ASSAM STATE DRIVER UNION

04/08/2026

04/08/2026

শোষিত-নিষ্পেষিত সমাজখনৰ প্ৰতি শাসকপক্ষৰ কৃপাদৃষ্টি পৰক।

প্ৰতিকূল বতৰকো নেওচি ন্যায্য অধিকাৰৰ সংগ্ৰামত আগবাঢ়ি অহা প্ৰতিজন সতীৰ্থলৈ আন্তৰিক অভিনন্দন। আপোনালোকৰ সাহস আৰু ত্যাগ কেতিয়াও অথলে নাযায়।।

04/08/2026

আজি ASSAM STATE DRIVER UNION-ৰ নেতৃত্বত গুৱাহাটীৰ চছল ধৰ্ণাস্থলীত কেব চালকসকলৰ ন্যায্য অধিকাৰ, জীৱিকা আৰু বিভিন্ন জ্বলন্ত সমস্যাৰ সমাধানৰ দাবীত এক সম্পূৰ্ণ শান্তিপূৰ্ণ, গণতান্ত্ৰিক আৰু সাংবিধানিক প্ৰতিবাদ কাৰ্যসূচী চলি থকা অৱস্থাত অসম আৰক্ষীয়ে অকাৰণতে বলপূৰ্বক ঠেলা-হেঁচা আৰু বল প্ৰয়োগ কৰে।

এই অমানৱীয় আৰু অনভিপ্ৰেত কাৰ্যৰ ফলত আমাৰ সংগঠনৰ এগৰাকী সক্ৰিয় সদস্য #গণেশ_গয়াৰী গুৰুতৰভাৱে আঘাতপ্ৰাপ্ত হয়। গণতান্ত্ৰিক দেশত শান্তিপূৰ্ণভাৱে নিজৰ ন্যায্য অধিকাৰৰ দাবী উত্থাপন কৰাটো প্ৰতিগৰাকী নাগৰিকৰ সাংবিধানিক অধিকাৰ। সেই অধিকাৰক বলপূৰ্বক দমন কৰাৰ এই চেষ্টা কেৱল আমাৰ সংগঠনৰ ওপৰত নহয়, সমগ্ৰ গণতান্ত্ৰিক ব্যৱস্থাৰ ওপৰত এক আঘাত।

ASSAM STATE DRIVER UNION-এ এই ঘটনাক তীব্ৰ ভাষাৰে গৰিহণা আৰু ধিক্কাৰ জনাইছে। দোষী আৰক্ষী বিষয়াসকলৰ বিৰুদ্ধে তাৎক্ষণিক তদন্ত কৰি কঠোৰ ব্যৱস্থা গ্ৰহণ কৰাৰ লগতে আঘাতপ্ৰাপ্ত সদস্যজনৰ উপযুক্ত চিকিৎসা আৰু ন্যায় নিশ্চিত কৰাৰ দাবী জনাইছোঁ। আমি স্পষ্টভাৱে জনাই দিব বিচাৰোঁ যে, ভয়-ভাবুকি, বল প্ৰয়োগ বা দমন-পীড়নে আমাৰ ন্যায্য অধিকাৰৰ সংগ্ৰাম কেতিয়াও স্তব্ধ কৰিব নোৱাৰে। চালক সমাজৰ অধিকাৰ সুৰক্ষাৰ এই আন্দোলন আগলৈও অধিক শক্তিশালীভাৱে অব্যাহত থাকিব।

অন্যায় নীতিৰ বিৰুদ্ধে আমাৰ সংগ্ৰাম অব্যাহত থাকিব। চালকৰ অধিকাৰ নিশ্চিত নোহোৱালৈকে আমাৰ কণ্ঠ স্তব্ধ নহ'ব।।

জয় আই অসম।।

04/08/2026

04/08/2026

03/08/2026

কুঁহিয়াৰৰ ৰস নালাগে, বিশুদ্ধ পেট্ৰল দিয়ক।।

03/08/2026

আমাক কুঁহিয়াৰ ৰস নালাগে, #বিশুদ্ধ_পেট্ৰল হে লাগে।

4 আগষ্ট 2026 ৰজাঘৰীয়াৰ পদূলিলৈ দলে বলে ওলাই আহক।।

03/08/2026

অহাকালি পুৱা ১০ বজাত, গুৱাহাটীৰ চছল ধৰ্ণাস্থলীত অনুষ্ঠিত হ'বলগীয়া "দিছ্পুৰ অভিমুখে" বিক্ষোভ কাৰ্যসূচীলৈ সকলো অনলাইন প্লেটফৰ্ম কৰ্মী, কেব চালক, ডেলিভাৰী পাৰ্টনাৰ আৰু গিগ ৱৰ্কাৰ সকলক দলে-বলে উপস্থিত থাকিবলৈ আন্তৰিক আহ্বান জনাইছো।

🔺ঐক্যই শক্তি, সংগ্রামেই মুক্তি।
ASSAM STATE DRIVER UNION

Assam Gig and Platform Workers Union