PDIU Vlorë

28/06/2026

Në Varrezat Monumentale "Trëndafili i Çamërisë" në Kllogjer, u zhvillua aktiviteti përmbyllës i Javës Çame, një javë e mbushur me aktivitete përkujtimore, kulturore dhe patriotike në nderim të historisë, sakrificës dhe identitetit të shqiptarëve të Çamërisë.

Ky aktivitet u organizua nga Bashkia Konispol në bashkëpunim me Shoqatën Patriotike Çamëria, duke bërë bashkë përfaqësues të institucioneve, anëtarë të shoqatës, familje çame dhe qytetarë, të cilët vendosën kurora dhe homazhe në nderim të martirëve dhe viktimave të gjenocidit ndaj shqiptarëve të Çamërisë.

Kujtesa historike është detyrim ndaj brezave që sakrifikuan dhe amanet për brezat që do të vijnë. Çështja Çame mbetet pjesë e pandashme e identitetit dhe ndërgjegjes sonë kombëtare.

Lavdi martirëve të Çamërisë!
Nderim dhe respekt për kujtesën historike!

10/06/2026

Njoftim

Sot, më datë 08.06.2026, u mblodh Kryesia e Shoqatës Patriotike “Çamëria” për të diskutuar mbi organizimin e aktiviteteve në kuadër të “Javës Çame” gjatë muajit qershor, si dhe mbi procesin e anëtarësimeve dhe zgjedhjeve të kryetarëve të degëve të shoqatës në të gjithë vendin, si edhe të Kryetarit të Shoqatës Patriotike “Çamëria”.

Pas diskutimeve, Kryesia vendosi që deri më datë 15.06.2026 të ngrihet Komisioni i Posaçëm Qendror Zgjedhor, i cili do të përbëhet nga përfaqësues të të gjitha degëve të shoqatës në Shqipëri. Ky komision do të ketë përgjegjësinë për administrimin e procesit të anëtarësimeve, mbledhjen e kuotacioneve dhe organizimin e procesit zgjedhor, i cili parashikohet të përmbyllet brenda vjeshtës së këtij viti.

Gjithashtu, Kryesia miratoi programin e aktiviteteve të “Javës Çame”, e cila do të zhvillohet nga data 22 qershor deri më 27 qershor 2026, me një sërë veprimtarish përkujtimore, kulturore dhe patriotike në nder të historisë, identitetit dhe kauzës së Çamërisë.

Kryesia e Shoqatës Patriotike “Çamëria”
08.06.2026

01/05/2026

01/05/2026