Deputy Commissioner Mianwali

Deputy Commissioner Mianwali Contact information, map and directions, contact form, opening hours, services, ratings, photos, videos and announcements from Deputy Commissioner Mianwali, Government Organization, Jahaz Chowk, Mianwali.

میانوالی ڈپٹی کمشنر شاہد عباس کاٹھیا کی ہدایت پر تحصیل عیسیٰ خیل اور تحصیل پپلاں میں میں یوم استحصال کشمیر کے حوالے سے ر...
05/08/2026

میانوالی
ڈپٹی کمشنر شاہد عباس کاٹھیا کی ہدایت پر تحصیل عیسیٰ خیل اور تحصیل پپلاں میں میں یوم استحصال کشمیر کے حوالے سے ریلیوں کا انعقاد کیا گیا۔ عیسیٰ خیل میں اسسٹنٹ کمشنر خلیل احمد اور پپلاں میں اسسٹنٹ کمشنر ظفر اقبال نے ریلی کی قیادت کی

میانوالی ڈپٹی کمشنر شاہد عباس کا ٹھیا کا ڈسٹرکٹ ہیڈ کوارٹر ہسپتال میانوالی کادورہ۔ڈپٹی کمشنر نے ہسپتال ایمر جنسی، ...
05/08/2026

میانوالی ڈپٹی کمشنر شاہد عباس کا ٹھیا کا ڈسٹرکٹ ہیڈ کوارٹر ہسپتال میانوالی کادورہ۔ڈپٹی کمشنر نے ہسپتال ایمر جنسی، او پی ڈی اور جملہ شعبہ جات کا معائنہ کیا، ہسپتال میں صفائی ستھرائی کے نظام اور طبی سہولیات کا جائزہ لیا، مریضوں کی عیادت کی مریضوں اور ان کے لواحقین سے سرکاری ادویات اور دیگر طبی سہولیات کی فراہمی سے متعلق دریافت کیا۔ڈپٹی کمشنر نے ہسپتال حکام کو ہدایت کی کہ یہاں پر آنیولے مریضوں کو علا ج معالجہ کی تما م بنیادی سہولیات کی فراہمی کو یقینی بنائیں۔اس موقع پر ایم ایس ڈی ایچ کیو ہسپتال ڈاکٹر ہا رون طاہر، اے ایم ایس ڈاکٹر عمیر ملک بھی مو جود تھے۔

میانوالی ( )یو مِ شہدائے پولیس کے حوالہ سے پولیس لائنز میانوالی میں پر وقار تقریب کا انعقاد کیا گیا۔ ڈپٹی کمشنر شاہد عبا...
05/08/2026

میانوالی ( )یو مِ شہدائے پولیس کے حوالہ سے پولیس لائنز میانوالی میں پر وقار تقریب کا انعقاد کیا گیا۔ ڈپٹی کمشنر شاہد عباس کا ٹھیا اور ڈی پی او وقار عظیم کھرل نے شہداء کی یاد گار پر حاضری دی،پھول چڑھا ئے اور شہداء کے درجات کی بلندی کیلئے دعا کی۔اس موقع پر پولیس کے چاک و چوبند دستے نے شہداء کو سلامی پیش کی۔بعدا زاں پو لیس لائن کے سبزہ زار میں شہداء پولیس اور ان کے اہل خانہ کے اعزاز میں پرتقریب منعقد ہوئی۔تقریب کے مہمان خصوصی ڈپٹی کمشنر شاہد عباس کا ٹھیا تھے جبکہ تقریب کی صدارت ڈی پی او وقار عظیم کھرل نے کی۔اس موقع پر ایس پی انوسٹی گیشن مہر ریاض ناز کے علاوہ شہداء کے اہل خانہ، پولیس کے افسران و عملہ مو جود تھا۔ڈپٹی کمشنر شاہد عباس کا ٹھیا نے تقریب سے خطاب کر تے ہو ئے کہا کہ ہمارے شہداء قوم کے اصل ہیرو ہیں جنہوں نے جوانمردی سے سماج دشمن عناصر کا مقابلہ کر تے ہو ئے اپنی جا نیں قربان کی ہیں۔ انہوں نے کہا کہ ہماری مسلح افواج، پو لیس اور قانون نافذ کر نیوالے دیگر ادارے چوبیس گھنٹے فرائض منصبی کی انجام دہی میں مصروف عمل ہیں۔انہوں نے کہا کہ پولیس کے افسران اور جو ان دن رات اپنے فرائض سرانجام دے رہیں ہیں اور اپنی جا نوں پر کھیل کر ہماری حفاظت کررہے ہیں جس پرپولیس کے یہ بہادر جوان خراج تحسین کے مستحق ہیں۔ تقریب سے ڈی پی او وقار عظیم کھرل نے خطاب کرتے ہوئے کہا کہ آج ہم اپنے ان عظیم شہدائے کو سلام پیش کرتے ہیں جنھوں نے عوام کے جان ومال کے تحفظ،امن کے قیام اور وطن کی سر بلندی کیلئے اپنی جانوں کا نذرانہ پیش کیا، پنجاب پولیس کے شہداء ہمارا فخر، ہمارا سرمایہ اور ہمارے ماتھے کا جھومر ہیں۔انھوں نے تمام شہداء کو خراج عقیدت اور ان کے اہل خانہ کو خراج تحسین پیش کیا۔اس موقع پر ڈی پی او نے شہداء کے اہل خانہ میں شہداء پیکج کے چیکس تقسیم کیئے۔ بعدازاں شرکاء کے اعزاز میں پر تکلف ظہرانہ کا بھی اہتما م کیا گیا۔

