19/08/2026
BARANGAY ECO-EXCHANGE PROGRAM
Solid Waste Managemenr Drive”
"Palit-Plastik Wrapper, Pet Bottle & Karton: Tulong sa Tahanan, Alaga sa Kalikasan!"
MAGANDANG BALITA, MGA KA-BARANGAY!!!
Makiisa at Mag-ipon Na, Mga Ka-Barangay!
Sama-sama tayo para sa mas malinis, maayos, at luntiang Barangay Majada Labas!
Ang Barangay Eco-Exchange Program: Solid Waste Management Drive ay nangangahulugan ng isang aktibidad o kampanya sa barangay kung saan ang mga residente ay nagdadala ng kanilang mga basurang pwedeng i-recycle kapalit ng mga kapaki-pakinabang na bagay.
Inilulunsad ng ating Barangay Majada Labas ang proyektong naglalayong panatilihing malinis ang ating komunidad habang nagbibigay ng tulong at biyaya sa bawat pamilya!
MGA DETALYE NG PROGRAMA
1. ANO ANG PROYEKTO?
● Isang Eco-Exchange Program kung saan ang inyong mga naipong recyclables ay pwedeng ipapalit sa mga kapaki-pakinabang na gamit sa bahay at pagkain!
→ MGA TINATANGGAP NA RECYCLABLES (Siguraduhing malinis, tuyo, at nakabukod):
● PET Plastic Bottles – Bote ng softdrinks, mineral water, at mantika.
● Karton at Papel – Cardboard boxes
● Plastic Wrappers at Sachets – Malinis na packaging ng kape, shampoo, biscuits, at grocery bags.
→ MGA PALIT-BIYAYA (INCENTIVES):
● Gardenia Bread / Bigas
● Dishwashing Liquid
● Liquid Detergent
2. SINO ANG KASAMA SA PROYEKTO?
● Sa Pangunguna ng ating butihinh Kapitan Rowel G. Fajardo at ang Sangguniang Barangay. At katuwang sa programang ito ang ating Konsehala Julita Lat (Committee on Environment and Natural Resources)
●Katuwang na Ahensya: City Environment and Natural Resources Office (CENRO) para sa pormal at maayos na pagpapatupad ng RA 9003 (Ecological Solid Waste Management Act)
●Mga Kalahok: Lahat ng residente at pamilya sa Barangay Majada Labas
3. KAILAN GAGNAPIN?
Petsa: To be Announce
⏰ Oras: To be announce
4. SAAN GAGANAPIN? Barangay Hall ng Majada Labas
5. BAKIT MAHALAGA ANG PROYEKTO?
● Iwas-Sakit at Dengue: Nababawasan ang mga nakatambak na basurang pwedeng panggalingan ng lamok at peste.
● Iwas-Baha: Nababawasan ang mga plastic na nagpapasara sa ating mga kanal at estero.
● Tulong sa Pamilya: Ang basurang itinuturing na walang halaga ay nagiging pagkain at kagamitan sa bahay.
● Pagtupad sa Batas (RA 9003): Pagtataguyod ng tamang pagbubukod ng basura (waste segregation) sa ating komunidad.
