DGPR AJK Digital

02/08/2026

مظفرآباد
ممبر الیکشن کمیشن سید نظیر الحسن گیلانی نے مزید دو انتخابی حلقہ جات کے نتائج کا اعلان کر دیا

ایل اے 38جموں 5 سے پاکستان مسلم لیگ ن کے امیدوار ذیشان علی کامیاب

ذیشان علی نے 13652 ووٹ حاصل کے

انکے مدمقابل پاکستان مسلم لیگ آزاد جموں وکشمیر کے امیدوار 9523 ووٹ حاصل کیے

ایل اے 39 جموں 6 سے پاکستان مسلم لیگ ن کے امیدوار راجہ محمد صدیق کامیاب

راجہ محمد صدیق نے 10981 ووٹ حاصل کیے

انکے مدمقابل پاکستان پیپلز پارٹی کےامیدوار چوہدری فخر زمان نے 5081 ووٹ حاصل کیے

02/08/2026

02/08/2026

مظفرآباد( پی آئی ڈی)02 اگست 2026

آزاد جموں و کشمیر قانون ساز اسمبلی کے عام انتخابات 2026 کے دوسرے مرحلے میں اتوار کے روز مظفرآباد ڈویژن کے 8 حلقوں اور مہاجرین مقیم پاکستان کے 12 حلقوں میں پولنگ مجموعی طور پر پرامن ماحول میں منعقد ہوئی۔ ووٹرز نے صبح سے شام تک اپنے حقِ رائے دہی کا استعمال کیا، جبکہ پولنگ اسٹیشنوں پر انتخابی عمل کو شفاف اور منظم انداز میں مکمل کرانے کے لیے الیکشن کمیشن کی جانب سے خصوصی انتظامات کیے گئے تھے۔

تمام حلقوں میں پولنگ کا عمل معمول کے مطابق جاری رہا، تاہم شدید بارش، خراب موسمی حالات اور لینڈ سلائیڈنگ کے باعث حلقہ ایل اے-27 مظفرآباد 1 میں پولنگ کا انعقاد ممکن نہ ہو سکا۔ عوام اور پولنگ عملے کی حفاظت کو مدنظر رکھتے ہوئے اس حلقے میں پولنگ ملتوی کر دی گئی، جو اب 4 اگست کو منعقد ہوگی۔

چیف الیکشن کمشنر آزاد جموں و کشمیر جسٹس (ر) غلام مصطفٰی مغل نے سینئر ممبر الیکشن کمیشن خواجہ محمد احسن، ممبر الیکشن کمیشن سید نظیر الحسن گیلانی اور سیکرٹری الیکشن کمیشن راجہ محمد شکیل خان کے ہمراہ مختلف پولنگ اسٹیشنوں کا دورہ کیا اور انتخابی عمل کا جائزہ لیا۔ انہوں نے انتظامات پر اطمینان کا اظہار کرتے ہوئے اس عزم کا اظہار کیا کہ الیکشن کمیشن آزاد، منصفانہ اور شفاف انتخابات کے انعقاد کے لیے اپنی ذمہ داریاں پوری دیانتداری سے ادا کرتا رہے گا۔ واضح رہے کہ آزاد کشمیر کے عام انتخابات 2026 کے دوسرے مرحلے میں مظفرآباد ڈویژن کے 8 اور مہاجرین مقیم پاکستان کے 12 حلقوں میں ووٹنگ ہوئی، جبکہ صرف حلقہ ایل اے-27 مظفرآباد 1 کے پورے حلقہ اور حلقہ ایل اے 28 مظفرآباد 2 کے 4 پٹوار سرکلز میں خراب موسمی حالات کے باعث پولنگ ملتوی کی گئی جوکہ اب 4 اگست کو ہوگی۔

02/08/2026

مظفرآباد :ممبر آزادجموں وکشمیر الیکشن کمیشن سید نظیر الحسن گیلانی کا حلقہ ایل اے-29 مظفرآباد 3 کے مختلف پولنگ سٹیشنز کا دورہ

