Kottayam District Police

Kottayam District Police Official Page of Kottayam District Police.
(3)

വാകത്താനത്ത് കടയുടമയായ സ്ത്രീയുടെ മാല പിടിച്ചു പറിച്ച കേസിൽ പ്രതി അറസ്റ്റിൽ.===========വാകത്താനം: വെട്ടിക്കലുങ്ക് പ്രദേശ...
01/06/2026

വാകത്താനത്ത് കടയുടമയായ സ്ത്രീയുടെ മാല പിടിച്ചു പറിച്ച കേസിൽ പ്രതി അറസ്റ്റിൽ.
===========
വാകത്താനം: വെട്ടിക്കലുങ്ക് പ്രദേശത്ത് നടന്ന മാലപറിക്കൽ കേസിലെ പ്രതിയെ അതിവേഗം തിരിച്ചറിഞ്ഞ് പിടികൂടാൻ സഹായകമായത് പോലീസ് ഉദ്യോഗസ്ഥരുടെ കൃത്യവും നിരന്തരവുമായ അന്വേഷണ പ്രവർത്തനങ്ങൾ.
കഴിഞ്ഞ മെയ് 25-ന് രാവിലെ വെട്ടിക്കലുങ്ക് ഭാഗത്ത് മാടക്കട നടത്തുന്ന വാകത്താനം സ്വദേശിനി കല്ലടിയിൽ വീട്ടിൽ ലീലാമ്മ രാജുവിന്റെ രണ്ടര പവനോളം തൂക്കം വരുന്ന സ്വർണ്ണമാല നീല സ്കൂട്ടറിൽ ഹെൽമറ്റ് ധരിച്ച് എത്തിയ ഒരാൾ പറിച്ചെടുത്ത് കടന്നുകളയുകയായിരുന്നു.
കഴിഞ്ഞ 20 വർഷമായി ലീലാമ്മയും (59)ഭർത്താവ് രാജുവും (62) വെട്ടിക്കലുങ്ക് ഭാഗത്ത് മാടക്കട നടത്തി വരികയാണ് കപ്പയാണ് പ്രധാന വില്പന വസ്തു, കൂടാതെ ചായയും മിഠായിയും മുറുക്കാനും മറ്റും കച്ചവടം നടത്തി ഉപജീവനം നടത്തുന്ന നിർധന കുടുംബത്തിൽപ്പെട്ട ലീലാമ്മയ്ക്ക് വർഷങ്ങൾക്കു മുൻപ് മകന്റെ ഭാര്യ വാങ്ങി കൊടുത്തതാണ് രണ്ടര പവനോളം തൂക്കം വരുന്ന മാല.
ലീലാമ്മയുടെയും ഭർത്താവിന്റെയും ജീവിതത്തിലെ ആകെയുള്ള സമ്പാദ്യം ആയിരുന്നു നഷ്ടപ്പെട്ട സ്വർണ്ണമാല.

സംഭവത്തെ തുടർന്ന് വാകത്താനം പോലീസ് സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു.
അന്വേഷണത്തിന്റെ ഭാഗമായി IPSHO ജിൻസൺ ഡൊമിനിക്കിന്റെ നിർദേശപ്രകാരം CPO ജോജി സെബാസ്റ്റ്യൻ, CPO അനീഷ് ചന്ദ്രൻ വി.സി. എന്നിവർക്ക് അന്വേഷണ ചുമതല നൽകി. ഇവർ വാകത്താനം, ചിങ്ങവനം, കോട്ടയം വെസ്റ്റ് പോലീസ് സ്റ്റേഷൻ പരിധികളിലെ സ്ഥാപനങ്ങളിലെയും മറ്റ് സ്ഥലങ്ങളിലെയും സിസിടിവി ദൃശ്യങ്ങൾ വിശദമായി പരിശോധിച്ചു.

ഏകദേശം 55 ഓളം സിസിടിവി ക്യാമറകളിലെ ദൃശ്യങ്ങൾ നിരീക്ഷിച്ച ശേഷമാണ് അന്വേഷണത്തിൽ നിർണായക വഴിത്തിരിവുണ്ടായത്. മെയ് 31-ന് വൈകുന്നേരത്തോടെ കെ.എസ്.ആർ.ടി.സി സ്റ്റാൻഡിൽ സ്കൂട്ടർ പാർക്ക് ചെയ്ത് ഹെൽമറ്റ് മാറ്റുന്ന ദൃശ്യങ്ങളിൽ നിന്ന് സംശയിക്കുന്ന ആളെ തിരിച്ചറിയാൻ സാധിച്ചു. തുടർന്ന് ഇയാളോടൊപ്പം ഉണ്ടായിരുന്ന സ്ത്രീയെ കണ്ടെത്താനുള്ള ശ്രമവും വിജയകരമായി.
ഫോട്ടോ കാണിച്ച് നടത്തിയ അന്വേഷണത്തിൽ സ്ത്രീയെ പാമ്പൂരംപാറ സ്വദേശിനിയും പുതുപ്പള്ളി പെട്രോൾ പമ്പ് ജീവനക്കാരിയുമായ ധന്യയാണെന്ന് തിരിച്ചറിഞ്ഞു. ഇവരെ ചോദ്യം ചെയ്തതിൽ നിന്നാണ് തൃക്കൊടിത്താനം പോലീസ് സ്റ്റേഷൻ പരിധിയിൽ ഭാര്യവീട്ടിൽ താമസിക്കുന്ന വിഷ്ണു അനിൽകുമാറിലേക്കുള്ള നിർണായക വിവരം ലഭിച്ചത്.

