National Health Education Information and Communication Centre

01/08/2026

01/08/2026

विश्व स्तनपान सप्ताह २०२६ (१-७ अगस्ट / १६-२२ साउन) 👶
"दिगो जीवनको स्वस्थ सुरुवात: प्रभावकारी स्तनपानको लागि सबैको साथ"
नवजात शिशुको स्वस्थ जीवन, दिगो विकास र समृद्ध भविष्यका लागि जन्मिएको १ घण्टाभित्र स्तनपान गराऔँ र ६ महिनासम्म पूर्ण स्तनपान गराउन सहयोग गरौँ। स्तनपानलाई प्रवर्द्धन गर्न परिवार र समाजका प्रत्येक सदस्यको साथ र सहयोग अपरिहार्य छ।


Ministry of Health and Population-Nepal
Family Welfare Division

30/07/2026

मनमा पीडा छ भने एक्लै नबसौँ।
आफ्ना आमा-बुबा, परिवार वा विश्वासिला साथीहरूसँग खुलेर कुरा गरौँ। उनीहरू तपाईंलाई साथ दिन, सुन्न र सहयोग गर्न सधैं तयार छन्।
सहयोग माग्नु कमजोरी होइन, साहस हो।
#मानसिकस्वास्थ्य Neesha Mehta Secretariat - निशा मेहता सचिवालय Ministry of Health and Population-Nepal Anuj Bhattachan

23/07/2026

सुर्ती छोड्ने निर्णय आजै गरौँ, स्वस्थ भविष्यतर्फ अघि बढौँ।
नेपालमा हरेक वर्ष हजारौँ मानिस सुर्तीजन्य पदार्थका कारण हुने क्यान्सर, मुटुरोग, पक्षघात, फोक्सोका रोग तथा अन्य दीर्घरोगबाट प्रभावित भइरहेका छन्। तर, सुर्तीजन्य पदार्थ छोड्ने निर्णयले यी जोखिमहरू उल्लेखनीय रूपमा कम गर्न सक्छ।
सुर्ती छोड्न चाहनुहुन्छ?
तपाईंको साथमा छ Quitline सेवा।
📞 टोल-फ्री नम्बर: ११३२
प्रशिक्षित परामर्शदाताबाट निःशुल्क, गोप्य र वैज्ञानिक विधिमा आधारित परामर्श प्राप्त गरी सुर्तीजन्य पदार्थ छोड्ने यात्रालाई सहज र सफल बनाउन सक्नुहुन्छ।
🌿 आजै सुर्ती छोड्दा:
✅ मुटु र फोक्सोको स्वास्थ्यमा सुधार हुन्छ।
✅ क्यान्सर लगायत दीर्घरोगको जोखिम कम हुन्छ।
✅ परिवारलाई वातावरणीय धूमपानबाट सुरक्षित राख्न सकिन्छ।
✅ आर्थिक बचत हुन्छ र जीवनको गुणस्तर बढ्छ।
एउटा फोनले तपाईंको जीवन परिवर्तन गर्न सक्छ।
📞 सुर्ती छोड्न सहयोग चाहियो? आजै निःशुल्क ११३२ मा फोन गर्नुहोस्।
सुर्ती होइन, स्वास्थ्य रोजौँ।
आफू पनि बचौँ, परिवारलाई पनि बचाऔँ।
#स्वस्थनेपाल

22/07/2026

🚨 सर्पदंशलाई सामान्य नठानौँ—जीवन बचाऔँ! 🐍

नेपालमा प्रत्येक वर्ष हजारौं मानिस सर्पदंशबाट प्रभावित हुन्छन्। विशेष गरी वर्षायाममा सर्पदंशको जोखिम बढ्ने भएकाले सबैले सचेत रहन आवश्यक छ।

✅ सर्पदंशबाट बच्ने उपाय:
• राति हिँड्दा टर्च प्रयोग गरौँ।
• खेतबारी वा झाडीमा काम गर्दा बुट र लामो कपडा लगाऔँ।
• घर वरिपरि झाडी सफा राखौँ र मुसा नियन्त्रण गरौँ।
• भुइँमा सुत्नुभन्दा खाटमा सुत्ने बानी बसालौँ।

🚑 यदि सर्पले टोकेको छ भने:
✔️ आत्तिनु हुँदैन, बिरामीलाई शान्त राख्नुहोस्।
✔️ टोकेको अंग कम चल्ने गरी स्थिर राख्नुहोस्।
✔️ सकेसम्म छिटो नजिकको स्वास्थ्य संस्थामा पुर्‍याउनुहोस्।

❌ यी गल्ती कहिल्यै नगर्नुहोस्:
✖️ घाउ काट्ने वा विष चुस्ने प्रयास नगर्नुहोस्।
✖️ कसिलो डोरी (Tourniquet) नबाँध्नुहोस्।
✖️ धामी-झाँक्री वा घरेलु उपचारमा समय खेर नफाल्नुहोस्।

