https://www.facebook.com/100343408426066/

MDRRMO-Bulan Municipal Disaster Risk Reduction & Management Office, Bulan (2026)

06/09/2026

🚑 Tamang Paraan ng Pagdadala at Pagbuhat sa Biktima, Pasyente, Bedridden at walang kakayahang mag lakad.

Sa oras ng emergency, mahalagang malaman ang tamang paraan ng paglipat o pagdadala sa isang biktima. Ang maling pagbuhat ay maaaring magpalala ng pinsala, lalo na kung may posibleng injury sa ulo, leeg, likod o gulugod.

1. One-Man Carry — Tamang Pagdadala ng Isang Tao

•Para sa biktimang may kakayahang tumayo o bahagyang makalakad ngunit nangangailangan ng tulong.
•Alalayan ang biktima sa balikat o tagiliran.
Iwasang hilahin o pilitin siyang maglakad kung masakit ang kanyang katawan.
•Panatilihing balanse at mabagal ang paggalaw.
Mainam lamang ito sa maiikling distansya at kung ligtas ang kondisyon ng biktima.

2. Piggyback Carry — Pagdadala sa Likod
Maaaring gamitin kung ang biktima ay may malay at kayang kumapit sa tagapagligtas.

•Tiyaking nakakapit nang maayos ang biktima.
Hawakan nang matatag ang mga binti o katawan upang hindi mahulog.
•Dapat sapat ang lakas at balanse ng tagapagligtas.
•Mainam lamang para sa maikling distansya.

3. Two-Man Carry — Dalawang Taong Tagapagdala

•Ginagamit kapag kailangan ng dalawang responder upang mailipat ang biktima.
•Magtulungan at magbigay ng malinaw na utos bago bumuhat.
•Panatilihing suportado ang katawan ng biktima.
•Iwasan ang biglaang pagbuhat o pagbaba.
Kung may posibilidad ng injury sa gulugod, huwag basta gamitin ang paraang ito; mas ligtas ang stretcher kung available.

4. Three-Man or More Carry — Tatlo o Higit Pang Responder

•Para sa mas mabigat, hindi makagalaw, o nangangailangan ng higit na suporta na biktima.

Maaaring gamitin ang:

Hammock Carry – gamit ang kumot o matibay na tela bilang pansamantalang suporta.

Four-Hand Seat Carry – ginagamit kung ang biktima ay may kakayahang umupo o humawak.

Fireman’s Drag – ginagamit lamang kung kinakailangang ilayo agad ang biktima sa panganib.

Hiwa-hiwalay na Pagdadala – maaaring gamitin depende sa sitwasyon at kondisyon ng biktima.

5. One-Man Carry — Pack-Strap Carry

•Para sa biktimang hindi makalakad ngunit kailangang ilipat sa ligtas na lugar at kaya itong gawin nang ligtas ng responder.
•Siguraduhing maayos ang pagkakahawak.
•Panatilihing balanse ang katawan.
•Huwag gamitin kung maaaring lumala ang injury dahil sa paggalaw.

6. Two-Man Carry — Dalawang Taong Nagbubuhat

•Angkop kung kailangan ng dalawang responder upang mas ligtas na mailipat ang biktima.

Four-Hand Seat Carry – parang upuan na gawa sa mga kamay ng responders.

Carry by Extremities – isang responder ang sumusuporta sa upper body at ang isa sa lower body.

•Magbilang o magbigay ng utos bago sabay na bumuhat.
•Siguraduhing matatag ang pagkakahawak.

7. Three-Man or More Carry

•Para sa biktimang mas mabigat, hindi makagalaw o nangangailangan ng maraming responders.
•Magtalaga ng isang responder na mangunguna sa koordinasyon.
•Iangat at ibaba ang biktima nang sabay-sabay.
Panatilihing tuwid at suportado ang katawan hangga't maaari.
•Mas ligtas kung may stretcher kaysa mano-manong pagbuhat kapag available.

8. Foot Drag — Paghatak sa Paa

•Ito ay hindi unang pagpipilian at ginagamit lamang kung kailangang mailayo agad ang biktima sa panganib at walang mas ligtas na paraan.
•Huwag gamitin kung maaari itong magdulot ng karagdagang pinsala.
•Iwasang hatakin ang ulo, leeg o gulugod.
•Kung may stretcher o sapat na responders, gamitin ang mas ligtas na paraan.

⚠️ MAHALAGANG PAALALA
Hindi lahat ng biktima ay dapat basta binubuhat o hinihila.

