Team Emergency Kerala

07/09/2026

കോട്ടയം: 47-ാമത് സംസ്ഥാന പോലീസ് കായിക മേളയ്ക്ക് മുന്നോടിയായി കാസർഗോഡ് ജില്ലയിൽ നിന്നും പ്രയാണമാരംഭിച്ച ദീപശിഖാ മാരത്തോൺ കോട്ടയത്ത് എത്തിയപ്പോൾ ടീം എമർജൻസി കേരള പ്രവർത്തകർ ഐക്യദാർഢ്യം പ്രഖ്യാപിച്ച് പങ്കാളികളായി.

06/09/2026

നിസ്വാർഥ സേവനത്തിന് ഞങ്ങളെ തേടിയെത്തിയ ഇന്നത്തെ രണ്ടാമത്തെ പുരസ്കാരം

പനയ്ക്കപ്പാലം റെസിഡന്റ് വെൽഫെയർ അസോസിയേഷൻ ടീം എമർജൻസി കേരളയെ ആദരിച്ചു കഴിഞ്ഞ പ്രളയത്തിൽ പനകപാലം തലപ്പലം മേഖലയിൽ നടത്തിയ രക്ഷാപ്രവർത്തനങ്ങൾക്ക് ഭാരവാഹികൾ നന്ദി അറിയിച്ചു പൂഞ്ഞാർ എംഎൽഎ അഡ്വക്കറ്റ് സെബാസ്റ്റ്യൻ mj നിന്നും
ടീം പ്രസിഡൻറ് ഫൈസൽ തമ്പി സെക്രട്ടറി
adv സുഹൈൽ ഖാൻ ടീം അംഗം അഫ്സൽ മരക്കാർ എന്നിവർ പുരസ്ക്കാരം ഏറ്റു വാങ്ങി
Kerala Fire And Rescue Services
Team Emergency Kerala
Kerala Police
Erattupetta Municipality
Thalappalam
073838 00108

06/09/2026

ഈരാറ്റുപേട്ട: കഴിഞ്ഞമാസം ഈരാറ്റുപേട്ടയിലുണ്ടായ പ്രളയത്തിൽ രക്ഷാപ്രവർത്തനങ്ങൾക്കു നേതൃത്വം നൽകി നാടിന് കൈത്താങ്ങായി നിന്ന ടീം എമർജൻസിയെ എമേർജ് എലൈറ്റ് ഐ ഹോസ്പിറ്റൽ ആദരിച്ചു.
​പ്രളയത്തിൽ ഒട്ടേറെ കുടുംബങ്ങളെ സുരക്ഷിതസ്ഥാനങ്ങളിലേക്ക് മാറ്റാൻ സാധിച്ചത് എമേർജ് എലൈറ്റ് ഐ ഹോസ്പിറ്റൽ പൂഞ്ഞാർ നൽകിയ 'ഡിങ്കി ബോട്ട്' ഉപയോഗിച്ചാണ്. നാടിന് തണലായ പ്രവർത്തനങ്ങളിൽ പങ്കാളികളാകാൻ അവസരമൊരുക്കിയ എമേർജ് എലൈറ്റ് ഐ ഹോസ്പിറ്റൽ മാനേജിംഗ് പാർട്ണർമാരെ ടീം എമെർജൻസ് കേരള ഈ അവസരത്തിൽ നന്ദിയോടെ സ്മരിക്കുന്നു..

04/09/2026

04/09/2026

ഈരാറ്റുപേട്ട: തീക്കോയി മിനിറ്റിലാറ്റിൽ കുളിക്കാനിറങ്ങിയപ്പോൾ നഷ്ടപ്പെട്ട സ്വർണ്ണമോതിരം ഉടമയ്ക്ക് കണ്ടെത്തി നൽകി ടീം എമർജൻസി പ്രവർത്തകർ. ആലപ്പുഴയിൽ നിന്ന് വിനോദയാത്രയ്ക്കെത്തിയ വിനോദസഞ്ചാരിയുടെ മോതിരമാണ് കുളിക്കുന്നതിനിടെ ആറ്റിൽ നഷ്ടപ്പെട്ടത്.
​തുടർന്ന് നടത്തിയ തിരച്ചിലിൽ ടീം എമർജൻസി ക്യാപ്റ്റൻ അഷ്റഫ് കുട്ടിയുടെ നേതൃത്വത്തിലുള്ള സംഘം മോതിരം കണ്ടെത്തി. ഇന്ന് രാവിലെ ഈരാറ്റുപേട്ട യൂണിറ്റ് പ്രസിഡന്റ് ഫൈസൽ തമ്പി ടീം എമർജൻസി കേരള ഓഫീസിൽ വച്ച് മോതിരം ഉടമയ്ക്ക് കൈമാറി.

