Sogn og Fjordane Senterkvinner

05/08/2026

Prisane er framleis høge, så vi forventar at dei andre budsjettpartia helse det som blei avtalt i revidert nasjonalbudsjett og går med på tiltak, der det åpenbare tiltaket er at ein forlenger kutta i drivstoffavgifta!

05/08/2026

Når vi snakkar om sjømat, snakkar vi om noko av det viktigaste Noreg har: mat, arbeidsplassar og levande kystsamfunn. Difor vil vi i Senterpartiet prioritere lokalt og nasjonalt eigarskap i sjømatsektoren.

Det handlar om kven som skal ha kontrollen over ressursane våre, og kvar verdiane skal bli igjen. Med lokalt og norsk eigarskap får vi:

🍀verdiskaping og arbeidsplassar langs kysten, ikkje berre hovudkontor langt unna
🍀større sjanse for lokal foredling og lengre verdikjeder i Noreg
🍀betre beredskap og tryggleik, fordi strategisk viktige ressursar og selskap ikkje bør glippe ut av nasjonal kontroll
🍀meir ansvarleg forvaltning, der dei som lever tett på havet og har sterke insentiv til å ta vare på naturgrunnlaget

Sjømaten er ein felles ressurs som skal kome fellesskapet til gode. Då må politikken bidra til at eigarskap og makt ikkje blir sentralisert, men held seg nært ressursane og lokalsamfunna som byggjer landet.

Kva meiner du: Bør vi stille strengare krav for å sikre at eigarskap i sjømatnæringa blir verande lokalt og i Noreg?

04/08/2026

"Helsedirektoratet opplyser at sjansen for å overleve hjartestans fell med 10 prosent for kvart minutt ein går utan avansert hjelp."

Det er grunnen til at vi kjem alltid til å kjempe for å sikre rask responstid, for det minutt avgjere forskjellen mellom liv og død.

"At ein ikkje når responstida kan skuldast mange ting.
– Det kan vere fordi at avstandane frå ambulansestasjonen og ut til pasienten er lang."

Derfor er det nødvendig med god geografisk spredning av amblansjestasjonar, så avstanden til pasientane aldri blir for lang!

Ingen av helseregionane har nådd måla for responstid. Slik er responstida i kommunane i Sogn og Fjordane.

04/08/2026

Digitale tjenester skal gjere livet lettare, men det kan ikkje vere einaste løysinga vi har. Då gjere vi oss sjølve ekstremt sårbare. Analoge alternativ er nødvendig både for dei som ikkje kan bruke digitale tjenester og når digitale tjenester svikter!

04/08/2026

Kvinnehelse har altfor lenge vore noko vi snakkar om utan at det alltid gir endring i kvardagen. No treng vi handling som merkast: hos fastlegen, på sjukehuset, i arbeidslivet og i heile landet, ikkje berre i dei største byane.

For oss i Senterkvinnene handlar kvinnehelse om likestilling, tryggleik og nærleik til tenester. Når tilbod blir sentraliserte, ventetidene blir lange, eller føde- og barselomsorga blir svekka, rammar det kvinner hardt, særleg i distrikta.

Frå ord til handling betyr:

🍀Ta kvinneplager på alvor tidleg. Endometriose, PMOS, overgangsplager, bekkensmerter og fødselsrelaterte skadar skal møtast med kunnskap, respekt og raskare utgreiing, ikkje bagatellisering.
🍀Styrke føde- og barselomsorga. Nok jordmødrer, trygg bemanning og god oppfølging etter fødsel, både fysisk og psykisk.
🍀Meir forsking og betre data på kvinnehelse. Vi treng kunnskap som faktisk blir brukt i behandling og retningslinjer.
🍀Ei helseteneste nær folk. Sterke lokalsjukehus, ei fastlegeordning som fungerer, og jordmortenester i kommunane.

Kvinnehelse må inn i prioriteringane og budsjetta ikkje berre i festtalar. Når kvinner får rett hjelp til rett tid, styrkar vi familiane, arbeidslivet og lokalsamfunna.

Kva er det viktigaste tiltaket for kvinnehelsa der du bur? Del gjerne innspel.

03/08/2026

I natt fekk vi ein ny påminnar om kor sårbart samfunnet blir når mange viktige offentlege tenester er avhengige av dei same digitale fellesløysingane. Tenester som HelseNorge, ID-porten/MinID, Altinn og Skatteetaten hadde problem.

Heldigvis var nedetida kort denne gongen, og det skal no vere mulig å bruke tjensetene. Men spørsmålet er: Kva skjer den dagen det er nede lengre, kanskje i fleire døgn? Då kan folk bli ståande fast i alt frå helsetenester til viktige søknader og innrapporteringar.

Difor meiner vi i Senterpartiet at digitalisering skal gjere kvardagen enklare, men ho kan ikkje vere einaste døra inn til det offentlege. Vi må ha reelle analoge alternativ og menneskeleg hjelp når systema sviktar: telefon, skranke og papir der det trengst. Det inkluderer også muligheita til å betale med kontantar. Det handlar om beredskap, inkludering og tillit.

Kva erfaringar har du når digitale løysingar går ned, har du hatt eit «må få gjort dette no»-problem?

