KDP 7th Branch

06/02/2026

بە بۆنەی یادی پەنجا ساڵەی هەڵگیرسانی شۆڕشی ٢٦ی گوڵان، شۆڕشی خەبات و بەرخودان لەپێناوی بەدیهێنانی ئامانجی گەلەکەمان بە ڕێبەرایەتی سەمبولی خەبات و کوردایەتی و ناسنامەی گەلەکەمان مستەفا بارزانی نەمر، ڕێکخراوی هەڵەبجەی شەهید سەر بە لقی پارتیمان، بۆ ئەم یادە پیرۆزە ئاهەنگێکی ساز کرد لە شاری هەریسینبورگ.
هەڤاڵ حیکمەت بامەڕنی بەرپرسی لقی ئەمریکا و کەنەدای پارتیمان، وێڕای بەخێرهاتنی ئامادەبووان، گەرمترین پیرۆزبایی خۆی پێشکەشی هێژا مەسعوود بارزانی سەرۆک و ڕێبەر و پێشمەرگەی کوردستان کرد، هەروەها پیرۆزبایی لە پارتیمان و هەڤاڵانی مەکتەبی سیاسی و پێشمەرگە قارەمانەکان و بنەماڵەی سەربەرزی شەهیدانی بزاڤی گەلەکەمان!
هەڤاڵ حیکمەت بامەڕنی لەمیانەی وتەکانی‌دا هیوای خواست خوای دلۆڤان ئەم بیرەوەرییە بکات بە مایەی خێر و خوشی و سەلامەتی و گەلی كوردستان بە ئازادی و ئارامی و سەربەستی بژیت و هەموو ئاواتەکانی بێتە دی.
لە کوتایی‌دا سپاسی ڕێکخراوی هەڵەبجەی شەهیدی کرد و سەرجەم هەڤاڵان بۆ ساز کردنی ئەم ئاهەنگە!

لقی ٧ پارتی دێموکراتی کوردستان
٢٠٢٦/٥/٣١

05/18/2026

ڕۆژی ١٧/ ٥/ ٢٠٢٦ دیدارێک لەگەڵ ڕێزدار هەڤاڵ هوشیار زێباری ئەندامی مەکتەبی سیاسی پارتی دێموکراتی کوردستان لە ماڵی بەڕێز هەڤاڵ حکمەت بامەڕنی بەرپرسی لقی ٧ سازکرا بۆ میوانداری لە هەڤاڵی هێژا هوشیار زێباری، کە بەڕێزیان چەند ڕۆژێکە لە واشنتنە بۆ کۆبوونەوە لەگەڵ بەرپرسان و کاربەدەستانی ئەمەریکا.
لەم دیدارەدا کە بە بەشداری بەرچاوی جەماوەر بەڕێوەچوو، بەرپرسی لقی ٧ وێڕای بەخێرهاتنی گەرمی بەڕێزیان سوپاسی بێ پایانی کرد بۆ تەرخانی کاتیان بۆ ئەم سەردانە، هەروەها سوپاسی هەموو هەڤاڵان، دۆستان و سەرجەم میوانانی کرد بۆ ئامادەبوونیان لەم ئێوارەیەدا.

لقی ٧ پارتی دێموکراتی کوردستان
لە ئەمەریکا و کەنەدا

04/22/2026

حیكمەت بامەڕنی بەرپرسی لقی ٧ی پارتی دیموکراتی کوردستان لە ئەمریکا و کانادا، بەشداری لە مەراسیمی خاکسپاری کۆلۆنێل ڕیچارد ناب ی کرد، کە لە گۆڕستانی نیشتمانی ئارلینگتۆن سەر بە وەزارەتی جەنگی ئەمریکا و بە بە بشداری خاتو بەیان سامی و تریفا عزیز بە نوێنارەتی هەریمی کوردستان.

لە کاتی مەراسیمەکەدا، بامەرنی سەرەخۆشی خۆی پێشکەش بە خێزانی کۆلۆنێل ڕیچارد ناب کرد. هەروەها سوپاسی هەوڵ و کار و خزمەتگوزارییە دۆستانەکانی کۆلۆنێل نابی کرد بۆ پشتگیری وبەهێزکردنی پەیوەندی و هاوبەشی نێوان هەرێمی کوردستان و ئەمریکا.

خێزانی کۆلۆنێل ڕیچارد ناب زۆر دڵخۆش و سوپاسگوزار بوون بە بەشداری ناوبراو نوێنارەتی هەرێمی کوردسیان لەو مەراسیمەدا، هەروەها سوپاسی دلسوزی و وفاداری کۆلۆنێل نابیان بۆ کوردستان کرد.

04/15/2026

دەقی پەیامی سەرۆك بارزانی بە بۆنەی جەژنا سەرێ ساڵا ئاینێ ئێزیدیا:-

ب ناڤێ خودێ یێ مەزن و دلوڤان

ب هەلکەفتا هاتنا جەژنا سەرێ سالا ئۆلا ئێزیدیان، گەرمترین پیرۆزباهیێن خۆ ئاراستەی هەمی خوشك و برایێن ئێزیدی ل كوردستانێ و جیهانێ دكەم و هیڤیا بەختەوەری و کەیفخۆشیێ بۆ وان دخوازم.

