Lidhja Demokratike e Kosovës

Lidhja Demokratike e Kosovës Faqja zyrtare e Lidhjes Demokratike të Kosovës. Çdo postim në këtë faqe paraqet qëndrimet e LDK-së.

Mesazhi i kryetarit të LDK-së, Lumir Abdixhiku drejtuar familjes Beqiri pas identifikimit të eshtrave të më të dashurit ...
03/10/2026

Mesazhi i kryetarit të LDK-së, Lumir Abdixhiku drejtuar familjes Beqiri pas identifikimit të eshtrave të më të dashurit të tyre, veprimtarit tonë të madh, Adem Beqiri.

“E nderuara familja Beqiri,

Përulemi sot me nderim para jetës dhe veprës së Adem Beqirit, veprimtarit të përkushtuar të Lidhjes Demokratike të Kosovës, Mitrovicës dhe gjithë Kosovës. Me dhimbje morëm lajmin për identifikimin e eshtrave të tij, pas 27 vitesh pritjeje, pasigurie dhe dhimbjeje për familjen e tij.

Për më shumë se një çerek shekulli, familja Beqiri ka bartur peshën e rëndë të mungesës, duke pritur të vërtetën për fatin e më të dashurit të saj. Sot, me kthimin e Adem Beqirit, kjo pritje e gjatë merr fund. Dhimbja mbetet e thellë, por familja Beqiri dhe të gjithë ne më në fund kemi një vend ku mund të përulemi, një varr ku mund të vendosim lule dhe një emër që nuk do të mbetet më pezull në pasigurinë e luftës.

Adem Beqiri i përkiste asaj gjenerate të jashtëzakonshme veprimtarësh që, në vitet më të vështira të Kosovës, nuk kursyen asgjë për vendin e tyre. Si veprimtar i LDK-së dhe anëtar i Kryesisë së Degës së LDK-së në Mitrovicë, ai ishte i angazhuar në organizimin politik e kombëtar dhe në përpjekjet për lirinë dhe dinjitetin e popullit të Kosovës. Përtej angazhimit politik, ai u gjend pranë njerëzve në rrezik, strehoi e mbështeti të përndjekurit dhe ndihmoi aty ku nevoja ishte më e madhe. Ishte një nga ata njerëz që nuk pyetën se çfarë do t’u kushtonte përkushtimi ndaj Kosovës, por çfarë mund të bënin për të.

Prandaj, Adem Beqiri nuk mbetet vetëm një emër në kujtesën e luftës. Ai mbetet dëshmi e një brezi që e përjetoi rrezikun si detyrë dhe përkushtimin ndaj vendit si përgjegjësi. Jeta e tij, veprimtaria e tij dhe sakrifica e tij janë pjesë e historisë së Mitrovicës, të LDK-së dhe të përpjekjes së popullit të Kosovës për liri.

Pas 27 vitesh, Ademi kthehet te familja e tij. Dhe bashkë me të, kthehet edhe një pjesë e së vërtetës që familja e tij e ka pritur me dekada. Kujtimi për të nuk mbyllet me varrimin e tij; ai mbetet pjesë e kujtesës sonë të përbashkët dhe e historisë që duhet t’ua përcjellim brezave.

Në emër të Lidhjes Demokratike të Kosovës dhe në emrin tim personal, ju shpreh ngushëllimet më të thella familjes Beqiri, të afërmve, bashkëveprimtarëve dhe të gjithë atyre që e njohën dhe e çmuan Adem Beqirin.

Lavdi e përjetshme veprimtarit Adem Beqiri!

Kujtimi për të qoftë i përjetshëm!”

Kryetari i Lidhjes Demokratike të Kosovës, Lumir Abdixhiku, përkujton veprimtarin dhe ish-kryetarin e Mitrovicës, Faruk ...
03/10/2026

Kryetari i Lidhjes Demokratike të Kosovës, Lumir Abdixhiku, përkujton veprimtarin dhe ish-kryetarin e Mitrovicës, Faruk Spahija, në 21 vjetorin e ndarjes së tij nga jeta:

“Sot, më 3 tetor, kujtojmë me respekt, nderim dhe mirënjohje të thellë jetën dhe veprën e intelektualit, veprimtarit dhe udhëheqësit të shquar, Faruk Spahija.

Faruk Spahija i përket brezit të njerëzve që në periudhat më të vështira të historisë sonë zgjodhën të qëndrojnë në anën e lirisë, demokracisë dhe shtetndërtimit. Me urtësi, përkushtim dhe përgjegjësi qytetare, ai dha një kontribut të çmuar në rrugëtimin politik të Kosovës dhe veçanërisht të Mitrovicës.

I rritur në një familje me traditë të fortë atdhetare, Faruku ishte ndër themeluesit e LDK-së në Mitrovicë dhe bashkëpunëtor i afërt i Presidentit historik, Ibrahim Rugova. Besnikëria e tij ndaj vlerave demokratike, vizionit politik të Presidentit Rugova dhe interesit të përgjithshëm e bënë atë një figurë të respektuar në LDK dhe një udhëheqës të çmuar nga qytetarët e Mitrovicës.

Besimi i qytetarëve të Mitrovicës, i dëshmuar dy herë me zgjedhjen e tij në krye të komunës, ishte vlerësim për integritetin, punën dhe përkushtimin e tij. Ndarja e parakohshme nga jeta nuk e lejoi ta përfundonte mandatin e dytë, por puna dhe trashëgimia e tij mbetën pjesë e historisë politike dhe qytetare të Mitrovicës.

Sot, 21 vjet pas ndarjes së tij nga jeta, Faruk Spahija kujtohet si një burrë i urtë, i ndershëm dhe i përkushtuar, që shërbimin publik e kuptoi si përgjegjësi ndaj qytetarëve dhe vendit. Vepra e tij mbetet pjesë e kujtesës sonë dhe e historisë së Lidhjes Demokratike të Kosovës.

Në këtë përvjetor, shprehim nderimin tonë për figurën dhe kontributin e Faruk Spahisë, si dhe mirënjohjen për gjithçka që ai bëri për Mitrovicën dhe Kosovën.

Lavdi jetës dhe veprës së Faruk Spahija!”

Kryetari i LDK-së, Lumir Abdixhiku, priti në takim z. Anton Hofreiter, Kryetar i Komisionit për Çështjet e Bashkimit Evr...
01/10/2026

Kryetari i LDK-së, Lumir Abdixhiku, priti në takim z. Anton Hofreiter, Kryetar i Komisionit për Çështjet e Bashkimit Evropian në Bundestagun gjerman.

Gjatë takimit u diskutua për zhvillimet politike në Kosovë dhe rajon, me fokus të veçantë në rrugën evropiane të Kosovës dhe rëndësinë e forcimit të marrëdhënieve me Gjermaninë dhe Bashkimin Evropian.

Kryetari Abdixhiku theksoi se integrimi evropian është interes strategjik i Kosovës dhe se bashkëpunimi i ngushtë me Gjermaninë mbetet i rëndësishëm për avancimin e këtij procesi.

Po ashtu kryetari Abdixhiku dhe z. Hofreiter diskutuan edhe për mundësitë e reja të bashkëpunimit, veçanërisht në dimensionin parlamentar dhe në forcimin e lidhjeve të Kosovës me institucionet evropiane.

Kryetari i Lidhjes Demokratike të Kosovës, Lumir Abdixhiku dërgon telegram ngushëllimi familjes Rexhaj me rastin e ndarj...
29/09/2026

Kryetari i Lidhjes Demokratike të Kosovës, Lumir Abdixhiku dërgon telegram ngushëllimi familjes Rexhaj me rastin e ndarjes nga jeta të më të dashurit të tyre e veprimtarit të LDK-së, Musa Rexhaj.

“E nderuara familja Rexhaj,

Me pikëllim mora lajmin për ndarjen nga jeta të veprimtarit të madh, Musa Rexhaj.

Musa Rexhaj do të kujtohet gjithmonë si aktivist e veprimtar i hershëm dhe i përkushtuar i Lidhjes Demokratike të Kosovës, si njeri i urtë, besnik e i palëkundur në bindjet e tij, i cili me përkushtim dhe mund të madh i shërbeu çështjes kombëtare, demokracisë, lirisë dhe idealit të Presidentit historik, Dr. Ibrahim Rugova.

Kontributi i tij në jetën publike të Pejës, dhe shërbimin e tij të përkushtuar në institucionet komunale, mbetet pjesë e një rrugëtimi të ndershëm në shërbim të qytetarëve dhe të Republikës.

Njerëzit si Musa Rexhaj lënë pas jo vetëm kujtime të çmuara, por edhe një trashëgimi të vlerave, përkushtimit dhe besnikërisë ndaj idealeve që i kanë udhëhequr gjatë gjithë jetës.

Në këto çaste të dhimbshme, në emrin tim, të Lidhjes Demokratike të Kosovës dhe të gjithë anëtarësisë tonë, ju shpreh ngushëllimet më të sinqerta familjes Rexhaj, miqve, bashkëpunëtorëve dhe të gjithë atyre që e njohën dhe e çmuan Musën.

U prehtë në paqe!”

Kryetari i Lidhjes Demokratike të Kosovës, Lumir Abdixhiku, ka pritur sot në takim ambasadorin e Bashkimit Evropian në K...
24/09/2026

Kryetari i Lidhjes Demokratike të Kosovës, Lumir Abdixhiku, ka pritur sot në takim ambasadorin e Bashkimit Evropian në Kosovë, Dirk Schübel.

Gjatë takimit u diskutua për zhvillimet aktuale politike në vend, procesin e konstituimit dhe funksionalizimit të institucioneve, si dhe për qëndrimet e LDK-së lidhur me situatën politike dhe institucionale në Republikën e Kosovës.

Kryetari Abdixhiku theksoi përkushtimin e LDK-së për mbrojtjen e interesit të Republikës së Kosovës, forcimin e demokracisë dhe sundimit të ligjit, si dhe garantimin e funksionalitetit të institucioneve demokratike dhe stabilitetit institucional.

Po ashtu kryetari Abdixhiku theksoi rëndësinë e bashkëpunimit të ngushtë ndërmjet Kosovës dhe Bashkimit Evropian, si dhe e mbështetjes së vazhdueshme të BE-së për zhvillimin demokratik dhe perspektivën evropiane të Kosovës.

Në fund, kryetari Abdixhiku falënderoi ambasadorin Schübel për bashkëpunimin dhe angazhimin e vazhdueshëm të Bashkimit Evropian në Kosovë.

Mesazhi i kryetarit të Lidhjes Demokratike të Kosovës, Lumir Abdixhiku, në tre vjetorin e rënies në detyrë të heroit Afr...
24/09/2026

Mesazhi i kryetarit të Lidhjes Demokratike të Kosovës, Lumir Abdixhiku, në tre vjetorin e rënies në detyrë të heroit Afrim Bunjaku

“Sot bëhen tre vjet nga rënia në detyrë e heroit të Republikës së Kosovës, Afrim Bunjaku, policit që dha jetën duke mbrojtur shtetin, qytetarët dhe sovranitetin e Kosovës.

Më 24 shtator 2023, në Banjskë, Afrim Bunjaku u vra në krye të detyrës nga një grup terrorist i organizuar, i armatosur dhe i mbështetur nga Serbia. Ai ra përballë një akti të rëndë agresioni ndaj Republikës së Kosovës, duke mbrojtur atë që është e jona: tokën, rendin, sigurinë dhe shtetin tonë.

Afrimi nuk u tërhoq. Nuk u dorëzua. Ai qëndroi aty ku e kërkonte detyra dhe aty ku mbrohej Republika. Në momentin më të vështirë, ai zgjodhi të bëjë atë që bëjnë burrat dhe gratë e këtij shteti në uniformë: të mbrojnë qytetarin dhe atdheun, pavarësisht çmimit.

Sot, emri i Afrim Bunjakut është më shumë se një emër i skalitur në historinë e Policisë së Kosovës. Ai është simbol i shtetit që mbron qytetarët e vet, i institucioneve që nuk përkulen para dhunës dhe i një Kosove që nuk frikësohet nga askush.

Por Afrim Bunjaku nuk ishte vetëm një polic në krye të detyrës. Ishte një njeri me vlera të mëdha, që zgjodhi të qëndrojë deri në fund për parimet e lirisë, drejtësisë dhe rendit demokratik.

Sakrifica e tij mbetet një kujtesë e gjallë për sfidat me të cilat përballet Kosova, por edhe për vendosmërinë tonë për të mos u dorëzuar përballë dhunës dhe përpjekjeve për destabilizim. Përgjegjësia për këtë akt kriminal i takon jo vetëm autorëve të drejtpërdrejtë, por edhe atyre që e ideuan dhe e nxitën, e të cilët duhet të mbahen përgjegjës para drejtësisë.

Afrim Bunjaku është mishërim i asaj ç’do të thotë t’i shërbesh shtetit me nder. Ai jeton në kujtimin tonë kolektiv si një nga heronjtë më të devotshëm të këtij vendi.

Nderim i përjetshëm për jetën dhe veprën e tij!”

Kryetari i LDK-së, Lumir Abdixhiku, priti sot në Selinë Qendrore të LDK-së ambasadorin e Mbretërisë së Bashkuar në Kosov...
23/09/2026

Kryetari i LDK-së, Lumir Abdixhiku, priti sot në Selinë Qendrore të LDK-së ambasadorin e Mbretërisë së Bashkuar në Kosovë, Jonathan Hargreaves.

Gjatë takimit u diskutua për zhvillimet aktuale politike në vend dhe procesin e konstituimit të institucioneve të Republikës së Kosovës.

Kryetari Abdixhiku e njoftoi ambasadorin Hargreaves për qëndrimet e LDK-së lidhur me zhvillimet e fundit, duke theksuar përkushtimin e LDK-së ndaj mbrojtjes së interesit të Republikës dhe funksionalitetit të institucioneve demokratike.

Kryetari Abdixhiku shprehu mirënjohjen për mbështetjen e vazhdueshme të Mbretërisë së Bashkuar ndaj Kosovës, duke theksuar rëndësinë e partneritetit të fuqishëm ndërmjet dy vendeve dhe të bashkëpunimit të ngushtë në funksion të demokracisë, sundimit të ligjit dhe stabilitetit të Republikës së Kosovës.

Kryetari i Lidhjes Demokratike të Kosovës, Lumir Abdixhiku, ka pritur në takim delegacionin e anëtarëve të Senatit franc...
21/09/2026

Kryetari i Lidhjes Demokratike të Kosovës, Lumir Abdixhiku, ka pritur në takim delegacionin e anëtarëve të Senatit francez - Grupi i miqësisë Francë e Ballkani Perëndimor, të shoqëruar nga ambasadori i Francës në Kosovë, Jean-François Huchet.

Gjatë takimit u diskutua për marrëdhëniet ndërmjet Kosovës dhe Francës, rëndësinë e thellimit të bashkëpunimit dhe forcimit të partneritetit ndërmjet dy vendeve.

Kryetari Abdixhiku shprehu mirënjohjen për mbështetjen e vazhdueshme të Francës ndaj Kosovës, si dhe për kontributin e saj në proceset demokratike, zhvillimin institucional dhe avancimin e Kosovës drejt integrimit evropian.

Po ashtu kryetari Abdixhiku theksoi rëndësinë e vazhdimit të bashkëpunimit të ngushtë me Francën dhe e mbështetjes së saj për anëtarësimin e Kosovës në organizatat ndërkombëtare, si dhe për forcimin e pozitës së vendit tonë në arenën ndërkombëtare.

Kryetari i LDK-së, Lumir Abdixhiku me familjarë dhe bashkëpunëtorë, bënë homazhe dhe vendosën lule te varri i Kolonel Ah...
21/09/2026

Kryetari i LDK-së, Lumir Abdixhiku me familjarë dhe bashkëpunëtorë, bënë homazhe dhe vendosën lule te varri i Kolonel Ahmet Krasniqit, në 28 vjetorin e vrasjes së tij.

Shtatori i vitit 1998 u bë i kobshëm me lajmin për vrasjen e Kolonel Ahmet Krasniqit, atdhetarit të shquar, intelektualit dhe ushtarakut profesionist. Vrasja e tij ishte një plagë e rëndë për kombin dhe një dhimbje që ende nuk është shuar. Por, jeta dhe vepra e tij u ngritën mbi krimin dhe errësirën, duke mbetur dritë dhe udhërrëfyes në historinë tonë.

Me besimin e Presidentit Historik, Dr. Ibrahim Rugova, Komandantit Suprem të Republikës së Kosovës, Kolonel Ahmet Krasniqi u emërua Ministri i parë i Mbrojtjes. Në atë detyrë historike, ai hodhi themelet e organizimit institucional, strategjik, logjistik dhe ushtarak të mbrojtjes së Kosovës, duke kontribuar drejtpërdrejt në përgatitjen dhe furnizimin e luftës për liri.

Ai ishte vizionar i çlirimit, strateg i organizimit dhe një prej figurave themeluese të vijës institucionale ushtarake të Republikës së Kosovës. Për meritat e tij në luftën dhe çlirimin e vendit, u shpall Hero i Kosovës.

Sot, 28 vjet pas vrasjes së tij, ne nuk e kujtojmë vetëm një figurë të lavdishme të së kaluarës sonë. Kujtojmë një ideal të lirisë, shtetësisë dhe përgjegjësisë ndaj atdheut. Kolonel Ahmet Krasniqi na mëson se liria kërkon guxim, shteti kërkon përkushtim dhe atdheu kërkon sakrificë.

Mbi të gjitha, kujtimi për Kolonel Krasniqin mbetet i lidhur me një detyrim që nuk shuhet: zbardhjen e plotë të vrasjes së tij. Drejtësia për të është detyrim ndaj historisë dhe ndaj shtetit që ai shërbeu për ta ndërtuar.

Lavdi e përjetshme Heroit të Kosovës, Kolonel Ahmet Krasniqi!

Përulemi me nderim para jetës dhe veprës së Idriz Rrecajt, njërit prej veprimtarëve të mëdhenj të LDK-së dhe njërit prej...
20/09/2026

Përulemi me nderim para jetës dhe veprës së Idriz Rrecajt, njërit prej veprimtarëve të mëdhenj të LDK-së dhe njërit prej zërave të guximshëm të Drenicës.

Idrizi u rrit me dashurinë për atdheun dhe me rrëfimet për trimat e lirisë. Si mësues, intelektual, veprimtar dhe kryetar i parë i LDK-së në Skënderaj, ai i shërbeu popullit në ditët më të vështira të Kosovës. Me urtësi, guxim dhe përkushtim, ai u bë zë i Drenicës dhe një nga njerëzit që mbajti gjallë shpresën e organizimin për çështjen tonë kombëtare.

Ai besoi se liria nuk ishte ëndërr, por e drejtë. Dhe kur koha e kërkoi, ai qëndroi në anën e popullit tonë. Për këtë u përndoq, u arrestua, u torturua dhe në fund u zhduk nga forcat serbe. Por nuk u zhduk vepra e tij. As emri, e as kujtesa.

Pas 27 vitesh pritjeje e dhimbjeje, Idriz Rrecaj më në fund po kthehet te familja dhe te toka e tij. Identifikimi i mbetjeve mortore është fundi i një pritjeje të gjatë, por jo fundi i kujtesës sonë.

Idrizi nuk është vetëm pjesë e historisë së LDK-së, por pjesë e historisë së lirisë së Kosovës.

Sot kemi një varr ku mund të përulemi, dhe mbi të gjitha, kemi një emër që duhet ta mbajmë gjallë.

Lavdi jetës dhe veprës së Idriz Rrecajt!
Lavdi të gjithë atyre që ranë dhe u sakrifikuan për lirinë e Kosovës!

Address

Rr. UÇK 2B
Pristina
10000

Telephone

+38338242242

Website

Alerts

Be the first to know and let us send you an email when Lidhja Demokratike e Kosovës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Lidhja Demokratike e Kosovës:

Shortcuts

Share

Category