Nowshera Police

11/04/2026

*پریس ریلیز*
*نوشہرہ (پی آر او)*
*مورخہ: 11 اپریل 2026*

** ہوائی فائرنگ کرنے والوں کے خلاف نوشہرہ پولیس متحرک، مرتکب افراد حوالات کی سیر لازمی کریں گے

ضلعی پولیس سربراہ احمد شاہ کی ہدایات پر تھانہ اکبرپورہ پولیس نے ہوائی فائرنگ میں ملوث ملزم کو اسلحہ سمیت گرفتار کر لیا۔ ملزم کے خلاف مقدمہ درج کرکے تفتیش کا آغاز کر دیا گیا ہے۔

*تفصیلات:*
شاہد خان ایس ایچ او تھانہ اکبرپورہ نے خفیہ اطلاع پر فوری کارروائی کرتے ہوئے علاقہ [بابا صاحب ] میں چھاپہ مار کر ملزم [حماد ولد مراد ] کو اسلحہ بدست حراست میں لے لیا۔ ملزم ہوائی فائرنگ کرکے علاقے میں خوف و ہراس پھیلا رہا تھا۔

ملزم کے قبضے سے واردات میں استعمال ہونے والا اسلحہ برآمد کر لیا گیا۔ ملزم کو تھانہ منتقل کرکے حوالات کی سیر کروا دی گئی اور مقدمہ درج کرکے مزید تفتیش شروع کر دی گئی ہے۔

*ضلعی پولیس سربراہ کا پیغام:*
ہوائی فائرنگ ایک ناقابل ضمانت جرم ہے۔ ایسے عناصر جو اپنی چند لمحوں کی خوشی کے لیے شہریوں کی جان و مال کو خطرے میں ڈالتے ہیں، ان کے لیے نوشہرہ میں کوئی معافی نہیں۔ مرتکب افراد حوالات کی سیر لازمی کریں گے۔ عوام سے اپیل ہے کہ ہوائی فائرنگ کرنے والوں کی فوری اطلاع 15 پر دیں۔
۔

11/04/2026

نوشہرہ (پی آر او)
*رسالپور سرکل پولیس کی جانب سے جرائم پیشہ عناصر کے خلاف علاقے میں مؤثر کومبنگ گشت کا انعقاد کیا گیا۔ یہ گشت تھانہ رسالپور کی حدود میں واقع پی اے ایف اکیڈمی کے گرد و نواح، سائیس منڈی، فضل گنج، گنڈھیری بالا و پایان، بادہ بانڈہ، شیرین کوٹھے، رشکئی، بہرام کلے اور میرہ خویشگی میں کیا گیا، جس کا بنیادی مقصد علاقے میں امن و امان کو یقینی بنانا اور جرائم پیشہ عناصر کی سرکوبی کرنا تھا۔*

یہ کارروائی ضلعی پولیس سربراہ احمد شاہ کے واضح احکامات کی روشنی میں ایس ڈی پی او رسالپور سرکل جواد خان کی براہ راست نگرانی میں عمل میں لائی گئی۔ اس دوران ایس ایچ او تھانہ رسالپور محمد طیب، ایس ایچ او تھانہ کلاں فیصل خان اور دیگر پولیس افسران و اہلکاروں نے بھرپور شرکت کی۔ کومبنگ گشت کے دوران مشتبہ افراد کی چیکنگ، اہم مقامات کی نگرانی اور علاقے میں سکیورٹی اقدامات کو مزید مؤثر بنایا گیا۔
اس گشت کا مقصد جرائم پیشہ افراد کی نقل و حرکت کو محدود کرنا، عوام میں احساس تحفظ پیدا کرنا اور قانون کی عملداری کو یقینی بنانا ہے۔ مزید برآں، عوام سے بھی اپیل کی گئی کہ وہ پولیس کے ساتھ تعاون کریں اور کسی بھی مشکوک سرگرمی کی اطلاع فوری طور پر قریبی تھانے یا پولیس ہیلپ لائن پر دیں تاکہ بروقت کارروائی عمل میں لائی جا سکے۔
نوشہرہ پولیس جرائم کے خاتمے اور شہریوں کے جان و مال کے تحفظ کے لیے ہر ممکن اقدامات اٹھا رہی ہے اور ایسے کومبنگ آپریشنز کا سلسلہ آئندہ بھی جاری رکھا جائے گا تاکہ ضلع کو جرائم سے پاک بنایا جا سکے اور پائیدار امن قائم رہے۔

