Alternativa

Alternativa Alternativa është subjekti më i ri politik në Kosovë. Parti liberal - demokratike e cila do të angazhohet në kthimin e besimit në vlerat e demokracisë.

Kusari-Lila priti delegacionin nga Bangladeshi, diskutuan për thellimin e bashkëpunimit ekonomikMinistrja e Industrisë, ...
13/08/2026

Kusari-Lila priti delegacionin nga Bangladeshi, diskutuan për thellimin e bashkëpunimit ekonomik

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, kryetare e Alternativës, priti sot në takim një delegacion nga Bangladeshi, të kryesuar nga Ambasadori Md. Nazrul Islam dhe z. S.M. Mahbubul Alam, të shoqëruar nga Ambasadori i Kosovës në Bangladesh, Lulzim Pllana.

Gjatë takimit u diskutua për marrëdhëniet ekonomike ndërmjet Kosovës dhe Bangladesh*t dhe mundësitë konkrete për zgjerimin e bashkëpunimit, me fokus të veçantë në industrinë farmaceutike, bioteknologji dhe teknologjinë informative.

Një pjesë e rëndësishme e diskutimit iu kushtua krijimit të mundësive të reja për bashkëpunim biznes me biznes, përfshirë bashkëpunimin ndërmjet Odës Ekonomike të Kosovës (OEK) dhe Dhomës së Tregtisë së Dakës (DCC), si dhe mundësisë që kompanitë nga Bangladeshi të hapin linja prodhuese në Kosovë.

Ministrja Kusari-Lila theksoi se Kosova ofron një mjedis të përshtatshëm për investime, për shkak të afërsisë me tregun e BE-së, politikave fiskale, fuqisë punëtore konkurruese, si dhe qasjes në tregjet evropiane përmes CEFTA-s dhe EFTA-s.

Po ashtu, gjatë takimit u diskutua edhe për nisjen e procesit për një marrëveshje dypalëshe të tregtisë së lirë, e cila do të krijonte mundësi të reja për rritjen e shkëmbimeve tregtare dhe investimeve ndërmjet Kosovës dhe Bangladesh*t.

Ministrja e MINTI-it, kryetare e Alternativës Mimoza Kusari-Lila mori pjesë në pritjen përmbyllëse me ambasadorët dhe sh...
12/08/2026

Ministrja e MINTI-it, kryetare e Alternativës Mimoza Kusari-Lila mori pjesë në pritjen përmbyllëse me ambasadorët dhe shefat e misioneve diplomatike të Republikës së Kosovës, si dhe me ambasadorët e vendeve mike të akredituar në Kosovë, ku u përmbyll Konferenca e IX-të e Ambasadorëve.

"Ndërveprimi dhe harmonizimi i politikave e prioriteteve tona të brendshme me ato të jashtme mbetet një objektiv i përhershëm. Prandaj, forumet dhe takimet e kësaj natyre kanë peshë të veçantë për suksesin e vendit. Gjatë konferencës pata rastin të jem pjesë e panelit për sektorët prioritarë në promovim dhe për rëndësinë e komunikimit të drejtpërdrejtë të misioneve tona me bizneset e diasporës dhe me bizneset e vendeve ku ato veprojnë", është shprehur ajo.

"Sonte e përmbyllëm konferencën me bindjen se vitin e ardhshëm do të kemi edhe më shumë dinamikë, bashkëpunim dhe angazhime të përbashkëta për projekte konkrete në të mirë të Kosovës", ka thënë ajo mes tjerash.

12/08/2026

Deputetja dhe kryetarja e Alternativës, Mimoza Kusari-Lila ka reaguar ndaj përplasjeve të sotme në Kuvend, duke dënuar gjuhën dhe sjelljen e dhunshme dhe duke kërkuar respekt për institucionin dhe kolegët deputetë.

Ajo u ka bëṛë thirrje liderëve politikë për dialog, vetëpërmbajtje dhe një zgjidhje të përbashkët për tejkalimin e ngërçit politik.