خوشك و برایێن ئێزیدی بەشەکێ رەسەنێ گەلێ كوردستانێ نە و دڤێ هەلکەفتێ دا جەختێ دکەم کو دگەل ئێش و ئازارێن وان داینە و ب هەمی شیانان پشتەڤانیا داخوازیێن خوشک و برایێن ئێزیدی دكەم.

هیڤیدارم هەمی جەژن و هەلکەفتێن هەوە ب شادی و ئارامی دەرباز ببن و بمینن د خێر و خۆشیاندا.

مسعود بارزانی

14ی نیسانا 2026

04/07/2026

03/02/2026

بە بۆنەی ٤٧ەمین ساڵوەگەڕی کۆچی دوایی بارزانی نەمر لە ژێر ناونیشانی:
"سەرۆک بارزانی ناسنامەی خەبات و بەرخۆدان و کوردایەتی گەلەکەمانە"
لقی ٧ى پارتی دێموکراتی کوردستان لە ئەمریکا و کەنەدا، سمینارێکی زانستی ساز کرد، سمینارێک بۆ ئاوڕدانەوە بۆ سەر خەبات و تێکۆشانی باوکی نەتەوەیی کورد بارزانی نەمر، وەک سەرکردەی گەورەترين بزاڤی گەلەکەمان.
ئەم ڕێوڕەسمە بە بەشداری بەرچاوی کوردانی هەر چوار پارچەی کوردستان و هەروەها نوێنەرانی حیزب و ڕێکخراوە کوردستانییەکان بۆ ماوی نیزیک بە دوو ساعەت بەڕێوەچوو.
لەم یادە پیرۆزەدا، سەرەتا بەڕێز حیکمەت بامەڕنی وەک بەرپرسی لق، وێڕای بەخێڕهێنانی ئامادە بووان، تیشکی خستە سەر هۆکارەکان و گرینگی بەڕێوەچوونی وەها سمینارێک و ئاماژەی بە کەسایەتی و دەوری بارزانی نەمر لە خەباتی بێ‌پسانەوەی گەلەکەمان کرد و دواتر میوانانی کۆڕەکە و تەوەری باسەکانیانی ناساند.
سەرەتا پرۆفیسۆر هێژا بەدرخان سندی لە باشووری کوردستان، باسی لە ڕۆلی بارزانی نەمر و پەنجا ساڵ خەباتی بێ‌وچانی کرد وەک ستراتیژی ڕیبەرایەرتی لە سێ قۆناغی زەمەنی جیاوازدا واتە ١٩٤٧-١٩٣١، ١٩٦١-١٩٥٨ و ١٩٧٥-١٩٦١.
پاشان دوکتور ناسر باباخانی کەسایەتی دیاری ڕۆژهەڵاتی کوردستان و مامۆستای زانکۆ، باسەکەی سەبارەت بە دوو چەمکی "سنووربەزێنی سەرکردە" و "پڕاگماتیستی ڕەخنەگرانەی" بارزانی نەمر پێشکەش کرد.
دوا پانێلیست بەڕێز ئالان بۆبلێن وەک بەرپرسی AKA لە کوردستانی ڕۆژئاوا، باسی خەباتی بارزانی نەمر و شۆڕشی ئەیلوولی پیرۆز کرد کە ببوو بە چەتری تێکۆشان و بەرخۆدان لە هەموو پارچەکانی کوردستان وەک ڕێبازێک بۆ یەکخستنی هەموو هێز و تواناکانان بۆ گەیشتن بە ئامانجەکان و مافە ڕەواکانی گەلی کورد!
لە کۆتایی‌دا چەند پرسیارێکی ئامادەبووان لە لایەن پانێلستەکانەوە وڵام درایەوە.

02/14/2026

لە ١٣/ ٢/ ٢٠٢٦ لە دیدارێکدا لەگەل رێزدار هەڤال رێبەر احمەد وەزیری ناوخۆی حکومەتی هەرێمی کوردستان
لەمالی بەرێز هەڤال حکمەت بامەرنی بەرپرس لقی ٧ میوانداری هەڤالی بەرێز ( کاک رێبەر احمەد) کرد کە بەرێزی چەند رۆژێکە لە واشنتنە. لە بۆ کۆبەنەوە لەگەل بەرپرسان و کاربەدرستانی ئەمەریکادا،
هەڤال حکمت زۆر بەگەرمیەوە بەخێرهاتنی هەڤالی بەرێز کاک رێبەر احمەد یان کرد پاشان بەرێزی سلاو خۆشەویستی سەرۆکی هێژا ( مەسعود بارزانی) گەیاندە هەڤالان وسوپاسی هەڤال حکمەت بامەرنی و هەڤالانی کرد بۆ ئامادەبوونیان لەم ئێوارەیەدا ، وەتیشکی خستە سەر گرنگی دیدارەکانی لەگەل بەرپرسانی ئەمەریکاداولەم کاتەدا کە زۆر گرنگ بوە ، پاشان هەڤال حکمەت بامەرنی زۆر بە خێرهاتن وسوپاس هەڤال رێبەر احمەدی کرد بەناوی گشت هەڤالانەوە وەسوپاس وپێزانینی هەڤالانی پارتی لەبۆ هەول و کار کردنی لەبۆ سەرکەوتنی لەدیدارەکانی بەرێز هەڤال رێبەر احمەد کرد وە لەبۆ تەرخان کردنی کاتێک لە بۆ ئەم دیدارە،
لقی ٧ پارتی دیموکراتی کوردستان لە
ئەمەریکاو کەنەدا

