21/04/2026
ضروری وضاحت
کوہاٹ بورڈ کی مجاز اتھارٹی کے علم میں یہ بات لائی گئی ہے کہ کچھ ایس ایس ٹی اساتذہ جن کی پریٹیکلز میں ڈیوٹی لگائی گئی ہے کو اپنی سکول انتظامیہ کی طرف سے فارغ نہیں کیا جارہا ہے۔
اس لئے یہ وضاحت کی جارہی ہے کہ پریکٹیکل امتحان سالانہ امتحانات اول 2026 کا حصہ ہے جن کے بارے میں محکمہ ابتدائی وثانوی تعلیم پہلے ہی ضروری ہدایات جاری کرچکا ہے۔لہٰذا تمام اساتذہ کرام جن کی ڈیوٹی لگی ہے وہ فی الفور اپنے ڈیوٹی آرڈر کی تعمیل کریں اور تمام ڈی ای او صاحبان اور پرنسپل صاحبان صوبائی حکومت کی ہدایات پر عمل درآمد یقینی بنائیں۔
شفاف اور بروقت امتحانات ایک قومی فریضہ ہے جس کو پایہ تکمیل تک پہنچانا ہم سب کا فرض ہے۔
کوہاٹ بورڈ