Reagimi i plotë:

Sot, Kuvendi i Kosovës nuk përcolli imazhin që qytetarët tanë, e aq më pak bashkatdhetarët tanë në diasporë, meritojnë të shohin. Përplasjet, fyerjet dhe çdo formë e sjelljes së dhunshme në sallën e Kuvendit janë të papranueshme dhe të paarsyetueshme, pavarësisht dallimeve politike.

Thirrjet për të ftuar seancën përmes presionit, sulmeve verbale dhe fizike, janë jo vetëm kundërproduktive, por krijojnë skena të shëmtuara dhe krejtësisht të panevojshme në institucionin që duhet të jetë shembull i debatit demokratik.

Prandaj, u bëj thirrje liderëve të partive politike që t’u kërkojnë deputetëve të tyre të përmbahen nga çdo veprim i dhunshëm apo sjellje që cenon dinjitetin e Kuvendit dhe integritetin personal të kolegëve deputetë. Askush nuk duhet të ndihet i autorizuar ta kalojë këtë vijë.

Për ta nxjerrë Kosovën nga ky cikël i pafund i përplasjeve, liderët politikë duhet të ulen në një tryezë të përbashkët dhe të gjejnë rrugën për tejkalimin e ngërçit politik. Kjo kërkon vullnet politik, përgjegjësi dhe gatishmëri për të bërë kompromiset e nevojshme në interes të vendit.

E për të dëshmuar pjekurinë e demokracisë sonë, duhet të mësojmë të shohim përtej mureve të politikës ditore dhe të kërkojmë mbështetjen e shoqërisë civile dhe të sferës akademike për krijimin e hapësirave të reja për dialog, mirëkuptim dhe zgjidhje.

Më shumë se asnjëherë tjetër, kemi nevojë për përgjegjësi publike, vetëpërmbajtje dhe, mbi të gjitha, respekt për Kuvendin si tempull i demokracisë.

Dhe këtë standard nuk mund t’ua kërkojmë të tjerëve nëse nuk e vendosim së pari ne, të zgjedhurit e qytetarëve të këtij vendi.

Kosova ka nevojë për më shumë përgjegjësi politike dhe më pak përplasje. Për më shumë dialog dhe më pak zhurmë. Është koha ta dëshmojmë këtë me veprime.

Diplomacia dhe ekonomia duhet të ecin bashkë, ndërsa ambasadat e Republikës së Kosovës kanë një rol të rëndësishëm jo ve...
11/08/2026

Diplomacia dhe ekonomia duhet të ecin bashkë, ndërsa ambasadat e Republikës së Kosovës kanë një rol të rëndësishëm jo vetëm në përfaqësimin e vendit tonë, por edhe në krijimin e urave të reja mes bizneseve kosovare, investitorëve, partnerëve dhe tregjeve ndërkombëtare.

Në kuadër të Konferencës IX të Ambasadorëve “Kosova në një botë në ndryshim: Siguri, Partneritet dhe Zhvillim”, të organizuar nga Ministria e Punëve të Jashtme, ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, kryetare e Alternativës u takua me ambasadorët e Republikës së Kosovës në botë.

Gjatë takimit, ministrja Kusari-Lila prezantoi punën e Ministrisë në mbështetje të bizneseve vendore për rritjen e kapaciteteve dhe cilësisë së prodhimit, si dhe për përmirësimin e kushteve për investitorët e huaj. Një pjesë e diskutimit iu kushtua rolit të përfaqësive diplomatike në hapjen e tregjeve të reja për bizneset kosovare dhe promovimin e Kosovës si destinacion për investime.

Duke u ndalur te zhvillimi i ekonomisë së Kosovës, në takim u vlerësua se forcimi i bashkëpunimit ndërmjet MINTI-t, MPJD-së, përfaqësive diplomatike dhe sektorit privat është i rëndësishëm për rritjen e eksporteve, tërheqjen e investimeve të reja dhe adresimin e deficitit tregtar me të cilin përballet vendi.

