Pasig CSWDO

13/08/2026

Cash for Work Orientation & Data Profiling para sa Solo Parents at Kanilang Pamilya 💙

Isinagawa ngayong August 13, 2026 ang Cash for Work Orientation and Data Profiling para sa mga Solo Parents at kanilang pamilya sa Rosario ROTC Hunters, na dinaluhan ng 500 beneficiaries.

Layunin ng activity na mabigyan ang mga beneficiaries ng malinaw na impormasyon tungkol sa Cash for Work program, gayundin ang maayos na pagkuha at pag-update ng kanilang impormasyon para mas matukoy ang kanilang mga pangangailangan at ang mga programang maaari nilang ma-avail.

Patuloy ang ating pagsisikap na makapaghatid ng tulong, oportunidad, at suporta para sa mga Solo Parents at kanilang pamilya. 🤝💙

24/07/2026

𝐀𝐃𝐕𝐈𝐒𝐎𝐑𝐘

𝐂𝐀𝐒𝐇 𝐒𝐔𝐁𝐒𝐈𝐃𝐘 𝐏𝐀𝐑𝐀 𝐒𝐀 𝐄𝐋𝐈𝐆𝐈𝐁𝐋𝐄 𝐒𝐎𝐋𝐎 𝐏𝐀𝐑𝐄𝐍𝐓𝐒 𝐏𝐀𝐑𝐀 𝐒𝐀 𝐀𝐓𝐌 𝐂𝐀𝐑𝐃 𝐇𝐎𝐋𝐃𝐄𝐑𝐒

Naipasok na po ang 2026 2nd Quarter (April - June) Cash Subsidy mula sa Pamahalaang Lungsod ng Pasig sa ATM cards ng mga eligible solo parent na nakapagpa-validate noong May 2026. Binubuo ito ng mga Land Bank ATM Card holder at mga nakatanggap ng GCash Visa Card noong June 2026.

Maaari itong i-withdraw sa alinmang ATM o sa iba pang bangko na kabilang sa BancNet (may minimal transaction fee).

20/07/2026

14/07/2026

𝗣𝗔𝗚𝗣𝗔𝗣𝗔𝗟𝗔𝗞𝗔𝗦 𝗡𝗚 𝗞𝗔𝗞𝗔𝗬𝗔𝗛𝗔𝗡 𝗣𝗔𝗥𝗔 𝗦𝗔 𝗠𝗔𝗦 𝗟𝗜𝗚𝗧𝗔𝗦 𝗡𝗔 𝗘𝗩𝗔𝗖𝗨𝗔𝗧𝗜𝗢𝗡 𝗖𝗘𝗡𝗧𝗘𝗥𝗦
Bilang paghahanda sa anumang sakuna at posibleng paglikas, nagsagawa ang Barangay Maybunga ng Camp Coordination and Camp Management (CCCM) at Internally Displaced Persons (IDP) Protection Training para sa kanilang Camp Management Team noong Hulyo 13–14 sa Barangay Hall.

Ang pagsasanay ay pinangunahan ng Pasig City Social Welfare and Development Office (CSWDO) bilang katuwang ng barangay sa pagpapalakas ng kakayahan ng mga tauhan sa maayos na pamamahala ng evacuation centers at sa pangangalaga sa karapatan, kaligtasan, at kapakanan ng mga evacuees sa panahon ng sakuna.

Sa pamamagitan ng inisyatibong ito ng Barangay Maybunga, higit pang napagtitibay ang kahandaan ng kanilang Camp Management Team upang makapaghatid ng organisado, ligtas, at makataong serbisyo sa oras ng pangangailangan.

