Commune Rurale Ambatomirahavavy Ofisialy

31/07/2026

🏛️ FIOFANANA HO AN'NY SEFO FOKONTANY SY NY LEFINY ARY NY TRÉSORIER FOKONTANY IZAY ATO ANATIN'NY KAOMININA AMBATOMIRAHAVAVY

📅 Tontosa soamantsara ny fiofanan'ny Lehiben'ny Fokontany sy ny lefiny Ary ny Trésorier ny Fokontany.
Fiofanana nandritry ny 02 andro izay niarahana tamin'ny OPCI 3AI ho fanamafisana ny fahaiza-mitantana sy mitarika ary fanatsarana hatrany ny asa fanompoam-bahoaka eny ifotony Ary natrehan'ny Ben'ny Tanàna sy ny mpiara miasa aminy sy ny Lehiben'ny Boriboritany Ambatomirahavavy.

📚 Maro ny lohahevitra lehibe nodinihina nandritra ny fiofanana:

👉Ireo andraikitry ny sefo Fokontany izay mitarika ny tanàna iray.

👉Fanaovana ny vina izay miainga amin'ny olana ifotony mba hahafahan'ny Fokontany mandrafitra drafitra mazava sy mifanaraka amin'ny filan'ny mponina.

👉 Loharam-bola sy Teti-bolan'ny Fokontany

👉Hai-tarika (Leadership), izay nanamafisana ny andraikitry ny mpitarika amin'ny fitantanana mahomby sy fampandrosoana ny tanàna iray.

🤝 Fizarana traikefa nataon'ireo Sefo Fokontany teo aloha, nizara ireo fomba fanao nahomby sy ireo lesona azo tsoahina avy amin'ny traikefa teny an-kianja.

👉Nisy ihany koa ny fifanakalozan-kevitra niarahan'ireo tompon'andraikitry ny Kaominina sy ireo Sefo Fokontany, mba hanatsarana ny kalitaon'ny asa fanompoam-bahoaka.

👉Nisy ihany koa ny fiarahana misakafo izay niarahana tamin'ny mpiofana rehetra.

🙏 Ny Kaominina Ambatomirahavavy dia maneho fisaorana sy fankasitrahana ny OPCI 3AI tamin'ny fikarakarana izao fiofanana izao, izay manamafy ny fahaiza-manaon'ireo mpitantana eny ifotony ary mitondra vahaolana vaovao ho fampandrosoana ny Kaominina.

" A͙n͙d͙a͙o͙ t͙o͙h͙a͙n͙a͙n͙t͙s͙i͙k͙a͙ n͙y͙ s͙e͙f͙o͙ F͙o͙k͙o͙n͙t͙a͙n͙y͙ s͙y͙ m͙p͙i͙a͙r͙a͙ -m͙i͙a͙s͙a͙ a͙m͙i͙n͙y͙!!
A͙n͙d͙a͙o͙ h͙i͙a͙r͙a͙-h͙a͙m͙p͙a͙n͙d͙r͙o͙s͙o͙ a͙m͙i͙n͙'i͙z͙y͙ i͙r͙e͙o͙ i͙s͙i͙k͙a͙ e͙"

🤝 Miara-mianatra 🤝
🤝Miara-miasa 🤝
🤝Miara-manatsara🤝
🤝 Miara-mampandroso🤝
🌟Miara-mahomby🌟
🤝 Fokontany -Kaominina🤝
❤️TIAKO -MAMIIKO-AMBATOMIRAHAVAVY ❤️

25/07/2026

🌾🌱 FIZARANA MASOMBOLY, ZEZIKA ARY FITAOVAM-PAMBOLENA HO AN'NY TANTSAHA AO AMIN'NY LEMAK'ANDROMBA (MIAKOTSORANO -TSARATANANA-ANTANIMARINA) 🌱🌾

🟢Tontosa soamantsara ny fizarana masomboly, zezika ary fitaovam-pambolena ho an'ireo tantsaha ao amin'ny Lemak'Andromba.
Famatsiana avy amin'ny fanjakana Foibe tamin'ny alalan'ny Tetikasa FSRP(Tetikasa ho an'ny lemak'Andromba) izay tetikasa eo ambany fiahian'ny Ministeran'ny Fambolena, izay vatsian'ny Banque Mondiale vola.

🟢 Ireto avy ireo famatsiana nozaraina :

🌾 Masomboly : 2,4 taonina
🌿 Zezika NPK : 17,6 taonina
🌿 Urée : 6,32 taonina

🚜Fitaovam-pambolena : • Fivelezam-bary (batteuse) : 05
• Fikororoham-bary (vanneuse) : 02

👉Tantsaha miisa 638 no nisitraka izany famatsiana izany, ka 466 amin'izy ireo dia vehivavy. Izany dia maneho ny fanohanana sy fampiroboroboana ny anjara toeran'ny vehivavy eo amin'ny sehatry ny fambolena sy ny fambolena.

🟢Marihina fa ny fisafidianana ireo mpisitraka dia niainga tamin'ny fisoratana anarana nataon'ireo tantsaha teny ifotony izay mila ny fanohanana ny famatsiana.

🟢Nizara roa ny hetsika :
🔹 Fizarana fitaovam-pambolena, izay natrehan'Andriamatoa Lehiben'ny Distrika sy ireo solotenam-panjakana isan-tsokajiny.
🔹 Fizarana ny masomboly sy zezika ho an'ireo tantsaha voasoratra anarana.

🙏 Isaorana ny Ministeran'ny Fambolena, ny Tetikasa FSRP, ny Banque Mondiale, ireo tompon'andraikitra isan'ambaratonga ary ireo rehetra nandray anjara tamin'ny fanomanana sy fanatanterahana izao hetsika izao.

🤝Ny Kaominina Ambatomirahavavy dia maneho ny fahavononany hiara-hiasa hatrany amin'ireo tetikasa sy mpiara-miombon'antoka rehetra izay mikendry ny hanatsara ny fari-piainan'ny mponina sy hampandroso ny Kaominina.

🌾Ny Kaominina ihany koa dia mirary taom-pambolena mahomby ho an'ny tantsaha rehetra.

❤️ TIAKO -MAMIIKO-AMBATOMIRAHAVAVY ❤️

05/07/2026

🛣️🎤 HETSIKA FANAMBOARAN-DALANA MANARINTSOA -IVELO 🎤🛣️

📣📣 Ho antsika zana-pielezana sy manana tany, tanindrazana (MANARINTSOA, IVELO, MAIZINANDRO)

📣📣Ho antsika tia manao asa fanasoavana ho fampandrosoana ny Kaominintsika.

🟤Ho fanohanana ny asa fanamboarana ny lalana Ivelo – Manarintsoa, dia hisy spectacle goavana iarahana amin’i SHAYRON 🔥
📍 Toerana : Kianja Katolika Maizinandro
📅 Daty : Alahady 26 Jolay 2026
🕑 Fotoana : amin’ny 2 ora tolakandro
🎟️ Fidirana :
Tsotra : 4.000 Ar
Invitation : 10.000 Ar

📞 034 39 757 45 (Mr Norbert)
📞 034 87 240 93 ( Mme Lina)
📩 Mandefasa hafatra miafina

👉 Tongava maro hanohana ny fanamboarana ny lalantsika no sady hiara-hifety amin’i SHAYRON!

🔵 Raha misy tolotanana (lelavola , fitaovana, sns,....) tianareo ho atao dia azonareo atao ny mifandray aminay.

📞 034 39 757 45 (Mr Norbert)
📞 034 87 240 93 ( Mme Lina)
📩 Mandefasa hafatra miafina

👉Hisy ny rosia omena ireo rehetra manao tolotanana.

👉Hisy boky volamena ihany koa handraketana an-tsoratra ireo rehetra nanohana ity asa fanamboarana lalana ity.

👉Hisy ny "affiche" ho apetraka izay misy ny lisitry ny olona izay nitondra ny anjara birikiny.

🙏🙏 Isaorana sahady isika izay hanohana ity tetikasa goavana ity 🙏🙏🙏

❤️TIAKO - MAMIKO -AMBATOMIRAHAVAVY ❤️

01/07/2026

📍 FITSIDIHANA NY FOTODRAFITRASA CEG IMERIKANJAKA

🟢Tontosa soa amantsara ny fitsidihana ny fotodrafitrasa CEG vaovao Imerikanjaka.

🟢Fotodrafitrasa izay novatsian’ny Association RAFA MIRAY ho fampandrosoana ny sehatry ny fanabeazana ifotony.
👉Marihina fa ny tany nanaovana ity fotodrafitrasa ity dia avy amin’ny Association RAFA MiRAY ihany koa.

🟢Ny fitsidihana ny fotodrafitrasa dia niarahan'ny Ben’ny Tanàna sy ny mpiara-miasa aminy, ny teknisianina eto amin’ny Kaominina, ny Chef ZAP, ny Chef Fokontany ary ny solontenan’ny Ray Aman-dReny (RAD) natao.

🟢Ny Kaominina dia hitondra ny anjara biriky tandrify azy ho fanohanana sy ho fampandrosoana izao tetikasa lehibe izao.

🙏 Mankasitraka feno dia feno ny Association RAFA MIRAY
izay manohana sy manampy hatrany ny Kaominina Ambatomirahavavy.

❤️ TIAKO -MAMIIKO-AMBATOMIRAHAVAVY❤️

26/06/2026

🇲🇬✨ FANKALAZANA NY FETIM-PIRENENA TETO AMBATOMIRAHAVAVY ✨🇲🇬

👉Tontosa soa aman-tsara ny fankalazana ny fetim-pirenena teto Ambatomirahavavy androany.

👉 Ankasitrahina ireo olona rehetra izay nandray anjara tamin'ny fankalazana ny fetim-pirenena niarahantsika natao androany: vahoaka tsy ankanavaka izay niara-dia sy nanotrona, ny mpanolotra, ny mpanentana, ny mpihira, mpitendry, fikambanana, ny Quartier Mobile, sns ,

👉 📸📷📸📷📸📷📸📷📸📷📸

❤️ TIAKO-MAMIKO -AMBATOMIRAHAVAVY ❤️

26/06/2026

25/06/2026

🇲🇬 🎆 AMBATOMIRAHAVAVY 🎆 🇲🇬

Ho fiarahantsika mankalaza ny fetim-pirenena sy hanomezana fifaliana sy fahafaham-po ho an’ny vahoaka dia nisy ny babampa, fanaovana arendrina, podium ary indrindra afomanga nampifaly ny rehetra. ✨🎆

👉Santatra ihany nefa iny fa mbola hitohy rahampitso 26 Jona ny fankalazana.

👉Aza adino ary fa mbola maro ny fandaharam-potoanantsika rahampitso:

• Diabe iarahan’ny fikambanana rehetra tsy ankanavaka eto amin’ny Kaominina (vehivavy, tanora, sns....

• Hitohy amin’ny podium 🎤

• Faranana amin’ny Final baolina kitra ⚽
👉 Amin'ny 08 Ora maraina ny fotoanantsika eo Ankadibe.

🇲🇬 Mirary fetim-pirenena sambatra ho antsika rehetra! ❤️🤍💚

18/06/2026

🇲🇬🎉 ANTSO HO AN’IREO MANANA TALENTA REHETRA! 🎉🇲🇬

Efa manakaiky ny fetim-pirenena!

K̠o̠a̠ r̠a̠h̠a̠ m̠a̠n̠a̠n̠a̠ t̠a̠l̠e̠n̠t̠a̠ i̠a̠n̠a̠o̠… i̠z̠a̠o̠ n̠o̠ f̠o̠t̠o̠a̠n̠a̠ h̠a̠n̠e̠h̠o̠a̠n̠a̠ a̠z̠y̠!!

🎤 Mpihira?
🎶 Chorale?
💃 Mpandihy?
🎭 Mpilalao teatra?
🎸 Mpitendry zavamaneno?
✨ Sa manana talenta manokana hafa?

Tongava ary misoratra anarana!!!

📍 Toerana : Birao Kaominina

📞 Fanazavana fanampiny : 0388201976

🏃🏃🏃🏃‍♀️🏃‍♂️🏃‍♀️🏃‍♀️🏃‍♀️🏃‍♂️🏃‍♂️🏃‍♂️🏃‍♀️🏃
👉 Ho antsika tanora lahy sy vavy ( 15- 20 taona) izay handray anjara amin'ny fanaovana hazakazaka (semi-marathon) izay ho atao ny 25 Jona ho avy izao dia efa misokatra ihany koa ny fisoratana anarana eny amin'ny Biraon'ny Kaominina Ambatomirahavavy sy ny Fokontany misy antsika! !

⚡ Aza tara Ary fa fotoana mety ho antsika hampisehoana ny talentantsika izao..

🇲🇬🇲🇬🇲🇬 Andao iaraka hankalaza ny fetim-pirenena isika e!!! 🇲🇬🇲🇬🇲🇬

12/06/2026

✍️🎓🚌FIZARANA FITAOVANA HO AN’NY MPIANATRA HANALA CEPE ✍️🎓🚌

👉Ho fanohanana sy ho famporisihana ireo mpianatra hiatrika am-pahatoniana ny fanadinam-panjakana CEPE, dia nanatanteraka fizarana fitaovam-pianarana ny Ben'ny Tanàna teto amin’ny Kaominina Ambatomirahavavy.

👉Natao tamin’ireo réseau miisa efatra (04) izay anatin'ny ZAP Ambatomirahavavy (Ambohimanandray , Tsaratanàna, Antanety, Ambohidranomanga) ny fizarana, mba hahafahan’ny mpianatra rehetra misitraka izany fanampiana izany sy miomana amim-pilaminana amin’ny fanadinam-panjakana ho atao.

🚌🚌Ankoatra izay, ho fanamorana ny fivezivezen’ireo ankizy mandritra ny andron'ny fanadinana, dia hisy ny fiara fitanterana maimaim-poana ho an'ireo ankizy avy lavitra izay any amin'ny ilan'ny Andrefana sy ilan'ny Atsinanana ny Kaominina mba hahatongavan’izy ireo ara-potoana eny amin’ny foibem-panadinana.

👉Mirary fahombiazana ho an’ireo mpianatra rehetra hanala fanadinam-panjakana CEPE ny tompon'andraikitra rehetra eto anivon'ny Kaominina.

👉 Manentana azy ireo hatrany ny Kaominina mba hiezaka sy hanana fahatokisan-tena, satria ny fanabeazana no antoky ny fampandrosoana.

""ℕ𝕪 𝕗𝕒𝕟𝕠𝕙𝕒𝕟𝕒𝕟𝕥𝕤𝕚𝕜𝕒 𝕟𝕪 𝕫𝕒𝕟𝕒𝕥𝕤𝕚𝕜𝕒 𝕒𝕟𝕚𝕠 𝕟𝕠 𝕗𝕒𝕟𝕠𝕞𝕒𝕟𝕒𝕟𝕒 𝕟𝕪 𝕙𝕠𝕒𝕧𝕚𝕟’𝕟𝕪 𝕂𝕒𝕠𝕞𝕚𝕟𝕚𝕟𝕒 𝕣𝕒𝕙𝕒𝕞𝕡𝕚𝕥𝕤𝕠." " 🚌✍️🎓

❤️ TIAKO-MAMIKO -AMBATOMIRAHAVAVY ❤️

09/06/2026

🚧 FIDINANA IFOTONY NANAOVANA FANADINIHADIANA ARA-TEKNIKA MOMBA NY TETIKASA FANAMBOARANA LALANA 🚧

✅ Tao aorian'ny fifampiresahana sy fifanarahana izay natao tamin'ny 03 Jona izay niarahan'ny Orinasa Madagranit, ny Kaominina, ny Fokontany ary ny Fokonolona, dia notanterahina androany ny fidinana ifotony sy ny fitsidihana ny toerana hanaovana remblai ny lalana Miakotsorano.

✅Maro ireo olona Tonga nanao ity Fanadihadiana (étude) ity ka tao anatin'izany ny Ben'ny Tanàna, ny teknisianin'ny Kaominina, ny teknisianina avy amin'ny Région, ny teknisianina avy amin'ny Orinasa Madagranit, ny Chef Fokontany ary ny Fokonolona maro.

✅Natao nandritra ny fidinana ifotony ny fanadihadiana ara-teknika (étude) sy ny fijerena ifotony ny zava-misy eny an-toerana, mba hahafahana manatanteraka ny asa araka ny tokony ho izy sy mifanaraka amin’ny filàn’ny mponina.

✅Ny tany izay ho ampiasaina amin'ny fampiakarana ny haavon'ny lalana izay kasaina ho atao dia alaina eo amin'ny tanin'ny Fokonolona araka ny fifanarahana izay natao tamin'ny orinasa Madagranit.

✅Ity fanadihadiana ity dia dingana mialoha ny asa fanamboarana 🛣️, ahafahana mamantatra ny fomba sy ny teknika mety indrindra hanatanterahana ny asa, mba hifanaraka amin'ny filan'ny mponina sy ny zava-misy eny an-toerana, sy mba hahazoana antoka marina fa hitondra fanatsarana ny fivezivezena sy hanamora ny fiainan’ny mponina ny fanatanterahana ny tetikasa.

"ᴺᵞ ᶠᴼᵀᴼᴰᴿᴬᶠᴵᵀᴿᴬˢᴬ ᵀˢᴬᴿᴬ ᴰᴵᴬ ᴬᴺᴵˢᴬᴺ’ᴺᵞ ᴬᴺᵀᴼᴷᵞ ᴺᵞ ᶠᴬᴹᴾᴬᴺᴰᴿᴼˢᴼᴬᴺᴬ ˢᵞ ᶠᴬᴺᴬᵀˢᴬᴿᴬᴺᴬ ᴺᵞ ᶠᴬᴿᴵ-ᴾᴵᴬᴵᴺᴬᴺ’ᴺᵞ ᴹᴾᴼᴺᴵᴺᴬ." 🚜🛣️

❤️TIAKO- MAMIKO - AMBATOMIRAHAVAVY ❤️