میانوالی ( )ملک بھر کی طرح ضلع میانوالی میں بھی یوم استحصال کشمیر کے موقع پر ضلعی انتظامیہ کے زیر اہتمام کشمیری عوام سے ...
05/08/2026

میانوالی ( )ملک بھر کی طرح ضلع میانوالی میں بھی یوم استحصال کشمیر کے موقع پر ضلعی انتظامیہ کے زیر اہتمام کشمیری عوام سے یکجہتی کے اظہار کے سلسلہ میں عظیم الشان ریلی کا انعقاد کیا گیا۔ ریلی کی قیادت ڈپٹی کمشنر شاہد عباس کاٹھیا نے کی۔ اس موقع پر ایڈیشنل ڈپٹی کمشنر ریونیو محمد شاہد کھوکھر، اے ڈی سی جی ماجد بن احمد اور اسسٹنٹ کمشنر میانوالی فیصل عمران بھی موجود تھے۔کشمیر پر بھارت کے غصبانہ قبضے، انسانی حقوق کی سنگین خلاف ورزی کے سلسلے میں جی پی او چوک سے کمیٹی چوک تک ریلی کاانعقاد کیا گیا۔ریلی کے شرکاء نے پاکستانی اور کشمیر ی جھنڈے، بینزر اور پینا فلیکسز اٹھا رکھے تھے۔ریلی کی فضاء کشمیر بنے گا پاکستان، پاکستان زندہ باد کے نعروں سے گونج اٹھی۔ اس موقع پر ڈپٹی نے گفتگو کرتے ہوئے کہا کہ آج کے دن انڈیا نے انسانی حقوق کی سنگین خلاف ورزی کرتے ہوئے جموں وکشمیر کی آزاد حثیت ختم کر دی تھی جس کی پوری پاکستانی قوم بھرپور الفاظ میں میں مذمت کر تی ہے۔ انھوں نے کہا کہ آج کا دن منانے کا بنیادی مقصد اقوام عالم کو یہ پیغام دینا ہے کہ کشمیر ہمار ا دل ہے، ہم بحثیت قوم اور بحثیت ملک کشمیریوں کے ساتھ کھڑے ہیں۔ انھوں نے کہا کہ کشمیریوں کے بنیادی حقوق سلب کرنے پر آج کے دن کو پوری دنیا اور پاکستان میں یوم سیاہ کے طور پر منایا جارہا ہے۔انھوں نے کہا کہ ہم کشمیری عوام کو سلام پیش کرتے ہیں جو پورے جوش و جذبے سے آزادی کے حصول کیلئے جدو جہد کر رہے ہیں۔ بعد ازاں کشمیری عوام سے یکجہتی کے اظہار کے سلسلہ میں میونسپل کمیٹی کے سبزہ زار میں تقریب کا بھی انعقاد کیا گیا جہاں پر بچوں نے ملی نغمے، تقاریر پیش کئیں اور مقررین نے اپنے خطاب میں کشمیر پر بھارت کے غاصبانہ قبضہ کی بھرپور الفاظ میں مذمت کی۔اس موقع پرضلعی انتظامیہ اور دیگر محکموں افسران، سول سوسائیٹی،میڈیا، سکولوں کے طلباء اور شہریوں کی کثیر تعداد موجود تھی۔

