01/06/2026
صوبائی وزیر بلدیات مینا خان آفریدی کی عیدالاضحیٰ صفائی آپریشن کے حوالے سے میڈیا سے گفتگو
پشاور سمیت صوبے بھر میں صفائی آپریشن کامیابی سے مکمل کر لیا گیا ہے،
صوبے بھر میں مقررہ ہدف 50 ہزار ٹن کے مقابلے میں ایک لاکھ 20 ہزار ٹن تک آلائشیں اٹھائی گئیں،
صوبے بھر میں آپریشن میں 21 ہزار سے زائد اہلکاروں اور 5 ہزار سے زائد مشینری چھوٹی بڑی گاڑیوں نے حصہ لیا،
ڈبلیو ایس ایس پی کی جانب سے پشاور کی 42 یونین کونسلوں میں تین روزہ خصوصی صفائی آپریشن کے دوران 14 ہزار ٹن سے زائد آلائشیں اٹھا کر محفوظ طریقے سے تلف کی گئیں،
کلیکشن پوائنٹس، گلی محلوں اور سڑکوں پر جراثیم کش سپرے، کلورین اور عرقِ گلاب کے محلول سے دھلائی اور چونے کا استعمال بھی کیا گیا تاکہ بدبو اور جراثیم کا خاتمہ یقینی بنایا جا سکے،
صفائی عملے نے اپنی عید قربان کرکے عوام کی خدمت کی اور آئندہ بھی خدمت کا یہ سلسلہ جاری رکھا جائے گا،
عید کے تینوں دن واٹر سپلائی عملہ، مانیٹرنگ ٹیمیں اور شکایات سیلز بھی متحرک رہے جبکہ بارش یا کسی ہنگامی صورتحال سے نمٹنے کیلئے خصوصی ایمرجنسی ٹیمیں، ڈی واٹرنگ پمپس، جیٹنگ مشینیں اور واٹر ٹینکرز بھی الرٹ رکھے گئے تھے،
شہریوں میں ماحول دوست تھیلے تقسیم کئے گئے اور صفائی سے متعلق آگاہی مہم بھی چلائی گئی،
صوبائی وزیر بلدیات مینا خان آفریدی نے بہترین صفائی آپریشن پر تمام ورکرز، فیلڈ سٹاف اور انتظامیہ کو خراجِ تحسین پیش کرتے ہوئے ان کی محنت، لگن اور عوامی خدمت کے جذبے کو سراہا۔
اس موقع پر سیکرٹری بلدیات ظفر الاسلام، سی ای او ڈبلیو ایس ایس پی یاسر علی خان، ڈپٹی کمشنر ثناء اللّٰہ، اے ڈی سی اصغر سورانی ،اے سی سی فقیر آباد سمیہ جبین دیگر حکام بھی موجود تھے۔
