What are the opening hours?

Monday 10am - 5pm Tuesday 10am - 5pm Wednesday 10am - 5pm Thursday 10am - 5pm Friday 10am - 5pm Saturday 10am - 5pm

District Information Office, Malappuram, B3 Block, civil station, Malappuram (2026)

03/09/2026

തിരൂര്‍ റവന്യൂ സബ്ഡിവിഷന്‍ പരിധിയിലെ തീരദേശ പ്രദേശങ്ങളില്‍ രാഷ്ട്രീയ പാര്‍ട്ടികളുടെ ചിഹ്നങ്ങളും അടയാളങ്ങളുമായി സ്ഥാപിച്ചിട്ടുള്ള അനധികൃത സ്തൂപങ്ങള്‍, ഷെഡുകള്‍, ബോര്‍ഡുകള്‍, കട്ടൗട്ടുകള്‍, കൊടിതോരണങ്ങള്‍ എന്നിവ സെപ്റ്റംബര്‍ ആറിന് വൈകുന്നേരം അഞ്ചിനകം സ്വമേധയാ നീക്കം ചെയ്യണമെന്ന് തിരൂര്‍ സബ് ഡിവിഷണല്‍ മജിസ്‌ട്രേറ്റും സബ് കളക്ടറുമായ ദിലീപ് കെ. കൈനിക്കര ഉത്തരവിട്ടു. ഭാരതീയ നാഗരിക് സുരക്ഷാ സംഹിത സെക്ഷന്‍ 163 പ്രകാരമാണ് നിര്‍ദ്ദേശം.

താനൂര്‍ പോലീസ് സ്റ്റേഷന്‍ പരിധിയിലെ നിറമരുതൂര്‍ പഞ്ചായത്തില്‍ ഉള്‍പ്പെടുന്ന ഉണ്ണിയാല്‍ ബീച്ചിലും പരിസര പ്രദേശങ്ങളിലും സമാധാന അന്തരീക്ഷം ഉറപ്പുവരുത്തുന്നതിന്റെ ഭാഗമായാണ് നടപടി. നിശ്ചിത സമയപരിധിക്കുള്ളില്‍ പാര്‍ട്ടികള്‍ ഇവ നീക്കം ചെയ്യാത്തപക്ഷം തഹസില്‍ദാരുടെയും പോലീസിന്റെയും നേതൃത്വത്തില്‍ അവ പൊളിച്ചുമാറ്റുകയും അതിനുള്ള ചെലവ് ബന്ധപ്പെട്ട രാഷ്ട്രീയ പാര്‍ട്ടികളില്‍ നിന്ന് ഈടാക്കുകയും ചെയ്യും. ബീച്ചിലെ പൊതു ചുവരുകളിലെ രാഷ്ട്രീയ പാര്‍ട്ടി ചിഹ്നങ്ങള്‍ മായ്ച്ച് നിഷ്പക്ഷമായ പെയിന്റ് അടിക്കാനും നിര്‍ദ്ദേശമുണ്ട്. ജില്ലാ കളക്ടറുടെയും പോലീസിന്റെയും റിപ്പോര്‍ട്ടുകളുടെ അടിസ്ഥാനത്തില്‍ സബ് കളക്ടറുടെ കാര്യാലയത്തില്‍ ചേര്‍ന്ന സര്‍വ്വകക്ഷി യോഗത്തിലാണ് ഇത് സംബന്ധിച്ച് ധാരണയായത്.

വിവിധ രാഷ്ട്രീയ കക്ഷി പ്രതിനിധികളും റവന്യൂ, പോലീസ് ഉദ്യോഗസ്ഥരും യോഗത്തില്‍ പങ്കെടുത്തു. പ്രദേശത്തെ സദാചാര പൊലീസിങ്ങിനെതിരെ ശക്തമായ നിയമനടപടി സ്വീകരിക്കാന്‍ യോഗത്തില്‍ തീരുമാനമായി. ബീച്ചിലെ ഷെഡുകള്‍ മറയാക്കി നടക്കുന്ന കഞ്ചാവ് ഉള്‍പ്പെടെയുള്ള ലഹരിമരുന്ന് ഉപയോഗത്തിനെതിരെ പോലീസ് പരിശോധന ശക്തമാക്കും. പ്രദേശത്ത് സമാധാനം ഉറപ്പാക്കാന്‍ യുവാക്കളെ ഉള്‍പ്പെടുത്തി പ്രാദേശിക സമിതികള്‍ പുനഃസംഘടിപ്പിക്കാനും വെള്ളിയാഴ്ചകളില്‍ യോഗം ചേര്‍ന്ന് സ്ഥിതിഗതികള്‍ വിലയിരുത്താനും യോഗം തീരുമാനിച്ചു.

