KQZ Shqiperi

KQZ Shqiperi Komisioni Qendror i Zgjedhjeve Tre organet drejtuese të Komisionit Qendror të Zgjedhjeve, që janë:
1. Komisioneri Shtetëror i Zgjedhjeve
2. Ilirjan CELIBASHI.

Komisioni Rregullator
3. Komisioni Ankesave dhe sanksioneve. Komisioner Shtetëror të Zgjedhjeve, z. Nënkryekomisionere, znj. Lealba PELINKU. Anëtarët e Komisionit Rregullator; z. Arens ÇELA, z. Dritan ÇAKA, znj. Helga VUKAJ, znj. Ilirjana NANO, z. Muharrem ÇAKAJ. Anëtarët e Komisionit të Ankimeve dhe Sanksioneve; z. Elvin LAKO, z. Elvis ÇEFA, z. Ilirjan RUSMALI, z. Koli BELE dhe z. Ledio BRAHO.

KQZ Shqiperi mori pjesë në sesionin trajnues të Konventës së Kombeve të Bashkuara kundër Korrupsionit (UNCAC), të zhvill...
16/06/2026

KQZ Shqiperi mori pjesë në sesionin trajnues të Konventës së Kombeve të Bashkuara kundër Korrupsionit (UNCAC), të zhvilluar në Tiranë.
Në qendër të këtij sesioni, i organizuar me mbështetjen e sekretariatit të UNODC dhe Drejtorisë së Përgjithshme të Antikorrupsionit, ishte diskutimi mbi masat antikorrupsion dhe kontrollin e financave të partive politike.

Gjatë fjalës së mbajtur, u theksua rëndësia e reformave që Shqipëria po ndërmerr në drejtim të transparencës financiare të subjekteve politike.

Ndër të tjera, u vu në dukje angazhimi i shtetit shqiptar përmes bashkë-sponsorizimit të Rezolutës 11/7 të OKB-së, të miratuar në kuadër të Konferencës së Shteteve Partnere (COSP) në dhjetor 2025, e cila shënon një hap të rëndësishëm përpara në parandalimin e korrupsionit në proceset zgjedhore.

KQZ Shqipëri mbetet e përkushtuar në forcimin e integritetit zgjedhor dhe bashkëpunimin e ngushtë me institucionet ndërkombëtare për rritjen e transparencës dhe llogaridhënies.

Sot, Komisioneri Shtetëror i Zgjedhjeve shqyrtoi kërkesën për pajisjen me fletë tip për mbledhjen e nënshkrimeve për nis...
15/06/2026

Sot, Komisioneri Shtetëror i Zgjedhjeve shqyrtoi kërkesën për pajisjen me fletë tip për mbledhjen e nënshkrimeve për nismën ligjvënëse të zgjedhësve në Republikën e Shqipërisë, për propozimin e projektligjit “Për disa shtesa dhe ndryshime në ligjin nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar” depozituar nga komiteti përfaqësues i përbërë nga: z. Kristaq Kume, z. Andi Tepelena, zj. Edlira Çepani, z. Edmond Çata, zj. Etleva Merko, zj. Gerta Meta, z. Ilir Aliaj, zj. Rezearta Çaushaj, z. Rigels Xhemollari dhe zj. Silvana Bello.

KSHZ vendosi miratimin e fletës tip për mbledhjen e nënshkrimeve për nismën ligjvënëse të zgjedhësve, për propozimin e projektligjit “Për disa shtesa dhe ndryshime në ligjin nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar”. Procedura për mbledhjen e nënshkrimeve të zgjedhësve të realizohet brenda 3 (tre) muajve nga hyrja në fuqi e këtij vendimi.

Gjithashtu, në seancën e sotme publike u plotësuan vakancat e krijuara në këshillat bashkiak:
1. Këshillin e Bashkisë Pustec me kandidatin nga lista shumemërore e koalicionit “Bashkë Fitojmë”, z. Nasi Kostofski.
2. Këshillin e Bashkisë Pustec me kandidatin nga lista shumemërore e koalicionit “Bashkë Fitojmë”, zj. Valbona Sotir”.
3. Këshillin e Bashkisë Kamëz me kandidatin nga lista shumemërore e Partisë Socialiste të Shqipërisë, zj. Vitore Ndoci.