Pas takimit, në kuadër të sesionit Business to Ambassador (B2A), ambasadorët zhvilluan takime me përfaqësues të bizneseve kosovare nga sektorë të ndryshëm, përfshirë teknologjinë e informacionit, industrinë e drurit dhe prodhimin, agro-përpunimin, industritë kreative dhe filmin, si dhe turizmin.

Këto takime synuan krijimin e lidhjeve të reja, shkëmbimin e informacionit dhe ndërtimin e urave të bashkëpunimit ndërmjet bizneseve kosovare dhe përfaqësive diplomatike, me qëllim që mundësitë e reja për eksport dhe investime të kthehen në rezultate konkrete.

Ministrja Kusari-Lila theksoi se tani është koha që diskutimet dhe bashkëpunimi ndërinstitucional të përkthehen në iniciativa konkrete që do të kontribuojnë në përshpejtimin e transformimit të ekonomisë së Kosovës.

Kusari:Lila: Edhe këtë vit, mirëpritëm bashkatdhetarët tanë në Kuvendin e Republikës së KosovësKryetarja e Alternativës,...
11/08/2026

Kusari:Lila: Edhe këtë vit, mirëpritëm bashkatdhetarët tanë në Kuvendin e Republikës së Kosovës

Kryetarja e Alternativës, deputete e Kuvendit të Republikës së Kosovës Mimoza Kusari-Lila ka thënë se është gjithmonë kënaqësi t’i hapim dyert e Kuvendit për mërgatën tonë dhe të ndajmë me ta biseda për Kosovën, për kontributin e tyre dhe për lidhjen e fortë që i bashkon me vendin.

"Për shumë prej tyre, vizita në Kuvend është një mundësi për ta parë nga afër institucionin ku përfaqësohet zëri i qytetarëve dhe ku merren vendime të rëndësishme për të ardhmen e vendit. Biseduam për investimet, mundësitë që Kosova ofron dhe rolin e pazëvendësueshëm që mërgata jonë ka në zhvillimin ekonomik e shoqëror të vendit. Mërgata nuk është vetëm pjesë e historisë dhe suksesit tonë; ajo është edhe pjesë e potencialit tonë për të ardhmen", ka theksuar ajo.

"Në këtë kontekst, mbetet me rëndësi dhe urgjencë të lartë konstituimi i Kuvendit dhe formimi i institucioneve funksionale. Kosova nuk mund të presë. Investimet, zhvillimi ekonomik, reformat dhe shumë procese të tjera kërkojnë institucione me mandat të plotë dhe vendimmarrje funksionale. Kjo është përgjegjësi ndaj qytetarëve dhe ndaj të gjithë atyre që, nga Kosova apo nga mërgata, kontribuojnë për vendin", është shprehur kryetarja.

Kusari-Lila ka thesuar po ashtu se, kudo që jetojnë, bashkatdhetarët tanë e mbajnë Kosovën në zemër dhe vazhdojnë të jenë një urë e fortë mes vendit tonë dhe botës.

"Dyert e Kosovës dhe Kuvendit tonë dhe tuaj janë gjithmonë të hapura për ju!", është shprehur mes tjerash ajo.

09/08/2026

Kryetarja e Alternativës Mimoza Kusari-Lila ka vrapuar bashkë me një grup aktivistësh në kujtim dhe nderim të heronjve.

"28 vite më parë, në këto ditë gushti, zhvillohej Beteja e Junikut. Djemtë dhe burrat më të mirë të këtij vendi ishin përcaktuar të mbronin korridorin e lirë të lëvizjes me Shqipërinë, përmes të cilit sigurohej bartja e armatimit të domosdoshëm për t’u përballur me ushtrinë jugosllave, policinë dhe formacionet paramilitare serbe, shumëfish më të mëdha në numër se pjesëtarët e UÇK-së", ka kujtuar ajo.

