidad na ito bilang tugon sa matinding tagtuyot na nakaapekto sa produksyon ng mais sa nasabing bayan. Sa halip na masayang ang mga mais na naapektuhan ng tagtuyot, ipinakilala sa mga magsasaka ang pagpoproseso ng mga ito bilang silage, na maaaring gawing masustansyang alternatibong pakain sa mga alagang hayop at sabay na magbukas ng oportunidad para sa karagdagang kita sa pamamagitan ng silage enterprise.

Nagsimula ang aktibidad sa isang paunang talakayan at orientation upang ipaliwanag ang kahalagahan at mga benepisyo ng paggawa ng silage, lalo na sa panahon ng mga hamon dulot ng pagbabago ng klima at kakulangan sa ani. Kasunod nito, magkakaroon ng hands-on training sa darating na Martes (March 17, 2026), kung saan aktwal na ituturo at ipapakita ang tamang proseso ng paghahanda at paggawa ng silage, upang masig**o na magagamit ito ng mga magsasaka sa kanilang sariling komunidad.

Dumalo rin sa aktibidad ang DA Marketing Division upang maiugnay ang mga magsasaka sa mga potensyal na mamimili at merkado, na magbibigay ng oportunidad upang maging isang kapaki-pakinabang na agribusiness ang produksyon ng silage.

Sa pamamagitan ng pagtutulungan, pagbabahagi ng kaalaman, at pagpapalakas sa kakayahan ng mga magsasaka, patuloy nating ginagawang oportunidad ang mga hamon sa agrikultura tungo sa mas matatag at sustenableng kabuhayan ng ating mga komunidad ng magsasaka.

09/03/2026

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒!

The Southern Cagayan Research Center Annex proudly congratulates 𝗠𝗿. 𝗝𝗼𝘀𝗵𝘂𝗮 𝗛. 𝗧𝗮𝗻𝗴𝘂𝗶𝗹𝗮𝗻, newly appointed 𝗦𝗰𝗶𝗲𝗻𝗰𝗲 𝗥𝗲𝘀𝗲𝗮𝗿𝗰𝗵 𝗔𝗻𝗮𝗹𝘆𝘀𝘁, and SCRC Manager 𝗗𝗿. 𝗕𝗿𝘆𝗮𝗻 𝗦. 𝗦𝗶𝗯𝗮𝘆𝗮𝗻, on his promotion as 𝗔𝗴𝗿𝗶𝗰𝘂𝗹𝘁𝘂𝗿𝗮𝗹 𝗖𝗲𝗻𝘁𝗲𝗿 𝗖𝗵𝗶𝗲𝗳 𝗜𝗜𝗜, following the 𝗢𝗮𝘁𝗵-𝗧𝗮𝗸𝗶𝗻𝗴 𝗖𝗲𝗿𝗲𝗺𝗼𝗻𝘆 𝗼𝗳 𝗡𝗲𝘄𝗹𝘆 𝗣𝗿𝗼𝗺𝗼𝘁𝗲𝗱 𝗮𝗻𝗱 𝗔𝗽𝗽𝗼𝗶𝗻𝘁𝗲𝗱 𝗘𝗺𝗽𝗹𝗼𝘆𝗲𝗲𝘀 𝗼𝗳 𝗗𝗔 𝗥𝗙𝗢 𝟬𝟮 held on 𝗠𝗮𝗿𝗰𝗵 𝟯, 𝟮𝟬𝟮𝟲 at the 𝗥𝗘𝗗'𝘀 𝗖𝗼𝗻𝗳𝗲𝗿𝗲𝗻𝗰𝗲 𝗛𝗮𝗹𝗹, 𝗦𝗮𝗻 𝗚𝗮𝗯𝗿𝗶𝗲𝗹, 𝗧𝘂𝗴𝘂𝗲𝗴𝗮𝗿𝗮𝗼 𝗖𝗶𝘁𝘆, 𝗖𝗮𝗴𝗮𝘆𝗮𝗻.

Your dedication, hard work, and commitment to agricultural research and development continue to bring pride to the SCRC community. We celebrate this well-deserved achievement and wish you continued success in serving our farmers and advancing the agriculture sector.

𝘠𝘰𝘶𝘳 𝘚𝘊𝘙𝘊 𝘈𝘯𝘯𝘦𝘹 𝘧𝘢𝘮𝘪𝘭𝘺 𝘪𝘴 𝘱𝘳𝘰𝘶𝘥 𝘰𝘧 𝘺𝘰𝘶!