🟥 Unahin ang kaligtasan.
Siguraduhing ligtas muna ang lugar bago lapitan o ilipat ang biktima.

🟦 Tiyaking walang karagdagang pinsala.
Kung pinaghihinalaang may injury sa ulo, leeg o gulugod, iwasang igalaw ang biktima maliban kung may agarang panganib.

🟩 Gamitin ang tamang paraan ayon sa sitwasyon.
Isaalang-alang ang kondisyon, bigat, kakayahang gumalaw ng biktima, bilang ng responders at kaligtasan ng lugar.

🟥 Tumawag sa MDRRMO kapag kinakailangan.
Para sa malubhang pinsala, hindi makagalaw na biktima, unconscious patient, o sitwasyong nangangailangan ng professional rescue, humingi agad ng tulong sa MDRRMO/rescue team.

📞 MDRRMO Bulan Hotline
0916 676 5356 / 0961 823 4132

Tandaan: Ang tamang pagdadala ay hindi lamang tungkol sa lakas—ito ay tungkol sa tamang pamamaraan, koordinasyon at kaligtasan ng biktima at responder.

06/09/2026

MDRRMO RESPONDER REPORT September 2, 2026

04/09/2026

|| 𝐒𝐭𝐚𝐧𝐝𝐛𝐲 𝐌𝐞𝐝𝐢𝐜 𝐓𝐞𝐚𝐦 𝐬𝐚 𝐏𝐫𝐨𝐠𝐫𝐚𝐦𝐚 𝐧𝐠 𝐏𝐚𝐦𝐚𝐡𝐚𝐥𝐚𝐚𝐧𝐠 𝐏𝐚𝐧𝐥𝐚𝐥𝐚𝐰𝐢𝐠𝐚𝐧: 𝐋𝐢𝐠𝐭𝐚𝐬 𝐧𝐚 𝐏𝐚𝐚𝐫𝐚𝐥𝐚𝐧 𝐚𝐭 𝐃𝐢𝐬𝐢𝐩𝐥𝐢𝐧𝐚𝐝𝐨𝐧𝐠 𝐊𝐚𝐛𝐚𝐭𝐚𝐚𝐧, “𝐁𝐞 𝐖𝐢𝐬𝐞, 𝐁𝐞 𝐒𝐚𝐟𝐞, 𝐖𝐞 𝐒𝐚𝐯𝐞” 𝐈𝐧𝐢𝐭𝐢𝐚𝐭𝐢𝐯𝐞 ||

Ngayong araw ng Biyernes Setyembre 4, 2026, isinagawa sa Bulan Gymnasium, Barangay Sta. Remedios, Bulan, Sorsogon ang “Be Wise, Be Safe, We Save” Initiative ng Pamahalaang Panlalawigan ng Sorsogon sa ilalim ng temang “Kabataang Sorsoganon: Mabuti, Disiplinado at Makatao.” Layunin nitong itaguyod ang disiplina, kaligtasan, mabuting asal, at responsableng pagkilos ng mga kabataan.

Kabilang sa mga nagbigay ng mensahe sina Governor Edwin “Boboy” Hamor, Vice-Governor Jun Escudero, at Hon. Mayor Romeo A. Gordola, MDRRMC Chairman at ilang lokal na opisyal, na nagbigay-diin sa kahalagahan ng pagtutulungan ng pamahalaan, paaralan, magulang, at komunidad para sa proteksyon at kapakanan ng kabataan. Bilang suporta sa aktibidad, nag-deploy ang MDRRMO-EOC ng mga responders sa pangangasiwa ni Mr. John Derick C. Grey, OIC-MDRRMO, bilang Standby Medic Team at Augmentation Support para sa mga kawani ng LGU Bulan at Pamahalaang Panlalawigan.

Nagbahagi rin si Mr. John Derick C. Grey ng mahahalagang kaalaman tungkol sa nararapat na gawin sa oras ng panganib, emergency, o krimen sa loob at labas ng paaralan.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office

𝕀𝕟𝕔𝕒𝕤𝕖 𝕠𝕗 𝕖𝕞𝕖𝕣𝕘𝕖𝕟𝕔𝕪 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮

03/09/2026

🦟 DENGUE: MAG-INGAT, MAGING MAPAGMATYAG!

Ang dengue ay isang sakit na naipapasa sa kagat ng lamok na Aedes. Maaaring magsimula ito sa simpleng lagnat, ngunit maaari ring lumala at maging delikado kung hindi agad mabibigyan ng tamang atensiyong medikal.

