15/09/2026
📍Durrës
Administratori i Postës Shqiptare, z. Etjen Xhafaj, prezantoi sot Drejtorin e Ri të Filialit Durrës, Alban Xhelili.
Ky prezantim hap një fazë të re për Filialin Durrës, me fokus të qartë te riorganizimi, forcimi i strukturave dhe rritja e performancës.
“Ne nuk kërkojmë thjesht drejtim të strukturave, por rezultate. Filiali Durrës ka nevojë për një menaxhim të fokusuar, një staf të angazhuar dhe një drejtues që merr përgjegjësi dhe i çon objektivat deri në fund. Ky është standardi që kërkojmë në çdo filial të Postës Shqiptare”, u shpreh Administratori Xhafaj.
Drejtori i ri i Filialit Durrës, Alban Xhelili, shprehu angazhimin për të vijuar punën me përgjegjësi, bashkëpunim dhe fokus te rezultatet, duke vendosur në qendër të vëmendjes cilësinë e shërbimit ndaj qytetarëve.
Posta Shqiptare vijon të konsolidojë strukturat e saj dhe të forcojë standardet e menaxhimit, me një objektiv të qartë: më shumë efikasitet, më shumë përgjegjshmëri dhe një shërbim gjithnjë e më pranë qytetarit.
