Lesotho Mounted Police Service

03/06/2026

BA AROHANA LE LICHELETE TSA BONA KA HO TLOLA MOLAO OA TSELA

‘Makhabasheane Masupha – Berea

Banna ba 15 le mosali ba hlahile Lekhotleng la ’Maseterata Berea, ka la 28 Motšeanong 2026; ba qosoa ka ho se hlomphe matšoao a tsela, ho feta meeli eo ba e filoeng, ho qhoba makoloi a baeti ka lipolomiti tse felletsoeng ke nako, ho nka baeti ka likoloi tsa malapa a bona le ho qhoba likoloi ba se na mangolo a ho qhoba.

Lekhotla le ba ahlotse ho itefella M500.00 motho ka mong kapa ho hoehla likhoeli tse hlano Setsing sa Tlhabollo ea Batšoaruoa. Ba ile ba atleha ho itefella.

Police Constable (P/C) Pokello Sebochoa ho hlaha Ofising ea Taolo ea Sephethephethe Berea, o re ka la 22 Motšeanong 2026, ho isa la 27 Motšeanong 2026, ba tšoere baqosuoa ka har’a toropo ea Teya-teyaneng le mathoko a eona.

A re Refiloe Lehloara o ne a nkile baeti ka koloi ea lelapa la hae, Lebohang Mohlakola a qhoba koloi a se na lengolo la ho qhoba.’Maliau Mohlakola a file Lebohang Mohlakola e leng mora oa hae koloi h**e a e qhobe a se na lengolo.

Ho sa le joalo, P/C Sebochoa a supa h**e Toka Letlatsa, Neo Ramaisa, Rethabile Mathiba,Thabang Teka-Teka, Moloi Leballo, Tumisang Tenane, Nako Lebina, Rethabile Lephema, Ntšala Nyepetsi, Seabata Matjotjobela le Bongane Mani, ba ne ba eme moo matšoao a sa ba lumelleng. Molipe Matlejane le Lebohang Ramotete ba nkile baeti ka lipolomiti tse felletsoeng ke nako.

Sub-Inspector (Sub-Insp) Tsotang Dongwane ho hlaha ofising e tšoanang, o ipilelitse ho batsoali ho emisa ho fa bana ba bona likoloi ho li qhoba, ba se na mangolo molemong oa polokeho ea bona le basebelisi ba bang ba tsela.

03/06/2026

KHERA E BA BEHA KA PEL’A ‘MASETERATA

’Mammuso Tumane – Mafeteng

Baqhobi ba makoloi ba ahlotsoe ka ho fapana Lekhotleng la ’Maseterata Mafeteng, ka la 1 Phuptjane 2026; ba qosoa ka ho qhoba ba le tlas’a tšusumetso ea tai.

Puisanong le Police Constable (P/C) Mokhalepi Mohato oa Lefapha la Taolo ea Sephethe-phethe Mafeteng, o boletse h**e ka la 29 ho isa 31 Motšeanong 2026, mapolesa a tšoere baqhobi ba na ba khannang ba bo khile la likhopo, ka har’a toropo ea Mafeteng le mathoko a eona.

O re Lebohang Mofota, Oetsi Lepono, Kabelo Makhoalinyane, Mokete Lekometsa, Lehlohonolo Matšoele le Lijo P**e ba ahlotsoe ho itefella M1, 000.00 ’me ba atlehile ho itefella.

P/C Mohato a supa h**e Philip Matsepe, Sechaba Lerumo, Kobisi Kobisi, Tšireletso Matšoele, Molungoa Mojaje, Tsietsi Mokate, Tefo Chabeli, Mohlomi Molahloa le Kamohelo Moshesha, ba ahlotsoe ho itefella M500.00 eo ba atlehileng ho e lefa.