03/09/2026

⭕ ഗസ്റ്റ് ഇന്‍സ്ട്രക്ടര്‍ നിയമനം

മലപ്പുറം കോക്കൂര്‍ ഗവ. ടെക്‌നിക്കല്‍ ഹൈസ്‌കൂളില്‍ കാര്‍പെന്ററി വിഭാഗത്തില്‍ ട്രേഡ് ഇന്‍സ്ട്രക്ടറുടെ ഒഴിവിലേക്ക് ദിവസവേതനാടിസ്ഥാനത്തില്‍ താത്ക്കാലിക നിയമനം നടത്തുന്നു. ബന്ധപ്പെട്ട ട്രേഡില്‍ ഐ.ടി.ഐ. അല്ലെങ്കില്‍ തത്തുല്യ യോഗ്യതയുള്ളവര്‍ക്ക് അപേക്ഷിക്കാം. താത്പര്യമുള്ള ഉദ്യോഗാര്‍ഥികള്‍ സെപ്റ്റംബര്‍ ഏഴിന് രാവിലെ 10.30-ന് അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം സ്‌കൂള്‍ ഓഫീസില്‍ നടക്കുന്ന അഭിമുഖത്തില്‍ പങ്കെടുക്കണം. ഫോണ്‍-9400006487, 9946533242.

⭕ മലിനീകരണ നിയന്ത്രണ ബോര്‍ഡില്‍ അപ്രന്റീസ് നിയമനം

സംസ്ഥാന മലിനീകരണ നിയന്ത്രണ ബോര്‍ഡിന്റെ മലപ്പുറം ജില്ലാ കാര്യാലയത്തില്‍ ഗ്രാജ്വേറ്റ് എന്‍ജിനീയറിങ് അപ്രന്റീസുകളെ തിരഞ്ഞെടുക്കുന്നതിനായി സെപ്റ്റംബര്‍ 17 ന് രാവിലെ 10.30 ന് അഭിമുഖം നടത്തും. കുന്നുമ്മല്‍ പെരിന്തല്‍മണ്ണ റോഡിലുള്ള മലിനീകരണ നിയന്ത്രണ ബോര്‍ഡ് ജില്ലാ ഓഫീസിലാണ് അഭിമുഖം. ഒരു വര്‍ഷത്തെ പരിശീലന കാലയളവില്‍ പ്രതിമാസം 10,000 രൂപ സ്‌റ്റൈപ്പന്‍ഡ് ലഭിക്കും.

സിവില്‍, കെമിക്കല്‍, അല്ലെങ്കില്‍ എന്‍വയോണ്‍മെന്റല്‍ ശാഖകളിലെ ബി.ടെക് ആണ് അടിസ്ഥാന യോഗ്യത. 2026 ജനുവരി ഒന്നിന് 28 വയസ്സ് കവിയാന്‍ പാടില്ല. ബോര്‍ഡില്‍ മുന്‍പ് ഗ്രാജ്വേറ്റ് എന്‍ജിനീയറിങ് അപ്രന്റീസായി സേവനമനുഷ്ഠിച്ചവര്‍ക്കും അപേക്ഷിക്കാം. യോഗ്യരായ ഉദ്യോഗാര്‍ഥികള്‍ സര്‍ട്ടിഫിക്കറ്റുകള്‍, മാര്‍ക്ക് ലിസ്റ്റുകള്‍ എന്നിവയുടെ അസലും സ്വയം സാക്ഷ്യപ്പെടുത്തിയ പകര്‍പ്പുകളും പരിചയ രേഖകളും (ഉണ്ടെങ്കില്‍) സഹിതം അഭിമുഖത്തിനെത്തണം. ഫോണ്‍: 0483 2733211.

02/09/2026

അതിഥി അധ്യാപക നിയമനം

കോട്ടക്കല്‍ പുതുപ്പറമ്പില്‍ പ്രവര്‍ത്തിക്കുന്ന ഗവണ്‍മെന്റ് വനിതാ പോളിടെക്‌നിക് കോളേജില്‍ ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിങ്/ ഇലക്ട്രോണിക്‌സ് എന്‍ജിനീയറിങ് വിഭാഗത്തില്‍ അതിഥി അധ്യാപക നിയമനം നടത്തുന്നതിനുള്ള അഭിമുഖം സെപ്റ്റംബര്‍ ഏഴിന് രാവിലെ 10 ന് കോളെജ് ഓഫീസില്‍ നടക്കും. ഫസ്റ്റ് ക്ലാസ് ബി.ടെക് ആണ് യോഗ്യത. ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം. ഫോണ്‍- 0483 2750790, 8592045221.

02/09/2026

സുനാമി മോക് ഡ്രില്‍ 15 ന്: ടേബിള്‍ ടോപ് എക്‌സര്‍സൈസ് നടത്തി

സുനാമി മൂലം ജീവനും സ്വത്തിനും ഉണ്ടാകുന്ന നാശനഷ്ടം ഇല്ലാതാക്കുക എന്ന ലക്ഷ്യവുമായി സംസ്ഥാന ദുരന്തനിവാരണ അതോറിറ്റി സെപ്റ്റംബര്‍ 15 ന് സംഘടിപ്പിക്കുന്ന മോക്ക് ഡ്രില്ലിന് മുന്നോടിയായുള്ള ടേബിള്‍ ടോപ് എക്‌സര്‍സൈസ് പൊന്നാനി ഫിഷറീസ് ജി.എല്‍.പി. സ്‌കൂളില്‍ നടന്നു. തീരദേശവാസികളെ സുനാമി നേരിടുന്നതിന് സജ്ജമാക്കുന്ന പദ്ധതിയായ 'സുനാമി റെഡി പ്രോഗ്രാ'മിന്റെ മൂന്നാം ഘട്ടമാണ് മോക്ക് ഡ്രില്‍.