തുടർന്ന് കസ്റ്റഡിയിലെടുത്ത് ചോദ്യം ചെയ്ത വിഷ്ണു അനിൽകുമാർ, ചിങ്ങവനം പോലീസ് സ്റ്റേഷനിൽ രജിസ്റ്റർ ചെയ്ത സ്കൂട്ടർ മോഷണക്കേസിലും പ്രതിയാണെന്ന് സമ്മതിച്ചു. ഇയാൾക്കെതിരെ സംസ്ഥാനത്തെ വിവിധ പോലീസ് സ്റ്റേഷനുകളിൽ സ്കൂട്ടർ മോഷണക്കേസുകൾ നിലവിലുണ്ടെന്നും അന്വേഷണത്തിൽ വ്യക്തമായിട്ടുണ്ട്.

ഇടവേളയില്ലാതെ നടത്തിയ അന്വേഷണവും 55 ഓളം സിസിടിവി ദൃശ്യങ്ങളുടെ സൂക്ഷ്മ പരിശോധനയും മൂലമാണ് കുറഞ്ഞ സമയത്തിനുള്ളിൽ പ്രതികളിലേക്ക് എത്താൻ സഹായകമായത്.

കർത്തവ്യനിർവഹണത്തിന് അതിരുകളില്ല...==========വാകത്താനം പോലീസ് സ്റ്റേഷൻ പരിധിയിൽ തോട്ടിൽ നിന്നും കണ്ടെത്തിയ ഒരു യുവാവിന്റ...
31/05/2026

കർത്തവ്യനിർവഹണത്തിന് അതിരുകളില്ല...
==========
വാകത്താനം പോലീസ് സ്റ്റേഷൻ പരിധിയിൽ തോട്ടിൽ നിന്നും കണ്ടെത്തിയ ഒരു യുവാവിന്റെ മൃതദേഹം പുറത്തെടുക്കുന്നതിന് ജലാശയത്തിന്റെ ആഴവും മൃതദേഹത്തിന്റെ കാലപ്പഴക്കവും തടസ്സമായി നിന്നപ്പോൾ കർത്തവ്യ നിർവഹണത്തിന്റെ മാതൃകയായി മാറുകയായിരുന്നു പ്രീതിഷ് പ്രസാദ് എന്ന പോലീസ് ഉദ്യോഗസ്ഥൻ.
മൂന്ന് ദിവസത്തിലേറെ പഴക്കമുള്ള മൃതദേഹം വെള്ളത്തിൽ കിടന്നിരുന്നതിനാൽ ദുർഗന്ധവും അഴുകലും കൂടുതലായിരുന്നു. മൃതദേഹം എത്രയും വേഗം പുറത്തെടുത്ത് നിയമനടപടികൾ പൂർത്തിയാക്കേണ്ടത് മരിച്ച വ്യക്തിയോടുള്ള അവസാന ബഹുമാനവും നീതിയുമാണെന്ന ബോധ്യത്തോടെ, വാകത്താനം പോലീസ് സ്റ്റേഷനിലെ സിവിൽ പോലീസ് ഓഫീസർ പ്രീതിഷ് പ്രസാദ് യാതൊരു മടിയും കൂടാതെ തോട്ടിലിറങ്ങി മൃതദേഹം കരയ്ക്കെത്തിച്ചു.
പ്രതിസന്ധിഘട്ടങ്ങളിൽ മാനുഷിക മൂല്യങ്ങൾ ഉയർത്തിപ്പിടിച്ചുകൊണ്ടും കർത്തവ്യബോധത്തോടെ പ്രവർത്തിച്ചുകൊണ്ടും സേനയുടെ യശസ്സ് ഉയർത്തിയ പോലീസ് ഉദ്യോഗസ്ഥൻ പ്രീതിഷ് പ്രസാദിന് കോട്ടയം ജില്ലാ പോലീസിന്റെ അഭിനന്ദനങ്ങൾ.
സംഭവം അറിഞ്ഞ കേരളത്തിന്റെ ബഹുമാനപ്പെട്ട ആഭ്യന്തര മന്ത്രി നേരിട്ട് വീഡിയോ കാളിലൂടെ വിളിച്ച് പ്രീതിഷിനെ അഭിനന്ദനങ്ങൾ അറിയിച്ചു.