⚠️ Mga Karaniwang Sintomas ng Dengue
Mag-ingat kung nakararanas ng:
🌡️ Mataas na lagnat
🔴 Pagpapantal o pamumula ng balat
🤢 Pagkahilo at pagsusuka
💪 Pananakit ng katawan, kalamnan, at mga mata
🤕 Matinding sakit ng ulo
Kung may mga ganitong sintomas, huwag mag-self-medicate. Magpakonsulta agad sa pinakamalapit na healthcare center upang masuri nang maayos.

🚨 WARNING SIGNS: Mga Senyales ng Malubhang Dengue

Dalhin agad sa ospital o emergency facility ang pasyente kapag nakararanas ng:

🤮 Paulit-ulit o matinding pagsusuka
🩸 Pagdurugo, tulad ng pagdurugo ng ilong o gilagid
🩸 Pagsusuka o pagdumi na may dugo
🤕 Matinding pananakit ng tiyan
😴 Labis na panghihina, pagkabalisa o pagiging antukin
🫁 Hirap sa paghinga
🚽 Kaunting ihi o hindi pag-ihi

Anumang biglaang paglala ng kondisyon, lalo na pagkatapos humupa ang lagnat.

Tandaan:

•Ang warning signs ay maaaring lumitaw habang o pagkatapos bumababa ang lagnat.
•Huwag hintaying maging malubha ang kondisyon bago humingi ng tulong medikal.

🏥 Kailan Dapat Magpakonsulta?

•Sa unang sintomas pa lamang ng dengue, magpakonsulta na sa healthcare worker.
•Mahalaga ang maagang pagsusuri at pagmamanman upang malaman kung kinakailangan ng karagdagang gamutan o referral sa ospital.
•May PhilHealth package para sa kwalipikadong pasyente na nangangailangan ng gamutan sa ospital.

Para sa impormasyon tungkol dito, maaaring tumawag sa PhilHealth Hotline 1555, press 2.

🦟 Paano Maiiwasan ang Dengue?
4S Kontra Dengue:

•Search and destroy – Hanapin at alisin ang mga lugar na maaaring pamugaran ng lamok, lalo na ang mga lalagyan na may naipong tubig.
•Self-protection – Gumamit ng mosquito repellent, magsuot ng mahahabang damit at gumamit ng kulambo kung kinakailangan.
•Seek early consultation – Magpakonsulta agad kapag may sintomas.
•Support fogging/spraying – Makipagtulungan sa mga awtoridad sa mga lugar na may outbreak o mataas na kaso, kung kinakailangan.

📢 PAALALA SA LAHAT

•Ang dengue ay maaaring maiwasan at maagapan.
•Panatilihing malinis ang paligid, huwag hayaang magkaroon ng stagnant water, at regular na suriin ang bahay at komunidad para sa posibleng pamugaran ng lamok.
•Huwag balewalain ang lagnat.
•Kapag may sintomas o warning signs, magpakonsulta agad.

MDRRMO BULAN
📞 Hotline: 0916 676 5356 / 0961 823 4132

Source: DOH Bicol CHD

02/09/2026

|| 𝐃𝐢𝐬𝐭𝐫𝐢𝐜𝐭 𝐁𝐒𝐏 𝐀𝐝𝐯𝐚𝐧𝐜𝐞𝐦𝐞𝐧𝐭 𝐂𝐚𝐦𝐩: 𝐅𝐢𝐫𝐬𝐭 𝐀𝐢𝐝 𝐎𝐫𝐢𝐞𝐧𝐭𝐚𝐭𝐢𝐨𝐧 ||

Ngayong araw Setyembre 2, 2026 (Miyerkules), nagsagawa ang ilang kawani ng Municipal Disaster Risk Reduction and Management Office – Emergency Operations Center (MDRRMO-EOC) ng First Aid Knowledge-Sharing at Practical Demonstration para sa mga kalahok ng District BSP Advancement Camp ng Boy Scouts of the Philippines (BSP) Sorsogon Council na ginanap sa San Isidro Elementary School, Bulan II District, Bulan, Sorsogon. Isinagawa ang aktibidad bilang tugon sa kahilingan ni Mr. Fred G. Gelotin, Elementary School Head Teacher I, para sa suporta ng MDRRMO sa mga aktibidad na may kaugnayan sa Emergency Preparedness at First Aid.