ദുരന്തനിവാരണ വകുപ്പ്, പോലീസ്, ഫയര്‍ ഫോഴ്‌സ്, ആരോഗ്യം, ഫിഷറീസ്, കോസ്റ്റ് ഗാര്‍ഡ്, മോട്ടോര്‍ വാഹന വകുപ്പ്, തദ്ദേശ സ്ഥാപനങ്ങള്‍, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, വിദ്യാഭ്യാസം, തുടങ്ങിയ വിവിധ വകുപ്പുകളെ ഏകോപിപ്പിച്ചുകൊണ്ട് താലൂക്ക് തല ഉദ്യോഗസ്ഥര്‍, പഞ്ചായത്ത് പ്രതിനിധികള്‍, സിവില്‍ ഡിഫന്‍സ്, ആപ്ത മിത്ര, ആശ, കുടുംബശ്രീ, പൊതുജനങ്ങള്‍ തുടങ്ങിയവരുടെ സഹകരണത്തോടെ 'സീറോ റിസ്‌ക് ' മോക്ക് ഡ്രില്‍ നടത്തുക എന്ന ഉദ്ദേശത്തോടെയാണ് ടേബിള്‍ ടോപ് എക്‌സര്‍സൈസ് സംഘടിപ്പിച്ചത്.

സെപ്റ്റംബര്‍ 15 ന് വെളിയംകോട് പഞ്ചായത്തില്‍ 18-ാം വാര്‍ഡിലെ തണ്ണിത്തുറ സെന്ററിലാണ് മോക് ഡ്രില്‍ നടക്കുക. ഫിഷറീസ് എല്‍. പി.സ്‌കൂളാണ് അസംബ്ലി പോയിന്റ്. ഇന്‍സിഡന്റ് കമാന്‍ഡ്‌മെന്റ് സംവിധാനം താലൂക്ക് എമര്‍ജന്‍സി ഓപറേഷന്‍ സെന്ററില്‍ പ്രവര്‍ത്തിക്കും.

യോഗത്തില്‍ വെളിയംകോട് പഞ്ചായത്ത് പ്രസിഡന്റ് ബബിത നൗഫല്‍, പഞ്ചായത്ത് സ്ഥിരം സമിതി അധ്യക്ഷരായ പ്രിന്‍സി നെല്ലിക്കല്‍, പ്രിയ, നൗഫല്‍ പൂക്കൈത, വിവിധ വാര്‍ഡംഗങ്ങള്‍, പൊന്നാനി തഹസില്‍ദാര്‍ പ്രമോദ് പി. ലാസറസ്, ഡെപ്യൂട്ടി തഹസില്‍ദാര്‍ കെ.കെ.ഗോപാലകൃഷ്ണന്‍, തിരൂര്‍, പൊന്നാനി ഫയര്‍ സ്റ്റേഷനുകളിലെ ഉദ്യോഗസ്ഥര്‍, പോലിസ് ഉദ്യോഗസ്ഥര്‍, ഹസാര്‍ഡ് അനലിസ്റ്റ് ടി. എസ്.ആദിത്യ, ആരോഗ്യം, കോസ്റ്റ് ഗാര്‍ഡ്, സിവില്‍ ഡിഫെന്‍സ്, ഫിഷറീസ്, പി.ആര്‍.ഡി തുടങ്ങിയ വിവിധ വകുപ്പ് ഉദ്യോഗസ്ഥര്‍, ഫിഷറീസ് സ്‌കൂള്‍ എച്ച്.എം. കെ.സവിതമണി എന്നിവര്‍ പങ്കെടുത്തു.

മോക് ഡ്രില്ലുമായി ബന്ധപ്പെട്ട് പ്രദേശവാസികള്‍ക്ക് അവബോധം നല്‍കുന്നതിനായി സെപ്റ്റംബര്‍ 10 ന് പൊന്നാനി ഫിഷറീസ് ജി.എല്‍.പി.സ്‌കൂളില്‍ ബോധവത്ക്കരണ ക്ലാസ് സംഘടിപ്പിക്കും.