01/17/2026

پرسە نامە:

بە ناوی خوای گەورە و مێهرەبان.
بەخەمێکی زۆرەوە هەواڵی کۆچی دوایی مام ئەسعەد سیسۆ سندی، ئەندامی تێكۆشەری دێرینی پارتیمان و پێشمەرگەی شۆرشەكانی ئەیلوول وگولان ڕادەگەیەنین.
هاو خەمی خۆمان و سەرجەم هەڤاڵانمان بە كەسوكارو بنەماڵەی خوالێخۆشبوو رادەگەیەنین. هیوادارین یەزدانی دلوڤان گیانی بە بەهەشتی بەرین شادو سەبوری و ئارامی بە هەموو لایەك ببەخاسێت.
یادی ئازیزی مام ئەسعەد تێكۆشەری دێرینی ڕێبازی پارتی و بارزانی نەمر هەردەم بەرزو بەڕێز بێ

لقی ٧ی پارتی دیموکراتی کوردستان لە ئەمریكاو كەنەدا

11/17/2025

لە ١٥ /١١ /٢٠٢٥ ڕێوڕەسمی ڕێز گرتن لە کەسایەتی سیاسی ئەدەبی ڕۆژهەڵاتی کوردستان مامۆستا عەبدواللە حەسەن‌زادە کە لە لایەن ناوەندی لێکۆڵینەوەی ڕۆژهەڵاتی ناوەڕاست (مێراو) بەڕێوەچوو.
ئەم ڕێوڕەسمە کل لە ڕۆژی ١٥ی نۆڤامبر بەڕێوەچوو، چەندین کەسایەتی سیاسی و ئەدەبی کورد وتاری بەپێزیان پێشکەش کرد ڕێز گرتنێک بوو لە تەمەنێک خزمەتی مامۆستا حەسەن‌زادە و بە بۆنەی جەژنی لە دایکبوونی بەڕێزیان کەیکی تەمەن کە بە ڕووجڵدی کتێبی بەناوبانگی حەمەدۆک ڕازابۆوە، لە لایەن کاک حیکمەت بامەڕنی بەرپرسی لقی ٧ی پارتی لە ئەمریکا و کەنەدا، وەک کردەوەیەکی سەمبولیک‌دا شکێندرا. ‎

10/13/2025

دیدار لەگەڵ سەناتۆر مارک وارنەر
رۆژی شەممە رێکەوتی ١١ی ئۆکتۆبەری ٢٠٢٥، هاورێ حیکەمەت بامەڕنی بەرپرسی لقی ٧ی پارتی لە ئەمریکاو کەنەدا، لەسەر داوای تیمی هەڵمەتی هەڵبژاردنی سەناتۆر مارک وارنەر، سەناتۆری سەر بە دێموکراتەکان لە ولایەتی ڤیرجینیا، لە ماڵی خۆی لە ''کینگ جۆرج'' چاویان بە یەکتر کەوت. لەو دیدارەدا بامەڕنی وێرای دەربڕینی پشتیوانی خۆی و هەڤاڵانی کوردستانی دەڤەرەکە لەو سەناتۆرە، هاوکات سپاسی پشتیوانی و هاوکارییەکانی سەناتۆر وارنەری کرد بۆ هەرێمی کوردستان و هێزی پێشمەرگەی کوردستان. بەرپرسی لقی ٧، داوای لە سەناتۆر وارنەر کرد وەکوو هەمیشە پشتیوان و یارمەتیدەری کوردستان و ئەمەش وادەکات کە کوردستانیانی ولایەتی ڤیرجینیا بە گشتیی و دەڤەری واشنتن بە تایبەتی دەنگی بۆ بدەن.
لای خۆیەوە سەناتۆر وارنەر سپاسی پشتیوانی کوردستانیانی لە کەمپینەکەی کردو بەڵێنیدا وەکوو رابردوو پشتیوان و یارمەتیدەری دۆزی رەوای کوردستان دەبێ،
شیاوی باسە ئەو دیدارە بۆ ئەو کەسایەتی، رێکخراو لایەنانە سازدرابوو کە هاوکارو پشتیوانی سەرلەنوێ هەڵبژێرانەوەی سەناتۆر مارک وارنەر دەکەن.