03/09/2026

ഈരാറ്റുപേട്ട: മീനച്ചിലാറ്റിൽ കുളിക്കാനിറങ്ങിയപ്പോൾ വെള്ളത്തിൽ നഷ്ടപ്പെട്ട സ്വർണ്ണമോതിരം വീണ്ടെടുത്ത് ടീം എമർജൻസി പ്രവർത്തകർ. ആലപ്പുഴയിൽ നിന്നെത്തിയ വിനോദസഞ്ചാരികളുടെ മോതിരമാണ് സന്നദ്ധപ്രവർത്തകർ തിരികെ കണ്ടെടുത്തത്. ​ഇന്നലെ വൈകുന്നേരത്തോടെയാണ് വിനോദസഞ്ചാരികൾ കുളിക്കുന്നതിനിടെ മോതിരം പുഴയിലെ ഒഴുക്കിൽപ്പെട്ടത്. തുടർന്ന് ഇന്നലെ വൈകീട്ട് തന്നെ ടീം എമർജൻസി പ്രവർത്തകർ തിരച്ചിൽ ആരംഭിച്ചിരുന്നെങ്കിലും, ശക്തമായ നീരൊഴുക്കും വെളിച്ചക്കുറവും മൂലം ദൗത്യം താൽക്കാലികമായി നിർത്തിവെക്കേണ്ടി വരികയായിരുന്നു. ​തുടർന്ന് ഇന്ന് രാവിലെയോടെ ക്യാപ്റ്റൻ അഷ്റഫ് കുട്ടിയുടെ നേതൃത്വത്തിൽ ടീം എമർജൻസി പ്രവർത്തകരായ മുഹമ്മദ് റാഫി, ഇസ്മയിൽ ഇന്താപ്പൻ, അൻസിൽ എന്നിവർ ചേർന്നാണ് തിരച്ചിൽ പുനരാരംഭിച്ച് മോതിരം കണ്ടെത്തുന്നത്. ​കണ്ടെടുത്ത മോതിരം ടീം എമർജൻസിയുടെ ഓഫീസിൽ സൂക്ഷിച്ചിരിക്കുകയാണ്. ഇത് സംബന്ധിച്ച വിവരങ്ങൾ ബന്ധപ്പെട്ടവരെ അറിയിച്ചിട്ടുണ്ടെന്നും മോതിരം ഉടമസ്ഥർക്ക് ഉടൻ തന്നെ കൈമാറുമെന്നും ഭാരവാഹികൾ വ്യക്തമാക്കി.

30/08/2026

നാടിനും സമൂഹത്തിനും മാതൃകയായി ദുരന്തഘട്ടങ്ങളിൽ കൈത്താങ്ങായി നിലകൊള്ളുന്ന 'ടീം എമർജൻസി കേരള'യുടെ ഓഫീസ് സന്ദർശിച്ച് മുൻ കൃഷി വകുപ്പ് മന്ത്രി വി.എസ്. സുനിൽകുമാർ. പ്രകൃതിദുരന്തങ്ങളിലും മറ്റ് അടിയന്തര സാഹചര്യങ്ങളിലും സംഘം നടത്തുന്ന മാതൃകാപരമായ സന്നദ്ധപ്രവർത്തനങ്ങൾ നേരിട്ടറിഞ്ഞാണ് മന്ത്രി ഓഫീസിലെത്തിയത്.

​ദുരന്തനിവാരണ രംഗത്ത് യുവജനങ്ങളും സന്നദ്ധപ്രവർത്തകരും കാഴ്ചവെക്കുന്ന നിസ്വാർത്ഥ സേവനങ്ങളും നാടിന് ആപത്ത് വരുമ്പോൾ മുന്നണിപ്പോരാളികളായി മാറുന്ന ടീം എമർജൻസിയുടെ പ്രവർത്തനങ്ങളും സമൂഹത്തിനാകെ പ്രചോദനമാണെന്ന് മുൻ മന്ത്രി വ്യക്തമാക്കി.

28/08/2026

പ്രളയത്തിന്റെ ഇരമ്പലിൽ നാട് നടുങ്ങിനിൽക്കെ, സ്വന്തം പ്രാണന്റെ വിലപോലും നോക്കാതെ ജീവന്റെ കാവലാളുകളായി മാറിയ 'ടീം എമർജൻസി കേരള'യ്ക്ക് നാടിന്റെ ഹൃദയം തൊട്ട ആദരവ്.
​സി.പി.ഐ പൂഞ്ഞാർ മണ്ഡലം കമ്മിറ്റി സംഘടിപ്പിച്ച 'ഡൽഹി ചലോ' കാൽനട പ്രചാരണ ജാഥയുടെ സമാപന വേദിയിലാണ് ഈ ധന്യമുഹൂർത്തം പിറന്നത്. ദുരന്തരാത്രികളിൽ പ്രകാശഗോപുരമായി മാറിയ ആ മനുഷ്യത്വത്തിന്, മുൻ കൃഷി വകുപ്പ് മന്ത്രി അഡ്വ. വി.എസ്. സുനിൽ കുമാറാണ് ഉപഹാരം സമർപ്പിച്ചത്. ടീം എമർജൻസി കേരളയുടെ പ്രതിനിധികൾ മന്ത്രിയിൽ നിന്ന് ആ സ്നേഹാദരം ഏറ്റുവാങ്ങി

26/08/2026

എല്ലാവർക്കും ടീം എമർജൻസി കേരളയുടെ
ഹൃദയം നിറഞ്ഞ ആശംസകൾ