What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm

https://www.facebook.com/135227151366028/

Pasig CSWDO, Caruncho Avenue, Pasig (2026)

18/03/2026

𝟒𝐏𝐬 𝐂𝐚𝐫𝐚𝐯𝐚𝐧 𝐨𝐟 𝐒𝐞𝐫𝐯𝐢𝐜𝐞𝐬, 𝐍𝐚𝐠𝐡𝐚𝐭𝐢𝐝 𝐧𝐠 𝐒𝐞𝐫𝐛𝐢𝐬𝐲𝐨 𝐚𝐭 𝐈𝐦𝐩𝐨𝐫𝐦𝐚𝐬𝐲𝐨𝐧 𝐬𝐚 𝐦𝐠𝐚 𝐁𝐞𝐧𝐞𝐩𝐢𝐬𝐲𝐚𝐫𝐲𝐨 𝐬𝐚 𝐏𝐚𝐬𝐢𝐠

Isinagawa ang 4Ps Caravan of Services nitong March 17, 2026 sa Kapitolyo Amphitheater, kung saan humigit-kumulang 400 benepisyaryo ng Pantawid Pamilyang Pilipino Program (4Ps) ang nakinabang sa iba’t ibang programang inihatid ng pamahalaan at mga katuwang na ahensya.

Pinangunahan ng Department of Social Welfare and Development (DSWD) ang aktibidad sa tulong ng City Social Welfare and Development Office (Pasig CSWDO). Layunin ng aktibidad na mailapit ang iba’t ibang programa at serbisyo ng pamahalaan at ng pribadong sektor sa mga pamilyang benepisyaryo ng 4Ps sa pamamagitan ng isang one-stop shop na pagtitipon, kung saan naging mas madali para sa mga benepisyaryo na makakuha ng kinakailangang impormasyon at suporta, at napalawak ang kaalaman ng mga pamilya tungkol sa mga oportunidad na nakatulong sa kanilang pag-unlad.

Sa aktibidad, ibinahagi ang mga programa at serbisyo mula sa Pamahalaang Lungsod ng Pasig sa ilalim ng CSWDO, Local Economic Development and Investment Office, at Public Employment Service Office, gayundin mula sa mga katuwang na organisasyon tulad ng PhilHealth, Social Security System, Meralco, Manila Water, Foundever Philippines, Palawan Pawnshop - Palawan Express Pera Padala, Live for Others Movement Inc., at AMA University. Ibinahagi rin ng DSWD ang kanilang Sustainable Livelihood Program para sa mga dumalo.

Bukod sa mga presentasyon, naglatag din ng help desks ang bawat partner agency upang direktang matulungan ang mga benepisyaryo sa kanilang mga katanungan, aplikasyon, at iba pang serbisyong kanilang inaalok.

Isang taos-pusong pasasalamat sa lahat ng partner agencies at organizations na nakibahagi sa aktibidad, gayundin sa mga benepisyaryo na dumalo at aktibong nakilahok. Sa pamamagitan ng sama-samang pagtutulungan, patuloy na napapalakas ang mga programang naglalayong magbigay ng suporta, kaalaman, at oportunidad upang makatulong sa pag-angat ng buhay ng mga pamilyang Pilipino.

03/03/2026

𝐏𝐚𝐦𝐚𝐡𝐚𝐥𝐚𝐚𝐧𝐠 𝐋𝐮𝐧𝐠𝐬𝐨𝐝 𝐧𝐠 𝐏𝐚𝐬𝐢𝐠, 𝐏𝐢𝐧𝐚𝐠𝐡𝐮𝐬𝐚𝐲 𝐚𝐧𝐠 𝐄𝐯𝐚𝐜𝐮𝐚𝐭𝐢𝐨𝐧 𝐒𝐲𝐬𝐭𝐞𝐦 𝐬𝐚 𝐏𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐃𝐢𝐠𝐢𝐭𝐚𝐥 𝐏𝐫𝐨𝐟𝐢𝐥𝐢𝐧𝐠 𝐚𝐭 𝐒𝐢𝐦𝐮𝐥𝐚𝐭𝐢𝐨𝐧 𝐬𝐚 𝐏𝐢𝐥𝐨𝐭 𝐁𝐚𝐫𝐚𝐧𝐠𝐚𝐲

Matagumpay na naisagawa ng Pamahalaang Lungsod ng Pasig, katuwang ang Barangay Maybunga, ang Evacuation Community Drill sa Westbank Community Center nitong March 1, 2026, bilang bahagi ng patuloy na pagpapalakas sa kahandaan ng lungsod sa pagtugon sa mga kalamidad, partikular sa paglikas dala ng mga posibleng pagbaha at iba pang sakuna.

