06/08/2026
*چیکینگ سیکیورٹی ڈیوٹی*
*ڈی پی او بھکر شہزاد رفیق اعوان کا 22 صفر المظفر کے مرکزی چہلم پروگرام بہل کا دورہ، سیکیورٹی انتظامات کا جائزہ*
ڈی پی او بھکر شہزاد رفیق اعوان نے 22 صفر المظفر کے موقع پر بہل میں منعقد ہونے والے مرکزی چہلم حضرت امام حسینؓ کے جلوس کا دورہ کیا اور سیکیورٹی انتظامات کا تفصیلی جائزہ لیا۔
انچارج سیکیورٹی ملک ثنا اللہ نے سیکیورٹی انتظامات کے متعلق بریفنگ دی
اس موقع پر ڈی پی او بھکر نے جلوس کے روٹ، داخلی و خارجی راستوں، چیکنگ پوائنٹس، سی سی ٹی وی نگرانی، واک تھرو گیٹس اور دیگر سیکیورٹی اقدامات کا معائنہ کیا۔ انہوں نے ڈیوٹی پر مامور پولیس افسران و ملازمان کو الرٹ، چوکس اور مستعد رہتے ہوئے اپنے فرائض انتہائی ذمہ داری اور پیشہ ورانہ انداز میں انجام دینے کی ہدایت کی۔
ڈی پی او بھکر نے جلوس کے منتظمین،ممبران امن کمیٹی کے اراکین سے ملاقات کرتے ہوئے باہمی تعاون پر تبادلہ خیال کیا اور پرامن ماحول کے قیام کے لیے ان کے کردار کو سراہا۔
انہوں نے شدید گرمی اور حبس کے باوجود جانفشانی سے فرائض انجام دینے والے پولیس افسران و ملازمان کو شاباش دی اور کہا کہ بھکر پولیس عوام کے جان و مال کے تحفظ اور امن و امان کے قیام کے لیے ہر لمحہ الرٹ ہے اور چہلم حضرت امام حسینؓ کے موقع پر بہترین انداز میں سیکیورٹی ڈیوٹی سرانجام دے رہی ہے۔