ممبر الیکشن کمیشن نے پولنگ کے عمل، ووٹر سہولیات اور سکیورٹی انتظامات کا تفصیلی جائزہ لیا

سید نظیر الحسن گیلانی نے پولنگ کے پُرامن انعقاد اور سکیورٹی انتظامات پر اطمینان کا اظہار کیا

ممبر الیکشن کمیشن نے انتخابی عملے کو شفاف، غیر جانبدار اور منظم پولنگ یقینی بنانے کی ہدایت کی

پولنگ سٹیشنز پر ووٹرز کے لیے فراہم کردہ سہولیات اور انتظامات کا بھی معائنہ کیا گیا

ممبر الیکشن کمیشن نے کہا کہ آزادانہ، منصفانہ اور شفاف انتخابات کا انعقاد الیکشن کمیشن کی اولین ترجیح ہے

پولنگ سٹیشنز پر انتخابی عمل پُرامن ماحول میں جاری، ووٹرز کا حقِ رائے دہی استعمال کرنے کا سلسلہ برقرار

ممبر الیکشن کمیشن نے سکیورٹی اداروں اور انتخابی عملے کی کارکردگی کو سراہا

02/08/2026

مظفرآباد
آزاد جموں وکشمیر الیکشن کمیشن نے مظفرآباد ڈویژن میں پولنگ کا وقت ایک گھنٹہ بڑھا دیا

مظفرآباد ڈویژن میں پولنگ شام 6 بجے تک جاری رہے گی

مظفرآباد ڈویژن کے ووٹرز اب شام 6 بجے تک اپنا حقِ رائے دہی استعمال کر سکیں گے

اس سے قبل پولنگ کا وقت شام 5 بجے تک مقرر کیا گیا ہے

تاہم ووٹرز کی زیادہ تعداد کو مدنظر رکھتے ہوئے پولنگ کے وقت میں ایک گھنٹہ کی توسیع کر دی گئی ہے۔

02/08/2026

آزاد جموں وکشمیر قانون ساز اسمبلی انتخابات2026، دوسرے مرحلے میں مظفرآباد ڈویژن میں پولنگ کا عمل جاری ، مرد و خواتین کی بھرپور شرکت

02/08/2026

مظفرآباد(پی آئی ڈی)02اگست2026
آزادجموں وکشمیر الیکشن کمیشن نے خرابی موسم و بندش راستے بوجہ لینڈ سلائیڈنگ انتخابی عملہ اور پولنگ مٹیریل نہ پہنچے کیوجہ سے حلقہ ایل اے 28 مظفرآباد 2 کے پٹوار سرکل نوسیری نوسدہ، پنجگراں، دیولیاں، پنجکوٹ کی حد تک پولنگ ملتوی کر دی ہے۔ اب ان پٹوار سرکل کی پولنگ 04 اگست 2026 کو مقررہ اوقات کار کے مطابق ہو گی۔ ترجمان آزادجموں وکشمیر الیکشن کمیشن کی جانب سے جاری کردہ پریس ریلیز کے مطابق پٹوار سرکل نوسیری نوسدہ پولنگ اسٹیشن نمبر 55 تا 67 و پٹوار سرکل پنجگراں پولنگ سٹیشن نمبر 107 تا 118 و پٹوار سرکل دیولیاں پولنگ اسٹیشن نمبر 119 تا 130 و پٹوار سرکل پنجکوٹ پولنگ اسٹیشن نمبر 159 تا 173 کی پولنگ ملتوی کر دی گئی ہے۔ الیکشن کمیشن نے ریٹرنگ آفسیر ایل اے 28 مظفرآباد 2 کی رپورٹ پر ان پٹوار سرکل کے متعلقہ پولنگ اسٹیشنوں کی پولنگ ملتوی کی ہے۔ ان پولنگ اسٹیشنوں کی دوبارہ پولنگ 04 اگست 2026 کو صبح 8 سے شام 5 بجے تک ہو گی۔ ان پولنگ اسٹیشن ہا کے سیل شدہ پولنگ بیگ پریزائیڈنگ آفیسران سے بااخذ رسید ریٹرننگ آفسیر نے واپس وصول کر لیے ہیں۔
****