24/12/2025
πππππ ππ πππππππΓπ: ππ§π§π ππ«π²π¬πππ₯ πππ©π‘π§π ππ¨
Ang mundo ng pagpepelikula ay mundong hindi nalilimitahan ng kasarian, katatayuan sa buhay, relihiyon, o abilidad. Hangga't may pusong nagpupursige at may pangarap na hindi mapapawi, ang pelikula ay para sa lahat. Ito ang kuwento ng kapwa nating CalambeΓ±o na si Anne Krystel Daphne Go.
Ipinanganak sa mag-asawang sina Kim at Amy Go noong taong 1996, si Anne Krystel Daphne Go ay lumaki at kasulukuyang naninirahan sa Barangay Banlic. Ipinanganak siya na may Down Syndrome, isang genetic condition kung saan ang mga indibidwal na mayroon nito ay may extra full o partial na kopya ng Chromosome 21. Bata pa lamang, nasa isip na niya ang pangarap na makapag-artista, tulad ng mga napapanood niya sa pelikula at telebisyon.
Sa udyok ng mga kakilala ng kanyang magulang, nakibahagi siya sa mga aktibidad ng Down Syndrome Association of the Philippines, Inc. (DSAPI) kung saan naging exposed siya sa komunidad na may parehong kondisyon. Bahagi rin siya ng Gentle Angels Down Syndrome Calamba, isang organisadong pangkat na tumutulong upang mas malinang sila at tumaas ang kumpiyansa sa sarili. Dahil sa mga organisasyon na ito, ang mga taong may Down Syndrome ay nagkakaroon ng pagkakataon na ipakita ang kanilang husay sa publiko at naipaparating nila ang adbokasiya na ang kakayahan nila ay pareho lamang ng kapasidad ng karamihan.
Nang magkaroon ng oportunidad na mapabilang sa pelikula, hindi siya nag-atubili na sumali sa audition. Ang pagkakapili sa kanya ay katunayan na si Krystel ay may angking kakayahan na makipagsabayan sa mga beteranong artista. Sa pelikulang "I'mPerfect" na idinirek ni Dir. Sigrid Andrea Bernardo at sa produksyon ng Nathan Studios, gaganap siya bilang si Jessica, isang karakter na may Down Syndrome na may pag-tingin sa isa pang may Down Syndrome.
Bukas, ika-25 ng Disyembre, suportahan natin ang pelikulang Pilipino sa pagbubukas ng 2025 Metro Manila Film Festival kung saan kalahok ang pelikulang "I'mPerfect". Tangkilikin natin ang lahat ng kalahok na pelikula at simulan natin ang pagsuporta sa kababayan nating si Krystel.
_______________
May mga kuwento ng tagumpay mula sa iba't-ibang CalambeΓ±o na nais mong ibahagi? I-message lang kami upang marining namin ang kanilang kuwento ng inspirasyon.