Buner Police

01/06/2026

ضروری اطلاع

31/05/2026

27/05/2026

پریس ریلیز
مورخہ: 27 مئی 2026

عید الاضحیٰ کے موقع پر ڈی پی او بونیر محمد عتیق شاہ کا مختلف اداروں کا دورہ، جوانوں، قیدیوں، مریضوں اور یتیم بچوں کے ساتھ عید کی خوشیاں بانٹیں

ڈسٹرکٹ پولیس آفیسر بونیر محمد عتیق شاہ نے عید الاضحیٰ کے پرمسرت موقع پر نمازِ عید پولیس لائن بونیر میں پولیس جوانوں کے ہمراہ ادا کی۔ نماز عید کے بعد انہوں نے پولیس لائن اور مختلف ڈیوٹی پوائنٹس پر موجود پولیس اہلکاروں سے ملاقات کی، انہیں عید کی مبارکباد پیش کی اور بطورِ عیدی تحائف بھی تقسیم کئے۔

ڈی پی او بونیر نے اس موقع پر جوانوں کے جذبۂ فرض شناسی اور عوامی خدمت کے عزم کو سراہتے ہوئے کہا کہ عید جیسے خوشیوں بھرے مواقع پر بھی پولیس فورس عوام کے جان و مال کے تحفظ کیلئے اپنی ذمہ داریاں احسن انداز میں انجام دے رہی ہے۔

بعد ازاں ڈی پی او بونیر محمد عتیق شاہ نے منسٹر ایکسائز، ٹیکسیشن اینڈ نارکوٹکس کنٹرول سید فخر جہان باچا کے ہمراہ ڈگر جیل کا دورہ کیا جہاں انہوں نے قیدیوں سے ملاقات کی، ان کے مسائل دریافت کئے اور انہیں عید الاضحیٰ کی مبارکباد پیش کی۔ اس موقع پر ڈپٹی کمشنر بونیر شہریار قمر بھی ان کے ہمراہ موجود تھے۔

بعدہ انہوں نے ڈسٹرکٹ ہیڈکوارٹر ہسپتال ڈگر کا تفصیلی دورہ کیا، مختلف وارڈز میں زیر علاج مریضوں کی عیادت کی اور ان کی جلد صحت یابی کیلئے نیک تمناؤں کا اظہار کیا۔

ڈی پی او بونیر نے بعد ازاں یتیم بچوں کیلئے قائم امن کور سکول کا بھی دورہ کیا جہاں انہوں نے بچوں کے ساتھ وقت گزارا، انہیں عید کی مبارکباد دی، عیدی اور مختلف تحائف تقسیم کئے۔ بچوں نے ڈی پی او بونیر کی آمد پر خوشی کا اظہار کیا جبکہ اس موقع پر عید کی خوشیوں کو یادگار بنانے کیلئے خصوصی سرگرمیوں کا بھی اہتمام کیا گیا۔

ڈی پی او بونیر محمد عتیق شاہ نے کہا کہ عید کا اصل پیغام خوشیوں کو دوسروں کے ساتھ بانٹنا، انسانیت کی خدمت اور معاشرے کے کمزور طبقات کا خیال رکھنا ہے، اور بونیر پولیس ہمیشہ عوام کے ساتھ ہر خوشی و غم میں شریک رہے

ترجمان بونیر پولیس

27/05/2026

ضروری پیغام

26/05/2026

تمام اہل اسلام کو عید الاضحی بہت بہت مبارک ہو اللہ تعالیٰ ہم سب کی قربانیاں قبول فرمائیں

26/05/2026

بونیر کی تاریخ میں پہلی بار خواتین کے لیے جدید پولیس ٹریفک ٹریننگ اسکول کا آغاز
۔۔۔
ڈسٹرکٹ پولیس آفیسر بونیر محمد عتیق شاہ کی خصوصی ہدایات پر ٹریفک پولیس بونیر کی جانب سے خواتین کے لیے “پولیس ڈرائیونگ اینڈ ٹریفک ٹریننگ اسکول” شروع کیا جا رہا ہے۔
اس اسکول میں خواتین کو پردے کے باقاعدہ انتظام کے ساتھ لیڈیز اسٹاف اور تجربہ کار انسٹرکٹرز کی نگرانی میں جدید ڈرائیونگ، ٹریفک قوانین اور روڈ سیفٹی کی عملی تربیت دی جائے گی۔
یہ اقدام خواتین کو خودمختار، بااعتماد اور محفوظ ڈرائیونگ کی جانب ایک اہم قدم ثابت ہوگا۔
محدود نشستوں کے باعث جلد از جلد داخلہ یقینی بنائیں۔
رابطہ نمبر: 0939510420

