11/06/2026
Kajeno la 11/06/2026 Lekala la Temo Kanetso ea Lijo le Phepo e Nepahetseng seterekeng sa Berea ka Lefapha la Phepo e Nepahetseng le ts'oaretse Bo-'maphepo ho tsoa literekeng tse leshome thupelo ho qala ka Mantaha oa la 8/06/2026 me e tla fihla pheletsong ka Labohlano la 12/06/2026.
Mofumahali Mathuto 'Neheng Taylor a e le Maphepo ntlokholo, o hlalositse ha ba ile ba ba le kopano ele Lefapha la Phepo ka litereke tse leshome selemo se fitileng, moo morero ene le ho etsa buka e tla ba tataisa ka litaba tsa tlhahiso ea Lijo malapeng. A hlalosa h**e buka ena e ts'etse tlhahiso ea lijo ka liratsoana tse its'ematlelang ho maemo a phetho-phetoho ea leholimo le tlhahiso ea leruo la liphoofolo tsa bophelo bo bokhuts'oane.
Mofumahali Taylor o la tsoetse-pele ho hlalosa sepheo sa kopano bekeng ena e le ho tla ithuta ka botebo litaba tsa tlhahiso, ka tataiso ea litsibi tsa Mafapha a tlhahiso ea Lijo, Lifate le Liphoofolo. Ka hona ba qalile ho ithuta ka meroho ea khale eo re seng re sa e sebelise (joalo ka Serue le emeng) h**e e na le matsoai a feng ho matlafatsa phepo, le ho ja lijo ka mebala.
Ba boela baithuta ka tlhahiso ea litholoana (Liperekisi, Liapole le Lipere) h**e ba li hlokomele joang, ho li faola le ho ela hloko mafua kabang teng,hape ba ithuta ka tlhahiso ea likhoho tsa nama le mahe ha kajeno ba ithutile ka tlhahiso ea limutlanyana.
A qetella ka h**e ka labohlano ba tla phethela boithuto ba bona ka ho nyakurela buka, e bitsoa: (Homestead Gardening and Production of Fruit trees and Short Cycle Species) e fumanehang ka puo ea sesotho le ea senyesemane, e le h**e ba be le kutloisiso e ts'oanang le h**e batle ba fetisetse molaetsa o ts'oanang ho lihoai.
