Qendra Kinematografike e Kosoves

11/08/2026

“Me Fjalë Tjera” në WIP Europa të San Sebastián International Film Festival

Filmi artistik i metrazhit të gjatë “Me Fjalë Tjera”, me skenar dhe regji nga Val Jashari dhe producente Valmira Hyseni, është përzgjedhur në WIP Europa (Works in Progress), në kuadër të San Sebastián International Film Festival.

Në WIP Europa, filmi do të prezantohet para profesionistëve të industrisë ndërkombëtare të filmit, përfshirë përfaqësues të festivaleve, distributorë, agjentë të sh*tjes dhe profesionistë të tjerë të industrisë, si dhe do të jetë në garë për çmimet e programit.

“Me Fjalë Tjera” është prodhim i WaveMaker Films, në bashkëprodhim me Live Production, dhe është mbështetur nga Qendra Kinematografike e Kosovës dhe Qendra e Filmit e Malit të Zi.

Filmi aktualisht ndodhet në fazën e post-produksionit dhe pritet të përfundojë së shpejti.

11/08/2026

Sarajevo Film Festival has selected the final 16 projects of the CineLink Co-Production Market 2026 and introduced a €10,000 award.

The cash award will be presented to a CineLink Co-Production Market project by the Kosovo Cinematography Centre.

New projects from Nadejda Koseva, Ralitza Petrova and Urška Djukić Lecamus are in the selection.

06/08/2026

06/08/2026

QKK DHE RTK NËNSHKRUAJNË MARRËVESHJE BASHKËPUNIMI PËR ZHVILLIMIN DHE PROMOVIMIN E KINEMATOGRAFISË KOSOVARE

Qendra Kinematografike e Kosovës (QKK) dhe Radiotelevizioni i Kosovës (RTK) kanë nënshkruar një Marrëveshje Bashkëpunimi, duke vendosur një kornizë të përbashkët për mbështetjen, zhvillimin dhe promovimin e sektorit kinematografik dhe audiovizual në Kosovë.

Marrëveshja u nënshkrua nga Drejtoresha e Qendrës Kinematografike të Kosovës, Blerta Zeqiri, dhe Drejtoresha e Përgjithshme e Radiotelevizionit të Kosovës, Zana Spahiu, me synimin për të forcuar bashkëpunimin institucional në funksion të zhvillimit të industrisë së filmit dhe rritjes së prezencës së saj në vend dhe ndërkombëtarisht.

Në kuadër të kësaj marrëveshjeje, dy institucionet do të bashkëpunojnë në prodhime dhe bashkëprodhime filmike, promovimin e veprave audiovizuale kosovare, mbulimin mediatik të festivaleve dhe aktiviteteve filmike, organizimin e ngjarjeve profesionale dhe edukative, si dhe në promovimin ndërkombëtar të filmit kosovar. Bashkëpunimi do të përfshijë gjithashtu ruajtjen dhe promovimin e trashëgimisë filmike, promovimin e Kosovës si destinacion për xhirime dhe zhvillimin e iniciativave të tjera me interes të përbashkët për industrinë audiovizuale.

Përmes këtij partneriteti, QKK dhe RTK synojnë të krijojnë mundësi të reja për promovimin e filmit kosovar, fuqizimin e bashkëpunimit ndërinstitucional dhe rritjen e dukshmërisë së kinematografisë së Kosovës si në nivel kombëtar ashtu edhe në arenën ndërkombëtare.

Marrëveshjen e plotë mund ta gjeni në webfaqen zyrtare të QKK-së.

30/07/2026

Filmi “Dua” do ta përfaqësojë Kosovën në edicionin e 99-të të Academy Awards®

Komiteti Përzgjedhës i angazhuar nga Qendra Kinematografike e Kosovës ka përzgjedhur njëzëri filmin “Dua” me regji nga Blerta Basholli dhe prodhim të Ikonë Studio, si propozimin zyrtar të Republikës së Kosovës për kategorinë International Feature Film në edicionin e 99-të të Academy Awards®.

Më poshtë gjeni deklaratën e Komitetit Përzgjedhës të përbërë nga Kaltrina Krasniqi (kryesuese), Antoneta Kastrati, Ilir Hasanaj, Tristan Halilaj, Vullnet Sanaja:

“Komitetit përzgjedhës e vlerësoi si veçanërisht të guximshme zgjedhjen artistike për ta rrëfyer një histori kaq komplekse përmes këndvështrimit të një të miture. Personazhi i Duas, i interpretuar me pjekuri të jashtëzakonshme nga Pinea Matoshi, sjell një performancë autentike, të besueshme dhe emocionalisht përmbajtësore.
Përmes vizionit të saj autorial, Blerta Basholli ndërton një rrëfim të ndjerë, që trajton sinqertë një periudhë të rëndësishme të historisë së Kosovës. Duke ndërthurur një perspektivë intime me temat universale të identitetit, traumës dhe rezistencës, Dua dëshmon potencial të qartë për të rezonuar me audienca dhe juri ndërkombëtare. Andaj, komiteti vendosë unianimisht që Dua të jetë propozimi i Kosovës për edicionin e 99-të Çmimeve Oscar.”

Ky vit shënon një moment të veçantë për kinematografinë kosovare, pasi Kosova do të përfaqësohet në garën për Academy Awards® me dy filma. Krahas filmit “Dua”, filmi “Shame and Money” nga Visar Morina, fitues i Grand Jury Prize në Sundance Film Festival, është kualifikuar drejtpërdrejt në garën për çmimet Oscar.

23/07/2026

DUA ME PREMIERË RAJONALE NË SARAJEVO FILM FESTIVAL

Jemi të lumtur të ndajmë lajmin se filmi me metrazh të gjatë "DUA", me skenar dhe regji nga Blerta Basholli, do të ketë premierën rajonale në garën kryesore (Main Competition) të Sarajevo Film Festival.