Digitaliseringsdirektoratet (Digdir) opplever tekniske problemer som rammer flere sentrale digitale tjenester. Helsenorge er blant de som er berørt.

03/08/2026

Eit trygt og godt arbeidsliv handlar ikkje berre om løn, det handlar om tryggleik i kvardagen. Difor meiner vi i Senterpartiet at heile, faste stillingar skal vere hovudregelen i det offentlege.

Altfor mange, særleg i helse og omsorg, blir haldne fast i deltidsstillingar og vikariat. Det gir utrygg økonomi for den tilsette, og det går utover tenestene: fleire folk inn og ut av turnus, mindre kontinuitet for brukarar og pasientar, og meir tid brukt på å «lappe saman» bemanning.

Når vi gjer heiltid til normalen, får vi:

🍀meir stabile tenester og betre kvalitet for innbyggjarane
🍀tryggare arbeidskvardag og betre økonomi for dei tilsette
🍀sterkare fagmiljø og mindre slitasje på arbeidsplassane
🍀lettare rekruttering i ei tid der mange kommunar manglar folk

Senterpartiet har jobba for å styrkje retten til heiltid og redusere ufrivillig deltid. Det skal framleis vere mogleg med deltid når folk ønskjer det, men då skal det vere eit reelt val, ikkje ein tvungen standard.

Eit seriøst offentleg arbeidsliv startar med ein enkel regel: Fast jobb i heil stilling, som hovudregel.

02/08/2026

I ei tid der desinformasjon spreier seg som eld i tørt gras, treng vi noko som står støtt: redaktørstyrt journalistikk.

Forskjellen på eit rykte i ein kommentarfelt-tråd og ei sak i ei redaktørstyrt avis er enkel, men avgjerande: I redaktørstyrte medium er det ein ansvarleg redaktør, krav til kjelder, kontroll og rettingar, og eit tydeleg ansvar for å skilje fakta frå meiningar og reklame frå journalistikk.

Difor er pressestøtte og mediestøtte så viktig. Det handlar om å sikre at vi har lokalaviser, nisjemedium og minoritetsmedium i heile landet, også der marknaden åleine ikkje gir grunnlag for drift. Utan dette blir det færre som følgjer med på kommunestyret, skulen, helsetenestene og næringslivet, og då blir demokratiet svakare.

Dette er noko av det Senterpartiet vil:

🍀Vidareføre og styrkje pressestøtta, særleg for lokal-, nisje- og minoritetsmedium
🍀Gjere støtteordningane plattformnøytrale, slik at digitale utgåver blir likestilte (støtte skal knytast til innhald, ikkje distribusjonsform)
🍀Satse på grunnstøtte og redaksjonell fridom, framfor for mykje prosjektstyring
🍀Utrede tiltak for å sikre papirdistribusjon der det er nødvendig, slik at folk faktisk får avisa, også utanfor byane
🍀Gjere det lettare for små redaksjonar å ta del i grave- og innovasjonsstøtte
🍀Innføre plattformnøytralt momsfritak for redaktørstyrte nyheitsmedium og styrkje mediestøtta for å sikre mediemangfald over heile landet

Sterke, uavhengige medium er ei av dei viktigaste berebjelkene vi har når falske nyheiter og påverknadskampanjar prøver å skape splittelse. Skal sanninga ha ein sjanse i møte med støyen, må vi også vere villige til å støtte opp om redaktørstyrte medium.

Kva betyr lokalavisa di for deg og lokalsamfunnet ditt?

01/08/2026

Over 35 % av dei kommunale kinoane i Noreg ligg i nynorskkommunar, og i nynorskområda finn vi også over 45 % av bygdekinoane. Likevel har det ikkje kome ein einaste kinofilm med nynorsk underteksting etter 2020. På strøymetenestene er nynorsk og nesten usynleg. Det held ikkje.

Skal nynorsk vere eit likeverdig skriftspråk med bokmål, må folk få møte nynorsk i kvardagen, på kino og når vi loggar oss på strøymetenester som til dømes Netflix.

Dette kan vi gjere noko med:
🍀Stille språkkrav når staten gir støtte til norske filmar
🍀Sørgje for at dei største kinofilmane blir teksta på både nynorsk og bokmål, og at informasjonsmateriell finst på begge målformer
🍀Setje krav om at ein viss del av tekstinga hos strøymetenestene skal vere på nynorsk
🍀Sikre at filmar i Den kulturelle skulesekken er teksta både på nynorsk og bokmål

Å bli ein trygg nynorskbrukar handlar om å få sjå og bruke språket sitt, også på skjerm.

Kva meiner du: Bør nynorsk teksting vere eit krav når film får offentleg støtte?

Les gjerne fråsegna som blei vedtatt av fylkestinget før sommaren etter forslag fra Vestland Senterparti

https://www.senterpartiet.no/lokallag-og-fylkeslag/vestland/aktuelt/vestland-vil-ha-filmar-pa-nynorsk

31/07/2026

Kvinnehelse har blitt prioritert for lite alt for lenge. Det er ikkje greit at ein ser på helsa til halve befolkninga som eit særtema, det er på tide at vi tar kvinner helse seriøst!