⏱️ सर्पदंशमा सबैभन्दा प्रभावकारी उपचार भनेको समयमै स्वास्थ्य संस्थामा पुग्नु हो। सही समयमा उपचार पाए धेरैजसो ज्यान बचाउन सकिन्छ।
🙏 सचेत बनौँ, सही जानकारी फैलाऔँ, सर्पदंशबाट ज्यान जोगाऔँ।
Ministry of Health and Population-Nepal National Disaster Risk Reduction & Management Authority

#सर्पदंश #जीवनबचाऔँ #स्वास्थ्यनेपाल

20/07/2026

बुलिङ (Bullying) मजाक होइन, मानसिक स्वास्थ्यको गम्भीर विषय हो।
कसैलाई बारम्बार जिस्क्याउने, होच्याउने, अपमान गर्ने, धम्क्याउने वा सामाजिक रूपमा एक्ल्याउने व्यवहारलाई बुलिङ भनिन्छ। यो विद्यालय, कार्यस्थल, समुदाय र सामाजिक सञ्जाल (Cyberbullying) जहाँसुकै हुन सक्छ।
बुलिङको असर शरीरमा देखिँदैन, तर मनमा गहिरो चोट पुर्‍याउन सक्छ।
💔 आत्मविश्वास घट्छ।
😔 चिन्ता, तनाव र डिप्रेसन बढ्न सक्छ।
😞 एक्लोपन, डर र निराशा महसुस हुन सक्छ।
⚠️ गम्भीर अवस्थामा आत्महानिको सोचसम्म आउन सक्छ।
याद राखौं—
"मजाक" भनेर गरिएको व्यवहार कसैको जीवनकै सबैभन्दा ठूलो पीडा हुन सक्छ।
यदि तपाईं वा तपाईंले चिनेको कोही बुलिङको शिकार भएको छ भने:
✅ विश्वासिलो व्यक्ति वा परिवारसँग कुरा गर्नुहोस्।
✅ शिक्षक, अभिभावक वा सम्बन्धित निकायलाई जानकारी दिनुहोस्।
✅ पीडितलाई दोष नदिनुहोस्, साथ र समर्थन दिनुहोस्।
✅ सामाजिक सञ्जालमा पनि सम्मानजनक व्यवहार गरौं।
दयालु शब्दले मन जित्छ, बुलिङले मन तोड्छ।
आउनुहोस्, सम्मान, सहानुभूति र साथको संस्कृति निर्माण गरौं। 💙
#दयालु_बनौं #मानसिकस्वास्थ्य
@followers@mohp

14/07/2026

के तपाईँको बच्चाको साथी मोबाइल बन्दै गएको छ? अत्यधिक मोबाइल प्रयोगले बच्चाको निद्रा, ध्यान, भाषा सिकाई र भावनात्मक विकासमा गम्भीर असर पुर्‍याउन सक्छ। मोबाइल भन्दा परिवारसँगको समय नै बालबालिकाको उज्ज्वल भविष्यको आधार हो। खाना खुवाउँदा वा समय बिताउँदा मोबाइल होइन, आफ्नो माया, समय र साथ दिनुहोस्।
सचेत अभिभावक, स्वस्थ र खुसी बालबालिका!

Department of Health Services Nepal
Ministry of Health and Population-Nepal
Nisha Mehta
Neesha Mehta Secretariat
#सचेतअभिभावक #स्वस्थबालबालिका #नेपालसरकार
゚

12/07/2026

यदि तपाईं वा तपाईंको चिनजानमा कोही मानसिक तनाव, निराशा वा आत्महत्याको सोचसँग संघर्ष गरिरहनुभएको छ भने, एक्लै नबस्नुहोस्। आफ्ना परिवार, साथीभाइ वा विश्वासिलो व्यक्तिसँग कुरा गर्नुहोस्। आवश्यक परे तुरुन्तै विशेषज्ञको सहयोग लिनुहोस्।
राष्ट्रिय आत्महत्या रोकथाम हेल्पलाइन: ११६६ (२४×७)
आशा कहिल्यै नछोडौँ। जीवनभन्दा मूल्यवान् केही छैन।
#1166 ゚
Ministry of Health and Population

12/07/2026

जीवन अमूल्य छ।
जीवनमा जति नै कठिन परिस्थिति आए पनि त्यसको समाधान ढिलो वा चाँडो अवश्य भेटिन्छ। आत्महत्या कुनै पनि समस्याको समाधान वा विकल्प होइन। हरेक चुनौतीसँग सामना गर्दै अगाडि बढ्नु नै साहस हो।
यदि तपाईं वा तपाईंको चिनजानमा कोही मानसिक तनाव, निराशा वा आत्महत्याको सोचसँग संघर्ष गरिरहनुभएको छ भने, एक्लै नबस्नुहोस्। आफ्ना परिवार, साथीभाइ वा विश्वासिलो व्यक्तिसँग कुरा गर्नुहोस्। आवश्यक परे तुरुन्तै विशेषज्ञको सहयोग लिनुहोस्।
राष्ट्रिय आत्महत्या रोकथाम हेल्पलाइन: ११६६ (२४×७)
आशा कहिल्यै नछोडौँ। जीवनभन्दा मूल्यवान् केही छैन।
#1166
Ministry of health and population
Nisha mehta