Assistant Commissioner Vehari

05/08/2026

وہاڑی ()
اسسٹنٹ کمشنر وہاڑی انعم اکرم کی زیر صدارت اراضی ریکارڈ سنٹر میں اجلاس منعقد ہوا، جس میں پلس پراجیکٹ کے تحت وانڈہ جات اور گرین پراپرٹی سرٹیفیکیٹس کے اجراء سے متعلق پیش رفت پر بریفنگ دی گئی۔

اجلاس کے بعد اسسٹنٹ کمشنر انعم اکرم نے اراضی ریکارڈ سنٹر کا دورہ کرتے ہوئے سروس ڈیلیوری، عملے کی حاضری اور صفائی کے انتظامات کا جائزہ لیا۔ انہوں نے موقع پر موجود سائلین سے ریونیو سروسز کی فراہمی کے بارے میں بھی دریافت کیا، جس پر سائلین نے فراہم کی جانے والی سہولیات پر اطمینان کا اظہار کیا۔

اس موقع پر اسسٹنٹ کمشنر انعم اکرم کا کہنا تھا کہ وزیر اعلیٰ پنجاب مریم نواز شریف کے وژن اور ڈپٹی کمشنر وہاڑی کی ہدایات کے مطابق پلس پراجیکٹ کے تحت وانڈہ جات پر تیزی سے کام جاری ہے۔ انہوں نے کہا کہ گرین پراپرٹی سرٹیفیکیٹس کے اجراء سے اراضی کی ملکیت کے ریکارڈ میں شفافیت اور قانونی تحفظ کو مزید یقینی بنایا جا رہا ہے، جبکہ شہریوں کو جدید اور معیاری ریونیو خدمات کی فراہمی حکومت کی اولین ترجیح ہے۔

05/08/2026

05/08/2026

یومِ استحصالِ کشمیر کے موقع پر گول چوک سے پریس کلب وہاڑی تک ریلی کا انعقاد کیا گیا۔ ریلی کی قیادت ڈپٹی کمشنر وہاڑی خالد جاوید گورائیہ نے کی۔

ریلی میں ایڈیشنل ڈپٹی کمشنر میونسپل سروسز غلام مرتضیٰ، اسسٹنٹ کمشنر وہاڑی انعم اکرم، ایم این اے محترمہ تہمینہ دولتانہ کے نمائندے ناصر دولتانہ، ایم پی اے میاں ثاقب خورشید کے نمائندے میاں نیرب خورشید اور شہریوں کی کثیر تعداد نے شرکت کی۔

شرکاء ریلی نے بھارت کے کشمیر پر غاصبانہ قبضے کے خلاف نعرے لگائے اور کشمیری عوام سے اظہارِ یکجہتی کیا۔ شرکاء نے "کشمیر بنے گا پاکستان" اور "کشمیر ہمارا ہے، سارے کا سارا ہے" کے نعرے لگائے۔ شرکاء ریلی نے پاکستان اور کشمیر کے پرچم بھی اٹھا رکھے تھے۔

ڈپٹی کمشنر خالد جاوید گورائیہ نے کہا کہ 5 اگست 2019 کو بھارت نے کشمیریوں کے خلاف ایک ظالمانہ اقدام کیا۔ بھارت نے کشمیر کی خصوصی حیثیت کو ختم کرنے کی ناپاک کوشش کی۔ پاکستان ہر محاذ پر کشمیریوں کے ساتھ ہے اور کشمیریوں کی آواز دنیا بھر میں بلند کرتا رہے گا۔
Deputy Commissioner Vehari

05/08/2026

04/08/2026

وہاڑی() وزیراعلیٰ پنجاب محترمہ مریم نواز شریف کے "اپنا کھیت، اپنا روزگار" پروگرام کے تحت ضلع وہاڑی میں تقریبِ تقسیمِ سرٹیفکیٹس منعقد ہوئی، جس میں 172 بے زمین مرد و خواتین میں 20 سالہ لیز پر زرعی اراضی کے سرٹیفکیٹس تقسیم کیے گئے۔

تقریب میں ڈپٹی کمشنر وہاڑی خالد جاوید گورائیہ، رکن صوبائی اسمبلی ملک نوشیر انجم لنگڑیال، سابق رکن قومی اسمبلی سعید احمد خان منیس، سابق رکن صوبائی اسمبلی سردار خالد محمود ڈوگر، رکن قومی اسمبلی محترمہ تہمینہ دولتانہ کے نمائندے ناصر دولتانہ اور رکن صوبائی اسمبلی میاں ثاقب خورشید کے نمائندے میاں نیرب خورشید ایڈووکیٹ، ایڈیشنل ڈپٹی کمشنر (ریونیو) صبا سحر، اسسٹنٹ کمشنر وہاڑی انعم اکرم نے مرد و خواتین میں سرٹیفکیٹس تقسیم کیے۔

اس موقع پر زرعی اراضی حاصل کرنے والے مرد و خواتین نے وزیراعلیٰ پنجاب محترمہ مریم نواز شریف کا شکریہ ادا کرتے ہوئے کہا کہ یہ منصوبہ ان کے لیے نئی امید اور خوشحالی کا ذریعہ ثابت ہوگا۔