2007 മുതൽ കോട്ടയം ജില്ലാ പോലീസ് ഓഫീസിൽ ക്യാഷ് അസിസ്റ്റന്റ്, ട്രഷറി ലെയ്സൺ വിഭാഗങ്ങളിലെ ചുമതലകൾ പ്രശംസനീയമായ രീതിയിൽ നിർവ...
30/05/2026

2007 മുതൽ കോട്ടയം ജില്ലാ പോലീസ് ഓഫീസിൽ ക്യാഷ് അസിസ്റ്റന്റ്, ട്രഷറി ലെയ്സൺ വിഭാഗങ്ങളിലെ ചുമതലകൾ പ്രശംസനീയമായ രീതിയിൽ നിർവഹിച്ച് ജില്ലയിലെ പോലീസ് സേനയുടെ വിശ്വാസവും ആദരവും നേടിയ ഉദ്യോഗസ്ഥനാണ് സബ് ഇൻസ്പെക്ടർ ശ്രീ. നൈനാൻ വി. എം. 27 വർഷത്തെ സമർപ്പിത സേവനങ്ങൾക്ക് ശേഷം 2026 മെയ് 31-ന് അദ്ദേഹം സർവീസിൽ നിന്ന് വിരമിക്കുകയാണ്.
ജില്ലയിലെ മുഴുവൻ പോലീസ് ഉദ്യോഗസ്ഥരുടെയും ഓഫീസ് സംബന്ധമായ ആവശ്യങ്ങളും നടപടിക്രമങ്ങളും കൃത്യമായി ഓർത്ത്, ഓരോ കാര്യവും ഉത്തരവാദിത്വത്തോടെയും ആത്മാർത്ഥതയോടെയും നിർവഹിച്ച് ദീർഘകാല ഔദ്യോഗിക ജീവിതത്തിനൊടുവിൽ വിശ്രമജീവിതത്തിലേക്ക് കടക്കുന്ന ശ്രീ. നൈനാൻ വി. എം. ന് ആരോഗ്യസമ്പന്നവും സന്തോഷപൂർണവുമായ ഒരു വിരമിക്കൽ ജീവിതം ആശംസിച്ചുകൊണ്ട് കോട്ടയം ജില്ലാ പോലീസിന്റെ ഹൃദയം നിറഞ്ഞ യാത്രാമംഗളങ്ങൾ നേരുന്നു.

ബഹുമാനപ്പെട്ട ഇന്ത്യൻ ഉപരാഷ്ട്രപതിയുടെ കോട്ടയം സന്ദർശനം – ഗതാഗത നിയന്ത്രണം===/=========/=====ബഹുമാനപ്പെട്ട ഇന്ത്യൻ ഉപരാഷ...
29/05/2026

ബഹുമാനപ്പെട്ട ഇന്ത്യൻ ഉപരാഷ്ട്രപതിയുടെ കോട്ടയം സന്ദർശനം – ഗതാഗത നിയന്ത്രണം
===/=========/=====
ബഹുമാനപ്പെട്ട ഇന്ത്യൻ ഉപരാഷ്ട്രപതി 31.05.2026 തീയതി കോട്ടയം സന്ദർശിക്കുന്നതിനോടനുബന്ധിച്ച് സുരക്ഷാ ക്രമീകരണങ്ങളുടെ ഭാഗമായിഅന്നേ ദിവസം ഉച്ചക്ക് 01.00 മണി മുതൽ നഗരത്തിലും പരിസര പ്രദേശങ്ങളിലുമായി പ്രത്യേക ഗതാഗത നിയന്ത്രണങ്ങൾ ഏർപ്പെടുത്തിയിരിക്കുന്നു.