میانوالی( )ڈپٹی کمشنر میانوالی شاہد عباس کاٹھیا کی ہدایت پر اسسٹنٹ کمشنر پپلاں محمدظفراقبال نے تحصیل ہیڈکوارٹر ہسپتال پپ...
04/08/2026

میانوالی( )ڈپٹی کمشنر میانوالی شاہد عباس کاٹھیا کی ہدایت پر اسسٹنٹ کمشنر پپلاں محمدظفراقبال نے تحصیل ہیڈکوارٹر ہسپتال پپلاں کا دورہ کیا۔ انھوں نے او پی ڈی، ایمرجنسی اور مردانہ وارڈ کا تفصیلی معائنہ کیا۔ ڈاکٹرز اور سٹاف کی حاضری چیک کی، صفائی ستھرائی کے نظام اور طبی سہولیات کا جائزہ لیا۔ اسسٹنٹ کمشنرنے صفائی کی ابتر صورتحال پر ہسپتال انتظامیہ کو صفائی ستھرائی بہتر بنانے کی ہدایت کی۔ انھوں نے مزید کہا کہ ہسپتال میں آنے والے مریضوں کو مفت ادویات اور علاج معالجہ کی تمام بنیادی سہولیات کی فراہمی کو یقینی بنایا جائے۔

میانوالی( )ضلعی محکمہ سپورٹس کی جانب سے ''جشن آزادی پاکستان 2026'' کے سلسلے میں ''U-17'' بیڈمنٹن ٹورنامنٹ کا شاندار انعق...
04/08/2026

میانوالی( )ضلعی محکمہ سپورٹس کی جانب سے ''جشن آزادی پاکستان 2026'' کے سلسلے میں ''U-17'' بیڈمنٹن ٹورنامنٹ کا شاندار انعقاد۔جشنِ آزادی پاکستان 2026'' کی تقریبات کے سلسلے میں ضلعی محکمہ سپورٹس کی جانب سے مورخہ 04 اگست 2026 کو سپورٹس جمنیزیم میانوالی میں ''U-17'' بیڈمنٹن ٹورنامنٹ کا انعقاد کیا گیا۔ ٹورنامنٹ میں شہر بھر کے نوجوان کھلاڑیوں نے بھرپور جوش و جذبے سے شرکت کی۔اس ٹورنامنٹ کا مقصد یوم آزادی کے موقع پر نوجوانوں کو کھیلوں کی جانب راغب کرنا اور ان میں صحت مند سرگرمیوں کو فروغ دینا تھا۔فائنل میچ انتہائی دلچسپ رہا۔ فائنل میں محمد احد نے محمد حسنین کو شکست دے کر چیمپئن شپ اپنے نام کی۔فائنل میچ کے مہمان خصوصی ڈسٹرکٹ سپورٹس آفیسر محمد ممتاز خان تھے۔ انہوں نے کھلاڑیوں کی کارکردگی کو سراہتے ہوئے کہا کہ ایسے ایونٹس نوجوانوں میں حب الوطنی کا جذبہ اجاگر کرتے ہیں اور کھیلوں کے ذریعے ملک کا نام روشن کیا جا سکتا ہے۔تقریب کے اختتام پر ڈسٹرکٹ سپورٹس آفیسر محمد ممتاز خان نے ونر محمد احد اور رنر اپ محمد حسنین میں انعامات اور چیمپئن شپ کی ٹرافی تقسیم کی اور ضلعی محکمہ سپورٹس کی کاوشوں کو سراہا۔