01/09/2026

അതിഥി അധ്യാപക നിയമനം

തിരൂര്‍ തുഞ്ചന്‍ മെമ്മോറിയല്‍ ഗവണ്‍മെന്റ് കോളേജില്‍ കൊമേഴ്‌സ്, മലയാളം, അറബിക് വിഭാഗങ്ങളില്‍ അതിഥി അധ്യാപകരെ നിയമിക്കുന്നു. യു.ജി.സി യോഗ്യതയുള്ളവരും കോളേജ് വിദ്യാഭ്യാസ ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ളവര്‍ക്കും പങ്കെടുക്കാം. നെറ്റ് അല്ലെങ്കില്‍ പി.എച്ച്.ഡി ഉള്ളവരുടെ അഭാവത്തില്‍ എം.എ/എം.കോം 55 ശതമാനം മാര്‍ക്കുള്ളവരെയും പരിഗണിക്കും. മലയാളം വിഭാഗത്തിലേക്ക് സെപ്റ്റംബര്‍ എട്ടിന് രാവിലെ 10.30-നും കൊമേഴ്‌സ് വിഭാഗത്തിലേക്ക് സെപ്റ്റംബര്‍ ഒന്‍പതിന് രാവിലെ 10.30-നും അറബിക് വിഭാഗത്തിലേക്ക് സെപ്റ്റംബര്‍ ഒന്‍പതിന് ഉച്ചയ്ക്ക് രണ്ടിനുമാണ് അഭിമുഖം. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകര്‍പ്പുകളുമായി ഹാജരാകണം. ഫോണ്‍: 0494 2630027.

01/09/2026

പെന്‍ഷന്‍ ഇല്ലാത്ത വിമുക്തഭടന്മാര്‍ക്ക് സാമ്പത്തിക സഹായം

പെന്‍ഷന്‍ ലഭിക്കാത്ത വിമുക്തഭടന്മാര്‍ക്കും അവരുടെ ആശ്രിതര്‍ക്കും സൈനികക്ഷേമ വകുപ്പ് മുഖാന്തിരം ഒറ്റത്തവണ സാമ്പത്തിക സഹായം നല്‍കുന്നു. വാര്‍ഷിക വരുമാനം രണ്ട് ലക്ഷം രൂപയില്‍ താഴെയുള്ളവര്‍ക്കാണ് അര്‍ഹത. ഒക്ടോബര്‍ 15 നകം അപേക്ഷിക്കണം. വിവരങ്ങള്‍ മലപ്പുറം ജില്ലാ സൈനികക്ഷേമ ഓഫീസില്‍ ലഭ്യമാണ്. ഫോണ്‍: 0483-2734932.

01/09/2026

കോയമ്പത്തൂരില്‍ നിന്ന് 12.8 കിലോ എം.ഡി.എം.എ. പിടിച്ചെടുത്ത മലപ്പുറം ഡാന്‍സാഫ് സംഘത്തെ അനുമോദിച്ചു

സംസ്ഥാനത്ത് ലഹരിമരുന്ന് ശൃംഖലകള്‍ക്കെതിരെ പോലീസ് നടത്തുന്ന ശക്തമായ നടപടികളുടെ ഭാഗമായി കോയമ്പത്തൂരില്‍ നിന്ന് 12.8 കിലോ എം.ഡി.എം.എ. പിടിച്ചെടുത്ത മലപ്പുറം ഡാന്‍സാഫ് സംഘത്തെ എ.ഡി.ജി.പി. പി. വിജയന്‍, തൂഫാന്‍ നോഡല്‍ ഓഫീസര്‍ കൂടിയായ ഐ.ജി. പുട്ട വിമലാദിത്യ, എന്നിവരുടെ നേതൃത്വത്തില്‍ അനുമോദിച്ചു. മലപ്പുറം ജില്ലയിലെ പൊലീസ് സംഘം ലഹരിക്കെതിരെ പ്രശംസനീയമായ പ്രവര്‍ത്തനങ്ങളാണ് നടത്തുന്നതെന്ന് എ.ഡി.ജി.പി. ഉദ്ഘാടന പ്രസംഗത്തില്‍ പറഞ്ഞു.

വാണിജ്യാടിസ്ഥാനത്തിലുള്ള 17 ഓളം വലിയ ലഹരിമരുന്ന് കേസുകള്‍ ജില്ലയില്‍ പൊലീസിന് കണ്ടെത്താന്‍ സാധിച്ചിട്ടുണ്ട്. കേവലം ലഹരിമരുന്ന് പിടിച്ചെടുക്കുന്നതില്‍ ഉപരിയായി അതിന് പിന്നില്‍ പ്രവര്‍ത്തിച്ചവരെ അറസ്റ്റ് ചെയ്യാനും മലപ്പുറം പൊലീസിന് കഴിഞ്ഞുവെന്നും എ.ഡി.ജി.പി.പറഞ്ഞു. മൈ പോലീസ് സ്റ്റേഷന്‍, ജനമൈത്രി, സ്റ്റുഡന്റ് പോലീസ്, സുരക്ഷാ സംവിധാനങ്ങള്‍ തുടങ്ങിയ സോഷ്യല്‍ പോലീസിങ് പദ്ധതികളുടെ നടത്തിപ്പും എ.ഡി.ജി.പി. വിലയിരുത്തി.

