Botschaft der Mongolei

06/06/2026

Элчин сайд Ж.Оюунбаатар Берлин дэх Өвөг ба Эртний түүхийн музейн захирал проф.др. М.Вэмхофф, эрдэм шинжилгээний ажилтан А.Гасс нарыг энэ сарын 5-нд хүлээн авч уулзав. Уулзалтаар ирэх аравдугаар сард Берлин хотын Жеймс-Симон галерейд нээгдэх "Чингис хаан ба Монголчуудын ертөнц" үзэсгэлэнгийн асуудлаар ярилцаж, үзэсгэлэн гаргах бэлтгэл ажлын хүрээнд хэрэгжүүлэх хамтын ажиллагааны талаар санал солилцов.

Чингис хаан үндэсний музей болон Берлин дэх Өвөг ба Эртний түүхийн музей хамтран дээрх үзэсгэлэнг Берлинд толилуулахаар ажиллаж байна. Энэ хүрээнд тус музейн төлөөлөгчид Монгол Улсад ойрын өдрүүдэд очиж ажиллах бөгөөд энэ үеэр үзэсгэлэнгийн бэлтгэл ажлаас гадна энэхүү үзэсгэлэнг олон нийтэд танилцуулах, үзэсгэлэнг гаргах хугацаанд мөн хамтран хэрэгжүүлэх соёл, урлаг, эрдэм шинжилгээ, судалгаа, сурталчилгааны бусад ажлын талаар Чингис хаан үндэсний музейтэй ярилцах юм.

Элчин сайд Ж.Оюунбаатар үзэсгэлэнгийн бэлтгэлийг бүрэн хангахад Монгол Улсын ЭСЯ боломжит бүхий л дэмжлэгийг үзүүлж ажиллахыг илэрхийлэв. Уулзалтын төгсгөлд музейн захирал М.Вэмхофф Чингис хаантай холбоотой сэдвээр бичсэн өөрийн номоо гардуулав. Үзэсгэлэнгийн бэлтгэл ажил амжилттай үргэлжилж буйд талууд талархалтай байгаагаа илэрхийлэв.

05/06/2026

Элчин сайд Ж.Оюунбаатар ХБНГУ-ын Гадаад хэргийн яамны Ази, Номхон далайн орнуудын газрын захирал Ф.Хартманн-тай 2026 оны 6 дугаар сарын 5-ны өдөр танилцах уулзалт хийв.

Уулзалтын үеэр талууд Монгол Улс, ХБНГУ хоорондын харилцаа, хамтын ажиллагааны асуудлаар санал солилцон, ойрын хугацаанд хэрэгжүүлэхээр төлөвлөж буй эдийн засаг, соёл, боловсролын арга хэмжээний бэлтгэл ажлын талаар мэдээлэл солилцов.

Batmunkh Battsetseg Батмөнхийн Батцэцэг
Монгол Улсын Гадаад Харилцааны Яам Ministry of Foreign Affairs of Mongolia

04/06/2026

04/06/2026

02/06/2026

“УЛААНБААТАРЫН ЯРИА ХЭЛЭЛЦЭЭ” ОЛОН УЛСЫН XI ХУРЛЫГ ЗОХИОН БАЙГУУЛНА

Зүүн Хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын XI бага хурлыг Улаанбаатар хотод энэ 6 дугаар сарын 04-05-ны өдрүүдэд зохион байгуулах гэж байна. Энэ удаагийн хуралд 30 орчим улс, олон улсын байгууллагууд, манай төрийн байгууллагуудын төлөөлөл болон эрдэмтэн, судлаач зэрэг дотоод, гадаадын нийт 250 орчим төлөөлөгч оролцох юм.

Тус бага хурлын хүрээнд таван үндсэн сэдвээр хэлэлцүүлэг өрнүүлнэ. Тухайлбал, Зүүн хойд Азийн бүс нутгийн аюулгүй байдлын сорилт, боломжийн талаар ярилцаж, урьдчилан сэргийлэх дипломат ажиллагаа, зуучлалын практик, тогтвортой арга замыг эрэлхийлэн, аюулгүй байдлын шинэ сорилтууд, түүний дотор хиймэл оюун ухааны зүгээс тулгарч буй асуудлын талаар хэлэлцэх юм. Мөн Монгол Улс “уулзвар” дээр нь орших Төв Ази, Зүүн хойд Азийн бүс нутгийн хамтын ажиллагааг бэхжүүлэх боломж, сорилтууд болон хоёр бүс нутгийг холбох ногоон эрчим хүчний коридорын талаар ярилцаж, бодлогын асуудлуудаар зөвлөлдөх болно.

Өнгөрсөн хугацаанд “Улаанбаатарын яриа хэлэлцээ” нь Монгол Улсын олон тулгуурт гадаад бодлогын зорилтын хүрээнд энхийг эрхэмлэсэн, нээлттэй, бие даасан Зүүн хойд Азийн бүс нутгийн аюулгүй байдлын асуудлууд, тэдгээрийг шийдвэрлэх арга замын талаар хэлэлцэж, санал бодлоо солилцох уламжлалт тавцан болж хөгжсөн бөгөөд үүнд дэд бүс нутгийн төдийгүй Ази, Номхон далай, Ойрх Дорнод, Хойд Америк, Европ тивийн улс орны төлөөлөгчид оролцдог уламжлал тогтоод байна.

31/05/2026

31/05/2026

Берлин хотын Концертхаус театрт “Berlin Asian Music Festival 2026” буюу Азийн хөгжмийн наадам 2026 оны 5 дугаар сарын 25-28-ны өдрүүдэд зохион байгуулагдаж, тус наадамд Монголын ура....

29/05/2026

“АЛДАРТ ЭХ” ОДОН ГАРДУУЛАВ

Монгол Улсын Ерөнхийлөгчийн зарлигаар “Алдарт Эх”-ийн II зэргийн одон хүртсэн Монгол Улсын иргэн Х.Энхмааг Элчин сайд Ж.Оюунбаатар ЭСЯ-нд хүлээн авч, одон гардуулав.

Элчин сайд Ж.Оюунбаатар “Алдарт эх” хэмээх эрхэм хүндэт одонгоор шагнагдсанд баяр хүргэж, гэр бүлд нь аз жаргал, эрүүл энх, сайхан бүхнийг хүсэв.

Монгол Улсаас ХБНГУ-д суугаа ЭСЯ
2026 оны 05 дугаар сарын 28