ڈپٹی کمشنر خالد جاوید گورائیہ نے تقریب سے خطاب کرتے ہوئے کہا کہ وزیراعلیٰ پنجاب نے بے زمین کاشتکاروں کو زرعی اراضی فراہم کرکے ان کا دیرینہ خواب پورا کیا ہے۔ انہوں نے کہا کہ "اپنا کھیت، اپنا روزگار" پروگرام کسانوں کی خودمختاری اور زرعی ترقی کی جانب ایک اہم قدم ہے، جس کے ہر مرحلے پر شفافیت اور میرٹ کو یقینی بنایا گیا۔

انہوں نے مزید کہا کہ ضلع وہاڑی میں مجموعی طور پر 288 ایکڑ، 5 کنال، 9 مرلہ زرعی اراضی 172 مرد و خواتین کو 20 سالہ لیز پر دی گئی ہے۔ تفصیلات کے مطابق تحصیل وہاڑی میں 42 افراد کو 62 ایکڑ، 7 کنال، 7 مرلہ، تحصیل بورے والا میں 104 افراد کو 160 ایکڑ، 8 مرلہ جبکہ تحصیل میلسی میں 26 افراد کو 65 ایکڑ، 6 کنال، 17 مرلہ زرعی اراضی لیز پر فراہم کی گئی۔

ڈپٹی کمشنر نے مزید کہا کہ یہ اراضی صرف 100 روپے فی ایکڑ سالانہ کے حساب سے 20 سالہ لیز پر دی گئی ہے، جبکہ زمین کی بحالی اور قابلِ کاشت بنانے کے لیے 50 ہزار روپے فی ایکڑ ترقیاتی گرانٹ بھی فراہم کی جائے گی۔

02/08/2026

وہاڑی () *اسسٹنٹ کمشنر وہاڑی انعم اکرم نے تحصیل وہاڑی کے تین پولنگ اسٹیشنز کا دورہ کرکے انتخابی انتظامات اورسہولیات کا تفصیلی جائزہ لیا*

دورے کے دوران گورنمنٹ ڈگری کالج میں پولنگ عملے اور ووٹرز کے لیے مناسب انتظامات، بیک اپ یو پی ایس، واش رومز اور پینے کے صاف پانی کی دستیابی کو تسلی بخش قرار دیا گیا۔

بعد ازاں گورنمنٹ سکول کوٹ غلام قادر کے معائنے کے دوران صفائی کے معیار کو چیک کیا گیا واش رومز، پینے کے پانی اور بیک اپ بجلی کی سہولت موجود پائی گئی۔

اسسٹنٹ کمشنر نے گورنمنٹ سکول فضل واہ کا بھی دورہ کیا، معائنے کے دوران صفائی کے معیار کو چیک کیا گیا واش رومز، پینے کے پانی اور بیک اپ بجلی کی سہولت موجود پائی گئی۔

اسسٹنٹ کمشنر انعم اکرم نے واضح کیا کہ شفاف، منظم اور پُرامن انتخابات کے انعقاد کے لیے تمام پولنگ اسٹیشنز پر بنیادی سہولیات کی فراہمی اور انتظامات کو ہر صورت یقینی بنایا جائے گا اور کسی قسم کی غفلت یا کوتاہی برداشت نہیں کی جائے گی۔

02/08/2026

*اسسٹنٹ کمشنر انعم اکرم کا جلوس کے روٹ کا دورہ، انتظامات پر اطمینان کا اظہار، جلوس کے اختتام تک اداروں کو الرٹ رہنے کی ہدایت*

وہاڑی () اسسٹنٹ کمشنر وہاڑی انعم اکرم نے چہلم حضرت امام حسینؓ کے مرکزی جلوس کے روٹ کا دورہ کیا اور سیکیورٹی و انتظامی انتظامات کا تفصیلی جائزہ لیا۔

انہوں نے جلوس کے روٹ پر سیکیورٹی، ٹریفک مینجمنٹ، صفائی، طبی سہولیات، ریسکیو سروسز، پینے کے پانی، مسٹ سپرے، سی سی ٹی وی مانیٹرنگ اور دیگر انتظامات کا معائنہ کیا۔ اس موقع پر متعلقہ محکموں کے افسران بھی ان کے ہمراہ موجود تھے۔

اسسٹنٹ کمشنر انعم اکرم نے کیے گئے انتظامات پر اطمینان کا اظہار کرتے ہوئے متعلقہ اداروں کی کارکردگی کو سراہا۔ انہوں نے ہدایت کی کہ جلوس کے اختتام تک تمام ادارے مکمل طور پر الرٹ رہیں، شرکاء کو ہر ممکن سہولت فراہم کی جائے اور امن و امان برقرار رکھنے کے لیے باہمی رابطے اور مؤثر ہم آہنگی کو یقینی بنایا جائے۔

انہوں نے کہا کہ ضلعی انتظامیہ اور قانون نافذ کرنے والے ادارے چہلم کے موقع پر عوام کی جان و مال کے تحفظ اور پرامن ماحول کے قیام کے لیے اپنی ذمہ داریاں بھرپور انداز میں انجام دے رہے ہیں، جبکہ جلوس کے اختتام تک تمام انتظامات کی مسلسل نگرانی جاری رکھی جائے گی۔