12/12/2025
๐๐๐๐ง๐จ๐ฅ๐ | Humayan sa ANHS: Liso sa Kahibalo
Garbo ang Asuncion National High School sa komunidad sa Asuncion, Davao del Norte, dili lamang naila sa iyang maayong kalidad nga edukasyon, apan usab sa iyang talagsaong inisyatibo, ang pagbaton og humayan sulod mismo sa eskwelahan.
Sumala ni Darwin Pasalgon usa sa mga magtutudlo sa ANHS, kini nasugdan sa pag tukod kani-adtong tuig 2002 tungod sa programang IPPM o Integrated Pest Production Management nga sponsored sa Netherlands ug nahimong usa ka dakong panalangin sa mga estudyante ug sa tibuok eskwelahan.
Isip usa ka Tech Voc nga tunghaan ang maong basakan nag mabungahon sa mga estudyante. Una, kini nagtudlo kanila sa importansya sa agrikultura ug sa pagpananom og humay, nga usa ka dakong bahin sa kultura ug ekonomiya sa Pilipinas.
Matod ni Cristine Lechido usa sa mga studyante nga Horticulture major, pinaagi sa pag-apil sa pagtanom, pag-atiman, ug pag-ani sa bugas, ang mga estudyante sama kaniya, makakat-on sa mga praktikal nga mga kahanas nga mahimong magamit sa ilang kaugmaon.
โDako syag help sa amoa, kay dili lang sya applicable sa skwelahan pati na sa gawas, samot na kay farmer akong papaโ matod niya.
Ang pag-atiman sa humayan nagtudlo usab sa mga estudyante sa pagtinabangay ug responsibilidad pinaagisa pagtanom, pagbubo og tubig, paglimpyo sa mga sagbot, ug pagbantay niini. Kini nagpalambo sa ilang mga kahanas sa komunikasyon, pagplano, ug pagsulbad sa mga problema. Ilang makat-unan ang importansya sa pagtahod sa kinaiyahan ug sa pagpanalipod sa atong mga kahinguhaan.
Gawas pa sa mga benepisyo sa edukasyon, ang humayan naghatag usab sa pinansyal nga suporta sa skwelahan. Ang bugas nga maani gikan sa humayan ginabaligya sa mirkado ug ang kwarta niini mamahimong pundo alang sa mga proyekto sa tunghaan.
Ang humayan sa Asuncion National High School usa ka maayong panig-ingnan sa kung giunsa ang usa ka eskwelahan mahimong usa ka sentro sa pagkat-on, pagpalambo, ug pagserbisyo sa komunidad. Kini nagpakita nga ang edukasyon dili lamang mahitungod sa pagbasa ug pagsulat, apan usab mahitungod sa pagkat-on sa praktikal nga mga kahanas, pagpalambo sa mga mithi, ug pag-amot sa atong katilingban.
Sa katapusan kini na himong usa ka simbolo sa paglaum ug inspirasyon ug nagpakita nga bisan unsa pa ka gamay ang atong mga kahinguhaan, mahimo natong makab-ot ang dagkong mga butang kon kita magtinabangay, magkugi, ug magbaton og pagtuo sa atong kaugalingon. Kini nagpahinumdom kanato nga ang agrikultura usa ka halangdon nga propesyon, ug nga ang mga mag-uuma ang mga bayani nga nagpakaon sa atong nasud.
ni | Pea Palma
Layout | Jerah Liwatan