06/03/2026

Sa pagdiriwang ng Women’s Day, nagpakita ng lakas, pagkakaisa, at malasakit sa agrikultura ang mga kababaihan ng JUANA ng Southern Cagayan Research Center sa isinagawang Simultaneous Ubi Planting noong March 4, 2026.

Pinangunahan ni Dr. Bryan S. Sibayan, Center Manager, kasama si Engr. Jovy T. Chua, APCO Cagayan, ang makabuluhang aktibidad na naglalayong palaganapin ang pagtatanim ng ubi at maparami ang quality planting materials nito sa rehiyon.

Bago tuluyang magtanim, pinasigla muna ng mga Juana mula sa Main at Annex ang umaga sa isang masiglang Zumba, patunay na ang malusog na pangangatawan at sama-samang pagkilos ay mahalagang bahagi ng matagumpay na agrikultura.

Matapos ang sayaw, sabay-sabay na nagtungo ang mga kalahok sa production site ng center upang magtanim ng ubi—isang simbolo ng pag-asa, kasipagan, at kontribusyon ng kababaihan sa pagpapaunlad ng agrikultura. Ang bawat tanim ay kumakatawan sa adhikaing palakasin ang produksyon ng ubi at suportahan ang mga magsasaka sa rehiyon sa pamamagitan ng sapat at de-kalidad na planting materials.

Sa pamamagitan ng gawaing ito, muling pinatunayan ng JUANA ng SCRC na ang kababaihan ay hindi lamang katuwang sa tahanan kundi mga lider at tagapagtaguyod ng makabagong agrikultura. Sama-sama silang nagtatanim hindi lamang ng ubi, kundi ng pag-asa, kaunlaran, at mas matatag na kinabukasan para sa sektor ng agrikultura.

24/02/2026

𝐔𝐥𝐚𝐭-𝐏𝐚𝐥𝐚𝐲 || 𝐏𝐚𝐧𝐨𝐨𝐫𝐢𝐧 𝐚𝐧𝐠 𝐓𝐞𝐬𝐭𝐢𝐦𝐨𝐧𝐲𝐚 𝐧𝐢 𝐌𝐫. 𝐑𝐨𝐠𝐞𝐥𝐢𝐨 𝐑𝐚𝐦𝐨𝐧𝐞𝐬, 𝐦𝐚𝐠𝐬𝐚𝐬𝐚𝐤𝐚 𝐦𝐮𝐥𝐚 𝐋𝐮𝐧𝐚, 𝐈𝐬𝐚𝐛𝐞𝐥𝐚 𝐧𝐚 𝐧𝐚𝐤𝐚𝐩𝐚𝐠𝐛𝐞𝐧𝐭𝐚 𝐧𝐠 𝐤𝐚𝐧𝐲𝐚𝐧𝐠 𝐚𝐧𝐢𝐧𝐠 𝐩𝐚𝐥𝐚𝐲 𝐬𝐚 𝐡𝐚𝐥𝐚𝐠𝐚𝐧𝐠 𝟐𝟓.𝟐𝟎 𝐤𝐚𝐝𝐚 𝐤𝐢𝐥𝐨.

Secretary Francisco "Kiko" Tiu Laurel Jr.
Undersecretary AS Chris Morales

#𝐃𝐀𝐃𝐎𝐒𝐀𝐘𝐎𝐒
#𝐦𝐚𝐬𝐚𝐠𝐚𝐧𝐚𝐧𝐠𝐚𝐠𝐫𝐢𝐤𝐮𝐥𝐭𝐮𝐫𝐚𝐩𝐚𝐫𝐚𝐬𝐚𝐜𝐚𝐠𝐚𝐲𝐚𝐧𝐯𝐚𝐥𝐥𝐞𝐲
#𝐦𝐚𝐮𝐧𝐥𝐚𝐝𝐧𝐚𝐞𝐤𝐨𝐧𝐨𝐦𝐢𝐲𝐚𝐩𝐚𝐫𝐚𝐬𝐚𝐜𝐚𝐠𝐚𝐲𝐚𝐧𝐯𝐚𝐥𝐥𝐞𝐲
#𝐏𝐫𝐞𝐬𝐲𝐨𝐧𝐠𝐏𝐚𝐥𝐚𝐲𝐬𝐚𝐑𝐞𝐡𝐢𝐲𝐨𝐧𝐃𝐨𝐬

DA - SCRC ANNEX

01/05/2026

23/04/2026

16/04/2026

31/03/2026

31/03/2026

27/03/2026

25/03/2026

24/03/2026

13/03/2026

09/03/2026

06/03/2026

24/02/2026

Address

Opening Hours

Website

Alerts

Shortcuts

Share

Category

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm