Drejtoria Rajonale e Sherbimit Social shteteror Gjirokaster

30/07/2026

30/07/2026

28/07/2026

24/07/2026

📢 𝐍𝐉𝐎𝐅𝐓𝐈𝐌 𝐒𝐐𝐀𝐑𝐔𝐄𝐒 𝐏Ë𝐑 𝐐𝐘𝐓𝐄𝐓𝐀𝐑Ë𝐓

Shërbimi Social Shtetëror informon qytetarët se aktet për ndryshimet që lidhen me përfitimet e personave me aftësi të kufizuara dhe ndihmësve të tyre personalë janë miratuar në datë 22 Korrik 2026 me Vendim të Këshillit të Ministrave.

Vendimi i Këshillit të Ministrave parashikon që këto ndryshime hyjnë në fuqi me efekt financiar nga 1 korriku 2026. Për këtë arsye, Shërbimi Social Shtetëror siguron të gjithë përfituesit se asnjë e drejtë e fituar nuk do të cenohet dhe çdo përfitim do të zbatohet sipas përcaktimeve të vendimit, çka do të thotë se duke filluar nga 1 gushti 2026 përfituesit do të marrin pagesën sipas vlerave të reja, së bashku me diferencën që u përket për muajin korrik.

Shërbimi Social Shtetëror falenderon çdo përfitues për mirëkuptimin dhe ju siguron se zbatimi i këtij vendimi do të kryhet në mënyrë të plotë, duke garantuar respektimin e të drejtave për çdo qytetar.

23/07/2026

📊 1 në 7 fëmijë dhe adoleshentë (10–19 vjeç) përjeton probleme të shëndetit mendor, si ankthi, depresioni ose çrregullimet e sjelljes.

⚠️ Shumë prej këtyre problemeve fillojnë gjatë adoleshencës (14–18 vjeç), ndaj ndërhyrja e hershme është thelbësore për zhvillimin e shëndetshëm dhe realizimin e potencialit të tyre.

💙 Shëndeti mendor nuk është vetëm mungesa e problemeve. Ai përfshin mirëqenien emocionale, aftësinë për të përballuar sfidat dhe për të ndërtuar marrëdhënie të shëndetshme.

🤝 Një rol të rëndësishëm në mbrojtjen e shëndetit mendor kanë:
• 👨‍👩‍👧‍👦 Mbështetja e familjes
• 🏫 Një shkollë e sigurt dhe gjithëpërfshirëse
• 🌍 Komuniteti dhe mjedisi mbështetës
• 💬 Komunikimi i hapur dhe kërkimi i ndihmës kur është e nevojshme

🌱 Kujdesi për shëndetin mendor që në moshë të hershme ndërton një të ardhme më të sigurt për çdo fëmijë.

23/07/2026

✍🏻 Këshilli i Ministrave miratoi paketën e re të mbështetjes për personat me aftësi të kufizuara dhe ndihmësit e tyre personalë.

🗓️ Nga data 1 Korrik 2026:

✅Dyfishohet masa e pagesës për 10,240 fëmijë me aftësi të kufizuara;
✅Njihen si periudhë kontributive në sigurimet shoqërore dhe shëndetësore periudha e kujdesit për 14,657 ndihmës personalë, e cila hyn në fuqi prej 1 tetorit 2026;
✅Lehtësohen procedurat administrative, duke hequr detyrimin për dorëzimin e formularit të kontrollit vjetor për rastet kur përfitimet e përcaktuara nga komisioni kanë afat disavjeçar.

🙏🏻 Këto ndryshime ligjore përfaqësojnë një tjetër hap konkret drejt forcimit të mbështetjes sociale, përmirësimit të cilësisë së jetës dhe garantimit të përfshirjes sociale për personat me aftësi të kufizuara dhe familjet e tyre.