Tafika Andranomasina

02/10/2026

02/10/2026

MFA 2026. OCT 2026

02/10/2026

01/10/2026

28/09/2026

FANAZARANTENA IRAISANA TEO AMIN'NY TAFIKA ANDRANOMASINA MALAGASY SY FRANTSAY

⚓Ao anatin’ny fanamafisana ny fiaraha-miasa ara-tafika eo amin’i Madagasikara sy i Frantsa, dia nisy ny fandraisana anjara nataon’ny manamboninahitra iray avy amin’ny Tafika Andranomasina Malagasy tamin’ny iraka an-dranomasina notanterahin’ny sambo Frantsay frégate FS NIVOSE tao amin’ny Ranomasimbe Indianina, nandritry ny herinandro.

🛑 Nandritra izany iraka izany, niaraka tamin’ny tatsambon'ny Tafika Andranomasina Frantsay FS NIVOSE ny manamboninahitra Malagasy iray, ka nandray anjara tamin’ireo hetsika sy asa fisafoana an-dranomasina natao tao anatin’ny faritra. Ity fiaraha-mientana ity dia maneho ny fahavononan’ny roa tonta hanamafy ny fifanakalozana traikefa, ny fifampitokisana ary ny fiaraha-miasa eo amin’ny sehatry ny fiarovana an-dranomasina.

🛥️Taorian’ny fisafoana dia niantsona tao amin’ny seranan-tsambon’Antsiranana ilay sambo fregate frantsay tamin'ny zoma 25 septambra 2026 ary naharitra 4 andro izany. Nandritra ny fijanonany dia nifampizara traikefa tamin’ireo tantsambon'ny Tafika Andranomasina Malagasy ny vahiny, ka nanamafy bebe kokoa ny fifandraisana sy ny fiaraha-miasa eo amin’ny roa tonta.

📌Ny fiaraha-miasa toy izao dia tafiditra ao anatin’ny ezaka iraisana amin’ny fanamafisana ny fiarovana sy ny fandriampahalemana ao amin’ny Ranomasimbe Indianina, indrindra amin’ny alalan’ny fifanakalozana vaovao sy traikefa, ny fanofanana, ary ny fanamafisana ny fahaiza-manao amin’ny sehatry ny asa an-dranomasina.

26/09/2026

LANOM-PAMARANANA NY FIKAONANDOHAN'NY TAFIKA MALAGASY

📌Nofaranan'Andriamatoa RANDRIANIRINA Mickaël, Filohan'ny Fanavaozana ny Repobikan'i Madagasikara, tamin'ny fomba ofisialy androany ny fikaonandohan'ny Tafika Malagasy, teo amin'ny Mining Business Center Ivato.

🛑Lanonana manan-danja ho an'ny tantara ny Tafika Malagasy, nanolorana ireo raki-kevitra nandritry ny fikaonandoha izay natao nandritry ny valo volana, ary nandraisan'ireo Tomponandraikitra isanambaratongany manerana ny Nosy anjara.

👉 Ilaina ny fampitaovana ny Tafika hoy ny Jeneraly PIKULAS DÉMOSTHÈNE, Lehiben'ny Etamazaoron'ireo Tafika, fa ny Tafika matanjaka dia Tafika ampy fitaovana sy miray saina ary tia Tanindrazana. Mandalo vanim-potoana vaovao ny firenena ka nanentanany ny fiaraha-mientan'ny tsirairay manoloana ireo ambana maro lafy mba hijoro ho tandroka aron'ny vozona.

⚓Nanome voninahitra ity lanonana ity sy mpandray anjara fototra nandritry ny fikaonandoha ny Tafika Andranomasina, eo ambany fibaikoan'ny Contre Amiral SAM HIENG TWION Kalobe Mickaël, Lehiben'ny Etamazaoron'ny Tafika Andranomasina sy ireo mpiaramiasa aminy.

24/09/2026

FAMELABELARANA MIKASIKA NY RINDRAN'ASA FITANTANANA NY OLOMBELONA

🛑 Tontosa androany teo anivon'ny Etamazaoron'ny Tafika Andranomasina Ambohidahy, ny famelabelarana mikasika ny fampiasana ny rindran'asa na "application" amin'ny fitantanana ny olombelona na ny mpiasa. Tetik'asa roa momba fanaovaozana ny ara-kajy mirindra.

👉Andaniny ny famolavolana rindran'asa (application) mikasika ny fitantanana sy fanaraha-maso ny olombelona eo anivon'ny Tafika Andranomasina, notanterahin'ny EV1 VELONARIVO Léon William Edson, Lehiben'ny Sampan-draharaha haitao ara-kajy mirindra sy ny fifandraisan-davitra, mpisolo-toerana eo anivon'ny Etamazaoron'ny Tafika Andranomasina.

👉Ankilany, ny fampafantaran'ny EOS Élève Officier Spécialiste BROUETTE Adriana Davidson, avy eo anivon'ny ENI École Nationale de l'Informatoque ao Fianarantsoa, ny tetik'asa fampiasana ny rindran'asa amin'ny fitantanana ny olombelona na ny GRH gestion des ressources humaines.

📌 Nitondra toro-marika fanatsarana amin'ny fampiharana izany ny Contre Amiral SAM HIENG TWION Kalobe Mickaël, Lehiben'ny Etamazaoron'ny Tafika Andranomasina sy ireo mpiaramiasa aminy.

⚓ Hoampiharina sy hoampiasana eo anivon'ireo rantsamangaikan'ny Tafika Andranomasina moa ireto tetik'asa ireo, ary nanatrika izany ny Capitaine de Vaisseau RAFEHIZATO Andry Guy Ohm, Kaomandin'ny Tobi-pamaharan'ny Tafika Andranomasina Antsiranana sy ny ny Capitaine de Vaisseau RANDRIANANTENAINA Jean Christian, Kaomandin'ny Vondrona faharoa ny Tantsambo Mpiantafika ao Antsiranana.

⚓Dingana lehibe ho an'ny Tafika Andranomasina amin'ny fitantanana sy fanaraha-maso ary fifehezana ny olombelona amin'ny fikirakirana ny haitao ara-kajy mirindra ireto tetik'asa ireto.

17/09/2026

MANAKARA - MISOROKA NY ARETI-MIFINDRA NENDRANDRAJAKO

📌 Areti-mandoza ny areti-mifindra nendrandrajako, ary mitombo isanandro ireo voan'izany tato ho ato. Ho fisorohana izany dia nanao vaksiny Mpox ireo miaramila eo anivon'ny Fari-piarovana sy Filaminana ZDS Matitanana, androany 17 septambra 2026 tao Manakara.

🛑Nanombohana izany ireo miaramila mba ho fitaratra sy hanentanana ny olom-pirenena handray ny andraikiny amin'ny fiadiana ny fipariahan'izany valan'aretina izany.

⚓ Ho fiaraha-mientana dia nanatanteraka izany vaksiny izany ireo miaramila Tantsambo ny Détachement Naval ao Manakara.

16/09/2026

FIONDRANANA ANTSOKOSOKO TRATEHAKA TAO NOSY BE HELL VILLE

⚓ Olona 18 isa no saron'ny miaramila Tantsambo ny Détachement Naval ao Nosy Be niondrana an-tsambo, omaly 15 septambra 2026.

🛑 Vantany vao naharay fampitam-baovao ny Détachement Naval ao Nosy Be dia nandray ny andraikiny avy hatrany nanao ny fanarahan-dia ilay sambo kely mampiahiahy ka voasakana teny amin'ny lavitry ny morontsirak'i Ankazoberavina. Fantatra tamin'izany fa nitatitra olona antsokosoko ity sambo kely ity.

📌Izao vokatra izao no azo dia noho ny fiaraha-miasa teo amin'ny Tafika Andranomasina sy ny Agence Portuaire Maritime et Fluvial APMF.

🛟 Noraisin'ny miaramila Tantsambo ny Détachement Naval ao Nosy Be an-tanana izy ireo ny fitondrana azy niverina tany Nosy Be ary natolotra teny amin'ny biraon'ny polisy any an-toerana ny amin'ny fanadihadiana sy ny tohiny ny raharaha.