Ang aktibidad ng MDRRMO ay isinagawa sa ilalim ng mandato ni Mr. John Derick C. Grey, OIC-MDRRMO, at buong suporta ni Hon. Mayor Romeo A. Gordola, MDRRMC Chairman.

Sa isinagawang orientation at demonstration, itinuro sa mga Scout ang mga pangunahing kaalaman sa First Aid, kabilang ang tamang pag-assess sa isang nasugatan o nangangailangan ng tulong, pagbibigay ng agarang paunang lunas, at kahalagahan ng paghingi ng karagdagang tulong medikal kung kinakailangan.

Binigyang-diin din ang kahalagahan ng kahandaan, kaligtasan, teamwork, at pagiging kalmado sa panahon ng emergency, lalo na sa mga outdoor activities at camping. Layunin ng aktibidad na madagdagan ang kaalaman, kumpiyansa, at kakayahan ng mga Scout na makapagbigay ng tamang paunang tulong habang hinihintay ang pagdating ng mga professional responders.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office

𝕀𝕟𝕔𝕒𝕤𝕖 𝕠𝕗 𝕖𝕞𝕖𝕣𝕘𝕖𝕟𝕔𝕪 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮

01/09/2026

AIR QUALITY ALERT
PAALALA SA PUBLIKO:

May naitalang hindi magandang kondisyon ng kalidad ng hangin sa ilang lugar. Pinapayuhan ang lahat na manatiling alerto at gawin ang mga kinakailangang pag-iingat upang maprotektahan ang kalusugan.

Para sa kaligtasan:

• Limitahan ang matagal na pananatili o mabigat na gawain sa labas.
• Magsuot ng angkop na face mask kung kinakailangan, lalo na sa mga sensitibo sa polusyon.
• Panatilihing sarado ang mga bintana at pinto kung mataas ang antas ng polusyon sa labas.
• Uminom ng sapat na tubig at magpahinga kung makaramdam ng discomfort.
• Bantayan ang mga bata, matatanda, buntis, at may respiratory o heart conditions.

Dahil sa Habagat, umabot sa ilang bahagi ng Luzon at Visayas ang haze mula sa forest fires sa Kalimantan, Indonesia.

Kung kailangang lumabas at walang N95, maaaring gumamit ng basang panyo o tela o double-mask bilang alternatibong proteksyon.

31/08/2026

Ano ang AED? Paano ito gamitin?

Ang AED (Automated External Defibrillator) ay isang computerized na aparatong ginagamit sa mga emergency kung saan ang isang tao ay biglang nawalan ng malay at hindi normal o walang paghinga. Sinusuri nito ang tibok ng puso at nagbibigay ng electrical shock kung kinakailangan.

Sa paggamit ng AED, tandaan ang madaling tandaan na PAAS:

🅿️ P – POWER ON
I-on agad ang AED at sundin ang mga voice prompt o tagubilin ng aparato. Habang inihahanda ang AED, tiyaking may tumatawag sa emergency responders at nagsisimula ng CPR kung kinakailangan.

🅰️ A – ATTACH THE PADS
Ikabit ang electrode pads sa dibdib ng biktima. Ilagay ang mga pad ayon sa nakalarawang gabay sa mismong pads. Kailangang nakalantad at tuyo ang dibdib upang maging maayos ang pagkakadikit ng pads.

🅰️ A – ANALYZE
Huwag hawakan ang biktima habang sinusuri ng AED ang tibok ng puso. Sabihin nang malinaw na “CLEAR!” at siguraduhing walang nakakahawak sa biktima. Awtomatikong tutukuyin ng AED kung kailangan ng shock.

🆂 S – SHOCK
Kung sabihin ng AED na kailangan ng shock, siguraduhing walang nakakahawak sa biktima, saka sundin ang utos ng aparato upang maibigay ang shock. Pagkatapos nito, ipagpatuloy agad ang CPR ayon sa tagubilin ng AED.

⚠️ MAHALAGANG PAALALA PO!!!

Hindi kailangang maging eksperto upang gumamit ng AED—sundin lamang ang malinaw na tagubilin ng aparato.

Huwag hawakan ang biktima habang nag-aanalyze o nagbibigay ng shock.

Panatilihing tuyo ang dibdib bago ikabit ang pads.

Huwag patagalin ang pagsisimula ng CPR habang hinihintay ang AED.

Tumawag agad sa 911 o sa lokal na emergency responders kapag may taong biglang nawalan ng malay at hindi normal ang paghinga.