A bontša h**e Kamohelo Motsieloa, Makhaola Makhaola, Khalanyane Sakoane le Leoma Chabeli, ba ahlotsoe ho itefella M700.00; ha Likopo Nyathela, Thabiso Molonkoane le Nkoane Mmipi, ba ahlotsoe ho itefella M250.00.

P/C Mohato o re lekhotla le tšoanang, le ahlotse Makalo Mopeli le Khabele Leisanyane M1, 000.00 ka ho hana ho nyanya tami. Bohle ba atlehile ho patala.

Ho sa le joalo, pejana lekhotla le tšoanang, le ahlotse Seqao Mabejane ho itefella M500.00 kapa ho hoehla likhoeli tse hlano Ntloana-tšoana, ‘me a itefella; la supa ka monoana Maime Leeto.

Mookameli ofising e tšoanang, Inspector Jankie Rankuatsana o ipiletsa ho baqhobi ho hlompha melao ea tsela. A re ho hana ho nyanya tami, ke tlolo ea molao.

03/06/2026

BAAHI BA HA SEKHEBETLELA BA ETELOA KE SEPOLESA

Limakatso Nkabi - Maseru Rural

Sepolesa sa Semonkong se bile le pitso le baahi ba Ha Sekhebetlela le metse e haufi, ka sepheo sa ho bua le bona ka litlolo tsa molao tse ba amang.

Pitso ena e bile Ha Sekhebetlela Semonkong ka la 25 Motšeanong 2026.

Sub-Inspector (Sub-Insp) Mofana Seipati eo e leng Mookameli oa Motebo oa Sepolesa Semonkong, o re e le sepolesa le sechaba, ba be le tšebelisano e le ho hlola tlolo ea molao.

A bontša h**e se arolang sechaba le sepolesa ke masholu a liphoofolo, 'me hangata masholu a jala pherekano sechabeng ka h**e bona ba sebelisana le sepolesa, 'me seo se jala pherekano ka har'a sechaba.

A tsoela pele ka h**e ho hlokomelehile h**e masholu a liphoofolo a na le lithunya, 'me lithunya tseo, li tlo tloha matsohong a joalo, li le molaong kapa li se molaong ka ha li sebelisoa hampe.

O re litaba tsa tlhekefetso ha li tlalehoe moreneng kapa ho buisanoa ka har'a malapa empa li tlalehoe Sepoleseng e le h**e ba amehang ba behoe ka pel'a makhotla.

Sub-Insp Seipati o ipilelitse ho sechaba ho khaotsa ho khakhatha litloli tsa molao empa ba nehelane ka tsona ho mapolesa, a tla li beha ka pel'a makhotla. A re mosebetsi oa bona, ke ho sireletsa sechaba e seng ho se beha tsietsing.

Morena Sekhebetlela Moshoeshoe o lebohile sepolesa ka ketelo ena le ka thuto eo ba faneng ka eona. A ipiletsa ho sepolesa ho ba etela khafetsa, e le h**e litlolo tsa molao e tle e be pale ea maobane.

03/06/2026

https://whatsapp.com/channel/0029Vau7bELFcowAYxHCHR03https://whatsapp.com/channel/0029Vau7bELFcowAYxHCHR03

Follow Lesotho Mounted Police Service's WhatsApp channel. A Police organisation mandated for safety and security of the people in Lesotho.. Join 313 followers for the latest updates.

03/06/2026

LITLALEHO TSA SEPOLESA TSA LA 02/06/2026

03/06/2026

LITLALEHO TSA SEPOLESA TSA LA 02/06/2026

BUTHA-BUTHE

Ka la 26/05/26, basali ba babeli ba ha Shepheseli ‘Mabalekiwe Sebolaoa (48) le Ntsekiseng Sebolaoa (28), ba hlahile Lekhotleng la ‘Maseterata ba qosoa ka ho khakhatha le ho roba monna (42) leoto ka tšepe. Ketsahalo ena e etsahetse ka la 22/04/26 hona ha Shepheseli. Lekhotla le ba lokolotse ka beile ea sekete (M1,000.00) motho ka mong ‘me ba atleha ho e patala. Ba tla hlaha khotla hape ka la 09/06/26. Tlaleho e supa ha sesosa sa ntoa e le h**e molli o ne a ile a rekeloa joala ke monna oa moqosuoa oa pele, ‘me moqosuoa ha a ka khotsofalla taba eno, ke ha ntoa e tla qhoma.