15/06/2026

KQZ - Mbeldhja e Komisionerit Shtetëror të Zgjedhjeve, datë 15.06.2026
Rendi i ditës:
1. “Për shqyrtimin e kërkesës për pajisjen me fletë tip për mbledhjen e nënshkrimeve për nismën ligjvënëse të zgjedhësve në Republikën e Shqipërisë, për propozimin e projektligjit “Për disa shtesa dhe ndryshime në ligjin nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar”.
2. Projektvendim “Për plotësimin e vakancës në Këshillin e Bashkisë Pustec me kandidatin nga lista shumemërore e koalicionit “Bashkë Fitojmë”, z. Nasi Spase Kostofski”.
3. Projektvendim “Për plotësimin e vakancës në Këshillin e Bashkisë Pustec me kandidatin nga lista shumemërore e koalicionit “Bashkë Fitojmë”, zj. Valbona Gjergji Sotiri”.
4. Projektvendim “Për plotësimin e vakancës në Këshillin e Bashkisë Kamëz me kandidatin nga lista shumemërore e Partisë Socialiste të Shqipërisë, zj. Vitore Gjon Ndoci”.

KQZ Shqiperi mbylli me sukses një vizitë studimore dyditore në Bernë, Zvicër, të zhvilluar në datat 8–9 qershor 2026, me...
13/06/2026

KQZ Shqiperi mbylli me sukses një vizitë studimore dyditore në Bernë, Zvicër, të zhvilluar në datat 8–9 qershor 2026, me fokus njohjen nga afër me legjislacionin dhe mekanizmat e demokracisë direkte.

Kjo vizitë vjen në një moment të rëndësishëm për Shqipërinë, teksa vendi ynë po kalon nëpër një proces reformimi dhe modernizimi të kuadrit ligjor për referendumet.
Zvicra përfaqëson një nga modelet më të konsoliduara në botë për zbatimin e referendumeve në nivelet federale, kantonale dhe bashkiake.

Gjatë këtij aktiviteti, delegacioni shqiptar – i përbërë nga përfaqësues të Kuvendit, KQZ-së, Gjykatës Kushtetuese dhe përfaqësuesve të ambasadave partnere – zhvilloi shkëmbime të strukturuara me institucionet zvicerane.

Në nivel kantonal, u zhvillua një takim me Kancelarin e Kantonit të Bernës për të kuptuar administrimin praktik të proceseve referendare, përmes një rasti konkret që lidhej me financimin e Muzeut të Artit në Bernë.

Ndërsa në nivel federal, delegacioni u prit nga përfaqësues të Kancelarisë Federale dhe ndoqi nga afër një pjesë të punimeve të seancës parlamentare zvicerane.
Ndër temat kryesore që u trajtuan dhe që do t'i shërbejnë draftimit të nismave të reja ligjore në Shqipëri ishin:
• Përcaktimi dhe dizenjimi i pragjeve të vlefshmërisë dhe kuorumit të pjesëmarrjes;
• Procedurat për inicimin e referendumeve dhe verifikimi i nënshkrimeve të qytetarëve;
• Rolet dhe koordinimi institucional mes organeve të menaxhimit zgjedhor, gjykatave dhe kancelerive;
• Mekanizmat e ankimimit, rregullimi i fushatës, qasja në media dhe financimi.

Në emër të KQZ-së dhe Komisionerit Shtetëror të Zgjedhjeve, Ilirjan Celibashi, shprehim mirënjohjen më të lartë për Prezencën e OSBE-së në Tiranë (OSCE Presence in Albania) për organizimin e kësaj vizite.

Falënderojmë përzemërsisht Ambasadën e Zvicrës, Ambasadën e Suedisë, Ambasadën e Polonisë në Shqipëri dhe Misionin e SHBA-ve në OSBE në Vjenë, mbështetja e të cilëve mundësoi këtë program të vlefshëm studimor që do të kontribuojë drejtpërdrejt në forcimin e proceseve demokratike në vendin tonë.