ലഹരിവേട്ടയില്‍ നിര്‍ണായക പങ്കുവഹിച്ച 19 പൊലീസ് ഉദ്യോഗസ്ഥരെയാണ് എ.ഡി.ജി.പി.യുടെ നേതൃത്വത്തില്‍ അനുമോദിച്ചത്. ജില്ലാ പോലീസ് മേധാവി ചൈത്ര തെരേസ ജോണ്‍, ഡി.വൈ.എസ്.പി.മാരായ ഗോപകുമാര്‍, സുഭാഷ് ബാബു, സിബി എന്‍.ഒ., മഞ്ചേരി പൊലീസ് സ്റ്റേഷനിലെ വിവിധ ഉദ്യോഗസ്ഥരായ ദിലീപ് ടി.ജി., മുഹമ്മദ് അലി, പദീപ് എസ്., തൗഫീഖുല്ല മുബാറക് കെ.കെ., എസ്.ഇ.പി.ഒ.മാരായ പ്രശാന്ത്, കൃഷ്ണകുമാര്‍ എന്‍.ടി., ദിനേശ് കെ., ബിജു വി.പി., മുഹമ്മദ് സലീം പി., ജസീര്‍ കെ.കെ., ദിനേശ് കെ., രഞ്ജിത്ത് ആര്‍., പ്രഭുല്‍ കെ., വൈശാഖ് ഒ., സി.പി.ഒ. അബ്ദുള്‍ മുനീര്‍ എം.പി. എന്നിവരാണ് എ.ഡി.ജി.പി.യില്‍ നിന്നും ആദരമേറ്റു വാങ്ങിയത്.

മഞ്ചേരി പോലീസ് സ്റ്റേഷനില്‍ രജിസ്റ്റര്‍ ചെയ്ത കേസിന്റെ തുടരന്വേഷണത്തിലാണ് വന്‍ ലഹരി ശേഖരം പോലീസ് സംഘം കണ്ടെടുത്തത്. കഴിഞ്ഞ ഓഗസ്റ്റ് ആറിന് വൈകുന്നേരം നാലോടെ മാവൂര്‍-കോഴിക്കോട് പൈപ്പ് ലൈന്‍ റോഡിലെ മാവൂര്‍ ലാഡര്‍ മാളിലെ ടെറസ് അപ്പാര്‍ട്ട്മെന്റില്‍ നടത്തിയ പരിശോധനയിലാണ് ആറംഗ സംഘത്തെ പോലീസ് പിടികൂടുന്നത്. ഇവരില്‍ നിന്ന് വില്‍പ്പനക്കായി സൂക്ഷിച്ച 97.71 ഗ്രാം എം.ഡി.എം.എ.യും (പാക്കിംഗ് ഉള്‍പ്പെടെ) ലഹരി വില്‍പ്പനയിലൂടെ ലഭിച്ച 3,80,000 രൂപയും പിടിച്ചെടുത്തിരുന്നു. തുടര്‍ന്ന് ലഹരി വിതരണത്തിന്റെ ഉറവിടത്തെക്കുറിച്ച് ലഭിച്ച സൂചനയുടെ അടിസ്ഥാനത്തില്‍ നടത്തിയ തുടരന്വേഷണത്തിലാണ് കോയമ്പത്തൂരില്‍ നിന്നും 12.8 കിലോ എം.ഡി.എം.എ. പിടിച്ചെടുത്തത്.

ജില്ലാ ആസൂത്രണ സെക്രട്ടറിയേറ്റ് കോണ്‍ഫ്രന്‍സ് ഹാളില്‍ നടന്ന അനുമോദന ചടങ്ങില്‍ ജില്ലാ പൊലീസ് മേധാവി ചൈത്ര തെരേസ ജോണ്‍, ഡി.ഐ.ജി. ടി. നാരായണന്‍ തുടങ്ങിയവര്‍ പങ്കെടുത്തു.