11/04/2026

*نوشہرہ (پی آر او)*
*مورخہ: 11 اپریل 2026*

* تھانہ اکوڑہ خٹک پولیس کی نوسر باز گروہ کے خلاف اہم و کامیاب کارروائی، غیر قانونی مقیم افغانیوں سے سرکاری اداروں کے نام پر رقم بٹورنے والے 02 ملزمان گرفتار،
*تفصیلات:*
مسمی حکمت یار ولد حاجی میر عالم ساکن افغانستان حال خوشحال گڑھ اکوڑہ نے تھانہ اکوڑہ خٹک میں رپورٹ درج کروائی کہ میں اکوڑہ میں رہائش پذیر ہوں۔ گزشتہ رات میرے گھر احمد ولد قابل شاہ، مدثر ولد محمد علی اور اختر رسول ولد عطاء رسول ساکنان اکوڑہ آئے اور پولیس کے نام پر مجھ سے رقم لی اور کہا کہ پولیس تمہیں کچھ نہیں کہے گی۔
رپورٹ پر فوری طور پر نامزد ملزمان کے خلاف دھوکہ دہی کی دفعات کے تحت مقدمہ درج کیا گیا۔

ضلعی پولیس سربراہ احمد شاہ نے واقعے کا سختی سے نوٹس لیتے ہوئے اختر نصیر خان ایس ڈی پی او اکوڑہ سرکل کی براہ راست نگرانی میں نیاز محمد جدون ایس ایچ او کو نامزد ملزمان کی گرفتاری کا ٹاسک سونپا۔

پولیس نے مختلف مقامات پر چھاپے مار کر گروہ کے 02 ارکان کو گرفتار کر لیا، جبکہ تیسرے ساتھی کی تلاش جاری ہے جس کی گرفتاری جلد متوقع ہے۔

*ایس ڈی پی او اکوڑہ سرکل کا پیغام:*
اختر نصیر خان نے افغانی بھائیوں کو پیغام دیا ہے کہ کسی کے دھوکے میں نہ آئیں۔ آپ کی رضاکارانہ طور پر واپسی ہی بہترین حل ہے۔ کوئی بھی شخص سرکاری اداروں کے نام پر رقم کا مطالبہ کرے تو فوری طور پر مقامی تھانے کو اطلاع دیں۔ نوشہرہ پولیس آپ کے تحفظ کے لیے موجود ہے۔

11/04/2026

نوشہرہ (پی اراو)
*تھانہ جلوزئی پولیس نے ڈرگ ڈیلر کو حراست میں لیکر 02 کلو 70گرام چرس جبکہ غیر قانونی اسلحہ بھی برآمد کیاگیا،مقدمہ درج کرکے تفتیش کا آغاز کردیا گیا ہے۔*
تفصیلات کے مطابق۔ضلعی پولیس سربراہ احمد شاہ کا یہ عزم کہ
(منشیات سے پاک نوشہرہ)

کے تسلسل کو برقرار رکھنے ہوئے جمشید خٹک ایس ایچ او تھانہ جلوزئی وٹیم نے ڈرگ ڈیلر گل ثمنورولد گل سامیر ساکن وزیرستان حال ترکمن کیمپ کو حراست میں۔ لیکر قبضہ سے 2070گرام چرس،ایک پستول برآمد کرکے ملزم کے خلاف مقدمہ درج کرکے تفتیش کا آغاز کردیا گیا ہے۔