Bawat segundo ay mahalaga. Kumilos agad!!!

MDRRMO BULAN
📞 0916 676 5356 / 0961 823 4132

31/08/2026

MDRRMO BULAN
WEEKLY INCIDENT SUMMARY UPDATE
August 31, 2026

Mula August 26, 2026 hanggang August 31, 2026 ngayong araw

📊 PANGKALAHATANG BUOD

Sa nakaraang reporting period, nakapagtala ang MDRRMO Bulan ng kabuuang 9 na insidente na may 12 taong sangkot.

Pinakamarami ang:

🚗 Vehicular Accident – 4 insidente
🏥 Medical Emergency – 4 insidente
🌊 Drowning Incident – 1 insidente

Walang naitalang Animal-Related Incident at Medical Conduction.

📋 MGA NAITALANG INSIDENTE

Sa loob ng reporting period, naitala ang mga insidente ng Vehicular Accident sa San Isidro, Danao, at San Rafael, habang ang mga Medical Emergency ay naitala sa Zone 2, Zone 8, Antipolo, at Zone 7. Mayroon ding isang Drowning Incident sa Gate. Sa kabuuan, nakapagtala ang MDRRMO Bulan ng 9 na insidente na may 12 taong sangkot.

📌 INCIDENT BREAKDOWN

🚗 Vehicular Accident: 4
🏥 Medical Emergency: 4
🌊 Drowning: 1
🐾 Animal-Related: 0
🚑 Medical Conduction: 0

TOTAL: 9 INSIDENTE

⚠️ MAHALAGANG PAALALA SA PUBLIKO

🚗 Sa kalsada:

Sumunod sa traffic rules at speed limits.
Iwasan ang overspeeding at reckless driving.
Huwag gumamit ng cellphone habang nagmamaneho.
Laging magsuot ng helmet at seatbelt.
Mag-ingat lalo na kapag gabi, umuulan, o madulas ang kalsada.

🏥 Sa medical emergency:

Humingi agad ng tulong kapag may emergency.
Makipag-ugnayan sa MDRRMO o pinakamalapit na responder.
Iwasang magsagawa ng medical procedure kung walang sapat na training.

🌊 Sa mga lugar na may tubig:

Huwag hayaang mag-isa ang mga bata malapit sa tubig.
Iwasang lumangoy sa mapanganib o malakas ang agos.
Huwag makipagsapalaran kung hindi marunong lumangoy.
Laging bantayan ang mga kasama, lalo na ang mga bata.

🚨 MDRRMO BULAN EMERGENCY HOTLINES:
📞 0916 676 5356
📞 0961 823 4132

Sa oras ng emergency, agad makipag-ugnayan sa MDRRMO Bulan para sa mabilis na tulong at emergency response.

🛡️ MANATILING ALERT0. MANATILING HANDA.

Ang pag-iingat, kahandaan, at tamang kaalaman ay mahalaga upang maiwasan ang aksidente, pinsala, at pagkawala ng buhay.

|

30/08/2026

|| 𝟏-𝐃𝐚𝐲 𝐅𝐢𝐫𝐬𝐭 𝐀𝐢𝐝 𝐓𝐫𝐚𝐢𝐧𝐢𝐧𝐠 𝐩𝐚𝐫𝐚 𝐬𝐚 𝐈𝐤𝐚-𝐚𝐩𝐚𝐭 𝐧𝐚 𝐁𝐚𝐭𝐜𝐡 𝐧𝐠 𝐊𝐚𝐚𝐠𝐚𝐩 𝐁𝐮𝐡𝐚𝐲 𝐎𝐫𝐠𝐚𝐧𝐢𝐳𝐚𝐭𝐢𝐨𝐧 𝐌𝐞𝐦𝐛𝐞𝐫𝐬 ||

Ngayong araw Agosto 30, 2026, Linggo, matagumpay na isinagawa ng Municipal Disaster Risk Reduction and Management Office (MDRRMO) ang ika-4 at huling batch ng First Aid Training para sa mga miyembro ng Kaagap Buhay Organization sa 2nd Floor, Sabang Park All-Purpose Building, Barangay Zone 2, Bulan, Sorsogon. Isinagawa ito sa ilalim ng mandato ni Mr. John Derick C. Grey, OIC-MDRRMO, at sa patuloy na suporta ni Hon. Mayor Romeo A. Gordola, MDRRMC Chairman, upang mapalakas ang kahandaan at kakayahan ng komunidad sa pagtugon sa emergency.

