05/08/2026
یومِ شہداء پولیس — سیالکوٹ پولیس کے جانبازوں کو خراجِ عقیدت
شہریوں کے جان و مال کی حفاظت کی خاطر جان کا نذرانہ پیش کرنے والے سیالکوٹ پولیس کے عظیم شہداء کو خراجِ عقیدت پیش کرنے کے لیے یومِ شہداء پولیس کی پروقار تقریبات کا انعقاد کیا گیا۔ ڈی پی او سیالکوٹ کیپٹن ریٹائرڈ دوست محمد کی قیادت میں پولیس لائنز اور کینٹ ویو مارکی میں منعقدہ تقریبات میں شہداء کی عظیم قربانیوں کو یاد کیا گیا۔
تقریبات کا آغاز پولیس لائن کی جامع مسجد میں قرآن خوانی اور دعا سے ہوا، بعد ازاں یادگارِ شہداء پر چاک و چوبند دستے نے سلامی پیش کی۔ مرکزی تقریب کینٹ ویو مارکی میں منعقد ہوئی جس میں شہداء فیملیز، معزز ممبران پارلیمنٹ، اعلیٰ فوجی و ضلعی افسران، وکلا، تاجر برادری، اور سیکیورٹی اداروں کے سربراہان نے شرکت کی۔ شرکاء نے اپنے خطابات میں شہداء اور ان کی فیملیز کو بھرپور انداز میں خراجِ تحسین پیش کیا.
*ترجمان سیالکوٹ پولیس*