Pas premierës së tij botërore në La Semaine de la Critique në Festivalin e Filmit në Cannes, "DUA" vazhdon rrugëtimin e tij festivalor me përzgjedhjen në garën kryesore të një prej festivaleve më të rëndësishme të filmit në Evropën Juglindore.

Një dramë coming-of-age, e vendosur në Kosovën e viteve ’90 dhe e frymëzuar nga përvojat personale të regjisores, filmi ndjek historinë e një adoleshenteje introverte në kërkim të identitetit në një periudhë të ndërlikuar politike.

Producentë të filmit janë Valon Bajgora dhe Yll Uka (Ikonë Studio, Kosovë), ndërsa bashkëproducentë janë Britta Rindelaub dhe Thomas Reichlin (Alva Film, Zvicër), si dhe Amaury Ovise (Kazak Productions, Francë).

Filmi është mbështetur nga Centre National du Cinéma et de l’Image Animée (CNC), Office Fédéral de la Culture, ARTE Cinema, Eurimages, SRF – Schweizer Radio und Fernsehen, Cineforom dhe Qendra Kinematografike e Kosovës.

23/07/2026

SHAME AND MONEY ME PREMIERË RAJONALE NË SARAJEVO FILM FESTIVAL

Jemi të lumtur të ndajmë lajmin se filmi "Shame and Money", me skenar dhe regji nga Visar Morina, do të ketë premierën rajonale në garën kryesore (Main Competition) të Sarajevo Film Festival.

Filmi është një produksion i Vicky Bane dhe Schuldenberg Films, në bashkëprodhim me Eagle Eye Films Kosova, Vertigo Ljubljana, On Film Production, List Production dhe Quetzalcoatl.

Në rolet kryesore interpretojnë Astrit Kabashi, Flonja Kodheli, Kumrije Hoxha, Fiona Gllavica dhe Alban Ukaj.
Skenari është shkruar nga Visar Morina dhe Doruntina Basha, ndërsa producentë janë Fabian Altenried, Sophie Ahrens, Kristof Gerega, Pia Hellenthal dhe Visar Morina. Bashkëproducentë janë Eshref Durmishi, Besnik Krapi, Danijel Hočevar, Dritan Huqi, Marija Dimitrova dhe Marc Goyens.

Filmi është mbështetur nga Qendra Kinematografike e Kosovës, së bashku me Eurimages – Council of Europe, Commissioner for Culture and the Media, German Federal Film Fund, Film- und Medienstiftung NRW, Slovenian Film Centre, National Center of Cinematography Albania, North Macedonian Film Agency, Tax Shelter of the Federal Government of Belgium, The Tax Shelter Investors, WDR dhe Fondation Suisa.

20/07/2026

Fostering Film Excellence in Kosovo: A U.S.- Kosovo Exchange has successfully concluded, marking an important collaboration between Kosovo Cinematography Center, the Fulbright Specialist Program, and the U.S. Embassy in Kosovo.

The initiative, developed by Professor More Raça in collaboration with Kosovo Cinematography Center, brought Professor Thomas Abrams of the University of Southern California's School of Cinematic Arts to Kosovo through the Fulbright Specialist Program, creating a valuable opportunity for professional exchange between U.S. and Kosovo filmmakers.

Throughout the programme, participants took part in two intensive screenplay development workshops dedicated to feature-length and short film projects, receiving mentorship and in-depth feedback on their scripts. The programme also featured a public lecture by Professor Abrams, open to film students and emerging filmmakers, focusing on screenwriting, storytelling, and the contemporary film industry.

Kosovo Cinematography Center extends its sincere appreciation to Professor Thomas Abrams for sharing his expertise and experience, to the Fulbright Specialist Program and the U.S. Embassy in Kosovo for making this exchange possible, and to all filmmakers and students whose participation contributed to the programme's success.

Through initiatives such as this, Kosovo Cinematography Center remains committed to strengthening international cooperation and supporting the professional development of Kosovo's film community.

17/07/2026

Në kuadër të memorandumit të bashkëpunimit ndërmjet Qendrës Kinematografike të Kosovësdhe Festivalit Ndërkombëtar të Animacionit Anibar, sot në Kino Jusuf Gërvalla u mbajt Pitch It Competition, një platformë e dedikuar për prezantimin dhe zhvillimin e projekteve të animacionit.

Projektet e prezantuara ishin:
• The Song of the Goat – Antik Doli
• Crow Funeral – Durim Klaiqi
• Gjith Ktu – Hana Kasemi
• Through the Cracks – Jeta Sokoli
• Moshi – Sado Musić

Në kuadër të këtij bashkëpunimi, Qendra Kinematografike e Kosovës do të ndajë tri çmime për tri nga projektet pjesëmarrëse, të cilat do të shpallen nesër në ceremoninë përmbyllëse të festivalit.

Në aktivitet ishte e pranishme edhe Ministrja e Kulturës dhe Turizmit, Saranda Bogujevci, e cila, pas prezantimeve, zhvilloi një takim me animatorë dhe profesionistë të fushës. Takimi u fokusua në zhvillimin e animacionit në Kosovë, sfidat dhe mundësitë e sektorit, si dhe rëndësinë e krijimit të një mjedisi që nxit bashkëpunimin, zhvillimin profesional dhe fuqizimin e komunitetit të animacionit.

Përmes këtij bashkëpunimi, Qendra Kinematografike e Kosovës dhe Anibar synojnë të mbështesin talentet e reja, të inkurajojnë zhvillimin e projekteve cilësore dhe të kontribuojnë në rritjen e industrisë së animacionit në Kosovë.