11/04/2026

*نوشہرہ (پی آر او)*
*مورخہ: 11 اپریل 2026*
غیر قانونی سونے کی کان کنی کے خلاف نوشہرہ پولیس کی بڑی کارروائیاں، 505 مقدمات درج، 516 ملزمان گرفتار

*ضلعی پولیس سربراہ احمد شاہ کے غیر قانونی سونے کی کان کنی کے خلاف واضح احکامات کی روشنی میں اختر نصیر خان ایس ڈی پی او اکوڑہ سرکل کی براہ راست نگرانی میں تھانہ اکوڑہ اور تھانہ نظامپور پولیس کی بھرپور کارروائیاں جاری ہیں۔*

*اہم نکات:*
*چیک پوسٹیں قائم:*
ضلعی انتظامیہ کی درخواست پر نوشہرہ پولیس 5 اہم مقامات پر 24/7 معاونت فراہم کر رہی ہے: جبئی چوک، فوجی سیمنٹ فیکٹری چوک، جار جارو، اولڈ اٹک برج جے سی پی اور پی پی ملنگی کے قریب۔ ان میں سے ایک چیک پوسٹ پولیس اور منرل ڈیولپمنٹ ڈیپارٹمنٹ مشترکہ طور پر چلا رہے ہیں تاکہ غیر قانونی کان کنی کے لیے ایکسویٹرز اور ایندھن کی ترسیل روکی جا سکے۔

*ضلع بھر میں نگرانی:*
تھانہ نظامپور، اکوڑہ، کینٹ اور بدرشی کی حدود میں کان کنی والے علاقوں کی طرف مشینری اور ایکسویٹرز کی نقل و حرکت پر کڑی نظر رکھی جا رہی ہے۔

*جولائی 2025 سے اب تک کی کارروائی:*
- *کل مقدمات:* 505
- *کل گرفتاریاں:* 516

*برآمدگی:*
ٹینکرز میں ایندھن: 376839 لیٹر، انجن آئل: 300 لیٹر، فیول ڈرم: 115، فیول منی ڈرم: 356، فیول جیری کین: 3367، ایکسویٹرز: 120، دیگر گاڑیاں: 236، لوڈرز: 27، ریفائننگ کارپیٹس: 26، نیٹ: 16، جنریٹرز: 19، پلانٹس: 60، آئل ٹینک: 24، بیٹریاں: 02

*دیگر اقدامات:*
علاقے کے تمام غیر قانونی فیول اسٹیشن بند کرکے ملوث افراد کے خلاف مقدمات درج کر لیے گئے ہیں۔

نوشہرہ پولیس غیر قانونی کان کنی کے مکمل خاتمے کے لیے پرعزم ہے اور محکمہ معدنیات کے ساتھ مل کر کارروائیاں جاری رکھے گی۔

11/04/2026

10/04/2026

*نوشہرہ (پی آر او)*
مورخہ!10اپریل 2026

*ایس ڈی پی او اکوڑہ خٹک سرکل کی نگرانی میں خیر آباد مین جی ٹی روڈ پر اچانک اسنیپ چیکنگ*

ضلعی پولیس سربراہ احمد شاہ کی ہدایات پر اختر نصیر خان ایس ڈی پی او اکوڑہ خٹک سرکل کی براہ راست نگرانی میں نیاز محمد جدون ایس ایچ او تھانہ اکوڑہ خٹک و ٹیم نے رات گئے جرائم پیشہ افراد کی نقل و حرکت کو محدود رکھنے کے لیے خیر آباد مین جی ٹی روڈ پر اچانک
اسنیپ چیکنگ کی۔

کارروائی کے دوران مشکوک گاڑیوں اور مشکوک افراد سے باریک بینی سے پوچھ گچھ کی گئی اور ان کے کوائف کی پڑتال کی گئی۔

نوشہرہ پولیس اس عزم کا اعادہ کرتی ہے کہ ہم عوام کے چین و سکون کے لیے جاگ رہے ہیں اور سماج دشمن عناصر کے مذموم ارادوں کو خاک میں ملانے کے لیے پرعزم ہیں۔

*نوشہرہ پولیس: عوام دوست پولیس*

10/04/2026

*نوشہرہ (پی آر او)*
*مورخہ!10اپریل 2026*
*تھانہ اکبرپورہ پولیس کی اہم کارروائی، کمسن لڑکوں سے بدفعلی اور بلیک میلنگ میں ملوث ملزم گرفتار*

تھانہ اکبرپورہ پولیس نے کمسن لڑکوں کے ساتھ بدفعلی کرنے اور بعد ازاں نازیبا ویڈیو بنا کر بلیک میلنگ کا دھندہ کرنے والے سفاک ملزم کو حراست میں لے لیا۔ ملزم کے خلاف مقدمہ درج کرکے تفتیش کا آغاز کردیا گیا ہے۔

*تفصیلات:*
تھانہ اکبرپورہ پولیس کو رپورٹ موصول ہوئی کہ ملزم کم عمر لڑکوں کے ساتھ بدفعلی کرکے نازیبا حالت میں ویڈیو فلم بنا کر بلیک میلنگ کرتا ہے۔

مقدم خان ایس ڈی پی او پبی سرکل نے اس واقعہ کا سختی سے نوٹس لیتے ہوئے شاہد خان ایس ایچ او تھانہ اکبرپورہ و ٹیم کو فوری کارروائی کا ٹاسک سونپا۔ ٹیم نے انتھک محنت سے اس مکروہ دھندے میں ملوث ملزم وقاص احمد ولد افسر علی ساکن کڑوی کو حراست میں لے لیا۔
ملزم کے قبضہ سے موبائل فون برآمد کرکے فارنزک تجزیہ کے لیے ارسال کر دیا گیا ہے جبکہ متاثرہ لڑکے کو میڈیکل کے لیے ہسپتال روانہ کر دیا گیا۔

*ضلعی پولیس کی اپیل:*
نوشہرہ پولیس نے والدین سے اپیل کی ہے کہ اپنے بچوں پر کڑی نظر رکھیں، ان کی سوسائٹی اور سرگرمیوں کو چیک کریں تاکہ مستقبل میں ایسے واقعات سے بچا جا سکے۔ ایسے جرائم میں ملوث عناصر کے خلاف زیرو ٹالرنس پالیسی پر عمل کیا جا رہا ہے۔
*"نوشہرہ پولیس اپ کے بچوں کے محفوظ مستقبل کےلیے کوشاں"*

10/04/2026

*نوشہرہ (پی آر او)*
*مورخہ: 10 اپریل 2026*

*ضلع بھر میں جرائم پیشہ افراد کی بیخ کنی کے لیے گھیرا تنگ: وسیع پیمانے پر سرچ اینڈ سٹرائیک ٹارگٹڈ آپریشن کا انعقاد*

دوران سرچ سنگین جرائم میں مطلوب مجرمان اشتہاریوں کے ٹھکانوں پر چھاپے لگائے گئے۔ سہولت کاروں کو حراست میں لیا گیا۔ کرایہ دار ایکٹ کی خلاف ورزی، غیر قانونی اسلحہ اور منشیات فروشوں کے خلاف مقدمات درج کرکے تفتیش کا آغاز کردیا گیا ہے۔ ہوٹلوں، سرائے اور ہاسٹلوں میں مقیم افراد کا ڈیٹا اکٹھا کیا گیا۔ ضلع کی اہم شاہراہوں کے داخلی و خارجی راستوں پر ناکہ بندیاں قائم ہیں جہاں ہر مشکوک مرد و زن، گاڑیوں اور موٹر سائیکل کی باریک بینی سے بذریعہ سی آر وی ایس اور وی وی ایس سم ڈیٹا چیکنگ کی جا رہی ہے۔

*تفصیلات:*
ضلعی پولیس سربراہ احمد شاہ کی موجودہ حالات کے پیش نظر ضلع بھر میں قیام امن کے لیے وسیع پیمانے پر سرچ اینڈ سٹرائیک ٹارگٹڈ آپریشن کا انعقاد براہ راست ایس ڈی پی اوز سرکل کی نگرانی میں کیا گیا۔ ایس ایچ اوز تھانہ و ٹیم نے سنگین نوعیت کے مقدمات میں مطلوب مجرمان اشتہاریوں کے ٹھکانوں پر انٹیلی جنس بیسڈ چھاپے لگائے۔ اس دوران ملزمان کو اسلحہ سمیت حراست میں لیا گیا۔

اسی طرح غیر قانونی اسلحہ رکھنے اور نمائش کرنے پر ملزمان کو حراست میں لیکر ان کے قبضہ سے کلاشنکوف، پستول وغیرہ برآمد کیے گئے۔ ڈرگ ڈیلروں کے خلاف کاروائیوں میں ملزمان کو حراست میں لیکر ان کے قبضہ سے چرس و آئس برآمد کی گئی۔ کرایہ دار ایکٹ کی خلاف ورزی پر بھی کارروائی کی گئی۔

ہوٹل، ہاسٹل اور سرائے میں رہائش پذیر افراد کا ڈیٹا اکٹھا کیا گیا۔ ضلع کے داخلی و خارجی راستوں پر مستقل ناکہ بندیاں اور اہم شاہراہوں پر اچانک اسنیپ چیکنگ کی گئی۔ بذریعہ وی وی ایس اور سی آر وی ایس مشکوک افراد اور مشکوک گاڑیوں کے کوائف چیک کیے گئے۔ علاقہ میں اپنی موجودگی کا کوئی واضح مقصد پیش نہ کرنے والے مشتبہ افراد کو حراست میں لیکر بغرض چھان بین تھانہ جات منتقل کر دیا گیا ہے۔

*مقصد:*
اس سرچ آپریشن کا واضح مقصد یہ ہے کہ جرائم پیشہ افراد کے لیے نوشہرہ میں بالکل کوئی گنجائش نہیں ہے۔ وہ اپنا بوریا بستر لپیٹ لیں یا قانونی کارروائی کے لیے تیار رہیں کیونکہ نوشہرہ پولیس اس عزم کے لیے پرعزم ہے: *جرائم سے پاک نوشہرہ*۔

10/04/2026

*نوشہرہ (پی آر او)*
مورخہ!10 اپریل 2026

*ضلعی پولیس سربراہ احمد شاہ کی ہدایات پر حفیظ یوسفزئی ایس ڈی پی او نوشہرہ کینٹ سرکل نے چراٹ سیمنٹ فیکٹری کا سکیورٹی آڈٹ کیا۔*

* اس موقع پر فیکٹری میں سکیورٹی کے لیے کیے گئے اقدامات کا تفصیلی جائزہ لیا گیا۔*

ایس ڈی پی او کینٹ نے فیکٹری انتظامیہ سے ملاقات کی اور حفاظتی انتظامات، داخلی و خارجی راستوں، سی سی ٹی وی کیمروں اور سکیورٹی اہلکاروں کی تعیناتی کا معائنہ کیا۔ انہوں نے ہدایت کی کہ سکیورٹی کو مزید فول پروف بنایا جائے اور کسی بھی ناخوشگوار صورتحال سے نمٹنے کے لیے ہمہ وقت چوکس رہا جائے۔

ضلعی پولیس حساس تنصیبات کی حفاظت کے لیے پرعزم ہے۔

10/04/2026

نوشہرہ (پی آر او)
مورخہ!10اپریل 2026
*ضلعی پولیس سربراہ احمد شاہ نے ہندو برادری کے مذہبی تہوار بیساکھی (Baisakhi / Vaisakhi) کی مناسبت سے پولیس کے ہندو اہلکاروں کے ساتھ کیک کاٹ کر یکجہتی کا اظہار کیا اور انہیں نقد رقم بطور انعام بھی دی۔*

اس موقع پر بیساکھی کی اہمیت پر روشنی ڈالتے ہوئے بتایا گیا کہ یہ تہوار بنیادی طور پر فصل کی کٹائی، خوشحالی اور شکرگزاری سے جڑا ہوا ہے، جو ہر سال عموماً 13 یا 14 اپریل کو منایا جاتا ہے۔ اس دن سورج برج حمل (Aries) میں داخل ہوتا ہے اور نیا شمسی سال شروع ہوتا ہے۔
بیساکھی خاص طور پر ایک اہم زرعی تہوار ہے، جس میں پنجاب کے کسان گندم کی فصل کی کٹائی پر اللہ تعالیٰ کا شکر ادا کرتے ہیں اور خوشی میں میلوں، ثقافتی تقریبات اور روایتی رقص کا اہتمام کیا جاتا ہے۔ مذہبی طور پر ہندو برادری کے لیے یہ نئے سال کی شروعات کی علامت بھی ہے، جس میں لوگ دریاؤں میں مقدس غسل کرتے، مندروں میں عبادات کرتے اور نیکی و خیرات کو فروغ دیتے ہیں۔
تقریب سے خطاب کرتے ہوئے ضلعی پولیس سربراہ احمد شاہ نے ہندو کمیونٹی سے تعلق رکھنے والے پولیس اہلکاروں کو بیساکھی کی مبارکباد دی اور کہا کہ پولیس ایک مٹھی کی مانند ہے، جس میں تمام مذاہب سے تعلق رکھنے والے اہلکار بلا تفریق اپنی ذمہ داریاں سرانجام دے رہے ہیں۔ انہوں نے مزید کہا کہ ہم سب نے مل کر عوام کی حفاظت اور امن و امان کے قیام کے لیے اپنا مثبت کردار ادا کرنا ہے۔
آخر میں شرکاء نے اس اقدام کو بین المذاہب ہم آہنگی اور بھائی چارے کے فروغ کے لیے ایک مثبت قدم قرار دیا۔

10/04/2026

*
*نوشہرہ (پی آر او)*
مورخہ !10اپریل 2026

تھانہ اضاخیل پولیس کی اہم و کامیاب کارروائی۔ سوشل میڈیا پر اسلحہ کی نمائش اور ہوائی فائرنگ کے مرتکب گاؤں اضاخیل پایان کے ملزم کو اسلحہ سمیت دھر لیا گیا۔ مقدمہ درج کرکے تفتیش کا آغاز کردیا گیا ہے۔

*تفصیلات کے مطابق:*
ضلعی پولیس سربراہ احمد شاہ کا ہوائی فائرنگ اور اسلحہ کی نمائش کے خلاف واضح احکامات کی روشنی میں، حفیظ یوسفزئی ایس ڈی پی او نوشہرہ کینٹ سرکل کی براہ راست نگرانی میں، عادل سید ایس ایچ او تھانہ اضاخیل و ٹیم نے کارروائی کی۔

سوشل میڈیا پر اسلحہ کی نمائش اور ہوائی فائرنگ کے مرتکب ملزم وقاص ولد سید نواز ساکن اضاخیل پایان کو حراست میں لیکر کلاشنکوف معہ کارتوس قبضہ پولیس میں کر لیا گیا۔ ملزم کے خلاف مقدمہ درج کرکے تفتیش کا آغاز کردیا گیا ہے۔

*ضلعی پولیس سربراہ کا پیغام:*
ضلعی پولیس سربراہ احمد شاہ نےعوام کو واضح پیغام دیا ہے کہ اسلحہ کی نمائش اور ہوائی فائرنگ جیسے افعال قابل قبول نہیں ہونگے۔ ایسے افعال سے نوجوان نسل پر غلط اثرات مرتب ہوتے ہیں اور نوشہرہ پولیس کسی کو بھی ایسی حرکات کی قطعا اجازت نہیں دے گی۔ بلا امتیاز کاروائیاں جاری و ساری رہیں گی۔
پبلک ریلیشن آفیسر
نوشہرہ پولیس