Alternativa

Alternativa Alternativa është subjekti më i ri politik në Kosovë. Parti liberal - demokratike e cila do të angazhohet në kthimin e besimit në vlerat e demokracisë.

Në Procesin e Berlinit, ministrja Kusari-Lila: Më shumë tregje, më pak barriera dhe më shumë mundësi për biznesetKryetar...
30/09/2026

Në Procesin e Berlinit, ministrja Kusari-Lila: Më shumë tregje, më pak barriera dhe më shumë mundësi për bizneset

Kryetarja e Alternativës, ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka marrë pjesë në takimin ministror të Procesit të Berlinit, të mbajtur në Cetinjë të Malit të Zi, nën kryesimin e Malit të Zi dhe të zëvendëskryeministrit Nik Gjeloshaj.

Në takim u diskutua për hapat konkretë drejt krijimit të një Tregu të Përbashkët Rajonal, me qëllim krijimin e më shumë mundësive për bizneset, investimet, punësimin dhe rritjen ekonomike në Ballkanin Perëndimor.

Ministrja Kusari-Lila tha se Kosova po kontribuon me hapa konkretë në këtë proces, duke veçuar ratifikimin e Protokolleve Shtesë 5, 6 dhe 7 të CEFTA-s, heqjen e vizave për qytetarët e Bosnjë dhe Hercegovinës dhe hyrjen në fuqi, më 1 tetor, të Marrëveshjes së Tregtisë së Lirë Kosovë–EFTA.

Sipas saj, këto hapa krijojnë më shumë mundësi për prodhuesit kosovarë, duke lehtësuar qasjen në tregje dhe duke reduktuar barrierat për eksport.

Në takim u diskutua edhe për lehtësimin e lëvizjes së profesionistëve dhe njohjen e kualifikimeve, si dhe për mbështetjen e inovacionit dhe ndërmarrësisë përmes Ligjit për Inovacion dhe Ndërmarrësi dhe krijimit të Fondit të Inovacionit.

Gjatë vitit 2026, MINTI po mbështet rreth 230 biznese me 9.4 milionë euro, përmes nëntë skemave të granteve, me fokus në modernizim, inovacion, energji të pastër, digjitalizim, certifikim dhe ndërmarrësi të grave.

Në fushën e investimeve, ministrja theksoi qasjen e re për zhvillimin e parqeve industriale ekologjike, ku synohet transformimi i katër parqeve funksionale në parqe të gjelbra, ndërsa tetë të tjera janë në ndërtim, mbi parimet e ekonomisë qarkore dhe simbiozës industriale.

Po ashtu, përmes programit “She Rises”, po mbështetet potenciali i grave ndërmarrëse, me synim zgjerimin e kësaj përvoje edhe në nivel rajonal dhe krijimin e më shumë mundësive për qasje në financim, tregje dhe partneritete.

Duke folur për bashkëpunimin rajonal, ministrja Kusari-Lila e cilësoi si simbolik faktin që, nga gjashtë vendet e Ballkanit Perëndimor, katër ministrat përgjegjës për integrimin ekonomik dhe zhvillimin e tregut janë shqiptarë.

Ajo theksoi se Ballkani Perëndimor ka nevojë për më shumë bashkëpunim ekonomik dhe më pak barriera, ndërsa integrimi rajonal merr kuptim kur vendimet shndërrohen në rezultate konkrete përmes rritjes së tregtisë, investimeve, lëvizjes dhe mundësive për qytetarët dhe bizneset.

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka marrë p...
30/09/2026

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka marrë pjesë në panelin e Ministrave të Ekonomisë, të organizuar në kuadër të Procesit të Berlinit, në Budvë të Malit të Zi.

Në panelin ministror, ku morën pjesë edhe Zëvendëskryeministri dhe Ministri i Zhvillimit Ekonomik të Malit të Zi, Nik Gjeloshaj, si vendi kryesues i Procesit të Berlinit, dhe Ministri i Ekonomisë dhe Punës i Maqedonisë së Veriut, Besart Durmishi, u diskutua për integrimin ekonomik të rajonit dhe përshpejtimin e reformave për Tregun e Përbashkët Rajonal.

Gjatë adresimit të saj, ministrja Kusari-Lila theksoi se suksesi i integrimit rajonal nuk duhet të matet vetëm përmes marrëveshjeve apo zotimeve, por përmes rezultateve konkrete për bizneset dhe qytetarët, përfshirë reduktimin e barrierave jotarifore, thjeshtimin e procedurave dhe digjitalizimin e tyre, si dhe lehtësimin e qasjes në tregjet e rajonit.

Në këtë drejtim, ajo theksoi potencialin që Kosova ka për të ofruar, përfshirë fuqinë punëtore të re dhe të adaptueshme, sektorin në rritje të teknologjisë së informacionit dhe komunikimit dhe kompanitë inovative. Lidhja e këtyre kapaciteteve me potencialin prodhues, industrial dhe logjistik të vendeve të rajonit, sipas saj, krijon mundësi të reja për bashkëpunim dhe rritjen e konkurrueshmërisë së bizneseve në tregjet ndërkombëtare.

Ministrja Kusari-Lila nënvizoi rëndësinë e integrimit digjital dhe lëvizjes së talenteve, duke përfshirë njohjen e kualifikimeve, lehtësimin e lëvizjes së profesionistëve dhe digjitalizimin e procedurave. Ajo theksoi gjithashtu se dëgjimi i drejtpërdrejtë i bizneseve është i domosdoshëm për identifikimin dhe adresimin e barrierave që ndikojnë në veprimtarinë e tyre.

Sipas ministres Kusari-Lila, reformat në Kosovë duhet të ecin në të njëjtin drejtim me Tregun e Përbashkët Rajonal, Planin e Rritjes dhe procesin e anëtarësimit në Bashkimin Evropian.

Ajo theksoi se secila prej gjashtë ekonomive të Ballkanit Perëndimor ka potencialin e saj dhe se lidhja e këtyre kapaciteteve mund të kontribuojë në krijimin e një tregu rajonal më funksional dhe ekonomive më konkurruese.

Në këtë kuadër, objektivi është që lehtësimi i të bërit biznes në të gjithë Ballkanin Perëndimor, përmes procedurave më të thjeshta, kostove më të ulëta dhe proceseve më të shpejta, të sjellë rezultate konkrete për bizneset dhe qytetarët dhe të kontribuojë në rrugën e rajonit drejt Evropës.

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, priti në t...
29/09/2026

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, priti në takim Kryeshefen Ekzekutive të NPQ “Posta e Kosovës” Sh.A., Nora Rraci, me të cilën ka diskutuar për çështje me interes të përbashkët dhe mundësitë për forcimin e bashkëpunimit ndërinstitucional.

Në fokus të diskutimit ishte fuqizimi i bizneseve të vogla dhe të mesme, veçanërisht i atyre me potencial eksportues. Në këtë drejtim, bashkëpunimi me operatorët postarë, duke filluar nga operatori publik, është i rëndësishëm për mbështetjen e bizneseve kosovare në qasjen në tregjet ndërkombëtare, përfshirë edhe aspektin logjistik të eksportimit të produkteve.

Kusari-Lila ka vlerësuar gjithashtu rritjen e rolit të grave në pozita drejtuese në institucionet e Kosovës, duke theksuar se fuqizimi i grave është pjesë e zhvillimit institucional dhe ekonomik të vendit.

Në përfundim të takimit, Kryeshefja Ekzekutive e Postës së Kosovës, Nora Rraci, i ka dhuruar ministres Kusari-Lila një dhuratë simbolike nga programi filatelik “Bukuritë Natyrore të Kosovës”.

Takimi u zhvillua në prag të hyrjes në fuqi të Marrëveshjes së Tregtisë së Lirë Kosovë–EFTA, e cila hap mundësi të reja për eksportet kosovare në tregjet e Zvicrës, Lihtenshtajnit, Norvegjisë dhe Islandës.

Nga 1 tetori hyn në fuqi Marrëveshja e Tregtisë së Lirë Kosovë–EFTA, mundësi të reja për eksportet kosovare Më 1 tetor h...
29/09/2026

Nga 1 tetori hyn në fuqi Marrëveshja e Tregtisë së Lirë Kosovë–EFTA, mundësi të reja për eksportet kosovare

Më 1 tetor hyn në fuqi Marrëveshja e Tregtisë së Lirë Kosovë–EFTA, e cila krijon mundësi të reja për rritjen e eksporteve, investimeve dhe partneriteteve ekonomike ndërmjet Kosovës dhe vendeve të EFTA-s.

Me këtë rast, kryetarja e Altwrnativës, ministria e Industrisë, Ndërmarrësisë, Tregtisë dhe Inovacionit ka organizuar një sesion informues me bizneset, për t’i informuar ato lidhur me përmbajtjen e marrëveshjes dhe mundësitë që ajo hap në praktikë për ekonominë e Kosovës.

Islandë, Lihtenshtajn, Norvegji dhe Zvicër janë tregje me fuqi të lartë blerëse dhe potencial të madh për produktet dhe shërbimet nga Kosova. Në vitin 2025, Kosova eksportoi mbi 100.4 milionë euro në vendet e EFTA-s, ndërsa importoi rreth 53 milionë euro, duke shënuar një bilanc pozitiv tregtar prej 47.4 milionë eurosh në favor të Kosovës. Nga totali i eksporteve në këtë treg, rreth 99.4 milionë euro i përkasin eksporteve drejt Zvicrës.

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka theksuar se këto të dhëna tregojnë se potenciali për rritjen e pranisë së produkteve kosovare në tregjet e EFTA-s tashmë ekziston dhe se fokusi është në zgjerimin e mëtejshëm të tij.

Nga fillimi Që nga fillimi i këtij mandati, MINTI i ka dhënë prioritet procedimit të kësaj marrëveshjeje për ratifikim, me synimin që Kosova të jetë më e pranishme në tregjet ku produktet dhe shërbimet e saj kanë mundësi të konkurrojnë.

Marrëveshja shkon përtej tregtisë së mallrave, duke krijuar për herë të parë mundësi të zgjeruara edhe për tregtinë e shërbimeve, përfshirë teknologjinë e informacionit dhe komunikimit, shërbimet profesionale dhe biznesore, transportin dhe ndërtimin.

Në sesionin informues morën pjesë edhe Ambasadorja e Zvicrës në Kosovë, Anne Lise Cattin Hennin, dhe Drejtori i Përgjithshëm i Doganës së Kosovës, Agron Llugaliu. Bashkëpunimi ndërmjet institucioneve dhe komunikimi i drejtpërdrejtë me bizneset janë vlerësuar si të rëndësishëm për shndërrimin e mundësive që ofron marrëveshja në rezultate konkrete.

Me hyrjen në fuqi të marrëveshjes më 1 tetor, synimi është rritja e pranisë së produkteve “Made in Kosova” në tregjet e EFTA-s, shtimi i eksporteve, krijimi i partneriteteve të reja dhe tërheqja e investimeve.

Ministrja e Ministrisë së Industrisë, Ndërmarrësisë, Tregtisë dhe Inovacionit, kryetare e Alternativës, Mimoza Kusari-Li...
28/09/2026

Ministrja e Ministrisë së Industrisë, Ndërmarrësisë, Tregtisë dhe Inovacionit, kryetare e Alternativës, Mimoza Kusari-Lila ka pritur në takim përfaqësues të Bankës Botërore dhe IFC-së, të drejtuar nga Carole Megevand, menaxhere për Kosovën dhe Maqedoninë e Veriut.

Në takim është diskutuar për përfshirjen e Kosovës në një projekt rajonal, që ka në fokus mbështetjen e bizneseve drejt avancimit të standardeve të qeverisjes korporative.

Pikë diskutimi ishte edhe aktualiteti i qasjes së bizneseve kosovare në tregjet ndërkombëtare po lehtësohet, veçmas në sektorin e shërbimeve me hyrjen në fuqi të marrëveshjes së EFTA-s këtë javë, standardet e qeverisjes koorporative janë një parakusht i rëndësishëm.

Gjatë takimit u bë e ditur se dy agjenci të MINTI-t: Agjencia për Regjistrimin e Bizneseve (ARBK) dhe Agjencia e re për Inovacion dhe Përkrahje të Ndërmarrjeve (AIPNK), në koordinim edhe me Këshillin e Kosovës për Raportimin Financiar (KKRF), do të kenë rol kyç në zbatimin e këtij projekti, i cili financohet nga Sekretariati Shtetëror Zviceran për Çështjet Ekonomike (SECO).

Ministrja Kusari-Lila ka theksuar faktin se krahas projektit aktual për zhvillimin e Eko Parqeve Industriale, kjo nismë e re në fushën e qeverisjes koorporative e thellon edhe më tej bashkëpunimin e ministrisë sonë me Bankën Botërore dhe IFC-në, të cilat i shohim si partnerë shumë të rëndësishëm në realizimin e reformave.

26/09/2026

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka theksuar rëndësinë e zhvillimit të infrastrukturës industriale si bazë për rritjen e prodhimit vendor, zgjerimin e investimeve dhe tërheqjen e investimeve të huaja në Kosovë. Ajo ka bërë të ditur se përmes investimeve të Qeverisë së Kosovës po punohet në finalizimin e zonave industriale në disa komuna, ndërsa paralelisht po hapet rruga për zona të reja industriale në Gjakovë, Gjilan, Shtime dhe komuna të tjera. Sipas saj, objektivi i këtij mandati është i qartë: rritja e prodhimit vendor, përmirësimi i bilancit tregtar, forcimi i ekonomisë dhe rritja e mirëqenies së qytetarëve të Kosovës.

"Infrastruktura industriale është një faktor i rëndësishëm për zgjerimin e bazës industriale, rritjen e investimeve vendore dhe tërheqjen e investimeve të huaja në Kosovë. Përmes investimeve të Qeverisë së Kosovës, në MINTI po punojmë për finalizimin e zonave industriale në Mitrovicë, Podujevë, Lipjan, Rahovec dhe Drenas 2", ka theksuar ajo.

"Ndërkohë, do të fillojë puna për zonat e reja në Gjakovë, Gjilan dhe Shtime. Po kryhen analizat për Zubin Potokun dhe Zveçanin, ndërsa presim aplikimin për zonën e re në Suharekë. Në këtë mandat kemi një përcaktim të qartë: të përmirësojmë bilancin tregtar, të rrisim prodhimin vendor dhe mirëqenien e qytetarëve, duke e forcuar ekonominë dhe shtetin e Kosovës", është shprehur ajo.

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka marrë p...
25/09/2026

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka marrë pjesë në mbledhjen e dytë të Këshillit Ministror për Integrim Evropian – Komitetit Drejtues për Instrumentin e Planit të Rritjes.

Ministrja Kusari-Lila ka bërë të ditur se në Ministrinë e Industrisë, Ndërmarrësisë, Tregtisë dhe Inovacionit po punohet intensivisht në përgatitjen e projektligjeve dhe akteve nënligjore që lidhen me objektivat e Kosovës në kuadër të Planit të Rritjes.

Ajo ka theksuar se një nga sfidat kryesore në këtë proces, i cili ka rëndësi të lartë për vendin, mbetet funksionaliteti i plotë i institucioneve dhe mbarëvajtja e punës së Kuvendit të Republikës së Kosovës.

Sipas ministres Kusari-Lila, Kosova ka nevojë për stabilitet institucional dhe një rrugë të qëndrueshme drejt integrimit evropian dhe zhvillimit ekonomik.

Kryetarja e Alternativës në kapacitetin e saj si ministre e MINTI-it, Mimoza Kusari-Lila ka vizituar Suharekën, ku u tak...
24/09/2026

Kryetarja e Alternativës në kapacitetin e saj si ministre e MINTI-it, Mimoza Kusari-Lila ka vizituar Suharekën, ku u takua me kryetarin e Komunës, Bali Muharremaj.

Vizitoi po ashtu, Parkun Industrial në Shirokë, ku 56 biznese krijojnë rreth 2,000 vende pune dhe zhvillojnë prodhim vendor për tregun e Kosovës dhe eksport. Gjatë vizitës, ajo pa nga afër punën e kompanive “Solid SH.P.K.”, “Paradisa Glass and Stone” dhe “Te Naseri" duke vlerësuar veçanërisht rolin e grave në prodhim, investimet në energji të pastër dhe eksportet në tregjet evropiane e në SHBA. Në fokus të diskutimeve ishte edhe mirëmbajtja dhe zhvillimi i Parkut Industrial në Shirokë, si dhe përgatitja e parkut të ri në Duhël, në përputhje me Ligjin për Parqet Industriale dhe Teknologjike, me synim avancimin e një modeli më modern, të gjelbër dhe të qëndrueshëm të zhvillimit industrial.

"56 biznese. Rreth 2,000 vende pune. Prodhim vendor që krijon vlerë dhe eksporte që e çojnë “Made in Kosova” përtej kufijve. Sot vizitova Komunën e Suharekës, ku u takova me Kryetarin e Komunës, Bali Muharremaj. Diskutuam për prodhimin vendor dhe zhvillimin e bizneseve, duke vizituar edhe Parkun Industrial në Shirokë, ku veprojnë biznese nga sektorë të ndryshëm të prodhimit", ka bërë të ditur Kusari-Lila.

"Në “Solid SH.P.K.”, vizitat gjithmonë të japin arsye për t’u inspiruar nga mundësitë dhe potenciali i prodhimit vendor. Ahmeti dhe Shefqet Kuqi na prezantuan procesin e prodhimit të këpucëve me standarde të larta.
80% e fuqisë punëtore janë gra. Kompania ka instaluar panele solare për prodhimin e energjisë së pastër, ndërsa deri në 75% e produkteve eksportohen në tregjet evropiane dhe, së fundmi, edhe në SHBA. Në kompaninë “Paradisa Glass and Stone”, u takova me Xhemajl Hajdarin, i cili, pas përvojës së punës në Zvicër, së bashku me djemtë e tij është kthyer për të investuar në Kosovë, në biznesin e prodhimit të xhamit dhe mermerit", ka thënë ajo pas vizitave.

"Histori suksesi në Parkun Industrial të Shirokës është edhe "Te Naseri”. Produktet e kësaj kompanie eksportohen në Zvicër dhe Gjermani, ndërsa kompania punëson mbi 400 punëtorë, më shumë se gjysma e të cilëve janë gra dhe vajza. Mbesa e vogël e pronarit, Naser Gash*t, Diara, më dha një moment të veçantë. E pyeta se çfarë dëshiron të bëhet kur të rritet. Përgjigjja e saj ishte e menjëhershme: “Punëtore.”
Diara është shembulli se puna, përveçse krijon, edhe inspiron", është shprehur ministrja.

Kusari-Lila ka theksuar se, përfshirja e vajzave dhe grave janë dëshmia më e mirë se barrierat gjinore për profilet e punës janë më shumë perceptime sesa realitet. Realiteti është se shumëçka është e mundshme kur ekziston vullneti dhe krijohet mundësia.

"Bashkë me Komunën, po punojmë për gjetjen e modelit më të përshtatshëm për mirëmbajtjen e Parkut Industrial në Shirokë, si dhe për dizajnin dhe përgatitjen e parkut të ri në Duhël. Kjo qasje mbështetet në Ligjin Nr. 08/L-208 për Parqet Industriale dhe Teknologjike, i cili përcakton një kornizë të re për administrimin dhe menaxhimin e këtyre hapësirave. Përmes krijimit të Parqeve Industriale, në veçanti atyre me komponentë të gjelbër, po avancojmë një model më modern dhe të qëndrueshëm, me pilotimin e parë të Parkut Industrial të Gjelbër, që së shpejti do të inicohet në Gjakovë", ka thënë ajo.

Në përvjetorin e tretë të rënies në krye të detyrës të Rreshterit Afrim Bunjaku, kryetarja e Alternativës ministre e MIN...
24/09/2026

Në përvjetorin e tretë të rënies në krye të detyrës të Rreshterit Afrim Bunjaku, kryetarja e Alternativës ministre e MINTI-it, Mimoza Kusari-Lila e shoqëruar nga bashkëpunëtorë, bënë homazhe pranë varrit të Heroit Afrim Bunjaku, me përulje dhe respekt të thellë për jetën dhe sakrificën e tij sublime.

"Sot u përkulëm me respekt para kujtimit dhe sakrificës së Heroit të Kosovës, Afrim Bunjaku. Në vendin ku prehet, nderuam he**in, njeriun dhe familjen që la pas, për Kosovën, për sigurinë dhe sovranitetin e vendit", është shprehur ajo me këtë rast.

"Nderimi më i madh që mund t’u bëjmë heronjve të rënë për lirinë dhe sovranitetin e Republikës është ta mbajmë gjallë kujtimin e tyre, duke e forcuar veprën për të cilën u flijuan: Republikën e Kosovës, sovrane, të lirë dhe demokratike", ka theksuar kryetarja Kusari-Lila.

Lavdi e përjetshme Heroit të Kosovës, Afrim Bunjaku!

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka pritur ...
23/09/2026

Kryetarja e Alternativës, ministre e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka pritur në takim ambasadorin e ri të Francës në Kosovë, Jean-François Huchet.

Gjatë takimit është diskutuar për bashkëpunimin e deritanishëm ndërmjet Kosovës dhe Francës, me fokus në bashkëpunimin ekonomik, marrëdhëniet tregtare dhe mundësitë e reja të bashkëpunimit në fushën e ndërmarrësisë dhe inovacionit.

Ministrja Kusari-Lila ka prezantuar të arriturat dhe përpjekjet e MINTI-t për promovimin e Kosovës si destinacion për investitorët francezë, si dhe për rritjen e pranisë së produkteve “Made in Kosova” në tregun francez.

Në këtë drejtim, MINTI ka mbështetur tetë biznese kosovare nga sektori i përpunimit të ushqimit për pjesëmarrje në panairin ndërkombëtar SIAL Paris 2026, i cili do të mbahet nga 17 deri më 21 tetor.

Gjatë takimit është diskutuar edhe për intensifikimin e bashkëpunimit në organizimin e Ditëve të Biznesit Francez në Kosovë, që pritet të mbahen në shkurt të vitit 2027, në koordinim me Ambasadën e Kosovës në Paris.

Po ashtu, është dakorduar që të punohet në një program më të strukturuar të bashkëpunimit në fushat e industrisë, tregtisë, ndërmarrësisë dhe inovacionit.

Kusari-Lila ka theksuar rëndësinë e Francës si partnere për zhvillimin e sektorit privat, rritjen e investimeve dhe avancimin e inovacionit në Kosovë.

Address

Kompleksi Qafa, Rr. UÇK, Kati 1, Nr 67
Pristina
10000

Opening Hours

Monday 11:00 - 16:00
Tuesday 11:00 - 16:00
Wednesday 11:00 - 16:00
Thursday 11:00 - 16:00
Friday 11:00 - 16:00

Telephone

+38349788866

Website

Alerts

Be the first to know and let us send you an email when Alternativa posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Alternativa:

Shortcuts

Share

Category