Layunin ng aktibidad na subukan at paghusayin ang bagong data management na parte ng evacuation system ng City Social Welfare and Development Office (Pasig CSWDO) na may aktuwal na paglahok ng internally displaced persons (IDPs). Lumahok sa drill ang 127 pamilya o kabuuang 172 indibidwal na lumikas patungo sa kanilang itinalagang evacuation center dala ang kani-kanilang Emergency Go Bags at FACED (Family Access Card in Emergencies and Disasters).

Bahagi rin ng aktibidad ang simulation ng Pre-Disaster Risk Assessment ng barangay na nagsimula sa White Alert, na kalaunan ay itinaas sa Yellow Alert na naging hudyat ng paghahanda at aktuwal na paglikas. Nagsilbing senyales para sa komunidad ang sirena ng bumbero para sa agarang paglikas.

Ang isinagawang drill ay bahagi ng final phase ng proyektong Profiling and Tagging of Families in High-Risk Areas na layong matukoy ang mga pamilyang naninirahan sa high-risk areas at matiyak ang kanilang maayos at tamang paglalagay sa mga itinalagang evacuation centers sa oras ng sakuna.

Kasabay ng drill ang pag-test ng Excel-based database na Pasig ALERTO (Automated Local Evacuation and Response Tracking Operation) na idinisenyo upang mapabilis at mapagaan ang proseso ng pagtanggap ng IDPs sa evacuation centers. Sa pamamagitan ng sistemang ito, naging mas mabilis ang registration, mas tumpak ang data capture, at mas episyente ang koordinasyon ng mga response team.

Lahat ng operasyon sa loob ng evacuation center, mula sa pagtanggap ng IDPs (o evacuees) hanggang sa pamamahagi ng tulong, hanggang sa pagsa-sanitize ng ginamit ng evacuation center, ay isinagawa bilang aktuwal na proseso. Sinubok dito ang kahandaan ng komunidad, ng barangay, at ng iba’t ibang tanggapan ng Pamahalaang Lungsod sa pagpapatupad ng bagong protocol at sistema. Bilang pasasalamat, binigyan ng relief goods at hot meals ang mga pamilyang lumahok sa drill.

Kaugnay nito, magsasagawa rin ang Pamahalaang Lungsod ng Pasig ng mga katulad na simulation sa iba pang barangay na nagbubukas ng kanilang evacuation centers, lalo na sa mga lugar na may mas mataas na bilang ng posibleng IDPs, upang masig**o na maitaas ang antas ng kahandaan at epektibong pagpapatupad ng bagong evacuation system sa buong lungsod.

Sa kabuuan, binibigyang-diin ng Pamahalaang Lungsod ng Pasig ang kahalagahan ng ganitong mga simulation upang masig**o ang kahandaan ng lungsod at mga barangay sa oras ng tunay na kalamidad. Sa patuloy na pakikipagtulungan ng mga barangay at ng buong komunidad, pinagtitibay ng Lungsod ng Pasig ang mga mekanismo para sa kaligtasan at kahandaan ng bawat Pasigueño sa oras ng anumang sakuna.

02/03/2026

𝐏𝐀𝐍𝐀𝐖𝐀𝐆𝐀𝐍 𝐌𝐔𝐋𝐀 𝐒𝐀 𝐏𝐀𝐒𝐈𝐆 𝐂𝐈𝐓𝐘 𝐒𝐎𝐂𝐈𝐀𝐋 𝐖𝐄𝐋𝐅𝐀𝐑𝐄 𝐀𝐍𝐃 𝐃𝐄𝐕𝐄𝐋𝐎𝐏𝐌𝐄𝐍𝐓 𝐎𝐅𝐅𝐈𝐂𝐄

Kung mayroong nakakakilala sa batang nasa panawagan o anumang impormasyon patungkol sa kanya, hinihingi po namin ang inyong tulong.