01/09/2026

✅ മത്സ്യത്തൊഴിലാളി ഭവന പുനരുദ്ധാരണ പദ്ധതി: അപേക്ഷാ തീയതി നീട്ടി

ഫിഷറീസ് വകുപ്പ് നടപ്പിലാക്കുന്ന ഭവന പുനരുദ്ധാരണ പദ്ധതിയിലേക്ക് അപേക്ഷകള്‍ സമര്‍പ്പിക്കാനുള്ള അവസാന തീയതി സെപ്തംബര്‍ 15 വരെ നീട്ടി. വീടുകളുടെ അറ്റകുറ്റപ്പണികള്‍ക്കായി ഒരു വീടിന് പരമാവധി ഒരു ലക്ഷം രൂപ വരെയാണ് ഈ പദ്ധതിയിലൂടെ ധനസഹായമായി ലഭിക്കുക. മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത് ഫിംസ് ഐഡന്റിഫിക്കേഷന്‍ നമ്പര്‍ ലഭിച്ചിട്ടുള്ള മറൈന്‍, ഉള്‍നാടന്‍ മത്സ്യത്തൊഴിലാളികള്‍ക്കും പെന്‍ഷണര്‍മാര്‍ക്കും ഈ പദ്ധതിയിലേക്ക് അപേക്ഷിക്കാം. എന്നാല്‍ ലൈഫ് ഭവന പദ്ധതി മുഖേനയോ സര്‍ക്കാരിന്റെ മറ്റേതെങ്കിലും ഭവന പുനരുദ്ധാരണ പദ്ധതികള്‍ വഴിയോ കഴിഞ്ഞ 10 വര്‍ഷത്തിനുള്ളില്‍ ആനുകൂല്യം ലഭിച്ചവര്‍ക്ക് ഈ പദ്ധതിയുടെ ആനുകൂല്യം ലഭിക്കില്ല. കൂടാതെ അപേക്ഷിക്കുന്ന വീടുകള്‍ക്ക് കുറഞ്ഞത് എട്ടു വര്‍ഷത്തെ കാലപ്പഴക്കമുണ്ടായിരിക്കണമെന്നും നിഷ്‌കര്‍ഷിച്ചിട്ടുണ്ട്. താത്പര്യമുള്ളവര്‍ വീടിന്റെ ഉടമസ്ഥാവകാശം വ്യക്തമാക്കുന്ന രേഖകളും മറ്റ് അനുബന്ധ രേഖകളും സഹിതം തയ്യാറാക്കിയ അപേക്ഷകള്‍ സെപ്തംബര്‍ 15-ന് വൈകുന്നേരം അഞ്ചിനകം ബന്ധപ്പെട്ട മത്സ്യഭവനുകളില്‍ ലഭ്യമാക്കണം. പൊന്നാനി, പുറത്തൂര്‍, വെട്ടം, താനൂര്‍, പരപ്പനങ്ങാടി തുടങ്ങിയ മത്സ്യഭവനുകളിലാണ് അപേക്ഷിക്കേണ്ടത്. അപേക്ഷാ ഫോമിനും പദ്ധതിയെക്കുറിച്ചുള്ള കൂടുതല്‍ വിവരങ്ങള്‍ക്കുമായി ഈ പ്രാദേശിക ഓഫീസുകളിലോ 0494-2666428 എന്ന ടെലിഫോണ്‍ നമ്പറിലോ ബന്ധപ്പെടണം.

✅ അതിഥി അധ്യാപക ഒഴിവ്

താനൂര്‍ ഗവണ്‍മെന്റ് റീജിയണല്‍ ഫിഷറീസ് ടെക്നിക്കല്‍ വൊക്കേഷണല്‍ ഹയര്‍സെക്കന്‍ഡറി സ്‌കൂളിലെ വൊക്കേഷണല്‍ ഹയര്‍സെക്കന്‍ഡറി വിഭാഗത്തില്‍ ഒഴിവുള്ള അധ്യാപക തസ്തികകളിലേക്ക് ദിവസവേതനാടിസ്ഥാനത്തില്‍ താത്ക്കാലിക നിയമനം നടത്തുന്നതിനുള്ള അഭിമുഖം സെപ്റ്റംബര്‍ എട്ടിന് രാവിലെ 11 ന് സ്‌കൂള്‍ ഓഫീസില്‍ നടക്കും. നോണ്‍ വൊക്കേഷണല്‍ ടീച്ചര്‍ ഇംഗ്ലീഷ് (സീനിയര്‍), നോണ്‍ വൊക്കേഷണല്‍ ടീച്ചര്‍ ബയോളജി (ജൂനിയര്‍) എന്നീ വിഷയങ്ങളിലാണ് ഒഴിവുകളുള്ളത്. താത്പര്യമുള്ളവര്‍ വിദ്യാഭ്യാസ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം നേരിട്ട് ഹാജരാകണം. ഫോണ്‍-0494-2443141.

✅ ടെയ്‌ലറിങ് ഇന്‍സ്ട്രക്ടര്‍ ഒഴിവ്

പെരിന്തല്‍മണ്ണ ഗവണ്‍മെന്റ് പോളിടെക്നിക് കോളേജിന് കീഴിലെ മങ്കട ഗവണ്‍മെന്റ് ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ്ങില്‍ ടൈലറിങ് ഇന്‍സ്ട്രക്ടര്‍ തസ്തികയില്‍ ദിവസവേതനാടിസ്ഥാനത്തില്‍ താത്ക്കാലിക നിയമനം നടത്തുന്നതിനായുള്ള അഭിമുഖം സെപ്റ്റംബര്‍ മൂന്നിന് രാവിലെ 10 ന് പെരിന്തല്‍മണ്ണ ഗവണ്‍മെന്റ് പോളിടെക്നിക് കോളേജില്‍ നടക്കും. രണ്ടു വര്‍ഷത്തെ ഫാഷന്‍ ഡിസൈനിങ് ആന്‍ഡ് ഗാര്‍മെന്റ് ടെക്‌നോളജി യോഗ്യതയുള്ളവര്‍ക്ക് അഭിമുഖത്തില്‍ പങ്കെടുക്കാം. പ്രവൃത്തി പരിചയമുള്ള ഉദ്യോഗാര്‍ഥികള്‍ക്ക് നിയമനത്തില്‍ മുന്‍ഗണന ലഭിക്കും. യോഗ്യരായവര്‍ അസല്‍ സര്‍ട്ടിഫിക്കറ്റുകളും സാക്ഷ്യപ്പെടുത്തിയ പകര്‍പ്പുകളും സഹിതം പെരിന്തല്‍മണ്ണ ഗവണ്‍മെന്റ് പോളിടെക്നിക് കോളേജില്‍ നേരിട്ട് ഹാജരാകണം. ഫോണ്‍- 04933-227253.

