PML-N Sindh

30/08/2026

کراچی

وزیر مملکت برائے مذہبی امور و بین المذاہب ہم آہنگی کھیئل داس کوہستانی کی علی اصغر گجر سینیئر نائب صدر سندھ علی اکبر گجر ایڈووکیٹ ,صدر ضلع کورنگی علی عاشق گجر سے ان کے گلشن جمال آفس میں آمد
مینارٹی ونگ کے اقبال اندریاس ،آصف ایم عنایت ، کامران جٹ ، اشفاق مظفر سٹی کونسلر ، آصف باستین , شہزاد ودیگر احباب بھی موجود
انہوں نے علی اکبر گجر اور علی عاشق گجر کے بہنوئی چوہدری ساجد سلطان کے انتقال پر گہرے دکھ اور تعزیت کا اظہار کیا اور مرحوم کے لیے دعائے مغفرت کی۔
اللہ تعالیٰ مرحوم کو اپنے جوارِ رحمت میں جگہ عطا فرمائے، ان کی کامل مغفرت فرمائے، اور تمام پس ماندگان و لواحقین کو یہ صدمہ صبر اور حوصلے سے برداشت کرنے کی توفیق عطا فرمائے۔
آمین یا رب العالمین!

30/08/2026

صدر اقلیتی ونگ سندھ وفاقی وزیر مملکت برائے مذہبی امور ھم آہنگی کھیل داس کوہستانی، جنرل سیکریٹری اقلیتی ونگ سندھ کرامت چوہان سے UEA اقلیتی ونگ کے صدر جون قادر کی ملاقات
وفاقی وزیر مملکت برائے مذہبی امور ھم آہنگی کا منصب ملنے پر مبارکباد دی اور گلدستہ پیش کیا
۔سندھ کی تنظیم سازی اور اقلیتی امور پر تفصیلی تبادلہ خیال

29/08/2026

گورنر سندھ سے ملائیشیا کے نو تعینات قونصل جنرل کی ملاقات

کراچی (29 اگست 2026): گورنر سندھ سید محمد نہال ہاشمی سے ملائیشیا کے نو تعینات قونصل جنرل محمد یونس ابراہیم نے گورنر ہاؤس میں ملاقات کی۔ ملاقات میں پاکستان اور ملائیشیا کے درمیان باہمی تجارت کے حجم میں اضافے، تجارتی و کاروباری وفود کے تبادلوں اور عوامی روابط مزید مستحکم کرنے پر اتفاق کیا گیا۔

گورنر سندھ نے کہا کہ پاکستان اور ملائیشیا کے درمیان اقتصادی تعاون کے وسیع مواقع موجود ہیں، جبکہ اکانومی ڈپلومیسی کے فروغ سے دوطرفہ تجارت اور سرمایہ کاری میں مزید اضافہ کیا جاسکتا ہے۔ انہوں نے کہا کہ ملائیشین سیاحوں کے لیے پاکستان میں بے شمار پرکشش اور خوبصورت سیاحتی مقامات موجود ہیں۔

سید محمد نہال ہاشمی نے کہا کہ دونوں ممالک کے فلم فیسٹیولز کا انعقاد ثقافتی و معاشرتی روابط کے فروغ کا بہترین ذریعہ ہے۔ انہوں نے مزید کہا کہ پاکستانی سرجیکل آلات کی دنیا بھر میں طلب ہے اور ملائیشیا کے ساتھ اس شعبے میں تعاون کو مزید فروغ دیا جاسکتا ہے۔

ملائیشیا کے قونصل جنرل محمد یونس ابراہیم نے اکانومی ڈپلومیسی کو اہم ترجیحات میں شامل قرار دیتے ہوئے ٹیکنالوجی، الیکٹرک گاڑیوں اور سولر انرجی کے شعبوں میں سرمایہ کاری کو ترجیح دینے کا اظہار کیا۔ انہوں نے جلد ملائیشین ایئر لائنز کی کراچی کے لیے پروازوں کے آغاز کا بھی عندیہ دیا۔

ملاقات میں پاکستان اور ملائیشیا کے درمیان تجارتی، کاروباری، ثقافتی اور عوامی روابط مزید مضبوط بنانے کے عزم کا اعادہ کیا گیا۔

29/08/2026

28/08/2026

The cold hearted rulers of KP

28/08/2026

کراچی (27 اگست)

*گورنر سندھ سید محمد نہال ہاشمی سے وفاقی وزیر پیٹرولیم علی پرویز ملک، وفاقی وزیر ریلوے حنیف عباسی، وزیر مملکت کھیئل داس کوہستانی، فہد ہارون سمیت اہم شخصیات کی ملاقات*

- مشکل حالات اور توانائی کے بحران کے باوجود ملک میں پیٹرولیم مصنوعات کی بلاتعطل فراہمی یقینی بنانا قابلِ تحسین ہے، گورنر سندھ

- وفاقی وزیر پیٹرولیم علی پرویز ملک کی جانب سے پیٹرولیم مصنوعات کی فراہمی یقینی بنانے کے اقدامات قابلِ ستائش ہیں، گورنر سندھ