BEREA

Banna ba babeli, Mokatsanyane Lematla (57) eo e leng setho sa Sepolesa se phomolong oa Maputsoe ha Maqele le Kali (Maseko) Nkaota (40) oa Fobane ha Tumo, ba hlaile Lekhotleng la ‘Maseterata Berea ka la 01/06/26 ba qosoa ka ho ruoa lithunya le likulo ka thoko ho molao. Lekhotla le ba fumane ba le molato ‘me la ba ahlola ho hoehla chankaneng lilemo tse 5 kapa ho itefella M5000.00 eo ba atlehileng ho e patala. Ba ne ba ile ba tšoaroa ka la 29/05/26 ba le kahar’a toropo ea Berea, ka morao h**e sepolesa se longoe tsebe h**e ho na le banna ba hlometse, ke moo sepolesa se ba fumaneng ba e na le lithunya tse 3 tsa moetso oa 9mm le likulo tse 52 ka thoko ho molao.

THABA-TSEKA

‘Matakatso Leteketa (41) oa Lihloaeleng Mantšonyane o hlaile Lekhotleng la ‘Maseterata Thaba Tseka ka la 27/05/26; a qosoa ka ho chesa ntlo le tšenyo ea thepa. O emetse nyeoe a le ka setsing sa tlhabollo ea batšoaruoa. O tla hlaha hape khotla ka la 09/06/26. Tlaleho e supa h**e moqosuoa o bile le qoaketsano le ‘M’e oa hae, a bontša h**e eo ‘Ma’e o mokolota chelete e M1200.00. Ke moo ka la 23/05/26 ha moqosuoa a ne a setse a le mong moo lapeng habo, a ileng a chesa ntlo ea bo ka sepheo sa ho utloisa ‘Ma’e bohloko.
Ka la 29/05/26, Mosebo Moketa (31) oa ha Phaila Tsaba-Tseka o hlaile Lekhotleng la ‘Maseterata Thaba-Tseka a qosoa ka ho choatla ntlo, le tšenyo ea thepa. Lekhotla le mofumane a le molato joalo ka ha a qosoa. Qosong ea pele lekhotla le mo ahlotse ho hoehla chankaneng lilemo tse 4 kapa ho itefella M4000.00, qosong ea bobeli a ahlola lilemo tse 6 kapa ho itefela M8000.00. O hlolehile ho itefella. Tlaleho e supa ha ka la 28/05/26, moqosuoa a ile a qheketsa ha moamani le eena (ausi’ae), tsena li etsahetse motseng oa Mohlakeng. Moqusuoa o tlalehoa a ile kena ka tlung a nto’o choatla sehatsetsi le otoropo. Tlhaloso ea moqosuoa keh**e eena o ne a itaoetse ‘me ha tsebe letho ka ketsahalo eo.

MASERU RURAL

Monna ea lilemo li (34) oa ha Mosamo ha Mokhalinyane, o emetse nyeoe a le ka setsing sa tlhabollo ea batšoaruoa kamor’a ho hlaha lekhotleng la ‘Maseterata Maseru ka la 29/05 26; a qosoa ka ho ntša motho likotsi tse mpe le tšenyo ea thepa. Lekhotla le motimme beile ‘me o se a tla hlaha hape khotla ka la 10/06/26. Tlaleho ea sepolesa e supa ha ‘melaelloa a ile a ba le qoaketsano le motho oa mosali ba le ntlong ea thekiso ea mothahane hona ha Mokhalinyane, ea re ha morekisi a kena lipakeng ‘melaelloa o oa mosuthumetsa eo a robeha leoto. ‘Melaelloa a nto’o tsoelapele ka ho choatla thepa ea ka bareng e kenyeletsang computer, k’haontara le tse ling.