Inaanyayahan po kayong makipag-ugnayan sa City Social Welfare and Development Office (Pasig CSWDO) upang mapag-usapan ang kapakanan ng bata.

Kung kayo po ay may anumang impormasyon na maaaring makatulong, mangyaring magtungo sa tanggapan ng CSWDO sa Bahay Aruga, Caruncho Ave., Brgy. San Nicolas, Pasig City, at hanapin ang nakatalagang social worker.

Maaari rin pong makipag-ugnayan sa CSWDO sa numerong 0920 562 9364 o magpadala ng mensahe sa [email protected].

Ang inyo pong kooperasyon ay mahalaga upang matiyak ang kapakanan ng bata.

Maraming salamat po sa inyong malasakit at pakikiisa.

25/02/2026

𝐔𝐠𝐧𝐚𝐲𝐚𝐧 𝐧𝐠 𝐏𝐚𝐦𝐚𝐡𝐚𝐥𝐚𝐚𝐧𝐠 𝐋𝐮𝐧𝐠𝐬𝐨𝐝 𝐧𝐠 𝐏𝐚𝐬𝐢𝐠 𝐚𝐭 𝐓𝐚𝐡𝐚𝐧𝐚𝐧 𝐧𝐠 𝐏𝐚𝐠𝐦𝐚𝐦𝐚𝐡𝐚𝐥, 𝐌𝐚𝐬 𝐏𝐢𝐧𝐚𝐭𝐚𝐭𝐚𝐠 𝐓𝐮𝐧𝐠𝐨 𝐬𝐚 𝐏𝐚𝐠𝐛𝐢𝐛𝐢𝐠𝐚𝐲 𝐊𝐚𝐥𝐢𝐧𝐠𝐚 𝐚𝐭 𝐏𝐫𝐨𝐭𝐞𝐤𝐬𝐲𝐨𝐧 𝐬𝐚 𝐦𝐠𝐚 𝐁𝐚𝐭𝐚𝐧𝐠 𝐏𝐚𝐬𝐢𝐠𝐮𝐞𝐧̃𝐨

Ginanap ang awarding ng Certificate of Recognition para sa Tahanan ng Pagmamahal Children’s Home Inc.— isang Pasig-based non-government organization (NGO) na nagbibigay ng pansamantalang tirahan, pangunahing pangangailangan, at karagdagang case management para sa mga children at risk at children in need of special protection sa Lungsod ng Pasig— kahapon, February 23, 2026, bilang parte ng programa ng flag-raising ceremony sa Temporary Pasig City Hall.

Ang pagkilalang ito ay bunga ng isinagawang certification assessment ng National Authority for Child Care sa pamamagitan ng Regional Alternative Child Care Office–NCR (NACC RACCO NCR) noong November 17, 2025, kung saan nakamit ng institusyon ang 92.77% compliance rating.

Dahil dito, pormal itong nabigyan ng Full Certification at Certificate of Recognition na may bisa sa loob ng tatlong taon. Nagpapatunay ito ng tuloy-tuloy at mataas na antas ng pangangalaga at serbisyong ibinibigay nito sa mga batang nangangailangan ng adoption at alternative child care.

Pinangunahan ang awarding ni Ms. Maria Charisma Cid, Division Chief ng Standards, Accreditation and Monitoring Division ng NACC, kasama sina Mayor Vico Sotto, Vice Mayor Dodot Jaworski, at mga miyembro ng ika-12 Sangguniang Panlungsod, na tinanggap ni Ms. Ernila Valdez, Director ng Tahanan ng Pagmamahal.

Sa maikling seremonya, binigyang-diin nito ang naging papel ng Pamahalaang Lungsod ng Pasig sa patuloy na operasyon at pag-unlad ng nasabing NGO. Sa pamamagitan ng pakikipag-ugnayan ng Pamahalaang Lungsod, na pinagtibay ng bisa ng Pasig City Resolution No. 86-11, s. 2024, aktibong tinutulungan ng lungsod ang Tahanan ng Pagmamahal sa pangunguna ng City Social Welfare and Development Office (Pasig CSWDO).