"Sot, në kuadër të organizimeve të Ditëve të Shqiptarit, pa lindur dielli e filluam vrapimin prej Gjakovës për në Junik, në lagjen Miroc, aty ku heronjët fituan lavdinë e përjetshme.
Bedri Shala, Bekim Berisha, Elton Zherka dhe Përmet Vula në luftimet frontale me forcat e armikut ranë heroikisht më 11 gusht 1998. Sot, në këtë shteg me ne, ishte bashkëluftëtari i tyre, Stilian Hoda, prej të cilit dëgjuam rrëfimet për ngjarjet, rrugën e luftës dhe emocionet e atyre ditëve të vështira, por edhe të lavdishme. Sot përjetuam dhe dëgjuam për rrugën dhe momentet e fundit të jetës së heronjve tanë para kalimit në përjetësi", ka theksuar ajo.

Kusari-Lila ka thënë se në mesin e vrapuesve, ishin edhe dy pjesëtarë të Forcës së Sigurisë së Kosovës, pasardhës të denjë të Eltonit dhe Përmetit, të dy të lindur në Gjakovë, në Kosovën e lirë. Ata sot e mbajnë gjallë frymën e sakrificës së brezit të lirisë dhe përfaqësojnë gjeneratën që do ta mbrojë dhe ndërtojë Kosovën.

"Juniku i sotëm, me historinë e tij të lavdishme, shtigjet, malet dhe natyrën mahnitëse, ka potencial të jashtëzakonshëm për t’u bërë një destinacion i njohur i turizmit historik dhe natyror. Këtu historia nuk është vetëm për t’u lexuar; ajo ecën bashkë me vizitorët nëpër shtigje, nëpër male dhe në vendet ku u shkruan faqet më të dhimbshme e më të lavdishme të lirisë. Kosova ka të ardhme dhe ka sigurinë se rruga drejt lirisë është shtruar me sakrificën e djemve dhe vajzave më të mira të saj. Dhe ka një gjeneratë që e mban gjallë amanetin e tyre, e lartëson emrin e Kosovës dhe e kthen kujtesën në forcë për të ardhmen", ka theksuar ajo.

Lavdi e përjetshme Yjeve të Gjakovës dhe të gjithë heronjve e Yjeve të lirisë së Kosovës!

Kryetarja e Alternativës dhe ministre e MINTI-së, Mimoza Kusari-Lila, ka reaguar pas zhvillimeve të fundit në Kuvendin e...
08/08/2026

Kryetarja e Alternativës dhe ministre e MINTI-së, Mimoza Kusari-Lila, ka reaguar pas zhvillimeve të fundit në Kuvendin e Republikës së Kosovës, duke vlerësuar se veprimi politik dhe kauza duhet të kenë bashkërendim logjik. Sipas saj, kur veprimi politik bie ndesh me kauzën, ai shndërrohet në një qasje kaotike, të udhëhequr nga mllefi, emocioni dhe mungesa e një qëllimi të qartë. Refuzimi i takimeve politike, kërkesa për konstituimin e Kuvendit dhe më pas kalimi në veprime fizike, dëshmojnë një opozitë të kapluar nga nervoza dhe mungesa e logjikës politike.
Kusari-Lila theksoi se dialogu dhe takimet mes liderëve politikë mbeten mekanizmi serioz për tejkalimin e situatës së krijuar. Kosova ka nevojë për institucione funksionale dhe kjo arrihet përmes dialogut, kompromisit dhe votës në Kuvend, e jo përmes refuzimit të takimeve, kushtëzimeve të njëanshme apo veprimeve që degradojnë debatin politik.

Reagimi i plotë:

Veprimi politik dhe kauza duhet të kenë bashkërendim logjik. Por kur njëra kundërshton tjetrën, e kupton se nuk ka kauzë dhe sec veprimi politik bëhet kaotik, i udhëhequr nga mllefi, emocioni dhe gjuha vullgare, që dëshmojnë instinktin e pakontrolluar dhe mungesën e një qëllimi të qartë.