Komisioneri Shtetëror i Zgjedhjeve zhvillon seancë publike ditën e hënë, datë 15 qershor 2026, ora 10:30 me këtë rend di...
12/06/2026

Komisioneri Shtetëror i Zgjedhjeve zhvillon seancë publike ditën e hënë, datë 15 qershor 2026, ora 10:30 me këtë rend dite:

Çështje për shqyrtim rishtaz:

1. “Për shqyrtimin e kërkesës për pajisjen me fletë tip për mbledhjen e nënshkrimeve për nismën ligjvënëse të zgjedhësve në Republikën e Shqipërisë, për propozimin e projektligjit “Për disa shtesa dhe ndryshime në ligjin nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar”.
2. Projektvendim “Për plotësimin e vakancës në Këshillin e Bashkisë Pustec me kandidatin nga lista shumemërore e koalicionit “Bashkë Fitojmë”, z. Nasi Spase Kostofski”.
3. Projektvendim “Për plotësimin e vakancës në Këshillin e Bashkisë Pustec me kandidatin nga lista shumemërore e koalicionit “Bashkë Fitojmë”, zj. Valbona Gjergji Sotiri”.
4. Projektvendim “Për plotësimin e vakancës në Këshillin e Bashkisë Kamëz me kandidatin nga lista shumemërore e Partisë Socialiste të Shqipërisë, zj. Vitore Gjon Ndoci”.

Materialet e mbledhjes 👉 https://kqz.gov.al/rendi/njoftim-per-zhvillimin-e-seances-publike-nga-komisioneri-shteteror-i-zgjedhjeve-ne-daten-15062026

Sot, Komisioni Rregullator miratoi disa shtesa dhe ndryshime në Vendimin nr. 1, datë 26.10.2020, të Komisionit Rregullat...
11/06/2026

Sot, Komisioni Rregullator miratoi disa shtesa dhe ndryshime në Vendimin nr. 1, datë 26.10.2020, të Komisionit Rregullator".
Shtesat e propozuara synojnë të forcojnë garancitë për ushtrimin e pavarur dhe objektiv të funksioneve të anëtarit të Komisionit Rregullator, të sigurojnë transparencë në procesin vendimmarrës përmes deklarimit dhe adminstrimit të konfliktit të interesit, si dhe të përcaktojnë parime të qarta për interpretimin e akteve, me qëllim garantimin e një zbatimi të njëtrajtshëm të legjislacionit zgjedhor.

11/06/2026

KQZ - Mbeldhja e Komisionit Rregullator, datë 11.06.2026
Rendi i ditës:
1. Projektvendimin "Për disa shtesa dhe ndryshime në Vendimin nr. 1, datë 26.10.2020 të Komisionit Rregullator".

📍Takimi i radhës i KQZ Shqiperi ishte në Gjimnazin "Sherif Hoxha” në Malësi të Madhe, Shkodër!Së bashku me International...
10/06/2026

📍Takimi i radhës i KQZ Shqiperi ishte në Gjimnazin "Sherif Hoxha” në Malësi të Madhe, Shkodër!

Së bashku me International IDEA dhe BIRN Albania bashkëbiseduam mbi procesin zgjedhor, mënyrën e funksionimit dhe punën që KQZ bën për organizimin dhe administrimin e procesit zgjedhor.

Fokusi i aktivitetit ishte:
• Rritja e njohurive mbi zgjedhjet;
• Rëndësia e votës;
• Nxitja për pjesëmarrje në zgjedhje (si votues dhe si pjesë e administratës zgjedhore/operator PEI).

🗳️ Gjithashtu, të rinjtë u njohën me procedurat e votimit, përmes simulimit të procesit të votimit dhe veprimet e ndaluara në qendrën e votimit si; fotografimi i votës, sh*t-blerja e votës e të tjerë.

Vëmendje e veçantë iu kushtua ndikimit të dezinformimit, manipulimit të informacionit dhe përmbajtjeve të pavërteta të informacioneve në median online.
Diskutimet nxitën reflektimin e të rinjve mbi rëndësinë e verifikimit të informacionit dhe përdorimit të përgjegjshëm të mediave sociale.