Dito, ang mga kliyente mula sa Kanlungan ng Pasig ay nire-refer sa institusyon, kalakip ang pinansyal na tulong na PHP 300.00 kada bata bawat araw habang nasa kustodiya ng NGO. Tinatayang halos 50% ng mga batang nasa pangangalaga ng Tahanan ng Pagmamahal ay mula sa mga referral ng CSWDO.

Ang Certificate of Recognition ay isang mahalagang milestone para sa Tahanan ng Pagmamahal, hindi lamang bilang pagkilala sa kanilang dedikasyon sa kapakanan at proteksyon ng bawat batang Pilipino, kundi bilang patunay rin ng matatag na suporta ng Pamahalaang Lungsod ng Pasig sa adbokasiya para sa adoption at alternative child care.

Sa patuloy na ugnayan ng lokal na pamahalaan at civil society organizations tulad ng Tahanan ng Pagmamahal, mas pinag-iigting ang sama-samang layunin na mabigyan ng ligtas, mapag-aruga, at mapagmahal na tahanan ang bawat batang nangangailangan.

23/01/2026

𝐌𝐆𝐀 𝐏𝐀𝐍𝐀𝐖𝐀𝐆𝐀𝐍 𝐌𝐔𝐋𝐀 𝐒𝐀 𝐏𝐀𝐒𝐈𝐆 𝐂𝐈𝐓𝐘 𝐒𝐎𝐂𝐈𝐀𝐋 𝐖𝐄𝐋𝐅𝐀𝐑𝐄 𝐀𝐍𝐃 𝐃𝐄𝐕𝐄𝐋𝐎𝐏𝐌𝐄𝐍𝐓 𝐎𝐅𝐅𝐈𝐂𝐄

Kung mayroong nakakakilala sa mga indibidwal na nasa panawagan o anumang impormasyon patungkol sa kanila, inaanyayahan po kayong makipag-ugnayan sa City Social Welfare and Development Office (Pasig CSWDO) upang makatulong sa kanilang ligtas na pagbabalik sa kanilang mga pamilya at mahal sa buhay.

Maaaring magtungo sa tanggapan ng CSWDO sa Bahay Aruga, Caruncho Ave., Brgy. San Nicolas, Pasig City at hanapin ang nakatalagang social worker.

Kung kayo po ay may anumang impormasyon na maaaring makatulong, mangyari lamang na makipag-ugnayan sa CSWDO sa mga numerong 09205629364 o 09604586814. Maaari rin pong magpadala ng e-mail sa [email protected] o [email protected].

Sa pamamagitan ng simpleng pagbabahagi ng impormasyong ito, maaaring maging bahagi ng muling pagtatagpo ng mga indibidwal at ng kanilang pamilya.

Maraming salamat po sa inyong malasakit at pakikiisa.

15/12/2025

𝐌𝐆𝐀 𝐏𝐀𝐍𝐀𝐖𝐀𝐆𝐀𝐍 𝐌𝐔𝐋𝐀 𝐒𝐀 𝐏𝐀𝐒𝐈𝐆 𝐂𝐈𝐓𝐘 𝐒𝐎𝐂𝐈𝐀𝐋 𝐖𝐄𝐋𝐅𝐀𝐑𝐄 𝐀𝐍𝐃 𝐃𝐄𝐕𝐄𝐋𝐎𝐏𝐌𝐄𝐍𝐓 𝐎𝐅𝐅𝐈𝐂𝐄

Kung mayroong nakakakilala sa mga indibidwal na nasa panawagan sa post na ito, inaanyayahan po kayong makipag-ugnayan sa City Social Welfare and Development Office (Pasig CSWDO) upang matulungan silang makabalik sa kanilang pamilya.

Maaari po kayong magtungo sa tanggapan ng CSWDO na matatagpuan sa Bahay Aruga, Caruncho Ave., Brgy. San Nicolas, Pasig City at hanapin ang nakatalagang social worker.

Kung kayo po ay may anumang impormasyon na maaaring makatulong, mangyari lamang na kontakin ang CSWDO sa numerong 09205629364 o magpadala ng email sa [email protected].

Maraming salamat po.