22/06/2026

𝐎𝐫𝐢𝐞𝐧𝐭𝐚𝐭𝐢𝐨𝐧 𝐭𝐨 𝐁𝐮𝐬𝐢𝐧𝐞𝐬𝐬 𝐄𝐬𝐭𝐚𝐛𝐥𝐢𝐬𝐡𝐦𝐞𝐧𝐭𝐬 𝐨𝐧 𝐭𝐡𝐞 𝐒𝐨𝐥𝐨 𝐏𝐚𝐫𝐞𝐧𝐭𝐬' 𝐖𝐞𝐥𝐟𝐚𝐫𝐞 𝐀𝐜𝐭 𝐚𝐧𝐝 𝐭𝐡𝐞 𝐔𝐬𝐞 𝐨𝐟 𝐭𝐡𝐞 𝐏𝐮𝐫𝐜𝐡𝐚𝐬𝐞 𝐃𝐢𝐬𝐜𝐨𝐮𝐧𝐭 𝐁𝐨𝐨𝐤𝐥𝐞𝐭

Noong Hunyo 17, 2026, nagsagawa ang City Social Welfare and Development Office (CSWDO) ng orientation para sa mga business establishments sa Park 6, Barangay Kapitolyo upang talakayin ang pagpapatupad ng Solo Parents' Welfare Act at ang paggamit ng Purchase Discount Booklet para sa mga kwalipikadong solo parent beneficiaries.

Dumalo sa nasabing orientation ang mga kinatawan mula sa Robinsons, Super8, Savemore, Puregold, Mercury Drug, The Generics Pharmacy, Southstar Drug, Watsons, City Health Office, at Business Permit and Licensing Department.

Sa ilalim ng batas, maaaring maging kwalipikado sa Purchase Discount Booklet ang mga rehistradong solo parent na may taunang kita na hindi hihigit sa ₱250,000.00 at may anak na anim (6) na taong gulang pababa.

Sa pamamagitan ng booklet, maaaring makatanggap ng 10% discount sa mga sumusunod:
• Gatas ng sanggol
• Pagkain at micronutrient supplements
• Sanitary diapers
• Prescribed medicines
• Bakuna
• Iba pang medical supplements

📌 Paalala: Ang Purchase Discount Booklet ay kasalukuyan pang nasa proseso ng produksyon. Ang mga update ukol sa availability nito ay ipapaabot sa lahat ng kwalipikadong rehistradong solo parent members sa oras na ito ay maging available.

Patuloy ang Lungsod ng Pasig, sa pamamagitan ng CSWDO, sa pagpapatupad ng mga programa at serbisyong nagtataguyod sa kapakanan at kapakanan ng mga solo parent at kanilang mga pamilya.

10/06/2026

10/06/2026

10/06/2026

SDEC | CORE LIFE SKILLS TRAINING
Empowering the Future of Our Youth

Bilang bahagi ng paghubog ng kakayahan ng ating mga kabataan nagsagawa ang ating tanggapan para sa ating mga kalahok na nasa ilalim ng katergoryang In School Youth (ISY) at Out-of-School Youth (OSY) ng programang, "Core Life Skills Training" noong Hunyo 10, 2026, na ginanap sa SDEC Building sa San Joaquin para sa ating mga kalahok na nasa ilalim ng katergoryang In School Youth (ISY) at Out-of-School Youth (OSY).

Ang programang ito ay nakatuon sa pagtukoy at pagpapalakas ng personal na adhikain ng ating mga kabataan. Bahagi ng ating naging aktibidad ang pag-interview sa kanilang mga plano para sa hinaharap, partikular ang mga kursong teknikal-bokasyonal na nais nilang pasukin upang maging handa sa paghahanapbuhay. Kabilang sa mga kurso ay ang mga sumusunod: House keeping, Cookery, Beauty care, Welding, Automotive at iba pa.

Sa pamamagitan ng programang ito, nabigyan ang ating mga kabataan ng mas malinaw na direksyon at inspirasyon upang maabot ang kanilang mga pangarap at makapaghanda para sa kanilang kinabukasan. Patuloy na magsisikap ang ating tanggapan na maglunsad ng mga programang magpapalawak ng kanilang kaalaman, kasanayan, at kakayahan upang sila ay maging produktibo, responsable, at handang harapin ang mga hamon ng buhay.