déi gréng

Méi Léift. Manner Haass! A leschter Zäit ass den Toun op de soziale Medie méi rau ginn. Wann Dir kommentéiere wëllt, maacht dat w.e.g.

Dofir wëlle mer heimat nach eemol op d'Reegele verweisen, déi op eiser Facebook-Säit gëllen. Ausdrécklech erlaabt an erwënscht si kontrovers Diskussiounen an och konstruktiv Kritik. an engem sachlechen Toun, am géigesäitege Respekt an am Bezuch op de Sujet, ëm deen et geet. Net toleréiert sinn all Forme vun Diskriminéierung (Friemefeindlechkeet, Homophobie, Sexismus, etc.), Beleidegunge géint priv

at Persounen an och Gruppe vu Leit, Hetz an Haass, Spam, bewossten Offtopic, an d'Verbreede vu Falschinformatiounen. An deem Sënn behale mir eis d'Recht fir, Commentairen ze läschen an hir Auteuren ze blockéieren. Mir wëllen och drop opmierksam maachen, datt Beleidegungen, Opruff zu Haass oder Gewalt strofbar sinn, an entspriechend Beiträg un de Parquet weider geleet ginn. Eis Mataarbechter, déi eis sozial Medie moderéieren, schaffe keng 24/24h. Wann Iech eppes opfält, wat moderéiert misst ginn, hutt w.e.g. e bësse Gedold oder sot eis Bescheed, falls der mengt, et wier iwwersi ginn.Merci fir Äre Versteesdemech.

02/06/2026

Et ass keen Eenzelphänomen, mee e Problem deen a ville Stied weltwäit observéiert gëtt: Urbanismus a Mobilitéit goufen iwwer Joerzéngte meeschtens op d’Bedierfnesser vu Männer ausgeriicht 🙋‍♂️

D’Konsequenzen? Laang Waardezäiten bei ëffentlechen Toiletten bei de Fraen (Zum Beispill op der Fouer), schlecht beliichte Plazen, Bus- a Vëlosinfrastrukturen déi net ëmmer op déi verschidde Mobilitéitsrealitéite vu Fraen ugepasst sinn, an e Sécherheetsgefill dat net fir jiddereen*t dat selwecht ass.

Dat spigelt sech och an den Zuelen erëm ➡️
Bei Vel’OH sinn 65% vun de Benotzer Männer an 35% Fraen. Bei Carloh (Carsharing) sinn et 62% Männer an 38% Fraen. Mee wisou ass dat esou?🤔

De huet nogefrot, ob d’Stad bereet ass dës Ënnerscheeder méi genee ze analyséieren an ze berücksichtegen. D’Reaktioun vun der Stad huet awer vill Froen opgelooss.

01/06/2026

Happy International Pride Month 💚

28/05/2026

Du hues genuch vun der aktueller Situatioun a wëlls eng méi gerecht an nohalteg Gesellschaft? Dann ass dat hei deng Chance: gëff Member! https://greng.lu/gitt-member/

26/05/2026

D’Regierung hat versprach, méi Wunnenge méi séier ze bauen. D’Realitéit: et gëtt haut manner gebaut wéi ënner der viregter Regierung🫩

Gläichzäiteg ginn d’Mëttele fir bezuelbare soziale Wunnraum gekierzt, wichteg Reformen op déi laang Bänk gedréckt, an d’Spekulatioun net konsequent bekämpft.

Amplaz dovu huet d’Regierung Steierentlaaschtungen verdeelt, déi an den Täsche vu räichen Investisseuren verschwannen – ouni datt doduerch eng eenzeg zousätzlech bezuelbar Wunneng gebaut gëtt.

Mir fuerderen en Ëmdenken:
💚 massiv Investitiounen an den ëffentlechen a bezuelbare Wunnraumeng
💚 Mobiliséierungssteier ouni Schlupflächer, fir datt eidel Bauterrainen schnell bebaut ginn
💚 eng wierksam Leerstandssteiere
💚 bessere Schutz fir d’Locataireneng
💚 séier Ëmsetzung vum nationale Bautereglement, fir d’Planung ze vereinfachen an de Wunnengsbau ze beschleunegen.

26/05/2026

D'Djuna an de Meris hu mat enger Grupp Memberen eng Visitt vun der Chamber gemaach. Si hunn dobäi erkläert wéi d'Chamber funktionéiert, e puer Geheimnisser gelëft an déi eng oder aner witzeg Anekdot erzielt. Esou konnten d'Memberen emol hannert d'Kulisse kucken a si méi iwwert de Job als Deputéierte gewuer ginn. Merci dem Djuna an dem Meris fir déi flott Visitt. 🫶

24/05/2026

No der éischter Hallschent vun dëser Regierung steet d’Natur als klore Verléierer do. An dat ass schlecht, well wann d’Natur verléiert, verléiere mir all.

22/05/2026

Gëschter war Bezierksversammlung am Zentrum, wou d’Jessie Thill an den Stephen De Ron als Bezierkspresidente gewielt goufen. Ausserdem hate mir en interessanten Austausch mat eise Memberen wou et dorëm gaangen ass, de Bezierk ze stäerken an sech besser fir d’Zukunft opzestellen. 🌻💚

21/05/2026

Steierentlaaschtunge fir Topverdénger? 💶 Sozial gerecht geet anescht! Déi ugekënnegt Reform muss fir eis gréng méi sozial gerecht gemaach ginn. Déi riskant Steierkaddoe vun der Regierung sinn och keng „Politik fir d’Mëtt“, well genee déi schaffend Mëtt spéiderhinn d’Rechnung wäert zervéiert kréien, wann d’Staatskeess iergendwann eidel ass. Mir soen dofir: besser haut méi Belaaschtung un der Spëtzt, wéi muer fir déi breet Mëtt.

20/05/2026

Virun der Ried zur Lag vun der Natioun stoung de Premier Luc Frieden ënner Drock. E Befreiungsschlag wier seng Ried awer net gewiescht, fënnt d'Deputéiert vun déi gréng, d'Sam Tanson.

🎙️ Lauschtert de ganzen Interview hei: https://tinyurl.com/5df98kvv

19/05/2026

Iebsebulli, Quetschentaart oder Eeërtriwwel sicht een an dësem Bistro laang! D’politesch Delikatessen déi d’CSV-DP Majoritéit Lëtzebuerg zervéiert, déi schmaachen der Barkeeperin glat a guer net. Hätt si net besser, hiren eegene Bisto opzeman?🍸

A wat soll do zervéiert ginn? Schreift et an d’Kommentarer ⬇️

Adresse

96, Rue Du Kiem
Strassen
8030

Téléphone

+3522748271

Site Web

http://www.greng.lu/

Notifications

Soyez le premier à savoir et laissez-nous vous envoyer un courriel lorsque déi gréng publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.