07/12/2025

SIMULTANEOUS DIATRIBUTION OF LANDBANK ATM CARDS PARA SA ELIGIBLE SOLO PARENTS

Tuloy-tuloy ang suporta ng Pamahalaang Lungsod ng Pasig!

Kahapon, December 6, 2025, isinagawa ang Simultaneous Distribution of Landbank ATM Cards para sa mga eligible Solo Parent Cash Subsidy beneficiaries sa tatlong lokasyon: San Jose Covered Court, Catalina Covered Court – Palatiw, at Landbank Bridgetown, Temporary City Hall.

Isang hakbang ito para mas mapadali at mas maging accessible ang natatanggap na tulong ng ating mga solo parents, bilang pagkilala sa kanilang araw-araw na pagsisikap para sa kanilang pamilya. 💚✨

06/12/2025

Bilang parte ng tuloy-tuloy na efforts ng Pamahalaang Lungsod ng Pasig, sa pangunguna ng Pasig CSWDO, isinagawa ang Batch 2 ng Cash for Work Orientation and Data Profiling para sa mga Solo Parent at kanilang mga pamilya, katuwang ang PESO.

Layunin ng aktibidad na maipakilala nang mas malinaw ang programa, ma-assess ang kanilang mga pangangailangan, at matulungan silang magkaroon ng dagdag-kaalaman at oportunidad para sa kabuhayan.

Ginanap ito noong December 5, 2025 sa Phase 2 Basketball Court, Marietta Romeo Village, Sta. Lucia, at dinaluhan ng mga solo parent na masiglang nakibahagi sa orientation at profiling process.

Patuloy ang commitment ng lungsod na maghatid ng makabuluhang suporta at livelihood opportunities para sa ating mga solo parents at kanilang mga pamilya. 💙🤝

05/12/2025

DISTRIBUSYON NG LANDBANK ATM CARDS PARA SA ELIGIBLE SOLO PARENTS NA BENEPISYARYO NG CASH SUBSIDY

Magandang balita para ating mga Solo Parents!

Gaganapin ang pamamahagi ng Landbank ATM Cards sa Sabado, December 6, 2025, mula 8:00 AM hanggang 3:00 PM sa itinakdang schedule at venue ayon sa inyong barangay.

Paalala:
• Para sa opisyal na listahan ng mga Eligible Solo Parent na makakatanggap bukas, makipag-ugnayan sa inyong Barangay Solo Parent Help Desk Representative.
• Tanging mga solo parent na nasa opisyal na listahan ang maaaring kumuha ng ATM card.
• Dalhin ang Original Solo Parent ID at black ballpen.
• Iwasan muna ang pagdala ng mga bata sa venue upang maiwasan ang matinding pagdagsa ng tao.

Salamat po sa inyong pakikiisa! 💙🤝

04/12/2025

𝐏𝐀𝐆𝐓𝐀𝐓𝐀𝐏𝐎𝐒 𝐍𝐆 𝐒𝐄𝐋𝐄𝐁𝐑𝐀𝐒𝐘𝐎𝐍 𝐍𝐆 𝐈𝐊𝐀-𝟑𝟑 𝐍𝐀𝐓𝐈𝐎𝐍𝐀𝐋 𝐂𝐇𝐈𝐋𝐃𝐑𝐄𝐍’𝐒 𝐌𝐎𝐍𝐓𝐇, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐈𝐃𝐈𝐍𝐀𝐎𝐒 𝐒𝐀 𝐋𝐔𝐍𝐆𝐒𝐎𝐃 𝐍𝐆 𝐏𝐀𝐒𝐈𝐆

Matagumpay na nagtapos ang ika-33 National Children’s Month sa Lungsod ng Pasig sa pamamagitan ng State of the Children’s Address (SoChA) at Children’s Summit na isinagawa noong Biyernes, November 28, 2025, sa Kapitolyo Amphitheater, Brgy. Kapitolyo, Pasig City.

Umikot ang isang buwan na selebrasyon ngayong taon sa temang “OSAEC-CSAEM Wakasan: Kaligtasan at Karapatan ng Bata, Ipaglaban!” Ito ay isang panawagan upang wakasan ang online at offline na karahasan laban sa mga bata at tiyakin ang kanilang kaligtasan at karapatan.