⛔ എം.സി. റോഡിലൂടെ നാട്ടകം ഭാഗത്തുനിന്നും മെഡിക്കൽ കോളേജ്, ഏറ്റുമാനൂർ ഭാഗങ്ങളിലേക്ക് പോകേണ്ട വാഹനങ്ങൾ സിമന്റ് കവലയിൽ നിന്നും തിരിഞ്ഞ് പാറേച്ചാൽ ബൈപ്പാസ്, തിരുവാതുക്കൽ, കുരിശുപള്ളി, അറത്തൂട്ടി വഴി ചാലുകുന്നിലെത്തി ഇടത്തേക്ക് തിരിഞ്ഞ് പോകേണ്ടതാണ്.
⛔ കുമരകം ഭാഗത്തേക്ക് പോകേണ്ട വാഹനങ്ങൾ തിരുവാതുക്കലിൽ നിന്നും ഇടത്തേക്ക് തിരിഞ്ഞ് ഇല്ലിക്കൽ വഴി പോകേണ്ടതാണ്.
⛔ എം.സി. റോഡിലൂടെ നാട്ടകം ഭാഗത്തുനിന്നും കഞ്ഞിക്കുഴി, മണർകാട്, പുതുപ്പള്ളി ഭാഗങ്ങളിലേക്ക് പോകേണ്ട വാഹനങ്ങൾ മണിപ്പുഴ ജംഗ്ഷനിൽ നിന്നും വലത്തോട്ട് തിരിഞ്ഞ് കടുവാക്കുളം, കൊല്ലാട് വഴി പോകേണ്ടതാണ്.
⛔ കെ.എസ്.ആർ.ടി.സി. സ്റ്റാൻഡിൽ നിന്നും കെ.കെ. റോഡ് വഴി മണർകാട്, പാമ്പാടി ഭാഗങ്ങളിലേക്ക് പോകേണ്ട ബസുകൾ മണിപ്പുഴ ജംഗ്ഷനിൽ എത്തി ഇടത്തേക്ക് തിരിഞ്ഞ് കൊല്ലാട്, ദേവലോകം വഴി കഞ്ഞിക്കുഴി ജംഗ്ഷനിൽ എത്തി യാത്ര തുടരേണ്ടതാണ്.
⛔ നാഗമ്പടം പ്രൈവറ്റ് ബസ് സ്റ്റാൻഡിൽ നിന്നും മണർകാട്, പുതുപ്പള്ളി, കൊല്ലാട് ഭാഗങ്ങളിലേക്ക് പോകേണ്ട ബസുകൾ സിയേഴ്സ് ജംഗ്ഷനിൽ നിന്നും വലത്തേക്ക് തിരിഞ്ഞ് മംഗളം ജംഗ്ഷനിൽ എത്തി വട്ടമൂട് പാലം വഴി കഞ്ഞിക്കുഴി ജംഗ്ഷനിൽ എത്തി യാത്ര തുടരേണ്ടതാണ്.
⛔ മണർകാട്, പുതുപ്പള്ളി ഭാഗങ്ങളിൽ നിന്നും വരുന്ന കെ.എസ്.ആർ.ടി.സി., പ്രൈവറ്റ് ബസുകൾ ഉൾപ്പെടെ എല്ലാ വാഹനങ്ങളും കഞ്ഞിക്കുഴി ജംഗ്ഷനിൽ നിന്നും ഇടത്തേക്ക് തിരിഞ്ഞ് ദേവലോകം, കൊല്ലാട് വഴി മണിപ്പുഴ ജംഗ്ഷനിൽ എത്തി വലത്തേക്ക് തിരിഞ്ഞ് പോകേണ്ടതാണ്.
⛔ മൂവാറ്റുപുഴ, കടുത്തുരുത്തി ഭാഗങ്ങളിൽ നിന്നും ചങ്ങനാശ്ശേരി ഭാഗത്തേക്ക് പോകേണ്ട വാഹനങ്ങൾ പട്ടിത്താനം ജംഗ്ഷനിൽ നിന്നും തിരിഞ്ഞ് ഏറ്റുമാനൂർ–മണർകാട് ബൈപ്പാസ്, പുതുപ്പള്ളി വഴി പോകേണ്ടതാണ്.
⛔ മണർകാട് ഭാഗത്തുനിന്നും മെഡിക്കൽ കോളേജ് ഭാഗത്തേക്ക് പോകേണ്ട വാഹനങ്ങൾ ഏറ്റുമാനൂർ–മണർകാട് ബൈപ്പാസ് വഴി പൂവത്തുംമൂട് ജംഗ്ഷനിലെത്തി ഇടത്തേക്ക് തിരിഞ്ഞ് സംക്രാന്തി വഴിയും, ഏറ്റുമാനൂർ ഭാഗത്തേക്ക് പോകേണ്ട വാഹനങ്ങൾ പേരൂർ വഴിയും പോകേണ്ടതാണ്.
⛔ മെഡിക്കൽ കോളേജ് ഭാഗത്തുനിന്നും ചങ്ങനാശ്ശേരി ഭാഗത്തേക്ക് പോകേണ്ട വാഹനങ്ങൾ കുടയംപടി, ചാലുകുന്ന് ജംഗ്ഷൻ വഴി അറത്തൂട്ടി ജംഗ്ഷനിലെത്തി ഇടത്തേക്ക് തിരിഞ്ഞ് തിരുവാതുക്കൽ ജംഗ്ഷൻ, പാറേച്ചാൽ ബൈപ്പാസ് വഴി പോകേണ്ടതാണ്.
⛔ 31.05.2026 തീയതി രാവിലെ 11.00 മണി മുതൽ ബഹു. ഉപരാഷ്ട്രപതിയുടെ സന്ദർശനം അവസാനിക്കുന്നതുവരെ ചരക്ക് വാഹനങ്ങൾക്ക് കോട്ടയം ടൗണിൽ പ്രവേശനം അനുവദിക്കുന്നതല്ല.

ദീർഘകാലത്തെ പ്രശംസനീയമായ ഔദ്യോഗിക ജീവിതത്തിന് വിരാമമിട്ടുകൊണ്ട് പോലീസ് സേനയിൽ നിന്നും 2026 മെയ് മാസം 31 തീയതി വിരമിക്കുന...
28/05/2026

ദീർഘകാലത്തെ പ്രശംസനീയമായ ഔദ്യോഗിക ജീവിതത്തിന് വിരാമമിട്ടുകൊണ്ട് പോലീസ് സേനയിൽ നിന്നും 2026 മെയ് മാസം 31 തീയതി വിരമിക്കുന്ന സേനാംഗങ്ങൾക്ക് കോട്ടയം ജില്ലാ പോലീസിന്റെ യാത്രാമംഗളങ്ങൾ

🚦 കോട്ടയം ജില്ലാ പോലീസ് -ഇ-ചലാൻ അദാലത്ത്🚦പൊതുജനങ്ങളുടെ സൗകര്യാർത്ഥം കോട്ടയം ജില്ലാ പോലീസിന്റെ നേതൃത്വത്തിൽ എല്ലാ ആഴ്ചകളി...
22/05/2026