✅ഉജ്ജ്വലബാല്യം പുരസ്‌കാരം 2025: സെപ്റ്റംബര്‍ 10 വരെ അപേക്ഷിക്കാം

സംസ്ഥാന വനിതാ ശിശു വികസന വകുപ്പ് നല്‍കുന്ന 2025-ലെ 'ഉജ്ജ്വലബാല്യം പുരസ്‌കാരത്തിന്' കുട്ടികളില്‍ നിന്ന് അപേക്ഷ ക്ഷണിച്ചു. സെപ്റ്റംബര്‍ 10 വരെ അപേക്ഷിക്കാം. കല, കായികം, സാഹിത്യം, ശാസ്ത്രം, സാമൂഹികം, പരിസ്ഥിതി സംരക്ഷണം, വിവര സാങ്കേതികവിദ്യ, കൃഷി, മാലിന്യ സംസ്‌കരണം, ജീവകാരുണ്യ പ്രവര്‍ത്തനം, ക്രാഫ്റ്റ്, ശില്പ നിര്‍മ്മാണം, അസാമാന്യ ധൈര്യത്തിലൂടെ നടത്തിയ പ്രവര്‍ത്തനങ്ങള്‍ എന്നീ മേഖലകളില്‍ അസാധാരണ മികവ് പുലര്‍ത്തിയ കുട്ടികള്‍ക്കാണ് പുരസ്‌കാരം നല്‍കുന്നത്. 2025 ജനുവരി 1 മുതല്‍ ഡിസംബര്‍ 31 വരെയുള്ള കാലയളവിലെ നേട്ടങ്ങളാണ് പുരസ്‌കാരത്തിനായി പരിഗണിക്കുന്നത്. ആറു മുതല്‍ 18 വയസ്സ് വരെയുള്ള കുട്ടികള്‍ക്ക് ഈ അവാര്‍ഡിനായി അപേക്ഷിക്കാം. പൊതുവിഭാഗത്തില്‍ 6-11 വയസ്സ്, 12-18 വയസ്സ് എന്നിങ്ങനെയും ഭിന്നശേഷിക്കാരായ കുട്ടികള്‍ക്ക് പ്രത്യേക വിഭാഗമായി 6-11 വയസ്സ്, 12-18 വയസ്സ് എന്നിങ്ങനെയുമാണ് അവാര്‍ഡ്.

ഒരു ജില്ലയില്‍ നിന്ന് തിരഞ്ഞെടുക്കപ്പെടുന്ന നാല് കുട്ടികള്‍ക്ക് 25,000 രൂപയും സര്‍ട്ടിഫിക്കറ്റും ട്രോഫിയും അടങ്ങുന്ന പുരസ്‌കാരം ലഭിക്കും. എന്നാല്‍ മുന്‍പ് ഈ അവാര്‍ഡ് ലഭിച്ചവരെയും കേന്ദ്ര സര്‍ക്കാരിന്റെ ബാല്‍ ശക്തി പുരസ്‌കാരം നേടിയവരെയും പരിഗണിക്കില്ല. താത്പര്യമുള്ളവര്‍ സര്‍ട്ടിഫിക്കറ്റുകള്‍, പ്രശസ്തിപത്രങ്ങള്‍, പ്രസിദ്ധീകരിച്ച പുസ്തകങ്ങളുടെ പകര്‍പ്പ്, പ്രകടനങ്ങള്‍ അടങ്ങിയ സിഡി അല്ലെങ്കില്‍ പെന്‍ഡ്രൈവ്, പത്രക്കുറിപ്പുകള്‍ എന്നിവ സഹിതം അപേക്ഷിക്കണം. വിലാസം: ജില്ലാ ചൈല്‍ഡ് പ്രൊട്ടക്ഷന്‍ ഓഫീസര്‍, ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ്, മൂന്നാം നില, മിനി സിവില്‍ സ്റ്റേഷന്‍, മഞ്ചേരി - 676121. ഫോണ്‍- 8075981071, 9633413868. വെബ്‌സൈറ്റ്- www.wcd.kerala.gov.in.

31/08/2026

✅ കെട്ടിട നിര്‍മാണ തൊഴിലാളി ക്ഷേമ ബോര്‍ഡ് ഓഫീസ് മാറ്റി

മലപ്പുറം മൂന്നാംപടിയില്‍ പ്രവര്‍ത്തിച്ചിരുന്ന കേരള കെട്ടിട നിര്‍മാണ തൊഴിലാളി ക്ഷേമ ബോര്‍ഡ് മലപ്പുറം ജില്ലാ ഓഫീസിന്റെ പ്രവര്‍ത്തനം ഇന്ന് (ഓഗസ്റ്റ് 31) മുതല്‍ കുന്നുമ്മല്‍ റിംഗ് റോഡിലുള്ള കോട്ട് ടവര്‍ കെട്ടിടത്തിലേക്ക് (മലപ്പുറം സര്‍വീസ് കോ-ഓപ്പറേറ്റീവ് ബാങ്കിന് എതിര്‍വശം) മാറ്റി.