Sa buong buwan ng Nobyembre, naghanda ang Pamahalaang Lungsod ng Pasig, sa pangunguna ng Pasig City Social Welfare and Development Office (Pasig CSWDO), ng mga programang naka-angkla sa nasabing tema.

Bilang pagtatapos ng selebrasyon, ang culminating activity na dinaluhan ng mga kabataang Pasigueño, kasama ang kanilang mga magulang, guardian, at ilang g**o, ay nahati sa dalawang bahagi. Una rito ang SoChA, na sinimulan sa pamamagitan ng pagbigkas ng Panatang Makabata na pinangunahan ni Councilor Angelu De Leon, Chairperson of the Committee on Children's Welfare, Family Empowerment, and Spiritual Affairs.

Highlight ng unang bahagi ang SoChA ni Mayor Vico Sotto, kung saan inilahad niya ang mga programa at polisiya ng lokal na pamahalaan na naglalayong patuloy na protektahan ang karapatan ng bawat kabataang Pasigueño. Tinalakay niya ang apat na pangunahing karapatan ng kabataan: Right to Survival, Right to Development, Right to Protection, at Right to Participation, at ipinakita kung paano tinutugunan ng iba’t ibang programa at inisyatiba ng Pamahalaang Lungsod ng Pasig ang bawat isa upang matiyak ang kanilang patuloy na pag-unlad at kapakanan.

Matapos ang talumpati ni Mayor Sotto, lumagda sa Pledge of Commitment on Child Rights ang Pasig City Council for the Protection of Children bilang pagpapatibay ng pangako ng lokal na pamahalaan sa paglikha ng mga programang kapaki-pakinabang para sa lahat, lalo na para sa kabataan.

Bilang pakikiisa sa pagdiriwang, nagpaabot din ng kanilang mga mensahe sina Congressman Roman Romulo, Vice Mayor Dodot Jaworski, at ilang miyembro ng 12th Sangguniang Panlungsod, kabilang sina Councilor Boyie Raymundo at Councilor Simon Tantoco.

Sa kanyang mensahe, binigyang-diin ni Vice Mayor Jaworski na ang bawat kabataan ay may responsibilidad ding protektahan ang kanilang mga sarili mula sa banta ng online at offline na karahasan. Ipinaalala rin niya na mahalagang maging responsable sila sa paggamit ng teknolohiya.

Para naman sa ikalawang bahagi ng selebrasyon, ang Children’s Summit, itinampok ang iba’t ibang entertainment activities, kabilang ang espesyal na performances mula sa mga natatanging kalahok sa month-long activities.

Parte rin ng programa ang pagbibigay ng inspirational messages nina Police Captain Mary Grace M. Pagtacunan, Chief ng Women and Children Protection Desk ng Philippine National Police-Pasig, at Mr. Gilbert Inocencio, School Principal ng Eusebio High School. Bukod sa mga mensahe, bahagi rin ng programa ang pagbibigay-parangal sa mga nagwagi sa iba’t ibang kompetisyong isinagawa bilang bahagi ng pagdiriwang ng 33rd National Children’s Month.

—
Lubos ang pagpapasalamat ng Pamahalaang Lungsod ng Pasig sa lahat ng indibidwal at sektor na nakiisa upang maging matagumpay ang selebrasyon ng ika-33 National Children’s Month sa ating lungsod. Makakaasa po kayo na patuloy na magpapatupad ang lokal na pamahalaan, sa pangunguna ng Pasig CSWDO, ng mga programa at proyektong tutugon sa kapakanan, proteksyon, at patuloy na pag-unlad ng mga kabataang Pasigueño.

—
Nais balikan ang mga kaganapan mula sa SoChA? Panoorin ang Facebook Live sa pamamagitan ng link na ito: https://bit.ly/33rdNCMStateoftheChildrensAddress

27/11/2025

PUBLIC SERVICE ANNOUNCEMENT

Pasig CSWDO

18/03/2026

03/03/2026

02/03/2026

25/02/2026

23/01/2026

15/12/2025

07/12/2025

06/12/2025

05/12/2025

04/12/2025

27/11/2025

Address

Opening Hours

Telephone

Website

Alerts

Contact The Organization

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm