DGSF

19/09/2026

Ny 21 Septambra ka hatramin'ny 01 Oktobra 2026
MANATONA NY SAMPANDRAHARAHAN’NY FANANANTANY SY FANDREFESANTANY AO AMIN’NY DISTRIKANAO HO ANN’IREO DISTRIKA TSY VOATONONA AHAFATARANAO NY DATY SY TOERANA HANAOVAN’IZY IREO NY VARAVARANA MISOKATRA

17/09/2026

VARAVARANA MISOKATRA
Ny 21 Septambra ka hatramin'ny 01 Oktobra 2026
MANATONA NY SAMPANDRAHARAHAN’NY FANANANTANY SY FANDREFESANTANY AO AMIN’NY DISTRIKA MISY ANAO HO AN’IREO DISTRIKA TSY VOATONONA AHAFATARANAO NY DATY SY TOERANA HANAOVAN’IZY IREO NY VARAVARANA MISOKATRA

14/09/2026

Amboary dieny izao ny fotoananao

12/09/2026

FARITRA ANOSY
Distrikan’ny BETROKA

Miroso hatrany ny asa fanatanterahana ny hetsika Karatany Faobe, karakarain’ny Ministeran’ny Fanjariana ny Tany sy ny Raharahan-tany (MATSF), iarahana amin’ny Tetikasa MIONJO.
Taorian’ny fahavitan’ireo asa fanomanana rehetra, dia notanterahina ny 9 hatramin’ny 11 Septambra 2026 ny fampiofanana ireo mpisehatra ifotony rehetra ao amin’ny Kaominina Ianabinda, Bekorobo ary Isoanala, ao amin’ny Distrikan’i Betroka. Ireo mpisehatra ireo no handray anjara mivantana amin’ny fanatanterahana ny hetsika eny ifotony.
Hanomboka ny 12 hatramin’ny 16 septambra ny fanentanana ny vahoaka mba hiroso amin’ny fametrahana fangatahana Karatany ny 17, 18 ary 19 Septambra 2026 eny anivon’ireo Kaominina telo voakasika.
Karatany miisa 2 500 no tanjona amin’ity hetsika Karatany Faobe ity.
Amin’ny alalan’ity hetsika ity dia mitohy hatrany ny ezaka ataon’ny MATSF sy ireo mpiara-miombon’antoka aminy amin’ny fanamorana ny fahazoana antontan-taratasy manamarina ny zo amin’ny tany sy ny fanamafisana ny fiarovana ny fananana tany eny ifotony.
Miroso hatrany ny asa ho fanamafisana ny fahavitan’ny Karatany sy ny fiarovana ny fananana

10/09/2026

HETSIKA TITRA FAOBE – FARITRA ANDROY

Miroso amin’ny fanamafisana ny fiarovana ny fananana tany ny Ministeran’ny Fanajariana ny Tany sy ny Raharahan-tany.
Ny 10 Septambra 2026, dia nanatanteraka fihaonana fampahafantarana sy fanentanana niaraka tamin’ireo Sefo Fokontany ao amin’ny Kaominina Ambonivohitra Ambovombe ny Talem-paritry ny Fanajariana ny Tany sy ny Raharahan-tany (DRATSF) Androy, ho fanomanana ny fanatanterahana ny hetsika Titra Faobe.

Nandritra ny fihaonana dia nohazavaina tamin’ireo tompon’andraikitra eny ifotony ny fizotry ny asa, ny dingana arahina ary ny fandaminana ilaina mba hahafahana manatanteraka am-pahombiazana ny asa eny anivon’ny fokonolona.
Ny 14 Septambra 2026 no hanombohana amin’ny fomba ofisialy ny asa Hetsika Titra Faobe eny ifotony ao Ambovombe.
Hiroso tsikelikely any amin’ireo Kaominina hafa ao amin’ny Distrikan’Ambovombe-Androy, ary hitohy any amin’ireo Distrika hafa izany.

Ny tanjona dia ny hanamorana ny fananana tany ara-dalàna, hanamafy ny fiarovana ny zon’ny mpampiasa sy tompon-tany, ary ny handraisana anjara amin’ny fanatsarana ny fitantanana ny Fananantany eny ifotony.

Titra Faobe: dingana lehibe ho amin’ny fananana tany voaaro sy ny fampandrosoana maharitra.

07/09/2026

06/09/2026

27/08/2026

FANANANTANY MAROVOAY : 10 TAONA HO FANAMAFISANA NY FAHAZOANA TANY!
Marovoay – 25 Aogositra 2026

Aogositra 2016 – Aogositra 2026 : feno 10 taona katroka ny Sampandraharahan’ny Fananantany sy Fandrefesantany eto Marovoay!

Lanona tsy manam-paharoa no nanamarihana izany, noravahana tamin’ny Antsa Sakalava sy dihy vakodrazana, ho fanehoana ny maha-zava-dehibe ny tany eo amin’ny tantara sy ny fiainan’ny Malagasy.

👉 Fifampizarana vaovao tamin’ny vahoakan’Ambovomavo, Kaominina Marovoay Ambonivohitra, Faritra Boeny, no anisan’ny nisongadina nandritra ny hetsika.
Tonga nanome voninahitra sy nanotrona izany ny Lehiben’ny Distrikan’i Marovoay, ny PDS-n’i Marovoay Ambonivohitra, ny solontenan’ny Solombavambahoaka voafidy eto Marovoay, ary ireo “olobe sy raiamandrenin-tanàna”.
Tanjona lehibe tamin’ity hetsika ity :
👉 Fankasitrahana ny dingana rehetra vita nandritra izay 10 taona nisian’ny Birao Iombonan’ny Fananantany sy Fandrefesantany eto Marovoay;
👉 Fandraisana andraikitra amin’ny famahana ireo olana sy disadisa ara-tany misy eo anivon’ny fiarahamonina;
👉 Famporisihana ny olom-pirenena rehetra hisoratra anarana sy hametraka ara-dalàna ny fananany;
👉 Fampahafantarana ny vahoaka momba ny fanafoanana ireo “titra colons”, ka ny tany voakasik’izany dia hiverina ho tanim-panjakana Malagasy, azo angatahana araka ny lalàna ary hahafahan’ny Malagasy misitraka izany.

Nandritra ny taona maro, efa ho 70 taona, dia niaina teo ambonin’ny tany mbola voasoratra amin’ny anaran’olona vahiny ny fokonolona. Niteraka ahiahy sy tebiteby teo amin’ny mponina izany.
Ankehitriny kosa, nisy ny dingana ara-dalàna noraisin’ny Minisiteran’ny Fanajariana ny Tany sy ny Raharahan-tany, naroso teny anivon’ny Antenimiera, ary nohamafisin’ny Fitsarana Avo momba ny Lalàmpanorenana (HCC) tamin’ny fanapahana laharana 18-HCC/D3 tamin’ny 21 Aogositra 2026.
Midika izany fa miverina amin’ny Fanjakana Malagasy ireo tany voasoratra amin’ny anaran’ny vahiny (colons), araka ny fepetra sy ny fomba voalazan’ny lalàna.

Tao anatin’ny folo taona nisokafan’ny Birao Iombonan’ny Fananantany sy Fandrefesantany eto Marovoay: 7 368 titra no efa vita, mandrakotra velaran-tany 56 730 ha, amin’ny velaran-tany manontolo mirefy 380 300 ha.

Ireo tarehimarika ireo dia tsy isa fotsiny. Tantaran’ny ezaka, fiarovana ny fananan’olona, fandriampahalemana ara-tany ary fanamafisana ny zon’ny olom-pirenena amin’ny taniny izy ireo.

Ary ahoana ny 10 taona manaraka?
Ny tanjona dia mazava : 🇲🇬 “Tsy ho Malagasy intsony ny olom-pirenena iray raha mbola tsy manana tany ara-dalàna”

Aoka isika hiara-hientana amin’ny fanamafisana ny fahazoana tany, ny fananan-tany ara-dalàna ary ny fandriampahalemana eo anivon’ny fiarahamonina.