🚦 കോട്ടയം ജില്ലാ പോലീസ് -ഇ-ചലാൻ അദാലത്ത്🚦
പൊതുജനങ്ങളുടെ സൗകര്യാർത്ഥം കോട്ടയം ജില്ലാ പോലീസിന്റെ നേതൃത്വത്തിൽ എല്ലാ ആഴ്ചകളിലും ബുധൻ, വ്യാഴം ദിവസങ്ങളിൽ (പ്രവർത്തി ദിനങ്ങളിൽ മാത്രം) കോട്ടയം, ചങ്ങനാശ്ശേരി, പാലാ ട്രാഫിക് പോലീസ് സ്റ്റേഷനുകളിൽ ഇ-ചലാൻ അദാലത്ത് (E-Challan Adalat) സംഘടിപ്പിക്കുന്നു.
📌 കോടതിയിൽ സമർപ്പിച്ചിട്ടുള്ള വാഹനവുമായി ബന്ധപ്പെട്ട ട്രാഫിക് നിയമലംഘന പെറ്റി കേസുകൾ ഈ അദാലത്തിലൂടെ നേരിട്ട് തീർപ്പാക്കാവുന്നതാണ്.
UPI / CARD Payment മുഖേന മാത്രമായിരിക്കും പിഴത്തുക സ്വീകരിക്കുക.
ഈ അവസരം പരമാവധി പ്രയോജനപ്പെടുത്തി, പിന്നീട് നേരിടേണ്ടിവരാവുന്ന നിയമനടപടികളും മറ്റ് ബുദ്ധിമുട്ടുകളും ഒഴിവാക്കുക.
കോട്ടയം ജില്ലാ പോലീസ് “ സുരക്ഷിത യാത്രക്ക് നിയമപാലനം ഉറപ്പാക്കാം ”

2026 ഏപ്രിൽ മാസത്തെ പ്രവർത്തന മികവിന്റെ അടിസ്ഥാനത്തിൽകോട്ടയം ജില്ലയിലെ മികച്ച സ്റ്റേഷനായി പാമ്പാടി പോലീസ് സ്റ്റേഷനും മി...
12/05/2026

2026 ഏപ്രിൽ മാസത്തെ പ്രവർത്തന മികവിന്റെ അടിസ്ഥാനത്തിൽ
കോട്ടയം ജില്ലയിലെ മികച്ച സ്റ്റേഷനായി പാമ്പാടി പോലീസ് സ്റ്റേഷനും മികച്ച സബ്ഡിവിഷനായി ചങ്ങനാശേരി സബ്ഡിവിഷനും തിരഞ്ഞെടുക്കപ്പെട്ടു. മികച്ച സേവനം കാഴ്ചവച്ച പോലീസുദ്യോഗസ്ഥർക്കും, മിനിസ്റ്റീരിയൽ സ്റ്റാഫുകൾക്കും ജില്ലാ പോലീസ് മേധാവി ഷാഹുൽ ഹമീദ് A. IPS പ്രശംസാ പത്രം വിതരണം ചെയ്തു.
===================
12.05.2026 തീയതി കോട്ടയം പോലീസ് ക്ളബിൽ വച്ച് നടന്ന ക്രൈം കോൺഫറൻസിൽ മികച്ച സബ് ഡിവിഷനായി തെരഞ്ഞെടുക്കപ്പെട്ട ചങ്ങനാശ്ശേരിയെ പ്രതിനിധീകരിച്ച് Dysp ശ്രീ.ആഷാദ് S.ഉം,പാമ്പാടി സ്റ്റേഷനുവേണ്ടി SHO ശ്രീ. സന്തോഷ് K. M. ഉം പുരസ്കാരം ഏറ്റുവാങ്ങി.

