16/06/2026
اسسٹنٹ کمشنر دنیور کیپٹن (ر) حسن سلیم بٹ کی ہدایت پر میونسپل مجسٹریٹ نے بازار ایریا دنیور میں انسداد تجاوزات، صفائی ستھرائی، چکن مارکیٹس اور پیٹرول پمپس کا معائنہ کیا گیا۔
دورانِ معائنہ ہوٹلوں، دکانوں اور چکن مارکیٹس میں صفائی اور تجاوزات کے حوالے سے مختلف خلاف ورزیاں سامنے آئیں، جن پر ذمہ داران کے خلاف قانونی کارروائی کرتے ہوئے جرمانے عائد کیے گئے اور موقع پر ضروری ہدایات جاری کی گئیں۔
مزید برآں پیٹرول پمپس پر فیول گیجز اور پیمائشی آلات کا بھی تفصیلی جائزہ لیا گیا، جہاں تمام معاملات تسلی بخش پائے گئے اور کسی قسم کی بے ضابطگی سامنے نہیں آئی۔
انتظامیہ دنیور کی جانب سے عوامی صحت، صفائی ستھرائی اور تجاوزات کے خاتمے کے لیے کارروائیاں بلا تعطل جاری رہیں گی تاکہ شہریوں کو صاف ستھرا اور بہتر ماحول فراہم کیا جا سکے۔