Kjo ishte, fatkeqësisht, opozita jonë mbrëmë dhe sot.

Mbrëmë, dy parti opozitare e refuzuan disa herë ftesën për takim nga Kryeministri Kurti, ndërsa tjetra kërkon shumë më tepër sesa ua besuan votuesit e këtij vendi, por njëkohësisht kërkon me ngulm konstituimin e Kuvendit.

Dmth., ne nuk vijmë të flasim, por ejani ju dhe votoni, sepse na duhen institucionet.

Ndërsa sot, edhe përmes veprimit politik të një deputeteje, e cila, siç u dëgjua, nuk e kishte informuar as grupin e saj parlamentar, u kalua në sulm fizik ndaj Kryeministrit me vezë. Ishte një moment surreal, që dëshmoi se nervoza kishte kaluar përtej kontrollit dhe logjikës së veprimit politik.

Nuk kam çfarë të shtoj për veprimin e deputetes, përveçse të uroj që të jetë qetësuar pas atij momenti dhe që, bashkë me grupin e saj parlamentar, të arrijnë të kuptojnë se me praninë dhe votimin e tyre për konstituimin e institucioneve mund të kontribuojnë shumë më dobishëm për vendin sesa me veprime të tilla.

Dialogu dhe takimet mes liderëve politikë mbeten mekanizmi i vetëm serioz për çbllokimin e kësaj situate. Çfarëdo paralele me të kaluarën, justifikim i situatës apo përpjekje për ta bartur përgjegjësinë te të tjerët nuk e ndryshon faktin themelor: vendi ka nevojë për institucione funksionale, ndërsa kjo arrihet përmes dialogut, kompromisit dhe votës në Kuvend, jo përmes refuzimit të takimeve, kushtëzimeve të njëanshme dhe veprimeve që degradojnë debatin politik.

Ministrja Mimoza Kusari-Lila, kryetare e Alternativës ka pritur në takim përfaqësuesit e Congress and Event Organization...
05/08/2026

Ministrja Mimoza Kusari-Lila, kryetare e Alternativës ka pritur në takim përfaqësuesit e Congress and Event Organization (CEO), Albora Demaku dhe Bekim Xhafa, me të cilët ka diskutuar për mundësitë dhe strategjitë e promovimit të Kosovës si një destinacion atraktiv për investime të huaja në prodhim dhe në sektorin e turizmit.

Ajo u shpreh se me përfaqësuesit e CEO-s kanë diskutuar për format e bashkëpunimit ndërmjet Ministrisë dhe CEO-së në periudhën e ardhshme, me fokus në identifikimin e zonave me potencial të gjerë zhvillimor dhe ndërlidhjen e tyre me investitorë kredibilë në fushat respektive.

Edhe njëherë ministrja Kusari-Lila ka theskuar se synim i përbashkët është ta shndërrojmë potencialin industrial të Kosovës në një shtyllë të rëndësishme të zhvillimit ekonomik të vendit.

Kryetarja e Alternativës, ministrja Mimoza Kusari-Lila, së bashku me Arbër Gashin, drejtor i përgjithshëm i Kanal 10, k...
05/08/2026

Kryetarja e Alternativës, ministrja Mimoza Kusari-Lila, së bashku me Arbër Gashin, drejtor i përgjithshëm i Kanal 10, kanë vizituar panairin EXPO DIASPORA 2026, të organizuar nga Java Multimedia Production, i cili po mbahet në Flori Gallery Expo, në Prishtina Mall.

Me këtë rast, ministrja tha se ky panair është një urë që afron diasporën me ekonominë e Kosovës, duke krijuar mundësi të reja për partneritete, investime dhe bashkëpunim afatgjatë.