മികച്ച സേവനത്തിനുള്ള പുരസ്കാരത്തിന് അർഹരായവർ.
===≠===============
2026 കേരള നിയമസഭ തിരഞ്ഞെടുപ്പുമായി ബന്ധപ്പെട്ട് ജില്ലയിലെ ഇലക്ഷൻ സെല്ലിന്റെ പ്രവർത്തനങ്ങൾ മികച്ച രീതിയിൽ ഏകോപിപ്പിച്ച് കാര്യക്ഷമമായി പ്രവർത്തിച്ച സ്പെഷ്യൽ ബ്രാഞ്ച് ഡിവൈ.എസ്.പി ശ്രീ. ടിപ്സൺ തോമസ് മെക്കാടൻ,
എൻ സെൽ ഡിവൈ.എസ്.പി ശ്രീ. ബിജു കെ.ആർ., ഡി.സി.ആർ.ബി ഡിവൈ.എസ്.പി
ശ്രീ. ജ്യോതികുമാർ പി., ഡി.സി.ബി ഡിവൈ.എസ്.പി ശ്രീ. സാബു പി.കെ.,
സ്പെഷ്യൽ ബ്രാഞ്ച് എസ്.ഐ ശ്രീ.അരുണ്‍ തോമസ്,
ശ്രീ. ഗിരീഷ്‌കുമാർ,
ശ്രീ.മുഹമ്മദ് ഭൂട്ടോ , എ.എസ്.ഐ ശ്രീ.ബിനോയ് എം.സി., സി.പി.ഒ ശ്രീ.വിഷ്ണു വിജയൻ, ശ്രീ. ഗിരീഷ്‌കുമാർ പി.ബി., ഡി.പി.ഒയിലെ സീനിയർ ക്ലർക്കുമാരായ ശ്രീ.ശരത് മോഹൻ, ശ്രീ. അഖിൽ പി. ഏലിയാസ്, ശ്രീ. അബ്ദുൾ ഫസൽ എ., ശ്രീ. ഹരികുമാർ എൻ., ശ്രീ.അരോമൽ എം.എൽ., ശ്രീമതി. പ്രീതി പി.ആർ., ശ്രീ.ആഷിഖ് എ., കൂടാതെ എസ്‌.ഐ ശ്രീ.നൈനാൻ വി.എം. എന്നിവർക്ക് പ്രത്യേക അഭിനന്ദനം ലഭിച്ചു.
ചിങ്ങവനം പോലീസ് സ്റ്റേഷനിലെ റൈറ്റർ എന്ന നിലയിൽ സ്റ്റേഷന്റെ ദൈനംദിന പ്രവർത്തനങ്ങൾ കൃത്യതയോടെയും ആത്മാർത്ഥതയോടെയും നിർവഹിച്ച എ.എസ്‌.ഐ ശ്രീ.ഹാഷിക് എം.
2025-2026 വർഷത്തെ ട്രെയിനിംഗ് പ്രോഗ്രാമുകൾ മികച്ച രീതിയിൽ ആസൂത്രണം ചെയ്ത് വിജയകരമായി നടപ്പാക്കിയ മുൻ എൻ സെൽ ഡിവൈ.എസ്.പി
ശ്രീ.എ.ജെ. തോമസ്, ഡി.സി.ആർ.ബി ഡിവൈ.എസ്.പി ശ്രീ.ജ്യോതികുമാർ പി.,
എൻ സെൽ ഡിവൈ.എസ്.പി ശ്രീ.ബിജു കെ.ആർ. എന്നിവർ പ്രശംസ നേടി.
പി.എസ് ക്രൈം നമ്പർ 1134/2025 കേസിൽ അന്വേഷണ മികവിലൂടെ പ്രതിക്ക് ശിക്ഷ ലഭ്യമാക്കുന്നതിൽ നിർണായക പങ്കുവഹിച്ച മുൻ വൈക്കം ഡിവൈ.എസ്.പി ശ്രീ.വിജയൻ ടി.ബി., മുൻ കുറവിലങ്ങാട് എസ്‌.ഐ ശ്രീമതി.സരണ്യ എസ്. ദേവൻ, വൈക്കം ഡിവൈ.എസ്.പി ഓഫീസിലെ .എസ്‌.ഐ ശ്രീ.പ്രമോദ് എച്ച്., എ.എസ്‌.ഐ ശ്രീ.ജതീഷ് സി.എൻ., കുറവിലങ്ങാട് പോലീസ് സ്റ്റേഷനിലെ .എ.എസ്‌.ഐ ശ്രീമതി.മനു നാരായണൻ, എസ്.സി.പി.ഒ ശ്രീ.മനോജ് കെ. എന്നിവർക്കും അഭിനന്ദനം ലഭിച്ചു.
2026 ഏപ്രിൽ 4-ന് ബഹുമാനപ്പെട്ട ഇന്ത്യൻ പ്രധാനമന്ത്രിയുടെ സന്ദർശനവുമായി ബന്ധപ്പെട്ട വി.വി.ഐ.പി ഡ്യൂട്ടി മികച്ച രീതിയിൽ നിർവഹിച്ച മുൻ അഡീഷണൽ എസ്.പി ശ്രീ.എ.കെ. വിശ്വനാഥൻ, Spl. Branch ഡിവൈ.എസ്.പി ശ്രീ.ടിപ്സൺ തോമസ് മെക്കാടൻ,
ചങ്ങനാശേരി Dysp
ശ്രീ.ആഷാദ് എസ്.,
കാഞ്ഞിരപ്പള്ളി Dysp ശ്രീ.വിശാൽ ജോൺസൺ,
N Cell Dysp
ശ്രീ.ബിജു കെ.ആർ.,

ഇൻസ്പെക്ടർമാരായ ശ്രീ.ഷോജോ വർഗീസ്, ശ്രീ.ജോസി ടി.കെ.,
ശ്രീ.ജിജിൻ ജോസഫ്,
ശ്രീ.എം.കെ. രാജേഷ്, ശ്രീ.രാജേഷ് പി.എസ്., ശ്രീ.ബേസിൽ തോമസ്, ശ്രീ.ലൈജുമോൻ സി.വി., ശ്രീ.സജീവ്‌കുമാർ ജെ.എസ്., ശ്രീ.ശ്രീജിത് സി.,
ശ്രീ.പ്രദീപ് എസ്.,
ശ്രീ.അനീഷ് ബി.,
ശ്രീ.രാജേഷ് എസ്. എന്നിവർ അഭിനന്ദനത്തിന് അർഹരായി.

നിരോധിത പുകയില ഉൽപ്പന്നങ്ങളുമായി അഞ്ചംഗ സംഘം പിടിയിൽ; 45,000 പാക്കറ്റ് ഹാൻസ് പിടിച്ചെടുത്തു.=======ചങ്ങനാശേരി റെയിൽവേ–അര...
11/05/2026

