04/08/2026
پنجاب ووکیشنل ٹریننگ کونسل اور بیٹر کاٹن Better Cotton Initiative - US پاکستان نے پنجاب کی متنوع آب و ہوا اور زمین کی بحالی کے لیے متعین کاشتکاری کے طریقوں پر مبنی کمپیٹنسی بیسڈ ٹریننگ پروگرام کے مشترکہ آغاز کے لیے مفاہمتی یادداشت پر دستخط کیے۔
اس شراکت داری کے تحت زرعی فیلڈ اسٹاف، نوجوان پیشہ ور افراد اور دیہی آبادی کو پائیدار زراعت، فصلوں کے جدید انتظام، موسمیاتی تبدیلی سے مطابقت اور گرین اسکلز کی عملی تربیت فراہم کی جائے گی تاکہ ایک ایسے تربیت یافتہ اور مستند افرادی قوت کی تیاری ممکن ہو جو پاکستان میں موسمیاتی لحاظ سے محفوظ اور جدید زرعی نظام کے فروغ میں مؤثر کردار ادا کر سکے۔
اس پروگرام کا آغاز 200 شرکاء پر مشتمل پائلٹ بیچ سے کیا جائے گا، جبکہ آئندہ مرحلے میں اس کا دائرہ کار بڑھا کر 1,000 سے زائد افراد تک وسیع کیا جائے گا۔ اس ضمن میں نصاب کی تیاری، ماسٹر ٹرینرز کی تربیت، استعداد کار میں اضافہ، سرٹیفیکیشن اور روزگار کے مواقع پر خصوصی توجہ دی جائے گی۔
پی وی ٹی سی کے وسیع تربیتی نیٹ ورک اور بیٹر کاٹن کی عالمی معیار کی پائیدار کاٹن پیداوار میں مہارت کا امتزاج دیہی معیشت کو مضبوط بنانے، زرعی شعبے کے لیے ہنرمند افرادی قوت تیار کرنے اور عالمی پائیداری کے تقاضوں سے ہم آہنگ زرعی نظام کے فروغ میں اہم کردار ادا کرے گا۔
یہ شراکت داری اس عزم کی عکاس ہے کہ ہنر، پائیدار زراعت اور جدید تربیت کے ذریعے نوجوانوں اور دیہی آبادی کے لیے بہتر روزگار اور خوشحال مستقبل کے نئے مواقع پیدا کیے جائیں۔
