31/08/2026
📆 August 12, 2026 |⏰️ 8:30 AM - 4:30 PM
Community Walk-Through🚶♀️🚶♂️ and Risk Mapping🗺
📍Barangay Culasian, Titay Zamboanga Sibugay 🏡
Malampusong nahimo ang Community Walkthrough og Risk Mapping sa Barangay Culasian, isip usa sa mga kalihokan ilalom sa Participatory Risk and Vulnerability Assessment (PRVA). Kauban ang mga miyembro sa Barangay Resilience Team (BResT) nga gipangunahan mismo ni kapitan Edgar Villa, og uban pang membro sa konsiho, giadtu og gisuta ang mga area sa barangay, nga adunay basihan sa piligro og mga naga lain laing matang sa risgo aron personal nga maobserbahan ug masuta ang aktuwal nga kahimtang sa komunidad.
Pinaagi niini, nakatabang ang mga ni apil nga mga volunteers sa maong pag baklay tungod sila ang adunay saktung katakus sa paghatag og lokal nga kahibalo ug impormasyon base sa ilang aktuwal nga kasinatian ug nahibal-an bahin sa ilang lugar. Sa laing bahin na desisyonan sa mga Membro sa BResT nga samtang prisko pa sa ilang panghinumdoman og mahulagway pa usab nila ang maong na suta nga mga lugar nga aduna o naghatag og piligro o risgo, ilaha nalang kunong ipadayun ang pag gama sa maong mapa kabahin sa kalihukan sa maong Risk Mapping Activity. Ma abtikung nag pakaon usab ang kunsiho sa mga volunteers nga ming duyog sa kalihukan, human sa paniudto gi sugdan dayun nila ang pag gama sa maong mapa, kini na himo pinaagi sa pag tinabangay sa mga volunteers.
Daghang salamat Barangay Culasian sa inyong aktibong partisipasyon ug kooperasyon sa kalihokan. 💚✨️
Nag pamatuod kini nga kamo adunay dakong gugma sa inyung komunidad🤗😇💘
