CUA 1er Arrondissement

18/07/2026

🧹🇲🇬 FANADIOVANA FAOBE TENY AMIN'NY ARCADES ANALAKELY

Vao maraina dia efa nirotsaka an-tsehatra teny Analakely ny mpiasan'ny Boriborintany Voalohany, notarihin'Andriamatoa Délégué sy ireo lefitrany, niaraka tamin'ireo Direction isan-tsokajiny avy ao amin'ny Kaominina, ny Pompiers, ary ireo mpivarotra maro eny amin'ny manodidina ny Arcades.
Nifandrimbona izy ireo namafa ny araben'ny fahaleovantena sy ny manodidina, nanasa ny toerana ary nanao tifitra DDT ho fanatsarana ny fahadiovana sy ny fahasalamam-bahoaka.

📢 Nisy ihany koa ny fanentanana natao ho an'ireo mpivarotra sy mpampiasa ny toerana mba hitandro hatrany ny fahadiovana, hanangona sy hanary araka ny tokony ho izy ny fako, ary hanadio ny toerana alohan'ny hody isan'andro mba hitazomana ny fahadiovana.

🤝 Ny fahadiovan'ny tanàna dia andraikitry ny rehetra. Koa aoka isika hiara-hientana sy hanohy ny ezaka mba hahatonga an'Antananarivo ho tanàna madio, milamina ary mahafinaritra hipetrahana.

✨ Andao hiara-hikolo ny tanànantsika! 🧹♻️🌿🏙️🇲🇬

16/07/2026

💍 MARIAGE FAOBE TETO AMIN'NY BORIBORINTANY VOALOHANY
🎉 Arahabaina sy tratry ny soa ireo mpivady miisa 31 avy ao amin'ny EKAR Mb Thérèse Isotry izay nandray anjara tamin'ny mariage faobe notanterahina teto amin'ny Boriborintany Voalohany anio Alakamisy faha 16 Jolay 2026

🙏 Izao hetsika izao dia maneho ny fanohanana ny fanjakana ara-dalàna ny tokantrano sy ny fanamafisana ny soatoavina iorenan'ny fiaraha-monina.

🤍 Mirary anareo mpivady rehetra izahay mba hanana tokantrano miorina amin'ny fitiavana, fifanajana, fifampitokisana ary firaisankina, ho feno fahasambarana, fiadanana ary fitahian'Andriamanitra mandritra ny androm-piainanareo.

Voalohany Manakaiky vahoaka – Manome tolotra tsara ary Miasa ho an'ny mponina.

16/07/2026

🤝 Nisy ny fivoriana notanterahina teny amin'ny INSPC Befelatanana, izay niarahan'ny solontena avy amin'ny PRRM, ny Ministeran'ny Fahasalamana, ny Ministeran'ny Fanabeazam-pirenena, ny Ministeran'ny Fampianarana Ambony, ny Distrika I, ary ny Boriborintany Voalohany.

📝 Nandritra ny fivoriana dia nodinihina ireo lohahevitra lehibe mifandraika amin'ny fahasalamam-bahoaka, fanabeazana, ary filaminam-bahoaka, ka anisan'izany:

🦠 MPOX: fanamafisana ny fisorohana sy ny fanaraha-maso ny aretina.
✂️ Didim-poitra faobe: fanomanana ny hetsika izay hotanterahina eny amin'ny ANS Ampefiloha ny 25 Jolay 2026.
🎓 Fanadinana BACC: fanamafisana ny fepetra hiantohana ny fahadiovana, ny filaminana ary ny fisorohana ny fivoahan'ny laza adina amin'ny fomba tsy ara-dalàna.
🛡️ Fandriampahalemana: fandinihana ny toe-draharaham-pilaminana amin'izao fotoana izao, indrindra ny tranga hala-jaza sy ireo olana ara-tsosialy miantraika amin'ny mponina.
🌱 Mitohy hatrany ny ezaka ataon'ireo tompon'andraikitra amin'ny fitadiavana vahaolana maharitra sy ny famolavolana paikady mahomby, mba hanatsarana ny fiainan'ny mponina sy hampandrosoana ny fiarahamonina amin'ny ankapobeny.

14/07/2026

Taorian’ilay hain-trano nahafatesana olona teny Tsaralalana, dia tonga nitsapa alahelo sy nitondra fanampiana ho an’ireo traboina ny solontenan’ny PRRM, ny Solontenan'ny DAS avy amin’ny Présidence, ny avy ao amin’ny Ministeran’ny Mponina sy ny Firaisankina, ny DAS ao amin’ny CUA ary ny ekipan’ny Boriborintany Voalohany.
🤝 Tsy namela irery ireo niharam-boina izy ireo fa naneho firaisankina sy fanohanana tamin’izao fotoan-tsarotra izao.
🌿 "Ny hazo tokana tsy mba ala; ny firaisankina no hery mampitsangana indray."
🙏 Mirary fiononana feno ho an’ireo fianakaviana namoy havana ary mirary hery sy faharetana ho an’ireo traboina rehetra.

11/07/2026

11/07/2026

‎📍 "REPAS SOLIDAIRE" – MADCAP ISOTRY
‎🗓️ Zoma 10 Jolay 2026

‎Fianakaviana 230 no nisitraka sakafo mafana nandritra ny hetsika Repas Solidaire notanterahina tetsy amin'ny MADCAP Isotry.

‎🤝 Hetsika niarahan'ny Minisiteran'ny Mponina sy ny Firaisankina sy ny Kaominina Antananarivo Renivohitra (CUA) nikarakara, ho fanohanana ireo fianakaviana marefo.
‎Ankoatra ny fizarana sakafo dia:
🔹 Nisy fanadihadiana ara-tsosialy natao tamin'ny isam-batan'olona mba hahafantarana ny filàna sy ny olana sedrain'izy ireo.
🔹 Nisy ihany koa fanentanana momba ny fanabeazana, ho fanamafisana ny maha zava-dehibe ny fanabeazana eo amin'ny fiainan'ny ankizy sy ny fianakaviana.

‎🎯 Tanjona ny hijery akaiky ny zava-misy iainan'ireo fianakaviana sy hitadiavana vahaolana maharitra hanatsarana ny fari-piainan'izy ireo.

‎Nanatrika sy nitarika ny hetsika ireo tompon'andraikitra avy amin'ny Minisiteran'ny Mponina sy ny Firaisankina, ny Solombavambahoakan'ny Boriborintany Voalohany, ny Sekretera Jeneralin'ny CUA, ny Lefitry ny Boriborintany Voalohany, ny Talen'ny Asa Sosialy (DAS), ny DACPC, ny DSP, ary ny Polisy Monisipaly.

‎🤝 Kaominina Antananarivo Renivohitra manao laharam-pahamehana ny fiahiana ny mponina.

11/07/2026

Fanadiovana nataon'ny CUA 1er Arrondissement sy ny FKT Andavamamba Anatihazo 1

10/07/2026

Nohon'ny tsy fandriam-pahalemana amin'izao fotoana izao dia miasa tsy an-kiato ny Andrimasom-pokonolona eny anivon'ireo Fokontany 44 mandrafitra ny Boriborintany Voalohany.
Omaly Alina, teny Manarintsoa Atsinanana, dia nahitana ity ramatoa ity, izay tsy nahatsiaro tena teny amoron-dalana.
Nandray andraikitra avy hatrany ireo Andrimasom-pokonolona sy ny teo anivon'ny Polisy 4e Arrondissement ka nitondra azy tany amin'ny hopitaly HJRA.
Iangaviana izay mahalala azy mba ampahafantatra ny fianakaviany

09/07/2026

TRANO MAY TENY ANDOHATAPENAKA
Manoloana ny haitrano nitranga teny Andohatapenaka teny akaikin'ny coco plastika dia tonga nanolotra fanampiana ireo tokatrano 11 traboina noho izany haitrano izany ny BNGRC , ny avy ao amin'ny Distrika Tanà I, sy ny avy eto amin'ny Boriborintany Voalohany.