Pyara Islam

20/08/2026

20/08/2026

معروف سماجی شخصیت غازی گلزار حسین شاہ کو عمرہ کی مبارکباد، نائب صدر نمبردار ایسوسی ایشن چوہدری اختر محمود چیمہ و دیگر کی آبائی گاؤں کوکارے آمد
رپورٹ بھیکھو موڑ محمد انور صاحب سے۔ تحصیل پھالیہ کے علاقے کوکارے سے جنرل سیکرٹری نمبردار ایسوسی ایشن منڈی بہاؤالدین اور معروف سماجی شخصیت غازی گلزار حسین شاہ نیکوکارہ نمبردار زیاراتِ حرمین الشریفین اور عمرہ کی عظیم سعادت حاصل کرنے کے بعد خیر و عافیت سے وطن واپس پہنچ گئے ہیں۔ ان کی وطن واپسی پر نائب صدر نمبردار ایسوسی ایشن منڈی بہاؤالدین چوہدری اختر محمود چیمہ، چوہدری احسان اللہ نمبردار آف مرالہ اور چوہدری عمران محمود نمبردار آف مرالہ سمیت دیگر اہم شخصیات مبارکباد دینے کے لیے ان کے آبائی گاؤں کوکارے میں واقع ان کی رہائش گاہ پہنچ گئے۔
اس موقع پر منعقدہ روح پرور تقریب کے دوران آنے والے مہمانوں کی تواضع آبِ زم زم اور مدینہ منورہ کی مبارک کھجوروں سے کی گئی۔ غازی گلزار حسین شاہ نیکوکارہ نمبردار نے روضۂ رسول ﷺ کی حاضری اور حرمین الشریفین کی زیارات کے ایمان افروز و روحانی تجربات کا ذکر کرتے ہوئے مدینہ منورہ اور مکہ مکرمہ کی برکات کا اظہار کیا۔ انہوں نے بارگاہِ الٰہی میں اپنے ملکِ عزیز پاکستان کی سلامتی، نمبردار ایسوسی ایشن کے باہمی اتحاد اور سرحدوں کی حفاظت پر مامور پاک فوج کے جری جوانوں کے لیے بالخصوص دعائیں مانگیں، جبکہ تقریب کے اختتام پر حاضری کی قبولیت اور ملک و قوم کی خوشحالی کے لیے خصوصی دعا بھی کی گئی۔
آخرمیں غازی گلزار حسین شاہ نیکوکارہ نمبردار نے نائب صدر چوہدری اختر محمود چیمہ، نمبردار ایسوسی ایشن کے تمام عہدیداران، ممبران اور آمدہ معزز مہمانوں کا دلی شکریہ ادا کرتے ہوئے کہا کہ "میں ان تمام دوست احباب اور شخصیات کا تہہ دل سے ممنون ہوں جنہوں نے میری رہائش گاہ تشریف لا کر مجھے اس عظیم سعادت پر مبارکباد دی اور محبتوں سے نوازا۔"کیمرا مین ٹیم کے ساتھ محمد انور صاحب. 03446284937

18/08/2026

غازی گلزار حسین شاہ کوکارے نمبردار عمرہ شریف کی سعادت حاصل کرنے کے بعد خیر و عافیت سے وطن واپس پہنچ گئے۔
راجہ غلام عباس نمبردار، نمبردار ایسوسی ایشن کے رہنماؤں اور ضلع بھر کی سیاسی و سماجی شخصیات کا مبارکباد کے لیے تانتا بندھ گیا ،ڈسٹرکٹ منڈی بہاؤالدین اور پنجاب بھر سے اہم۔شخصیات کی کوکارے آمد، بذریعہ ٹیلی فون بھی مبارکباد کے پیغامات۔ غازی گلزار حسین شاہ کا تمام آمدہ مہمانوں اور خصوصاً نمبردار ایسوسی ایشن کے عہدیداران و ممبران کا دلی شکریہ ادا کیا
رپورٹ بھیکھوموڑ محمد انور صاحب سے اب آپ کو لے چلتے ہیں تحصیل پھالیہ کے علاقہ کوکارے جہاں پر نمبردار ایسوسی ایشن کے ممتاز رہنما اور معروف سماجی شخصیت غازی گلزار حسین شاہ کوکارے نمبردار زیاراتِ حرمین الشریفین اور مقدس مقامات کی عظیم سعادت حاصل کرنے کے بعد خیر و عافیت سے وطن واپس پہنچ گئے ہیں۔ ان کی وطن واپسی پر راجہ غلام عباس نمبردار صدر و بانی نمبردار ایسوسی ایشن منڈی بہاؤالدین و چیئرمین نمبردار ایسوسی ایشن پنجاب سمیت ڈسٹرکٹ منڈی بہاؤالدین، حلقہ پی پی 42، اور پنجاب بھر سے نمبردار ایسوسی ایشن کے ممبران، عہدیداران اور اہم سیاسی، سماجی و کاروباری رہنماؤں کا مبارکباد کے لیے ان کی رہائش گاہ کوکارے پر تانتا بندھ گیا۔ اس موقع پر روح پرور تقریب کے دوران حاضری کی قبولیت اور ملک و قوم کی سلامتی کے لیے خصوصی دعائیں کی گئیں، جبکہ آنے والے مہمانوں کی تواضع آبِ زم زم اور مدینہ منورہ کی مبارک کھجوروں سے کی گئی۔ اس موقع پر غازی گلزار حسین شاہ کوکارے نمبردار نے گفتگو کرتے ہوئے کہا: ”میں تمام آنے والے دوست احباب، عزیز و اقارب، خصوصاً نمبردار ایسوسی ایشن کے تمام ممبران اور عہدیداران کا دل کی گہرائیوں سے شکریہ ادا کرتا ہوں، جنہوں نے میری رہائش گاہ کوکارے پہنچ کر اور بذریعہ ٹیلی فون مجھے عمرے کی سعادت پر مبارکباد دی اور اپنی نیک تمناؤں کا اظہار کیا۔“ انہوں نے مزید بتایا کہ انہوں نے روضۂ رسول ﷺ اور حرمین الشریفین میں اپنے وطنِ عزیز پاکستان کی سلامتی، نمبردار ایسوسی ایشن کے باہمی اتحاد، اور سرحدوں کی حفاظت پر مامور پاک فوج کے جری جوانوں کے لیے خصوصی دعائیں مانگی ہیں۔
ان کی رہائش گاہ پہنچ کر اور پیغامات کے ذریعے مبارکباد پیش کرنے والوں میں حاجی بلال احمد بھوڑ نمبردار ، سید لیاقت حسین شاہ بخاری نمبردار، چوہدری اعجاز احمد بہاول کا نمبردار، چوہدری خضر حیات وڑائچ نمبردار، چوہدری انعام اللہ نمبردار، حاجی محمد اقبال رانجھا نمبردار ، چوہدری شاہد اقبال میکن نمبردار، چوہدری محمد اسلم نمبردار، جہانگیر قمر سپراء نمبردار، چوہدری ظفر اللہ تارڑ نمبردار، چوہدری دانیال اقبال رانجھا نمبردار، چوہدری خضر حیات گوندل ۔چوہدری شہزاد عنایت مہر نمبردار سیکرٹری جنرل نمبردار ۔ سید عمران غوث نمبردار شاہ۔ چوہدری طارق حسین گجر نمبردار ۔چوہدری محمد عثمان کھم، پیر پرویز حسین شاہ، چوہدری اللہ بخش گھگھ، چوہدری محمد اشرف گھگھ، حاجی محمد اشرف رانجھا، محمد انور صاحب صدر قادر آباد پریس کلب)، چوہدری پروفیسر محمد افضل رانجھا نمبردار سمیت ڈسٹرکٹ منڈی بہاولدین کی مختلف شخصیات اور پنجاب بھر سے اہم سیاسی و سماجی رہنما نے مبارکباد دی کیمرا مین ٹیم کے ساتھ محمد انور صاحب
03446284937

17/08/2026

رپورٹ بھیکھوموڑ محمد انور صاحب سے۔ اب آپ کو لے چلتے ہیں اٹلی جہاں پر منڈی بہاولدین کے گاؤں پنڈی کالو کے تارڑ برادران کی 12 ربیع الاول کے حوالے سے اہم میٹنگ
اٹلی میں پنڈی کالو کے تارڑ برادران کی جانب سے 12 ربیع الاول کے حوالے سے ایک اہم میٹنگ کا انعقاد کیا گیا، جس میں میلادِ مصطفیٰ ﷺ کے حوالے سے مختلف امور پر تفصیلی مشاورت کی گئی۔
میٹنگ میں محمد شعیب تارڑ نمبردار، چوہدری شاہد عمران مانگٹ، علی زین مانگٹ، علی حسنین مانگٹ، علی زاہد مانگٹ اور حمزہ ثاقب تارڑ نے خصوصی شرکت کی۔ اس موقع پر 12 ربیع الاول کی مناسبت سے پروگرام کے انتظامات، باہمی تعاون اور دیگر امور کے حوالے سے تبادلہ خیال کیا گیا۔
میٹنگ کے اختتام پر معزز مہمانوں کے اعزاز میں پرتکلف عشائیے کا اہتمام بھی کیا گیا۔ شرکاء نے محبت، عقیدت اور بھائی چارے کے جذبے کو فروغ دینے کے عزم کا اظہار کیا۔