میانوالی ( )ڈپٹی کمشنر شاہد عبا س کا ٹھیا اور ڈی پی او وقار عظیم کھرل کا کا لا باغ کا دورہ۔ڈپٹی کمشنر اور ڈی پی او نے چہ...
04/08/2026

میانوالی ( )ڈپٹی کمشنر شاہد عبا س کا ٹھیا اور ڈی پی او وقار عظیم کھرل کا کا لا باغ کا دورہ۔ڈپٹی کمشنر اور ڈی پی او نے چہلم کے جلوس کے روٹس، داخلی و خارجی راستوں پر قائم حفاظتی چیک پوسٹوں کا دورہ کیا،کالا باغ امن کمیٹی کے ممبران سے ملاقات کی اور جلوس کے سیکورٹی و انتظامی امور کا جائزہ لیا۔ ڈپٹی کمشنر نے تمام متعلقہ افسران کو ہدایت کی کہ جلو س کے راستوں میں صفائی ستھرائی اور دیگر انتظامات اور سہولیات کی فراہمی کو یقینی بنا یا جا ئے جبکہ ڈی پی او نے پولیس افسران کو جلو س کے راستوں پر سیکورٹی کے فول پروف انتظامات کی ہدایت کی۔ اس موقع پر اسسٹنٹ کمشنر عیسیٰ خیل خلیل احمد اور دیگر متعلقہ افسران بھی ہمرا ہ تھے۔

میانوالی ( )ڈپٹی کمشنر شاہد عباس کا ٹھیا کا شہر میں جاری مختلف ترقیاتی منصوبوں اور گرین بیلٹس کادورہ۔ تفصیلات کے مطابق ڈ...
04/08/2026

میانوالی ( )ڈپٹی کمشنر شاہد عباس کا ٹھیا کا شہر میں جاری مختلف ترقیاتی منصوبوں اور گرین بیلٹس کادورہ۔ تفصیلات کے مطابق ڈپٹی کمشنر نے وتہ خیل چوک پر پنجاب ڈویلپمنٹ پروگرام کے تحت تعمیر ہو نیوالے واٹر سٹوریج ٹینک اور بیو ٹیفکیشن وال کے تعمیراتی کا موں کا معائنہ کیا۔اس موقع پر پنجاب ڈویلپمنٹ پروگرام کے افسران نے بریفنگ میں بتا یا کہ اس منصوبہ کے تعمیراتی کام مرحلہ وار جاری ہیں، ڈرینج کی تعمیر سے گزشتہ روز ہو نیوالی شدید بار ش سے گردو نواح میں جمع ہونے والا بارشی پانی کی وہاں سے باآسانی نکاسی ہو گئی تھی۔ڈی سی نے پنجاب ڈویلپمنٹ پروگرام کے تعمیراتی کا موں کو مزید سپیڈ اپ کر نے کی ہدایت کی۔انھوں نے وتہ خیل چوک تا ضلع کو نسل دفتر تک زیر تعمیر بیو ٹیفکیشن وال کے تعمیراتی کا موں کا جائزہ لیا اور متعلقہ افسران کو تعمیراتی کا موں میں معیاری میٹریل کے استعمال کی ہدایت کی۔قبل ازیں ڈپٹی کمشنر نے کالا باغ روڈ کی گرین بیلٹس کا معائنہ کیا۔ انہوں نے محکمہ جنگلات کے حکا م کو ہدایت کی کہ روڈ کے اطراف میں گراسی لانز اور نمائشی پودوں کی دیکھ بھال کو یقینی بنائیں۔اس موقع پر ایڈیشنل ڈپٹی کمشنر جنرل ماجد بن احمد، ڈپٹی ڈائر یکٹر ڈویلپمنٹ شعیب رضا خان، سی او ایم سی مبشر کلیم گلِ، ایم ڈی واسا رضوان اکبر، ڈپٹی ڈائر یکٹر واسا چوہدری ریا ض محمود، ستھرا پنجاب کے افسران سید غلا م مر تضیٰ اور اور اکرام الحق سیال بھی مو جود تھے۔