നിരോധിത പുകയില ഉൽപ്പന്നങ്ങളുമായി അഞ്ചംഗ സംഘം പിടിയിൽ; 45,000 പാക്കറ്റ് ഹാൻസ് പിടിച്ചെടുത്തു.
=======
ചങ്ങനാശേരി റെയിൽവേ–അരമനപ്പടി റോഡിന് സമീപം പ്രവർത്തിക്കുന്ന NSK Trading & Marketing സ്ഥാപനത്തിലും അതിന് മുൻവശത്ത് നിർത്തിയിട്ടിരുന്ന KL 72 E 3915 നമ്പർ മഹീന്ദ്ര ബൊലേറോ മാക്സ് പിക്കപ്പ് വാനിലുമായി സൂക്ഷിച്ചിരുന്ന നിരോധിത പുകയില ഉൽപ്പന്നങ്ങളായ 45,000 പാക്കറ്റ് ഹാൻസ് പോലീസ് പിടിച്ചെടുത്തു. സംഭവവുമായി ബന്ധപ്പെട്ട് അഞ്ച് പേരെ ചങ്ങനാശേരി പോലീസ് അറസ്റ്റ് ചെയ്തു.
രഹസ്യവിവരത്തെ തുടർന്ന് ചങ്ങനാശേരി പോലീസ് സബ് ഇൻസ്പെക്ടർ സജിത് മോന്റെ നേതൃത്വത്തിലുള്ള സംഘവും, ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും 08.05.2026 രാത്രി 10.40 ഓടെ സ്ഥലത്തെത്തി പരിശോധന നടത്തുകയായിരുന്നു. സ്ഥാപനത്തിന് മുന്നിൽ നിർത്തിയിട്ടിരുന്ന വാഹനത്തിൽ നിന്ന് ചാക്കുകൾ കടയിലേക്ക് ഇറക്കുന്നതായി കണ്ടതിനെ തുടർന്ന് നടത്തിയ പരിശോധനയിലാണ് 60 പ്ലാസ്റ്റിക് ചാക്കുകളിലായി സൂക്ഷിച്ചിരുന്ന ഹാൻസ് പുകയില ഉൽപ്പന്നങ്ങൾ കണ്ടെത്തിയത്. പ്രായപൂർത്തിയാകാത്ത വിദ്യാർത്ഥികൾക്ക് ഉൾപ്പെടെ വിൽപ്പന നടത്തി അമിതലാഭം നേടാനാണ് ഇവ സൂക്ഷിച്ചിരുന്നത്.
അറസ്റ്റിലായവർ: കടയുടമ ഫാത്തിമാപുരം സ്വദേശിയായ മുഹമ്മദ് സമീർ ഖാൻ, വാഹന ഉടമ വയനാട് തരുവണ സ്വദേശിയായ ബാബു പി, ഡ്രൈവർ വയനാട് മാനന്തവാടി സ്വദേശിയായ രജീഷ് വി.ആർ,(46) s/o രാജൻ
പായിപ്പാട് സ്വദേശി ശരണ് ശശി,(31) s/o ശശി
ചങ്ങനാശേരി സ്വദേശി ഹരീഷ് ടി.എസ് (35) s/o ശശി എന്നിവരാണ്.
പരിശോധനയിൽ
എസ്.ഐമാരായ സുകേഷ് എസ്.എൻ, രാജേഷ് ആർ, സജീവ്കുമാർ ബി, എസ്.സി.പി.ഒ തോമസ് സ്റ്റാൻലി, വിനോദ് വി.എ, സി.പി.ഒമാരായ പ്രതീഷ്, നിയാസ്, അരുൺ എസ്, ബിപിൻ ജോസഫ് എന്നിവരും പങ്കെടുത്തു.

പുതുപ്പള്ളി പള്ളി പെരുന്നാളിനോട് അനുബന്ധിച്ച് 06.05.2026, 07.05.2026 തീയതികളില്‍ പുതുപ്പള്ളി ടൌണ്‍ ഭാഗത്തേക്കുള്ള വാഹന ഗ...
05/05/2026