Sot, Komisioni i Ankimimeve dhe Sanksioneve shqyrtoi kërkesën ankimore nr. 1, datë 01.06.2026, depozituar nga Partia e L...
08/06/2026

Sot, Komisioni i Ankimimeve dhe Sanksioneve shqyrtoi kërkesën ankimore nr. 1, datë 01.06.2026, depozituar nga Partia e Lirisë dhe z. Lefter Maliqi me objekt: “𝐴𝑛𝑘𝑖𝑚 𝑛𝑑𝑎𝑗 𝑣𝑒𝑛𝑑𝑖𝑚𝑖𝑡 𝑛𝑟. 35, 𝑑𝑎𝑡𝑒̈ 21.05.2026, 𝑡𝑒̈ 𝐾𝑜𝑚𝑖𝑠𝑖𝑜𝑛𝑒𝑟𝑖𝑡 𝑆ℎ𝑡𝑒𝑡𝑒̈𝑟𝑜𝑟 𝑡𝑒̈ 𝑍𝑔𝑗𝑒𝑑ℎ𝑗𝑒𝑣𝑒, 𝑚𝑒 𝑜𝑏𝑗𝑒𝑘𝑡 “𝑃𝑒̈𝑟 𝑠ℎ𝑞𝑦𝑟𝑡𝑖𝑚𝑖𝑛 𝑎𝑑𝑚𝑖𝑛𝑖𝑠𝑡𝑟𝑎𝑡𝑖𝑣 𝑡𝑒̈ 𝑟𝑒𝑧𝑢𝑙𝑡𝑎𝑡𝑖𝑡 𝑡𝑒̈ 𝑣𝑒𝑟𝑖𝑓𝑖𝑘𝑖𝑚𝑖𝑡 𝑝𝑒̈𝑟 𝑠𝑢𝑏𝑗𝑒𝑘𝑡𝑖𝑛 𝑣𝑒𝑡𝑒̈𝑑𝑒𝑘𝑙𝑎𝑟𝑢𝑒𝑠, 𝑧. 𝐾𝑟𝑒𝑠ℎ𝑛𝑖𝑘 𝑅𝑖𝑧𝑎 𝐻𝑎𝑗𝑑𝑎𝑟𝑖, 𝐾𝑟𝑦𝑒𝑡𝑎𝑟 𝑖 𝐵𝑎𝑠ℎ𝑘𝑖𝑠𝑒̈ 𝐾𝑢𝑐̧𝑜𝑣𝑒̈, 𝑖 𝑝𝑟𝑜𝑝𝑜𝑧𝑢𝑎𝑟 𝑛𝑔𝑎 𝑠𝑢𝑏𝑗𝑒𝑘𝑡𝑖 𝑧𝑔𝑗𝑒𝑑ℎ𝑜𝑟 𝑃𝑎𝑟𝑡𝑖𝑎 𝑆𝑜𝑐𝑖𝑎𝑙𝑖𝑠𝑡𝑒 𝑒 𝑆ℎ𝑞𝑖𝑝𝑒̈𝑟𝑖𝑠𝑒̈”.

Në përfundim të shqyrtimit, KAS vendosi:
1. Pranimin e pjesshëm të kërkesës ankimore;
2. Shfuqizimin e vendimit nr. 35, datë 21.05.2026, të Komisionerit Shtetëror të Zgjedhjeve “Për shqyrtimin administrativ të rezultatit të verifikimit për subjektin vetëdeklarues, z. Kreshnik Riza Hajdari, Kryetar i Bashkisë Kuçovë, i propozuar nga subjekti zgjedhor “Partia Socialiste e Shqipërisë”;
3. Detyrimin e Komisionerit Shtetëror të Zgjedhjeve të shqyrtojë në themel çështjen administrative;
4. Rrëzimin e kërkesës për moslejimin e ankimit ndaj këtij ankimi.

Address

Rruga Ibrahim Rugova Nr. 4 (pranë Katedrales Ortodokse)
Tirana
1001

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 09:00 - 13:00

Website

Alerts

Be the first to know and let us send you an email when KQZ Shqiperi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to KQZ Shqiperi:

Shortcuts

Share

Category