میانوالی ڈپٹی کمشنر شاہد عباس کاٹھیا نے ایڈیشنل ڈپٹی کمشنر جنرل ماجد بن احمد ، اسسٹنٹ کمشنر میانوالی فیصل عمران اور دیگر...
03/08/2026

میانوالی
ڈپٹی کمشنر شاہد عباس کاٹھیا نے ایڈیشنل ڈپٹی کمشنر جنرل ماجد بن احمد ، اسسٹنٹ کمشنر میانوالی فیصل عمران اور دیگر متعلقہ افسران کے ہمراہ میانوالی شہر میں محرم الحرام کے چہلم کے مرکزی جلوس کے روٹس کا تفصیلی دورہ کیا

ڈپٹی کمشنر نے وادی اسلام، محلہ کوثر آباد،عوامی چوک اور گلی امام بارگاہ کا دورہ کیا، جلوس کے روٹ کا معائنہ کیا اور سیکورٹی و انتظامی امور کا جائزہ لیا۔

انھوں نے ستھرا پنجاب، ایم سی کے افسران کو جلوس کے روٹس پر صفائی ستھرائی،پانی کی سبیلوں کے علاؤہ دیگر تمام انتظامات یقینی بنانے جبکہ واسا حکام کو بارشی پانی کی فوری نکاسی کی ہدایت کی۔

میانوالی ()ڈپٹی کمشنر شاہد عباس کا ٹھیا کی ہدایت پر محکمہ خورا ک کی گندم وآٹا کی غیر قانو نی نقل و حمل کے خلاف بڑی کاروا...
03/08/2026

میانوالی ()ڈپٹی کمشنر شاہد عباس کا ٹھیا کی ہدایت پر محکمہ خورا ک کی گندم وآٹا کی غیر قانو نی نقل و حمل کے خلاف بڑی کاروائی۔دوران چیکنگ مختلف چیک پوسٹوں اور ذخیرہ اندوزوں سے بغیر پر مٹ گندم وآٹا لے جا نیوالے 07ٹرالرز کو مال سمیت قبضہ میں لے لیا گیا۔ڈپٹی کمشنر شاہد عباس کا ٹھیا نے گندم خریداری مرکز میانوالی کا دورہ کیا اور گندم کی سمگلنگ میں پکڑے جانیوالے ٹرالرز کا معائنہ کیا۔اس موقع پر ڈسٹرکٹ فوڈ کنٹرولر خادم حسین فرازنے ڈپٹی کمشنر کو بریفنگ دیتے ہو ئے بتا یا کہ گزشتہ شب محکمہ خوراک نے کاروائی کے دوران مختلف بین الصوبائی چیک پوسٹوں اور ذخیر ہ اندوزوں سے 07عدد ٹرکوں کو پکڑ کر 100 کلو گرام وزنی 2 ہزار بوری گندم، 25 ٹن آٹا اور 65ٹن مید ہ کوقبضہ میں لے لیا ہے۔انہوں نے مزید بتایا کہ برآمد ہو نیوالے آٹے، گندم اورمیدہ کو حکو متی نر خوں پر مارکیٹ میں نیلا م کیا جائے گا۔اس موقع پر ڈپٹی کمشنر شاہد عباس کا ٹھیا نے گفتگو کر تے ہو ئے کہا کہ حکو مت ویژن کے مطابق ضلعی انتظامیہ اور محکمہ خوراک گندم وآٹے کی غیر قانو نی نقل و حمل کے خلاف کاروائی کر رہا ہے۔ انہوں نے کہا کہ برآمد ہونے والے آٹے کو مقامی مارکیٹ میں سرکاری نرخ پر نیلام کیا جا ئے گا جس سے یہاں کے مقامی شہریوں کو ریلیف ملے گا۔انھوں نے محکمہ خوارک کے افسران وعملہ کو گندم و آٹے کی غیر قانونی نقل و حمل کی روک تھام کیلئے فیلڈ میں متحرک رہنے کی ہدایت کی۔

Address

Jahaz Chowk
Mianwali
42200

Website

Alerts

Be the first to know and let us send you an email when Deputy Commissioner Mianwali posts news and promotions. Your email address will not be used for any other purpose, and you can unsubscribe at any time.

Shortcuts

Share

Category