✅ സ്മാര്‍ട്ട് റേഷന്‍ കാര്‍ഡ്: ആധാറും മൊബൈല്‍ നമ്പറും ലിങ്ക് ചെയ്യണം

സ്മാര്‍ട്ട് പി.ഡി.എസ് പദ്ധതി നടപ്പിലാക്കുന്നതിന്റെ ഭാഗമായി കൊണ്ടോട്ടി താലൂക്കിലെ റേഷന്‍ കാര്‍ഡുകളില്‍ ഇതുവരെ ആധാറും മൊബൈല്‍ നമ്പറും രേഖപ്പെടുത്താത്ത ഗുണഭോക്താക്കള്‍ സെപ്റ്റംബര്‍ അഞ്ചിനകം വിവരങ്ങള്‍ ചേര്‍ക്കണം. ഗുണഭോക്താക്കള്‍ക്ക് അക്ഷയ കേന്ദ്രങ്ങള്‍ മുഖേനയോ താലൂക്ക് സപ്ലൈ ഓഫീസില്‍ നേരിട്ടെത്തിയോ വിവരങ്ങള്‍ നല്‍കാം. ഇതുവരെ വിവരങ്ങള്‍ രേഖപ്പെടുത്താത്തവരുടെ പട്ടിക അതത് റേഷന്‍ കടകളില്‍ ലഭ്യമാണ്.

✅ എല്‍.ബി.എസ് സെന്ററില്‍ സൗജന്യ കംപ്യൂട്ടര്‍ കോഴ്‌സുകള്‍

എല്‍. ബി. എസ്. സെന്ററിന്റെ പരപ്പനങ്ങാടി ഉപകേന്ദ്രത്തില്‍ ബിരുദധാരികള്‍ക്കായി പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കംപ്യൂട്ടര്‍ അപ്ലിക്കേഷന്‍, പ്ലസ്ടു യോഗ്യതയുള്ളവര്‍ക്കായി ഡിപ്ലോമ ഇന്‍ കംപ്യൂട്ടര്‍ അപ്ലിക്കേഷന്‍(സോഫ്റ്റ് വെയര്‍), എസ്. എസ്. എല്‍.സി.യുള്ളവര്‍ക്കായി ഡിപ്ലോമ ഇന്‍ കംപ്യൂട്ടര്‍ അപ്ലിക്കേഷന്‍, ഇന്റഗ്രേറ്റഡ് ഡിപ്ലോമ ഇന്‍ കംപ്യൂട്ടര്‍ ഹാര്‍ഡ് വെയര്‍ മെയിന്റനന്‍സ് ആന്‍ഡ് നെറ്റ്‌വര്‍ക്കിങ്ങ്, ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ (ഇംഗ്ലീഷ് & മലയാളം) എന്നീ കോഴ്‌സുകളിലേക്ക് അപേക്ഷ ക്ഷണിച്ചു. പട്ടികജാതി/ പട്ടികവര്‍ഗ/ഒ.ഇ.സി വിദ്യാര്‍ഥികള്‍ക്ക് കോഴ്‌സ് സൗജന്യമാണ്. താത്പര്യമുള്ളവര്‍ക്ക് lbscentre.kerala.gov.in/services/courses എന്ന ലിങ്കിലൂടെ അപേക്ഷിക്കാം. ഫോണ്‍- 0494 2411135, 9995334453.

31/08/2026

ഗതാഗത നിയന്ത്രണം

കൊല്ലന്‍പടി - കറുകത്തുരുത്തി വളവ് റോഡില്‍ റോഡ് നവീകരണ പ്രവൃത്തികള്‍ നടക്കുന്നതിനാല്‍ നാളെ (സെപ്റ്റംബര്‍ ഒന്ന്) മുതല്‍ പ്രവൃത്തി പൂര്‍ത്തിയാകുന്നത് വരെ വാഹനഗതാഗതം പൂര്‍ണമായി നിരോധിച്ചു. ഇതുവഴി പോകേണ്ട വാഹനങ്ങള്‍ ഗുരുവായൂര്‍ - ആല്‍ത്തറ - പൊന്നാനി റോഡ് വഴി തിരിഞ്ഞു പോകണം.

District Information Office, Malappuram

03/09/2026

03/09/2026

02/09/2026

02/09/2026

01/09/2026

01/09/2026

01/09/2026

01/09/2026

31/08/2026

31/08/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	10am - 5pm
Tuesday	10am - 5pm
Wednesday	10am - 5pm
Thursday	10am - 5pm
Friday	10am - 5pm
Saturday	10am - 5pm