Ajo theksoi se deri më 18 gusht, vizitorët kanë mundësi të njihen me kompani të suksesshme vendore dhe bashkatdhetarë nga e gjithë bota, të cilët ndajnë të njëjtin vizion për zhvillimin e vendit.

Kusari-Lila potencoi se bizneset pjesëmarrëse, nga investimet, patundshmëritë, shërbimet financiare, turizmi, teknologjia, shëndetësia, industria e bukurisë e deri te brendet vendore, dëshmojnë potencialin, cilësinë dhe konkurrueshmërinë që ka sektori privat i Kosovës.

Ministrja vuri në pah se kreativiteti, përkushtimi dhe vizioni i ndërmarrësve tanë po sjellin produkte dhe shërbime inovative, jo vetëm se e forcojnë ekonominë vendore, por po gjejnë vend edhe në tregjet rajonale e ndërkombëtare.

Gjithashtu, ajo përgëzoi organizatorët: Java Multimedia Production dhe Kanal 10, për organizimin e këtij panairi, i cili promovon sukseset e bizneseve tona dhe forcon lidhjet ekonomike ndërmjet Kosovës dhe diasporës.

Në përmbyllje të vizitës së saj, ministrja vlerësoi se iniciativa të tilla dëshmojnë se duke punuar së bashku mund të ndërtojmë një ekonomi më të fortë dhe një të ardhme më të mirë për vendin tonë.

Ministrja e Ministrisë së Industrisë, Ndërmarrësisë, Tregtisë dhe Inovacionit (MINTI), Mimoza Kusari-Lila, kryetare e Al...
05/08/2026

Ministrja e Ministrisë së Industrisë, Ndërmarrësisë, Tregtisë dhe Inovacionit (MINTI), Mimoza Kusari-Lila, kryetare e Alternativës, ka mirëpritur zyrtarisht inspektorët komunalë, të cilët tashmë do të veprojnë në kuadër të Inspektoratit Qendror të Mbikëqyrjes së Tregut (IQMT).

Me këtë rast, ministrja Kusari-Lila u ka uruar mirëseardhje në shtëpinë e re institucionale 15 inspektorëve të transferuar nga niveli lokal, në përputhje me Ligjin për Inspektoratin Qendror të Mbikëqyrjes së Tregut.

Ajo u shpreh se me këtë hap po forcojmë kapacitetet e Inspektoratit Qendror të Mbikëqyrjes së Tregut, që vepron në kuadër të Ministrisë së Industrisë, Ndërmarrësisë, Tregtisë dhe Inovacionit, duke avancuar zbatimin e reformës së mbikëqyrjes së tregut.

Me këtë transferim, sipas ministres, numri i përgjithshëm i inspektorëve të IQMT-së arrin në 39, nga 24 aktual dhe 15 të rinj, duke bërë të ditur se në fazën e dytë të zbatimit të ligjit, deri në fund të vitit 2026, synojmë ta rrisim këtë numër në 100 inspektorë, duke dyfishuar kapacitetet tona mbikëqyrëse në të gjithë territorin e Republikës së Kosovës.

Ministrja Kusari-Lila theksoi se ky zgjerim i kapaciteteve do të kontribuojë në mbrojtjen më të lartë të të drejtave të konsumatorëve, garantimin e sigurisë së produkteve, rritjen e respektimit të legjislacionit në fuqi dhe ndërtimin e tregut më të drejtë, më të besueshëm dhe më të sigurt për të gjithë qytetarët e Republikës së Kosovës.

Address

Kompleksi Qafa, Rr. UÇK, Kati 1, Nr 67
Pristina
10000

Opening Hours

Monday 11:00 - 16:00
Tuesday 11:00 - 16:00
Wednesday 11:00 - 16:00
Thursday 11:00 - 16:00
Friday 11:00 - 16:00

Telephone

+38349788866

Website

Alerts

Be the first to know and let us send you an email when Alternativa posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Alternativa:

Shortcuts

Share

Category