03/09/2026
GOV. DEMEREY, JR., NAKIGTAPOK SA MGA MAYORIS UG REPRESENTANTE SA 7 KA LUNGSOD NING PROBINSYA; SOLUSYON UG TUBAG SA KRISIS SA TUBIG, SENTRO SA HISGUTANAN!
โ๏ธ : Alrose Emperado Pis-o
๐ท : Marken Jun Jangalay
PIO DINAGAT ISLANDS - Aron pagbayloa-ay og mga ideya ug suhestyon may kalambigitan sa giatubang nga problema ug krisis diri sa probinsya, ang Panggamhanaโng Probinsyal ilawom sa pagdumala ni Governor Nilo P. Demerey, Jr., MPM, kauban ang pipila ka department heads, mayoris ug representante gikan sa pito (7) ka lungsod ning lalawigan, nagtapok alang sa paghisgut sa mga solusyon, interbinsyon, ug tubag sa mga kabalaka sa katawhan, pinaagi sa usa ka Coordination Meeting, karong adlawa, Setyembre 03, 2026, nga gipahigayon didto sa IJN Yamashiro Function Hall, Brgy. Cuarinta, San Jose, PDI.
Saysay sa Gobernador, nga aduna nay gi-invasion ug ginatan-aw sa water council nga kung mahimo ang tanan barangay aduna'y dagko ng mga tangke aron maoy mahimoโng source sa tubig ug didto magsag-ob ang mga lumulopyo aron igo nalang haturan og tubig sa water truck labon naa nay desalination ang probinsya, pasabot nga ang dagat i-desalinate ibutang sa water truck aron pwede na kini magamit sa inadlaw-adlaw nga panginahanglanon sa katawhan. Dugang pa ni Gov. Demerey, Jr., nga ang tanan minahan diri sa Isla gipangayoan sa ilang used drum nga ilang pinturahan daan para ihataod ug i-distribute sa matag purok nga lisud abtan sa tubig aron maoy pundohan.
Lakip sa gipaabot ni Gobernador mao ang pagpangayo sa 6 ka water truck tungod ky matud pa niini nga ang matag munisipyo kinahanglan naay tagsa-tagsa ka water truck, pagpalit sa filters aron magamit sa reverse osmosis ug desalination aron mapahimuslan ug masolusyonan ang problema sa tubig diri sa probinsya, ug ang mga umaabot nga donasyon nga tubig gikan sa managlahing ahensya lakip na niini ang 10 thousand bottles (6 ltrs) gikan sa Office of the Civil Defense - OCD nga ipanghatag diri sa probinsya.
Sa pagkakaron, padayon ang mga hingtundan nga ahensya ug buhatan ubos sa mando ni Gov. Demerey, Jr., sa pagpangita sa potential areas nga pagakuhaan sa tubig aron masulbad ang krisis nga gi-atubang sa komunidad.
Anaa sa maong panagtapok si San Jose Municipal Mayor, Ruben J D. Zuniega, Tubajon Municipal Mayor Fely Pedrablanca, Chief of Staffs ug Sangguniang Bayan Members isip representante sa mga mayoris gikan sa Lungsod sa Dinagat, Libjo, Basilisa, Cagdianao ug Loreto, DILG-PDI Provincial Director John Reyl L. Mosquito, ug department heads gikan sa managlahing buhatan sa kapitolyo.
