Mandaluyong City Nutrition Committee

21/09/2026

21/09/2026

18/09/2026

LHEARN: SAMA-SAMANG AKSYON, MAS MATATAG NA NUTRISYON!

Isang makabuluhang 2-Day LHEARN Learning Session ang isinagawa noong September 15–16, 2026, sa pagtutulungan ng Mandaluyong City at Valenzuela City, bilang bahagi ng patuloy na pagpapalakas ng nutrition programs at good governance sa mga lokal na pamahalaan.

Sa Day 1, tampok ang pagbabahagi ng Mandaluyong City’s Journey to Nutrition Excellence, kasama ang mga mahahalagang paksa tulad ng:
📌 Overview ng LHEARN Project
📌 Integration ng Local Nutrition Action Plan (LNAP) sa City Development Plan at Annual Investment Plan (AIP)
📌 Barangay Nutrition Scholar Program
📌 Overweight and Obesity Program
📌 Infant and Young Child Feeding (IYCF) Program

Samantala, sa Day 2, mas pinalalim ang kaalaman sa:
📌 Nutrition in Emergencies at Integration nito sa Disaster Risk Reduction Management Plan, LNAP at AIP
📌 Pag-uugnay ng mga pamilyang may malnourished children sa livelihood programs (CSWD)
📌 Food Processing Seminar at iba pang existing livelihood programs
📌 Nutrition Governance sa Barangay

Ang LHEARN (Learning Hub for Enhanced and Revitalized Nutrition) ay isang inisyatiba ng National Nutrition Council (NNC) na ipinatutupad ng NNC-NCR, sa pamumuno ni Ms. Milagros Elisa V. Federizo, Regional Nutrition Program Coordinator, katuwang ang Mandaluyong City bilang nag-iisang LHEARN LGU sa NCR.

Sa bawat kaalaman na naibabahagi, mas napapalakas ang kakayahan ng mga LGU na bumuo ng mga programang tumutugon sa tunay na pangangailangan ng komunidad.

17/09/2026

MANDALUYONG, PANALO SA NUTRISYON!

5 major awards + Very Satisfactory rating for our 2025 Nutrition Programs!
Saludo sa City Nutrition Committee, barangays, health workers, BNS, at lahat ng katuwang sa serbisyong pangkalusugan. Dahil kapag sama-sama ang gawa, buong lungsod ang panalo! 🙌

Nutrisyon ang prayoridad. Mandaluyong ang umaani ng tagumpay!

17/09/2026

MANDALUYONG, TATAK TAGUMPAY SA NUTRISYON!

Isang makabuluhang araw ng pagkilala at tagumpay ang nasaksihan sa 2026 Regional Nutrition Awarding Ceremony ng National Nutrition Council–National Capital Region (NNC-NCR), sa pangunguna ni Ms. Milagros Elisa V. Federizo, Regional Nutrition Program Coordinator.

Dumalo rin ang ating minamahal na Mayor Menchie Abalos, bilang patunay ng patuloy at matatag na suporta ng Pamahalaang Lungsod sa mga programa para sa nutrisyon at kalusugan ng bawat Mandaleño. 💙💛

Ipinagkaloob sa Lungsod ng Mandaluyong ang mga sumusunod na pagkilala:
- Best LGU in National Dietary Supplementation Program
- Best LGU in Micronutrient Supplementation Program
- Best LGU in Nutrition Investment
- Appreciation Award – Learning Hub for Enhanced and Revitalized Nutrition (LHEARN)
- Ms. Teresa Delos Reyes, City Nutrition Program Coordinator, ay kinilala bilang 1st Runner-Up sa Search for the 2025 Regional Outstanding City Nutrition Program Coordinator.
- BNS Ms. Estephanie Bengua ay naging contender sa Search for the 2025 Regional Outstanding Barangay Nutrition Scholar—isang karangalang sumasalamin sa dedikasyon ng ating mga BNS sa serbisyo para sa komunidad.

At bilang patunay ng mahusay na pamamahala sa nutrisyon, ginawaran ang City of Mandaluyong ng Certificate of Quality Nutrition Program Management matapos makamit ang Very Satisfactory rating sa implementasyon at pamamahala ng 2025 Local Nutrition Action Plan, batay sa pagsunod sa mga itinakdang nutrition standards.

Bawat parangal ay bunga ng sama-samang pagkilos.
Mula sa ating Local Chief Executive, City Nutrition Committee, Nutrition Secretariat, mga Barangay sa pangunguna ng ating Barangay Captains, Health Centers, Barangay Nutrition Action Officers, Barangay Nutrition Scholars, at katuwang na ahensya. Patuloy nating pinatutunayan na kapag iisa ang layunin, sama-sama ang gawa, at nutrisyon ang prayoridad, buong lungsod ang umaani ng tagumpay!

16/09/2026

Handog ng Pangulo: Serbisyong Sapat para sa Lahat!