- مشکل حالات میں پیٹرولیم مصنوعات کی فراہمی یقینی بنانے کے لیے تمام اسٹیک ہولڈرز نے وزارتِ پیٹرولیم کے ساتھ بھرپور تعاون کیا، وفاقی وزیر پیٹرولیم

- کراچی سے روہڑی تک 480 کلومیٹر ریلوے ٹریک کی تعمیر اگلے سال شروع ہوگی، وفاقی وزیر ریلوے

- پاکستان ریلوے جلد ایندھن، آٹوموبائل، منرلز اور ایل پی جی کی ترسیل شروع کرے گا، وفاقی وزیر ریلوے

- پاکستان ریلوے کے ذریعے روزانہ 11 ہزار ٹن کوئلہ تھر سے مین گرڈ تک منتقل کیا جا رہا ہے، وفاقی وزیر ریلوے

- اس موقع پر قونصل جنرل عمان، سعودیہ، قطر اور کویت سمیت پارلیمانی سیکریٹری پیٹرولیم، وفاقی سیکریٹری پیٹرولیم، انسپکٹر جنرل پولیس سندھ اور چیئرمین پورٹ قاسم اتھارٹی بھی موجود تھے

- مینجنگ ڈائریکٹر سوئی سدرن گیس کمپنی (SSGC)، مینجنگ ڈائریکٹر پاکستان اسٹیٹ آئل (PSO)، مینجنگ ڈائریکٹر پاکستان پیٹرولیم لمیٹڈ (PPL)، چیئرمین پاکستان نیشنل شپنگ کارپوریشن (PNSC) اور دیگر متعلقہ حکام بھی موجود تھے۔

26/08/2026

وزیراعظم محمد شہباز شریف کا پمز ہسپتال کی نرسری میں آتشزدگی کے اندوناک واقعہ میں 14 نومولود جاں بحق ہونے پر گہرے دکھ اور دِلی افسوس کا اظہار

وزیراعظم محمد شہباز شریف نے آتشزدگی کے افسوسناک واقعہ کا نوٹس لے لیا اور حکام کو فوری تحقیقات کی ہدایت کی۔ وزیراعظم نے معصوم بچوں کے لواحقین سے دلی اظہارِ تعزیت کیا۔

"اس اندوہ ناک واقعے پر دل رنجیدہ ہے۔ والدین کے اس دکھ میں برابر کے شریک ہیں۔ اللہ تعالیٰ لواحقین کو صبر جمیل عطا فرمائیں۔ "
~وزیراعظم

26/08/2026

وزیراعظم محمد شہباز شریف کا جشنِ یومِ ولادتِ سید الانبیاء حضرت محمد صلی اللہ علیہ وآلہ وسلم، 12 ربیع الاول 1448ھ، پر پیغام

"حضور ﷺ کی ذاتِ مطہرہ نے ایمان، علم، اخلاق اور عدل پر مشتمل ایک مکمل و مثالی ضابطۂ حیات کا پیغامِ ایزدی عالمِ انسانیت تک پہنچایا۔ رسول اللہ ﷺ کی بعثت نے انسانی معاشرے کو اسلامی تعلیمات کی روشنی میں ایک نئی سمت سے متعارف کروایا۔ آپ ﷺ نے مکہ مکرمہ میں توحید، تقویٰ اور اخلاقی پاکیزگی جیسی اقدار کے ذریعے دائمی اصلاح کی بنیاد رکھی اور مدینہ منورہ میں عملی طور پر عدل و مساوات، قانون کی بالادستی، انسانی حقوق و فرائض سے آگاہ اسلامی معاشرہ قائم کیا۔ رسول اللہ ﷺ کی ذاتِ مبارک دینِ اسلام کی تعلیمات کا بہترین نمونہ ہے، جس کی گواہی قرآنِ پاک میں موجود ہے۔ سیرتِ النبی ﷺ بنی نوعِ انسان کے لیے صدیوں سے ہر دور کے بدلتے تقاضوں کے باوجود کامل رہنمائی کا سرچشمہ ہے۔

حضور اکرم ﷺ نے انسانی شعور کو اوجِ کمال بخشا اور انسانوں کی ذہنی و اخلاقی نشوونما اور انفرادی و اجتماعی زندگیوں کی ہدایت یافتہ راہ متعین کی۔ شخصی اور سماجی کردار سازی سیرتِ نبوی ﷺ کے پیغام کا اہم ستون ہے۔ دورِ حاضر میں درپیش معاشی، معاشرتی اور اخلاقی چیلنجز سے نبرد آزما ہونے کے لیے ہمیں اپنی اجتماعی زندگی کو کامل ہدایت کے تابع سانچے میں ڈھالنا ہو گا۔ یہی ہماری اور آنے والی نسلوں کے لیے دنیا و آخرت میں نجات کا ذریعہ ہے۔

آج کا یہ مبارک دن ہمیں معاشرے میں اتحاد و یکجہتی، بین المسالک ہم آہنگی اور بین المذاہب احترام کے فروغ کی تاکید بھی کرتا ہے، کیونکہ باہمی اختلاف کو دشمنی میں تبدیل کرنے کے بجائے مکالمے، برداشت اور باہمی احترام ہی اسوۂ رسول ﷺ کے سنہری اصولوں کے مطابق ایک مضبوط اور پُرامن معاشرے کی بنیاد ہے۔"