Binigyang-diin sa pagsasanay ang aktwal at hands-on na pagsasagawa ng First Aid, kabilang ang paunang pagsusuri sa pasyente, wastong pagtugon sa emergency, basic life-saving techniques, at iba pang pangunahing First Aid interventions. Sa pamamagitan ng praktikal na pagsasanay, nagkaroon ang mga kalahok ng pagkakataong maisagawa ng aktwal ang kanilang natutuhan at magkaroon ng kumpiyansa sa pagbibigay ng agarang tulong habang hinihintay ang mga propesyonal na responder.

Isinagawa ang aktibidad bilang tugon sa pormal na kahilingan nina Mr. Achilles Honasan, Federation President, at Mr. Fiel Gerero, Kaagap Founder, bilang bahagi ng kanilang layuning mabigyan ang mga miyembro ng praktikal na kasanayan na maaaring magamit sa panahon ng sakuna at pang-araw-araw na emergency.

Bilang huling batch, ang aktibidad ay bahagi ng patuloy na programa ng MDRRMO na makapaglinang ng mas handa, may kakayahan, at responsableng community volunteers para sa kaligtasan ng kanilang pamilya at komunidad.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office

𝕀𝕟𝕔𝕒𝕤𝕖 𝕠𝕗 𝕖𝕞𝕖𝕣𝕘𝕖𝕟𝕔𝕪 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮

29/08/2026

|| 𝟏-𝐃𝐚𝐲 𝐅𝐢𝐫𝐬𝐭 𝐀𝐢𝐝 𝐓𝐫𝐚𝐢𝐧𝐢𝐧𝐠 𝐩𝐚𝐫𝐚 𝐬𝐚 𝐈𝐤𝐚𝐭𝐥𝐨𝐧𝐠 𝐁𝐚𝐭𝐜𝐡 𝐧𝐠 𝐊𝐚𝐚𝐠𝐚𝐩 𝐁𝐮𝐡𝐚𝐲 𝐎𝐫𝐠𝐚𝐧𝐢𝐳𝐚𝐭𝐢𝐨𝐧 𝐌𝐞𝐦𝐛𝐞𝐫𝐬 ||

Ngayong Sabado, Agosto 29, 2026, matagumpay na nagsagawa ang Municipal Disaster Risk Reduction and Management Office (MDRRMO) ng 3rd Batch First Aid Training para sa mga miyembro ng Kaagap Buhay Organization. Isinagawa ang aktibidad sa ilalim ng mandato ni Mr. John Derick C. Grey, OIC-MDRRMO, at buong suporta ni Hon. Mayor Romeo A. Gordola, MDRRMC Chairman, upang higit na mapalakas ang kahandaan at kakayahan ng mga komunidad sa pagtugon sa mga emergency at kalamidad.

Ginanap ang pagsasanay sa 2nd Floor ng Sabang Park All Purpose Building, Barangay Zone 2, Bulan, Sorsogon, bilang tugon sa pormal na kahilingan nina Mr. Achilles Honasan, Kaagap Federation President, at Mr. Fiel Gerero, Founder ng Kaagap Buhay Organization. Sa isinagawang pagsasanay, binigyan ang mga kalahok ng pangunahing kaalaman at praktikal na kasanayan sa first aid, wastong pagtugon sa emergency, at mga life-saving techniques na maaaring magamit sa panahon ng aksidente, pinsala, at iba pang sitwasyong nangangailangan ng agarang tulong.

Layunin din nitong mapalakas ang kanilang kakayahang makapagbigay ng paunang lunas at kinakailangang assistance habang hinihintay ang pagdating ng mga propesyonal na responders. Sa pamamagitan ng patuloy na pagsasagawa ng mga ganitong pagsasanay, layunin ng MDRRMO na magkaroon ng mas may kakayahan, maagap, at handang mga community volunteers na maaaring makatulong sa pagtugon sa mga emergency at paghahanda sa mga kalamidad.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office

𝕀𝕟𝕔𝕒𝕤𝕖 𝕠𝕗 𝕖𝕞𝕖𝕣𝕘𝕖𝕟𝕔𝕪 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮

MDRRMO-Bulan Municipal Disaster Risk Reduction & Management Office

06/09/2026

06/09/2026

04/09/2026

03/09/2026

02/09/2026

01/09/2026

31/08/2026

31/08/2026

30/08/2026

29/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request