03/08/2026
الحمدللہ رب العالمین!
سب سے پہلے میں نیلم ویلی کے حلقہ LA-25 اور LA-26 کے تمام باشعور عوام، بزرگوں، ماؤں، بہنوں، نوجوانوں، کارکنان اور پاکستان پیپلز پارٹی کے جانثار ساتھیوں کا دل کی گہرائیوں سے شکریہ ادا کرتا ہوں۔ بالخصوص حلقہ LA-25 کے ان تمام لوگوں کو سلام پیش کرتا ہوں جنہوں نے مشکل حالات کے باوجود میاں عبدالوحید صاحب پر اعتماد کرتے ہوئے تیر کے نشان کو ووٹ دیا۔ آپ کی محبت، وفاداری اور حمایت ہمارے لیے کسی بھی کامیابی سے کم نہیں۔
اللہ تعالیٰ کے فضل و کرم، عوام کی دعاؤں اور کارکنان کی انتھک محنت سے میاں عبدالوحید صاحب نے حلقہ LA-26 میں کامیابی حاصل کی۔ یہ فتح کسی ایک شخص کی نہیں بلکہ نیلم ویلی کے عوام، جمہوری جدوجہد، خدمت کے جذبے اور بہتر مستقبل کی امید کی فتح ہے۔
میں دونوں حلقوں کے عوام کو یقین دلاتا ہوں کہ کامیابی صرف ایک حلقے کی نہیں، بلکہ پورے نیلم کی کامیابی ہے۔ جنہوں نے ووٹ دیا، جنہوں نے دعائیں کیں اور جنہوں نے دن رات محنت کی، ہم سب کے شکر گزار ہیں۔ میاں عبدالوحید صاحب ان شاء اللہ حلقہ LA-25 اور LA-26 کے عوام کے مسائل، ترقی اور خوشحالی کے لیے بلاامتیاز بھرپور کردار ادا کریں گے۔
میں میاں عبدالوحید صاحب کو اس شاندار کامیابی پر دلی مبارکباد پیش کرتا ہوں اور دعا کرتا ہوں کہ اللہ تعالیٰ انہیں عوامی اعتماد کی حفاظت، دیانت داری سے خدمت اور نیلم ویلی کو ترقی کی نئی منزلوں تک پہنچانے کی توفیق عطا فرمائے۔
یہ عوام کے اعتماد کی جیت ہے،
یہ کارکنان کی محنت کی جیت ہے،
یہ پورے نیلم کی جیت ہے۔
