13/08/2026
๐๐-๐๐๐ ๐๐๐๐๐๐๐๐ ๐๐๐๐๐๐๐๐๐ ๐๐ฅ
ODIONGAN, ROMBLON โ Pormal nang inilunsad sa Bayan ng Odiongan ang Measles-Rubella Supplemental Immunization Activity (MR-SIA) Campaign Launching, sa pakikipagtulungan ng Odiongan Rural Health Unit, Provincial DOH Office-Romblon, Barangay Budiong Elected Officials, Barangay Health Workers (BHWs), Barangay Nutrition Scholars (BNS) at Child Development Workers (CDWs).
Mainit na binuksan ang programa sa pamamagitan ng Welcome Remarks mula kay Hon. Judy Formilos, Barangay Captain ng Barangay Budiong, kung saan ipinaabot niya ang buong suporta ng barangay sa pampublikong inisyatibang ito para sa kalusugan ng kabataan.
Kasunod nito, nagbigay ng mensahe ng pakikiisa si Hon. Joel Falogme, SB Chairman Committee on Health and Sanitation, na nagbigay-diin sa kahalagahan ng pagtutulungan ng Lokal na Pamahalaan at ng sektor ng kalusugan upang masigurong ligtas ang bawat pamilyang Odionganon laban sa mga sakit na maiiwasan sa pamamagitan ng bakuna.
Naghatid naman ng sigla at tuwa sa pagtitipon ang isang special intermission number mula sa mga mag-aaral ng Budiong Child Development Center.
Ipinaabot din ni Dr. Gaudencio Formadero, Municipal Health Officer ng Odiongan Rural Health Unit, ang kanyang mahalagang mensahe ukol sa layunin ng kampanya at ang kahalagahan ng pagpapabakuna sa mga bata sa tamang edad. Sinundan ito ng mensahe ng suporta mula kay Ms. Rio Faeldan, RN, Development Management Officer IV ng Provincial DOH Office - Romblon, na nagpatibay sa ugnayan ng pambansa at lokal na pamahalaan sa pagsusulong ng immunization program.
Tampok sa naturang aktibidad ang ginanap na sabayang pagbabakuna, na personal na pinangunahan nina Dr. Gaudencio Formadero, Dr. Franciz Lianne Ramos, at Dr. Jonathan Maglaya.
Matapos ang pormal na paglulunsad, agad na isinagawa ang pagbabakuna sa mga target na bata sa Barangay Budiong na may edad 6 na buwan hanggang 59 na buwan (below 5 years old) upang matiyak na protektado sila laban sa tigdas at rubella.
Patuloy na nag-aanyaya ang Odiongan RHU at ang LGU Odiongan sa lahat ng mga magulang na suportahan ang MR-SIA campaign at pabakunahan ang kanilang mga anak sa kani-kanilang mga barangay.