Nakikiisa ang City Government of Mandaluyong sa pagdiriwang ng kaarawan ni Pangulong Ferdinand “Bongbong” Marcos Jr., kasama ang iba’t ibang Local Government Units sa paghahatid ng mga serbisyong sapat para sa lahat noong ika-14 ng Setyembre sa Mandaluyong College of Science and Technology Gymnasium.

Tampok sa pagdiriwang ang iba’t ibang FREE SERVICES para sa ating mga Mandaleño, lalo na sa mga senior citizen, kabilang ang health and wellness, social services, legal assistance, at iba pa. Bilang bahagi ng serbisyong pangkalusugan, naghatid din ng LIBRENG NUTRITION COUNSELING ang ating nutrition office.

10/09/2026

𝙎𝙩𝙧𝙤𝙣𝙜𝙚𝙧 𝙋𝙖𝙧𝙩𝙣𝙚𝙧𝙨𝙝𝙞𝙥𝙨, 𝘽𝙚𝙩𝙩𝙚𝙧 𝙉𝙪𝙩𝙧𝙞𝙩𝙞𝙤𝙣!

Noong September 2, 2026, nagtipon sa Mandaluyong City Medical Center Annex ang mga kinatawan ng National Nutrition Council–NCR (NNC-NCR) na sina RNPC Milagros Elisa Federizo, NOIII Fabiola Allysa Bringas, at NOII Jim Andrei Victoria, kasama ang mga miyembro ng Mandaluyong Nutrition Secretariat, at local partner mula sa City Planning and Development Department, na kinatawan ni Assistant Department Head Engr. Young Simbulan. upang pag-usapan ang nalalapit na pagbisita ng ilang local government units sa ating lungsod.

Sinundan ito ng courtesy call kay Mayor Menchie Abalos sa Mayor’s Office para sa pormal na signing ng MOU para sa LHEARN Project – Learning Hub for Enhanced and Revitalized Nutrition.

Isang mahalagang hakbang tungo sa mas matatag na partnership, mas innovative na nutrition programs, at mas malusog na komunidad.

Sama-sama, tuloy-tuloy para sa nutrisyon!

07/09/2026

𝗕𝗡𝗦: 𝗕𝗶𝗱𝗮 𝘀𝗮 𝗡𝘂𝘁𝗿𝗶𝘀𝘆𝗼𝗻 𝗮𝘁 𝗦𝗲𝗿𝗯𝗶𝘀𝘆𝗼 💚

Alam mo ba kung gaano karami ang Barangay Nutrition Scholars (BNSs) na nagsisilbi sa mga barangay sa Metro Manila? 👀

Ayon sa Presidential Decree No. 1569, kailangang magkaroon ng BNS sa bawat barangay upang may nakatutok sa nutrisyon sa barangay. Ang pangunahing tungkulin ng isang Barangay Nutrition Scholar (BNS) ay magsilbing tulay ng pamayanan at mga service provider upang maghatid ng mga serbisyong pangnutrisyon.

Sa NCR, may mga BNS na permanent, casual, o contractual employees ng lokal na pamahalaan, habang ang ilang barangay ay nagtatalaga rin ng karagdagang BNS. May mga BNS ding nagsisilbi sa dalawa o higit pang barangay, kaya naaabot pa rin ang mga komunidad na walang sariling BNS.

Patuloy na nakikipagtulungan ang NNC-NCR sa mga LGU at barangay upang palakasin ang BNS Program at nutrition workforce sa rehiyon. Kinikilala rin ang mga pagsisikap ng mga lokal na pamahalaan na dagdagan ang bilang ng mga BNS at mapalawak ang access ng mga pamilya sa mga programang pangnutrisyon. 💚

Silipin ang datos at alamin ang bilang ng BNS sa NCR! 📊

𝘋𝘢𝘵𝘢 𝘚𝘰𝘶𝘳𝘤𝘦: 𝘝𝘢𝘭𝘪𝘥𝘢𝘵𝘦𝘥 𝘥𝘢𝘵𝘢 𝘧𝘳𝘰𝘮 𝘵𝘩𝘦 𝘓𝘰𝘤𝘢𝘭 𝘕𝘶𝘵𝘳𝘪𝘵𝘪𝘰𝘯 𝘖𝘧𝘧𝘪𝘤𝘦𝘴 𝘰𝘧 𝘵𝘩𝘦 17 𝘓𝘎𝘜𝘴 𝘪𝘯 𝘕𝘊𝘙, 𝘢𝘴 𝘰𝘧 𝘈𝘶𝘨𝘶𝘴𝘵 2026. 𝘋𝘢𝘵𝘢 𝘧𝘰𝘳 𝘵𝘩𝘦 𝘊𝘪𝘵𝘺 𝘰𝘧 𝘔𝘢𝘯𝘪𝘭𝘢 𝘢𝘳𝘦 𝘱𝘢𝘳𝘵𝘪𝘢𝘭.

07/09/2026