ڈسٹرکٹ پولیس آفیسر بونیر
محمد عتیق شاہ

25/05/2026

پریس ریلیز
مورخہ 25 مئی 2026

ڈسٹرکٹ پولیس آفیسر بونیر محمد عتیق شاہ کی جانب سے تعریفی سرٹیفیکیٹس کی تقسیم

ڈسٹرکٹ پولیس آفیسر بونیر، محمد عتیق شاہ کی جانب سے فیلڈ ڈیوٹی میں بہترین کارکردگی کا مظاہرہ کرنے والے پولیس افسران و جوانوں کو دفتر طلب کیا گیا اور فیلڈ ڈیوٹی میں نمایاں کارکردگی دکھانے والے اہلکاروں میں تعریفی سرٹیفیکیٹس اور نقد انعامات تقسیم کیے گئے۔

اس موقع پر ڈسٹرکٹ پولیس آفیسر بونیر محمد عتیق شاہ نے کہا کہ پولیس فورس کی اصل طاقت اس کے محنتی، فرض شناس اور بہادر افسران و جوان ہیں، جو دن رات عوام کے جان و مال کے تحفظ، قیامِ امن اور جرائم کے خاتمے کے لیے اپنی ذمہ داریاں احسن طریقے سے سرانجام دے رہے ہیں۔ انہوں نے کہا کہ بہترین کارکردگی کا اعتراف اور حوصلہ افزائی پولیس فورس کے مورال کو بلند کرنے میں اہم کردار ادا کرتی ہے۔

ترجمان بونیر پولیس

24/05/2026

پریس ریلیز
مورخہ: 24 مئی 2026

بونیر پولیس کی جانب سے مختلف علاقوں میں جامع سرچ اینڈ کومبنگ آپریشنز

ریجنل پولیس آفیسر ملاکنڈ سید فداحسن شاہ کی خصوصی ہدایات اور ڈسٹرکٹ پولیس آفیسر بونیر محمد عتیق شاہ کی نگرانی میں ضلع بونیر کے مختلف حساس اور اہم مقامات پر سرچ اینڈ سٹرائیک آپریشنز کیے گئے۔

کارروائی میں ضلعی پولیس، ایلیٹ فورس، ڈی ایس بی اور سی ٹی ڈی کے اہلکاروں نے بھرپور حصہ لیا، جبکہ آپریشن کی قیادت متعلقہ ایس ڈی پی اوز اور ایس ایچ اوز نے انجام دی۔

آپریشن کے دوران متعدد افراد کی چیکنگ اور تصدیقی عمل مکمل کیا گیا۔ جانچ پڑتال کے بعد کلیئر قرار دیے جانے والے افراد کو رہا کر دیا گیا۔ اس کے علاوہ مختلف مقامات پر نگرانی کے عمل کو مزید مؤثر بنانے کے لیے سرچ سرگرمیوں کو وسعت دی گئی۔

ڈی پی او بونیر محمد عتیق شاہ نے کہا کہ ضلع میں پائیدار امن کے قیام، جرائم پیشہ عناصر کی بیخ کنی اور شہریوں کے جان و مال کے تحفظ کے لیے ایسے سرچ اور کومبنگ آپریشنز آئندہ بھی تسلسل کے ساتھ جاری رکھے جائیں گے۔

ترجمان بونیر پولیس

20/05/2026

پریس ریلیز
مورخہ: 20 مئی 2026

ڈسٹرکٹ پولیس آفیسر بونیر محمد عتیق شاہ کی سربراہی میں اعلیٰ سطحی اجلاس، ضلع کی مجموعی سیکیورٹی صورتحال کا تفصیلی جائزہ

بونیر: ڈسٹرکٹ پولیس آفیسر بونیر محمد عتیق شاہ کی سربراہی میں ضلع بونیر کی مجموعی امن و امان اور سیکیورٹی صورتحال کا جائزہ لینے کے حوالے سے ایک اہم اعلیٰ سطحی اجلاس منعقد ہوا۔ اجلاس میں ایس پی انویسٹیگیشن فاروق زمان، ضلع بھر کے تمام ایس ڈی پی اوز اور انٹیلی جنس اداروں کے سربراہان نے شرکت کی۔

اجلاس کے دوران ضلع بھر میں موجود سیکیورٹی صورتحال، جرائم کی روک تھام، حساس مقامات کی نگرانی، سرچ اینڈ سٹرائیک آپریشنز، مشکوک افراد کی نقل و حرکت، بین الاضلاعی راستوں کی مانیٹرنگ اور عوامی مقامات کی سیکیورٹی سے متعلق امور پر تفصیلی غور کیا گیا۔

ڈسٹرکٹ پولیس آفیسر بونیر محمد عتیق شاہ نے اجلاس سے خطاب کرتے ہوئے کہا کہ ضلع میں امن و امان کا قیام پولیس کی اولین ترجیح ہے اور عوام کے جان و مال کے تحفظ کیلئے تمام دستیاب وسائل بروئے کار لائے جائیں گے۔ انہوں نے متعلقہ افسران کو ہدایت جاری کی کہ جرائم پیشہ عناصر، اشتہاری ملزمان اور مشکوک سرگرمیوں میں ملوث افراد کے خلاف کارروائیوں کو مزید مؤثر بنایا جائے جبکہ داخلی و خارجی راستوں پر چیکنگ کے نظام کو مزید سخت کیا جائے۔

ترجمان بونیر پولیس