പുതുപ്പള്ളി പള്ളി പെരുന്നാളിനോട് അനുബന്ധിച്ച് 06.05.2026, 07.05.2026 തീയതികളില്‍ പുതുപ്പള്ളി ടൌണ്‍ ഭാഗത്തേക്കുള്ള വാഹന ഗതാഗതം താഴെ പറയുന്ന പ്രകാരം ക്രമീകരിച്ചിരിക്കുന്നു.
========
1. കോട്ടയത്തു നിന്നും കറുകച്ചാല്‍ ഭാഗത്തേയ്ക്ക് പോകേണ്ട വാഹനങ്ങള്‍ മന്ദിരം കലുങ്ക് ജംഗ്ഷനില്‍ നിന്ന് ഇടത്തേയ്ക്ക് തിരിഞ്ഞ് പുമ്മറ്റം, കാഞ്ഞിരത്തുംമൂട്, ആറാട്ടുചിറ, നാരകത്തോട്, വെട്ടത്തുകവല, കൈതേപ്പാലം വഴി പോകേണ്ടതാണ്.
2. കോട്ടയത്തു നിന്നും ഞാലിയാകുഴി, തെങ്ങണ ഭാഗത്തേയ്ക്ക് പോകേണ്ട വാഹനങ്ങള്‍ കഞ്ഞിക്കുഴിയില്‍ നിന്നും വലത്തേയ്ക്ക് തിരിഞ്ഞ് ദേവലോകം, കൊല്ലാട്, നാല്‍ക്കവല വഴി പാറയ്ക്കല്‍ക്കടവിലെത്തി വലത്തേക്ക് തിരിഞ്ഞ് ഓട്ടക്കാഞ്ഞിരം, പരുത്തുംപാറ വഴി പോകേണ്ടതാണ്.
3. മണര്‍കാട് ഭാഗത്ത്‌ നിന്നും കറുകച്ചാല്‍, തെങ്ങണ, ചങ്ങനാശ്ശേരി ഭാഗത്തേയ്ക്ക് പോകേണ്ട വാഹനങ്ങള്‍ കാഞ്ഞിരത്തുംമൂട്, ആറാട്ടുചിറ, നാരകത്തോട്, വെട്ടത്തുകവല, കൈതേപ്പാലം വഴി പോകേണ്ടതാണ്.
4. കറുകച്ചാല്‍ ഭാഗത്ത്‌ നിന്നും മണര്‍കാട്, പാമ്പാടി, കോട്ടയം ഭാഗത്തേയ്ക്ക് പോകേണ്ട വാഹനങ്ങള്‍ എറികാട് UP സ്കൂള്‍ ജംഗ്ഷനില്‍ നിന്നും വലത്തേയ്ക്ക് തിരിഞ്ഞ് നാരകത്തോട്, ആറാട്ടുചിറ, കാഞ്ഞിരത്തുംമൂട് വഴി മണര്‍കാട് ഭാഗത്തേയ്ക്ക് പോകേണ്ടതാണ്.
5. തെങ്ങണ ഭാഗത്ത്‌ നിന്നും കോട്ടയം ഭാഗത്തേയ്ക്ക് പോകേണ്ട വാഹനങ്ങള്‍ എരമല്ലൂര്‍ സ്കൂള്‍ ജംക്ഷനില്‍നിന്നും ഇടത്തേക്ക് തിരിഞ്ഞ് ഓട്ടക്കാഞ്ഞിരം വഴി പാറയ്ക്കല്‍ കടവില്‍ എത്തി നാല്‍ക്കവല വഴി പോകേണ്ടതാണ്.
6. പാലൂര്‍പടി – പുതുപ്പള്ളി പള്ളി റോഡ്‌ ആംബുലന്‍സ്, ഫയര്‍ ഫോഴ്സ് തുടങ്ങിയ അവശ്യ സര്‍വ്വീസ് വാഹനങ്ങള്‍ക്ക് മാത്രമായി നിയന്ത്രിച്ചിട്ടുള്ളതാണ്. ഈ റോഡില്‍ പാര്‍ക്കിംഗ് നിരോധിച്ചിട്ടുള്ളതാണ്.
7. പുതുപ്പള്ളി കവലക്കും എരമല്ലൂര്‍ കലുങ്കിനും ഇടയില്‍ പാര്‍ക്കിംഗും ഗതാഗതവും പൂര്‍ണമായി നിയന്ത്രിച്ചിട്ടുള്ളതാണ്.
ഗതാഗത ക്രമീകരണം 06.05.2026 തീയതി വൈകുന്നേരം 05.00 മണി മുതല്‍ വൈകിട്ട് 09.00 മണി വരെയും 07.05.2026 തീയതി ഉച്ച കഴിഞ്ഞ് 02.00 മണി മുതല്‍ വൈകിട്ട് 09.00 മണി വരെയും ഉണ്ടായിരിക്കുന്നതാണ്.

മേയ് 6, 7 തീയതികളില്‍ ടോറസ്, ടിപ്പര്‍, ലോറി, ചരക്കുലോറി മുതലായ വാഹനങ്ങളുടെ ഗതാഗതം താഴെ പറയും പ്രകാരം ക്രമീകരിച്ചിരിക്കുന്നു.

1. മണര്‍കാട് ഭാഗത്തുനിന്നും കറുകച്ചാല്‍ ഭാഗത്തേയ്ക്ക് പോകേണ്ട വാഹനങ്ങള്‍ പാമ്പാടി, ഇലക്കൊടിഞ്ഞി, മാന്തുരുത്തി വഴി പോകേണ്ടതാണ്.

2. കറുകച്ചാല്‍ ഭാഗത്തുനിന്നും മണര്‍കാട് ഭാഗത്തേയ്ക്ക് പോകേണ്ട വാഹനങ്ങള്‍ മാന്തുരുത്തി, ഇലക്കൊടിഞ്ഞി, പാമ്പാടി വഴി പോകേണ്ടതാണ്.

3. കോട്ടയം ഭാഗത്തുനിന്നും തെങ്ങണ ഭാഗത്തേയ്ക്ക് പോകേണ്ട വാഹനങ്ങള്‍ MC റോഡ്‌ വഴി ചിങ്ങവനത്ത് എത്തി ഇടത്തേയ്ക്ക് തിരിഞ്ഞു പോകേണ്ടതാണ്.

4. തെങ്ങണ ഭാഗത്തുനിന്നും കോട്ടയം ഭാഗത്തേക്ക് പോകേണ്ട വാഹനങ്ങള്‍ ഞാലിയാകുഴി ജംക്ഷനില്‍നിന്നും ഇടത്തേക്ക് തിരിഞ്ഞ് പന്നിമറ്റം, പാക്കില്‍, മുളംകുഴ വഴി MC റോഡിലെത്തി പോകേണ്ടതാണ്.

Address

District Police Office
Kottayam
686003

Telephone

04812564700

Website

Alerts

Be the first to know and let us send you an email when Kottayam District Police posts news and promotions. Your email address will not be used for any other purpose, and you can unsubscribe at any time.

Shortcuts

Share

Category