Liphatlalatso LITLALEHO TSA SEPOLESA TSA LA 02/06/2026 5 minutes ago LITLALEHO TSA SEPOLESA TSA LA 02/06/2026 BUTHA-BUTHE Ka la 26/05/26, basali ba babeli ba ha Shepheseli, ‘Mabalekiwe Sebolaoa (48) le Ntsekiseng Sebolaoa (28), ba hlahile Lekhotleng la ‘Maseterata ba qosoa ka ho khakhatha le ho ...

03/06/2026

TSEBISO EA LEFU

03/06/2026

O BELAELLOA KA BOSHOLU BA CHELETE LEHAE FUNERAL SERVICES

Neo Mohlakola – Maseru

E mong oa baokameli ba Lehae Funeral Services Hlotse, Nepo Tohlang (35) oa Motse-Mocha, Mankoaneng Hlotse, Leribe, o balletsoe qoso ea bosholu ba chelete Lekhotleng la ’Maseterata Leribe, ka la 27 Motšeanong 2026.

O atlehile ho lefa beile ea M1, 000.00, ’me o lebelletsoe ho hlaha ka pel’a lekhotla hape ka la 9 Phuptjane 2026.

Detective Sergeant (D/Sgt) ’Malimpho Masenkane, Ofising ea Lipatlisiso Alliance, o re ba ile ba fumana tlaleho ka bookameli ba Lehae ka ’Mesa 2026, bo bontša bo na le ngongoreho ea ho nyamela hoa chelete e hakanyetsoang ho M70, 000.00 moo moqosuoa a okametseng.

A re lipatlisiso li ile tsa thakholoa, hoa hlahella ha moqosuoa a tsoile tsamaiso ea khoebo tlaase ka ho lefisa batho litšebeletso ka letsoho, e be o ikhapela chelete eo, e leng se khahlanong le tsamaiso.

D/Sgt Masenkane o re ho ea ka lipatlisiso, Tohlang o qalile ho sebelisa maqiti ao mathoasong a selemo sa 2026, moo a atlehileng ho ja chelete ea batho ba supileng.

A re ba ile ba laela eo ho itlaleha lekhotleng ka letsatsi le boletsoeng, moo a ileng a balloa qoso.

Detective Sergeant ( D/Sgt) Leketa Leketa, o ipiletsa ho sechaba ho thahasella ho tseba le ho ela hloko litaba tsa patala khoebong e boletsoeng le hohle moo ba fumanang litšebeletso kaha seo se tla ba qobisa ho ba mahlatsipa.

A re basebetsi ba ke ba qobe ho etsa litlolo tsa molao ho seng joalo, sepolesa se malala a laotsoe ho hata moo ba hatileng, le ho ba beha ka pel’a makhotla.

03/06/2026

O RE A LEFE MOKOLOTO OA ’M’AE KA LIKOBO

’Mammuso Tumane – Mafeteng

Kekeletso “Katleho” Hlotho (22) oa Ha Ramatlepe, Mafeteng, o bolokiloe ka Setsing sa Tlhabollo ea Batšoaruoa, ka mor’a ho hlahisoa Lekhotleng la ’Maseterata Mafeteng, ka la 29 Motšeanong 2026; a qosoa ka tlhekefetso ka motabo.

O tla boela a hlaha khotla hape ka la 11 Phuptjane 2026.

Puisanong le Detective Police Constable (D/P/C) Tholang Makashane oa Lefapha la Tšireletso ea Bana le Tekano, Mafeteng, o re ka la 24 Motšeanong 2026, ba fumane tlaleho ka ngoanana (15) a bolela ha a hlekefelitsoe ka motabo ke moqosuoa.

D/P/C Makashane o re lipatlisiso li ile tsa thoma hang-hang, ’me tsa sibolla h**e mesong ea la 24 Motšeanong 2026, ngoanana o ne a robetse a sa notlela kaha ’m’ae a ne a e-so fihle ho tsoa moketeng Ha Ramatlepe.

O re ngoanana o utloile motho a kena monyako, a lekanya h**e ke ’m’ae, eaba o’a bonesa empa a hlokomela h**e motho ea keneng, ke katleho.

A re moqosuoa o ile a tima khanya eo hang hoba ngoanana a bonese, a beha sebetsa se bohale se batang molaleng oa ngoanana, a mo laela h**e a roale lieta, a mo felehetse a ee Ha Ramakatsane.

O re lehlatsipa le ile la phetha taelo eo ka letsoalo lohle.

Ho sa le joalo, D/P/C Makashane o re ha ba le ka thoko ho motse, Katleho o ile a bolella ngoanana h**e ’m’ae o mo kolota M5, 000.00 a mo patalle ka ho mo fa likobo. A re lehlatsipa le ile la leka ho hana empa eo a mo tšosa ka h**e h’a sa mo fe, oa mo bolaea.

D/P/C Makashane a re eo o ile a tsoela pele ka morero oo oa hae; ka mor’a moo, ba arohana lehlatsipa la khutlela ha bo lona ho itukisetsa ho ea sepoleseng.

Sepolesa se tšoere Katleho, se mo ntša tlas’a bethe habo bosiung ba la 27 Motšeanong 2026.

Sub-Inspector (Insp.) Matšoeu Petlane o khalemme ka thata banna ba amehang litabeng tse tjena, ho tlohella ho hlekefetsa basali le banana. O re ba ke ba ba shebe ka leihlo la boena.

03/06/2026

BA RE E FULA MOO E ROPUOENG

’Maboitumelo Mononela – Thaba-Tseka

’Makhotso Motsiba (37) oa Ha Mafa, Puseletso Tšoeu (25) oa Ha Ntsokoane, Nkeletseng Macheli (23) oa Ha Mahlong le Mahali Makhanya (32) oa Ha Letuka, Mantšonyane, Thaba-Tseka, ba emetse nyeoe ea bosholu ba le ka Setsing sa Tlhabollo ea Batšoaruoa, ka mor’a ho hlahisoa Lekhotleng la ’Maseterata Thaba-Tseka, ka la 27 Motšeanong 2026.

Ba tla boela ba hlaha khotla hape ka la 9 Phuptjane 2026.

Puisanong le Police Constable (P/C) Ndebele Moabi ea sebetsang Motebong oa Sepolesa Mantšonyane, o re sepolesa sa habo se amohetse tlaleho ka mong’a khoebo, a re o utsoelitsoe khoebong ea hae ea korosari.

P/C Moabi o re nyeoe e ile ea buloa, lipatlisiso tsa thakholoa, ’me tsa sibolla h**e baqosuoa ke basebetsi khoebong ea molli, ’me ho tloha ka Loetse 2025 ba ile ba qala ho utsoa chelete le korosari khoebong e joalo.

O re chelete e utsoitsoeng e hakanyetsoang ho M34, 000.00, e fumanoeng moo Nkeletseng le ’Makhotso ba lulang kaha e ne e le ho na polokelong ea bona; ha e ’ngoe ho fumanehile h**e ba rekile lifono le liphahlo bone ba bona.

Baqosuoa ba lletsoe ke litšepe ka la 27 Motšeanong 2026.

Inspector (Insp.) Rapelang Nkeane o re basebetsi ba tšepahalle mesebetsi ea bona haholo nakong eo tlhokahalo ea mesebetsi e phahameng.

A ipiletsa ho bo-rakhoebo ho lula ba hlahloba likhoebo tsa bona ho tima basemetsi monyetla oa ho ba utsoetsa. A boela a re ba kenye li k’hamera likhoebong tsa bona.